@@ملف تجارب كل وحده سوت انابيب ولا حقن مجهري@@

[Dloool_q8]

مرحبا بغيت اسلم عليج ولهااااااااااااااانه عليج

والله يرزقنا جميع ب2009 يااااااااارب

 

[.>حــــــــ(و)ـــراء<.]

حياااااااااااااااتي دلووووووول ولهت عليج العافيه يا قلبي


عساني افرح فيج و اشوووووووف كروووشتج جدااااااااامج


وكل عااام و انتي بخييير انتي و ريلج و الله يهنيكم :dddds:​

 

[.>حــــــــ(و)ـــراء<.]

و هاذي التجربه منقووووووووله لعيوونكم من احد المنتدياااات المجاوره :eh_s(6):​

،،،

بنات هذه تجربتي باختصار مع اطفال الانابيب والتي للاسف لم تحضى بالنجاح - اللهم لا اعتراض -


التجربة كانت في شهر رمضان الفائت من سنه 2003 ، وفي الشهر المتوقع فيه البدء شفت ان عندي كيس على المبيض وعليه قامت الطبيبة باعطائي بخاخ يزيل الكيس وطلبت مني مراجعتها في الشهر القادم بعد نزول الدورة ،،،

لكن الدورة لم تنزل وذهبت للدكتورة وعملت لي تحاليل للدم والبول وقررت بدء اجراءات العملية بدون نزول الدورة بناء على نتايج التحاليل وقالت لي انه مش من الضروري نزول الدورة وان السبب في عدم نزولها هو البخاخ اللي ازال الاكياس الصغيرة ....

المهم بدءت باخذ الابر واستمر اخذي للابر تقريباَ عشرة ايام وبعدها شافت الطبيبة ان عندي خمس بويضات على ما اذكر ثلاث منها كبيرة والباقي صغيرة .....

اللي تم استخراجهم وتلقيحهم ثلاث بويضات , وكانت تحاليل زوجي سليمة والحمد لله وبعد يومين من عملية التلقيح تمت عملية الترجيع وتم ترجيع عدد 2 من الاجنه

بعدها داومت على استخدام الكبسولات المثبته وقمت باخد ابر كذلك ....

وكانت هاذي الفترة في منتصف شهر رمضان المبارك وكان عندي امل كبير ان العملية تنجح وان يكون عندي تؤام ، وبديت احس بانتفاخ في اسفل البطن مما ساعد في زيادة شعوري باني حامل وبديت اكلم واناجي الجنين ......واحلم باليوم اللي اشوفهم فيه - لاني كنت متوقعة اني حامل بتؤام -

اما زوجي فشهادة لله ماقصر في هاذي الفترة وكان هو الوحيد اللي يدري بطبيعة عمليتي وكنت اشوف في نظراته الامل والفرح والشوق لسماع الخبر ....

المهم وبعد 13 يوم من عملية الترجيع نزلت علي قطرات صغيرة من الدم وفي ليلتها اصابتني حالة ذعر وفزع وبكاء لم استطيع فيها تمالك نفسي في المقابل هدئني زوجي وقال لي خيرها بغيرها وانشاء الله كل تأخيره وفيها خيرة ، ما انكر كلام زوجي وكلام الطبيبة اللي لم تجزم بفشل العملية خصوصاَ وان الدم كان عبارة عن قطرات صغيرة من الدم طمني شوي وخلا الامل يراودني من جديد خصوصاَ وان الدم توقف يوم 13 ويوم 14 ويوم 15....

لكن يبقى يوم التحليل هو اليوم الاكثر صعوبة والم بالنسبة لي ، اختلطت فيه كل المشاعر الجميلة والحزينة والحلوة والمرة ....

فدقائق من الالم والخوف تتبعها دقائق امل وسعادة وهكذا .....

وكله كوم وانتظار النتيجة كوم اخر ، يالله يالله كيف مرت علي النصف ساعة انتظار خصوصاَ وانا كنت لوحدي ، لاني اصريت على ان اذهب لوحدي ومن غير زوجي .....

المهم وسامحوني على الاطالة ، كانت هناك اخصائية نفسية هي اللي حملت النتيجة الي ، عندها تيقنت ان النتيجة سلبية عندها ادخلتني غرفتها وقبل كل شي ، قلت لها اني اعلم ان النتيجة سلبية واخذ ابكي وابكي ، حاولت تهدئتي وتذكيري بان كل شي بيد الله سبحانه وتعالى وان الصبر مفتاح الفر ج واخذت تروي لي الكثير من الحكايات التي انتهت بنجاح العملية .....

