مليت حياتي ساعدوني تكفون

[حلاتي بضحكتي]

السلام عليكم ورحمة الله وبركاته

اشلونكم يابنات

عندي مشكله وابي تساعدوني بالمشوره والخبره تكفون لانه

مليت حياتي وعيشتي وماني عارفه ويش الحل مشكلتي كلها بالروتين اللي ذبح حياتي ماحس لها قيمه :krkrkr:من تخرجت وانا جالسه بالبيت كل يوم يمر مثل الثاني لاتغيير ضاقت فيني

الوسيعه:eh_s(16): لااقدر ادرس واطور من حياتي والسبب

ماهو مـــادي لا الحمد الله مستوره ولا اقدر اعمل واشغل وقتي

السبب انه عندي التزامات بالبيت ابوي وامي كبار بالسن

وماقدر اخليهم اكثر اعتمادهم علي ولا ظروفي ماتسمح لي

بالطلعه كل يوم من البيت والتزام بدوام عمل او مدرسه

ففكرت اني اشتغل من بيتي فكرت اشتغل مندوبه لكن المندوبه

يبي لها علاقات وانا محبوسه بالبيت وماعرف احد ففكرت استغل

النت واشتغل عن طريقه هذه اسهل طريقه دام متوفر عندي النت

قلت اشتغل لحسابي الخاص فشورو علي بمشروع بسيط
ولا يكلف مادي منها اشغل وقتي واستفيد

ومن منكم تقدر تساعدني بالمشوره فقط والخبره وتصبر على اسئلتي لاني مالي خبره مابي مساعده ماديه ولا شي بس ابي خبرتكم

والله يجزيها الجنه وينول لها اللي ببالها ويفتح عليها من واسع رزقه اللي تفيدني


اختكم

حلاتي

 

[طموحه بزياده]

والله مادري


ان شاء الله البنات يفيدونج


وجزاج الله خير اللي قايمه بامج وابوج الله يخليهم لج

 

[حبي لله اشد]

للأسف ماعندي فكره لمشروع ..
اب اب

 

[يــ عذآبيئ ــآ]

ماعندي فكره .. الله يوفقج ويسهل امورج اختي

 

[VET-Nour]

سوي مثل وحده مصريه حاطه بشقتها قطاوه و تبيع حق الناس و انتاجها حلو و بعد حاطه اعلانات ان تاخذ القطاوه تقص شعرهم او تنظفهم او تقص اظافرهم او في بنات يحطون عندها قطاوتهم اذا سافرو و مدخولهآ ععآلي ,
منهآ تشغل نفسها و يطلعلها فلوس ,, اذا كنتي تحبين الحيوانات , و اذا ما عندج خبره دشي قسم الحيوانات و استفيدي ,
وماادري ابحالتج مااتقدرين تتآجرين ,
او ممكن تاخذين دورات بالتصميم , و تصممين و تخيطين ملابس حلو ,
حطي موضوع بقسم مال الخبرات و استثمارات شيء جذي و اهم بيفيدونج اككثر ,

موفقه

 

[نهى الأحمد]

موفقه ياقلبي


انتي شوفي شنو عندج موهبة او شي تحبين تسوينه

واكيد رح تطلعين بفكرة مشروع تناسبج

 

[دلوعة صلوح]

الله يعينج يارب والله هالفراغ مشكلة عند اقلب لى وجودين هنى .

 

[عالمي انا غير]

عن طريق النت بصراحة صعبة حيل مافي الا تجيبين بضاعة نسائية ومرغوب فيها مثل عطور واكسسوارت وتبيعينها بنص السعر والله ماادري

 

[ياغفور اغفر لي]

دشي المواقع اللي فيها توظيف عن طريق النت تلاقين كثير والاهم ادعي ربج ييسر امورج
وموفقة اختي

 

[|عـڑوسة 2011|:$]

افتحي لج مشغل اذا تعرفين للخياطه

او تعاملي مع محل انج انتي تسسوين له الشغله بالبيت وهو ياخذه وانتي تستفيدين ..

موفقه حبيبتي

..​

 

[حلاتي بضحكتي]

مشكورين يابنات الله يسعدكم على ردودكم

 

[~✿ ارتـِوآآآء روح !]

أنتي شـ تحبين .. بشنو تنسجمين و وين تلقين نفسسج يعني شيء لو قعدي عليه بالساعاااااات مآتملين ابداً ؟؟
بهالشيء يكون هدفج و مقدرتج يعني لو تلقين نفسج مثلاً بـ القرآءة
بـ النظآم و الادآرة
بـ التأمّل و التفكّر
بـ مسآعدة الغير
بـ البحث و التفاصيل ...الخ
يكون هدفج حسسسسب اللي تحبين
المسألة تحتآج صبر + علم + تووكل + طمووح
الله يوفقج ياروحي ​

 

[دكتواره]

لاسف انا ماقدر افيييدج مو بس مليتي من حياتج حتى انا ملييييت من كل شي ادعيلي والله يوفقج

 

[القصيدة]

السلام عليكم و رحمة الله و بركاته

الله يجزاك الجنة على برك في والدينك

ممكن تسوين بيزنس باستخدام النت زي بيع البضائع النسائية و الفناتق

و ممكن لو موهوبة بالأعمال الفنية اليدوية تسوقينها عن طريق النت

و ممكن تسوين بحوث و بريزينتيشنز للطلاب و تحضير للمعلمين

و ممكن تشتغلين من البيت بدون استخدام النت : أعرف وحدة سوت بيبي سيتر

يعني جليسة أطفال للي تبغى أمه تروح زواج أو عزيمة أو مشوار و الحين وسعت مشروعها

و صاروا معها بنات زيادة و أخذت قرض من البنك و طلعت رخصة من البلدية و جابت ألعاب للأطفال

و ممكن تعطين دروس خصوصية للطالبات في بيتك خاصة إذا معك لغة

موفقة غلاتي :eh_s(17):​