الحمد لله الذي لا يحمد على مكروه سواه ,,,

من يومها اخواتي قررت ان لا اعيد هذه التجربة وارضى بما قدر الله وقسم .................

 

[.>حــــــــ(و)ـــراء<.]

هذا بعد منقووووووووووول لعيوووووووووونكم​

راح اكتب التاريخ بالميلادي لأن مواعيد الطبيب بالميلادي
28/1
كان اول يوم من الدوره رحت للطبيبه شاكره في مركز الدكتور سلمان الحبيب وشرحت لها حالتي
عطتني ابره اخذها في يوم 23من الدوره وقالت ثاني يوم من الدوره الجايه تعالي
17/2
اخذت الأبره المغرب من بكره العصر جتني الآآآآآم فظيعه مثل الم الدوره بس اقوى وتقلصات في بطني من قوتها احيانا ما اقدر اصلب ظهري لازم انحني واستمرت معي اربع او خمس ايام
27/2
اول يوم من الدوره
28/2
ثاني يوم رحت للمركز وما لقيت الطبيبه كانت ماخذه إجازه حولوني على الدكتور محمد بقنه صراحه ماشاء الله عليه فاهم وتحمل كل اسئلتي
وبعد هو سئلنا كم سؤال طبعا كنت انا وزوجي
طلب اشعه صوتيه من تحت يعني عادي يسونها وانتي فيك الدوره الأشعه بميتين ريال وكان تعامل الممرضات مره حلو
(ميزة المركز ان كل شي بالسر يعني اول ماتدخلين يعطونك رقم انتي وزوجك وخلاص ينادونك بالرقم )
وشاف الأشعه كتب لي ابربيروجين شريتها من عندهم حاسبت بحوالي 800ريال اول ابره اخذتها عندهم باقي الأبر صرت اخذها في المستوصف الي عند بيتي
7/3
بعد اسبوع رجعت للدكتور وسوى اشعه بنفس السعر ميتين ريال وقال خذي ابر زياده اربع ايام وعطاني نوع ثاني من الأبر يعني صرت اخذ النوع الأول في العضل والنوع الثانيProfasi or Pregnyl في الكتف

صار المجموع 11يوم
10/3
رحت له وسوينا اشعه مره ثالثه وقال كل شي تمام

وقالي تاخذين الأبره التفجيريه بعد بكره الساعه ست الصبح وهذي لازم بنفس التوقيت الي يقوله الدكتور
12/3
اخذت الأبره التفجيريه الساعه ست الصباح
13/3
الثلاثاء رحت من الساعه 3العصر علشان السحب

طبعا هم راح يعطونك تعليمات تمشين عليها من ضمنها انك توقفين عن الجماع اقل شي ثلاث ايام قبل السحب


إذا جاء يوم السحب ودخلتي المركز
ياخذون الوزن والضغط والحراره
بعدين يدخلونك غرفة نوم في وسطها حمام انا تفاجئت فيها هذي الغرفه علشان زوجك يسوي العينه
بصراحه إنا كنا شايلين هم هالموضوع لان بيتنا بعيد ما يقدر زوجي يسوي العينه هناك والمشكله وقت الصلاة كيف راح يغتسل لكن الحمد لله
وبعد فيه تعليمات راح يقولونها لك يعني راح يعطونك علبه خاصه

إذا خلصتوا المختبر حق العينات جنب الغرفه على طول تعطينهم العينه بعدين راح تنتظرين شوي راح ينادونك ويدخلونك قسم خاص حتى زوجك ماراح يدخلونه ووضحي لزوجك هالشي وراح تقعدين حوالي ساعه ونص لان انا ماكنت ادري ودخلوني بغى زوجي ينهبل مايدري وش صار علي وحاولي ماتاخذين معك اغراض او لو معك شي تخافين عليه عطيه زوجك

إذا دخلتي القسم
راح يدخلونك غرفه صغيره مافيها إلا سرير حتى التلفزيون مافيها راح يعطونك لبس للعمليات وراح تشيلين كل ملابسك هذا اللبس مفتوح من ورى لكن راح يعطونك شرشف تلفينه عليك
وراح يقولون روحي للحمام لازم تكون المثانه فاضيه علشان كذا لا تكثرين مويه ذاك اليوم
راح يعطونك ابره في العضل وراح يحطون ابره في يدك علشان يحطون لك مخدر فيها
وراح تستنين في هذي الغرفه

علشان كذا لو تاخذين مصحف صغير علشان تقرين يروح عليك الوقت مو مثلي طقني الهم مافي شي اسويه بس قاعده ادعي واستغفر

بعد كذا راح ينادونك لفي الشرشف عليك وتروحين لغرفة العمليات تنامين على السرير وراح ينظفون المنطقه الحساسه بمويه وراح يحطون عليك شراشف العمليه راح تكون حاره إذا جهزوا كل شي ودخل الدكتور يبدون يحطون المخدر في يدك راح تحسين بحرارته شوي بعدي بتحسين الدنيا تلف يبدا يشتغل الدكتوروكان كلما سحب بويضه عد يعني ون تو ثري فور بعدين زاد الألم قعدت ابكي عطوني جرعه ثانيه ترى كلها اقل من عشر دقايق من يدخل الدكتور ويطلع
انا سحبوا مني سبع بويضات
بعدين إذا طلع جابوا السرير وقالوا انتقلي للسرير الثاني ورجعوني للغرفه الي كنت فيها قعدت نص ساعه دخلوا زوجي لأنه اشغلهم
بعدين صحيت شوي ولبست ملابسي وطلعنا
قالي الدكتور بعد يومين خذي الدافستون حبتين مرتين في اليوم


رجعت لبيت اهلي كنت احس بألم زي الم الدوره اخذت بنادول وسويت دخون عباره عن كمون وقشر بصل وكسرة مره مررررررررررره حلو ريحني كثير
وصرت اشرب اعشاب نعناع ومراميه

هذا يوم السحب وقالوا راح نتصل نعلمكم كم جنين تكون
كلموا الإربعاء وقالوا تكون جنينين والله ماتتصورون وشلون فرحتي
15/3
الخميس بديت الدافستون
17/3
السبت رحت العصر نفس الشي خذوا الوزن والحراره والضغط
وجلست انتظر
دخلوني القسم
وبدلت ملابسي
وجلست انتظر
وانتظر


وانتظر
الوقت مررررررررررررره بطيء

بعدين نادوني لازم المثانه تكون نص مليانه يعني ودك تروحين للحمام بس مو مره

نمت على السرير
نفس الخطوات تعقيم وحطوا الشراشف

بس هالمره خلوا بطني مكشوف علشان الأشعه الصوتيه

دخل الدكتور وراني صور الأجنه الثلاثه وعطاني اياها

بعدين سوى كشف نسائي عادي ماراح تحسين بشي
والممرضه تسوي الأشعه
وانتي تتفرجين على الشاشه
يوم جى ينزل الأجنه قال لي قولي بسم الله
قلت بسم الله وعيوني تدمع ما ادري هل كنت فرحانه او كنت خايفه المهم كان شعور غريب

بعدها طلع ورجعوني على السرير ورجعوني على الغرفه
قالوا ربع ساعه وتطلعين
وكتب الطبيب الدافستون وابره اخذتها بعد ست ايام
وقال مارسي حياتك طبيعي إلا الجماع توقفين عنه لمدة سبع طعشر يوم ولا تشيلين شي ثقيل وبعد 16 يوم سوي التحليل
بعد ماطلعت
سافر زوجي ورحت لأهلي طول الوقت نايمه

بس كان يطلع معي إفرازات واحيانا نقط دم بس عادي لا تهتمين فيها وكثري استغفار و الدعاء
ونسيت شي اسمه طلعات ولا تكثرين طلعت الدرج اهم شي
22/3
اخذت ابره التثبيت
1/4

سويت تحليل دم والحمد لله طلعت النتيجه بوستف
صح ترى قبل سويت تحليل في البيت ماطلعت لي نتيجه وضاق صدري بس ماعلمت زوجي قلت لين اتأكد من الدم
كلمت المركز وعلمتهم بالنتيجه قالوا ارتاحي واستمري على الدافستون وامتنعي عن الجماع نهائي وارتاحي
طبعا الأيام الي قبل كانت بطييييييييييئه جدا وكان كل يوم يمر اكتئب اكثر واكثر طبعا نفسيتي كانت مره سيئه لو احد يقول جيبي كاس مويه جلست ابكي
كنت احس بالام في ظهري فكنت اسخن زيت زيتون وادهن ظهري به
كنت احس بألم في صدري وغثيان كان فيه شعور داخلي يقول اني حامل لكن ما ابي اصدق اخاف مايكون فيه شي وانصدم
اكثر شي كنت شايله همه الي حولي
زوجي واهلي وام زوجي كنت اخاف اصدمهم بالنتيجه لكن الحمد لله
19/4
رحت للمركز الساعه عشر علشان اسوي الأشعه
دخلت لحالي كان ودي زوجي معي بس الغرفه صغيره وكلها ممرضات سوت اشعه لي من تحت كنت خايفه وشلون يقولون مافيه جماع وتسوي الأشعه من تحت وكانت تدخله بقوه فكان ودي اضربها ليش ماتحس فيني هذا اول حمل لي راح تضيعه بكل هالسهوله



لكن يوم بدت خلاص نسيتها ونسيت الي حولي كلهم ما اعاد في هالدنيا إلا انا والي قدامي على الشاشه
يالآآآآآآآآآآآآآآآآآآآه
معقوله هذا في بطني يارب لك الحمد
طبعا كانوا اثنين كل واحد في كيس بس جالسه اتفرج عليهم لا ويوم سمعت دقاتهم دموعي تنزل وانا بس اناظر واحمد ربي
بعدين وقفت قالت خلاص بس بكل هالسهوله يبوني اطلع كان ودي اقعد ماعاد اطلع ابد عطتني صوره لهم
وطلعت على طول ولايتها زوجي طبعا هو مافهم وش السالفه لين قلت له انهم اثنين
حساب الأشعه كان 350لأنه اشعة حمل على كلامهم بس لو قالوا بخمس ميه عطيتهم الي يبون
دخلنا على الدكتور طبعا انا ماني لمه بس ابي اطلع ابي اعلم اهلي ابي كل الناس يدرون ابي الي شالوا همي وفكروا فيني يدرون ويشاركوني فرحتي

 

[بنت حمايل]

الله يعينكم
ويرزق الجميع

 

[al7nooona]

القصه الثانيه اثرت فيني وايييييييد وبجتني والله

مشكوورة حبيبتي >حــــــــ(و)ـــراء< ع النقل

والله يرزقنا جميعا بالذرية الصالحه ان شاءالله

 

[eng.q8]

الله يرزق الجميع ان شالله

 

[.>حــــــــ(و)ـــراء<.]

بنت حمايـــــــــل
حياج الله حبيبتي


al7anona
حبيبتي دموعج غاليه ,,, و ان شاءالله تبجين من الفرحه يوم ما يبشروونج بحملج

eng.q8
حياج الله نورتي الموضوع​

 

[كويتيه مذهله 87]

حوحو حبيبتي كل عام وانتي بخير

وان شالله سنه 2009 خير علينا وكلنا حوامل ومانخلص 2009 الا وعندا درزن يهاال

وكل الغلا زوجي
بشرينا حبيبتي اطلعت النتيييجه ولا بعد

ان شالله يااربي حامل
قولي امين بناااات

 

[الزيزفونه]

حبيبتي حوراء الله يسهل عليج يرزقج الذريه الصالحه حيل تأثرت بالقصه

 

[أم حسون]

توني اطيح على هالموضوع مشكورين ويعطيكم العافيه

 

[بينار]

مرحبا سوف انقل لكن تجربتي مع عملية الحقن المجهري
والحمدالله تكللت بنجاح بلبداية انا صارلي سنتين وشهرين متزوجة
ولم يحدث حمل من قبل رحت على الدكتور من قبل سنة ونصف
كشف علي و حكالي انو انا عندي تكيس من الدرجة المتوسطة واعطاني كلوميد
وقتها وكبروا عندي البويضات عدد 7 ولكن لم يحدث حمل برغم من ان جميع فحوصات زوجي
سليمة بشهر6 الماضي اجريت عملية تلقيح صناعي ولم يحدث حمل و عندها حكالي الدكتورانا بنصحك بعملية حقن مجهري وهون صارت الصدمة روحت علبيت وبكيت بكاء غير طبيعي شعرت انو الحياة اغلقت جميع ابوابها في وجهي
ولكن مع وقوف زوجي بجانبي نسيت كل اشي وقررت اعمل العملية وبلفعل اجريتها قبل شهر بدأـ بتاريخ29-10-2008 اخذت الأبرة التحضيرية وبعد اسبوع اجتني الدورة وبلشت أوخد الأبر من تاني يوم الدورة

4 ابر في اليوم من نوع hmg ومينورال بعد 5 ايام نزل عددهم الى ابرتين من نفس النوع لمدة 5 ايام وبعدين اخدت ابرتين تفجير وبعد يومين تمت عملية السحب تحت تخدير تام
سحبو مني 10 بويضات اتلقح منهم 9 بويضات من الدرجة الأولى ورجعولي 5 اجنة واللي ثبت منهم 3 اجنة والحمدالله

هذه كانت تفاصيل تجربتي مع الحقن المجهري ونصيحتي دائما انو نخلي ايماننا بالله كبير والتوكل عليه
والمعنويات تكون مرتفعة والتصميم والأرادة تكون قوية .. ولله يرزق جميع اخواتي بلمنتدى..

وفي كمان شغلة انسيت احكيها انو اثناء فترة العلاج كنت اشرب يوميا مرتين في الصباح و قبل النوم كوب من اللأعشاب
( المردقوش و الأخيليا واليانسون ) هذا للأفادة بأذن الله..

 

[.>حــــــــ(و)ـــراء<.]

كويتيه مذهله
وانتي بخيييييير ياعمري و عساها سنة خير عليج :tek:


الزيزفونه
حياج الله

ام حسون
العفووو

بينار
مشكوره على نقل تجربتج المفيده و الله يتمم عليج يارب​

 

[مس ام عمر]

شنو مشكلتج ؟و مشكلة زوجج؟
زوجي ولا شي _ انا ضعف تبويض ومشكله التكيسات
--------------------------------------------------

-جم عمرج ؟ وجم عمر زوجج؟
29 سنه - زوجي 33 سنه
-----------------------------------------------------


-جم مره سويتي العمليه؟
مره وحده

---------------------------------------------------------
-العمليه نجحت من اول مره ولا لا؟
الحمدالله اي من اول مره

------------------------------------------------------
-منو دكتورتج؟وشنو تعليقج عليها؟
د فوزيه القطان دكتوره رائعه رائعه
-------------------------------------------

-جم كلفتج العمليه؟
1400 دينار شامل الادويه السونارات السحب والترجيع والمراجعات

--------------------------------------------------------

-ترجيع الاجنه عطوج بنج ولا لا؟وحسيتي بألم ؟
بالسحب اي بنج كامل بس بالترجيع لا وانا صاحيه
بالسحب حسيت بالام شديده مع المسكنات احسن
بس بالترجيع ماكو الم
----------------------------------------------

-شلون عشتي حياتج بعد ترجيع الاجنه؟نمتي على ظهرج لي يوم التحليل ؟ ولا
اول مارجعت من الطبيب نمت علي ظهري علي طول بعدين الايام الثاانيه اقعد علي حيلي بس مسنده علي ظهري ما اقوم الا للحمام والصلاه بس وما تسبحت الا بيوم النتيجه وطول الوقت مريحه روحي ما اقوم من الفراش الا يوم النتيجه الي هو يوم 13 من الترجيع
-------------------------------------------------------------------
مارستي حياتج بشكل طبيعي؟؟
كلا مرتاحه بسريري ما اقوم منه
----------------------------------------------------------------
-عندج اي نصايح تحبين تفيدينا فيها؟؟
الحمدالله بتمسكي بالقران الشريف وسوره البقره ويس ومريم والمعوذات والرقيه الشرعيه ودعوات امي الغاليه والاستغفار الدائم حملت

 

[مطيريه ماركه]

الله يرزقكم يا بنات

 

[ام يوسف القمر]

بينار الله يسهل ولدتك يارب ويتمم عليك

ام عمر الله يخليلك عمر ويارب يفرحك باخوان لة

 

[eng.q8]

لللرفع

 

[قطـوهـ شيطـونهـ]

للرفع

 

[karamela]

السلام عليكم انا يديده بالمنتدى واقولكم موضوعي وابي احد ينصحني لاني توني مبلشه بس صايرلي سنتين ونص متزوجه .
انا رحت عند عيادة د.فوزية القطان عند د.نهلة وماشالله عليها حبوبه وخوش وحده وسويتلي تحاليل وطلع عندي حليب وظعف بالمبايض وطلبت مني تحليل حق زوجي ولما رحت علشان تقرى التحاليل قالتلي انت مشكلتج هينه بس زوجج عند الحيوانات بطيئة والقليلة ولزوجة وماكو امل الا اطفال الانابيب وانا خايفه وظايعه قالتلي الدكتوره انتي لازم توقفين الحين لما ريلج يجولفه دكتور علشان يجيك عليه ليش الحيوانات قليله عنده واذا في اي مشكله ثانيه وماادري وين اروح حق اي دكتور يجوف حالة ريلي بنات بلييييييييييييييييز ساعدوني جد تعبت والله بلييييييييييييز ادري داشه عرض بس والله ماعندي احد اسأله بليز بنات بأسرع وقت

 

[eng.q8]

عندج دكور عادل الحنيان والسليم
ووتحصلين ارقامهم بموضوع مثبت بالقسم او الجريده
والله يرزقج ياارب