@@ملف تجارب كل وحده سوت انابيب ولا حقن مجهري@@

[دنياالوله]

اب
اب
اب
لعيونج دلوعه

 

[.>حــــــــ(و)ـــراء<.]

تسلـــــــــــــــمـ عوينـــــــــــــــاتــــج

 

[ديموما]

اب

الله يرزقنا جميع ..

انا عمري 30 وزوجي 34

وانا على كلام الدكاترة مافيني شي ...وحتى زوجي كان مافيه شي بس اخر تحليل قبل اسبوعين اكتشفوا ان معاه بطء في حركة الحيوان المنوي

ماسويت شي للحين حدي اخذت كلوميد

الدكتورة قالت اذا مستعجله (سنتين متزوجه) نسوي لك تلقيح مجهري <<مااذكر اذا قالت تلقيح او حقن مجهري

بس اللي استغربته لما سألتها عن التكلفه انها قالت 30 !!!! من دون العلاج والابر

تهقون هذا شنو ؟؟

هل هو تلقيح مجهري او حقن ولا طفل انبوب <<ماعرف شي بهالامور وماعندي من اسأله

انتظر ردكم

 

[المهذبه]

ديموما هذا أسمه تلقيح صناعي ماله شغل بطفل الأنبوب ولا الحقن المجهري وهذا أمره سهل وهيين بعدالله ولاهو عمليه أصلآ.

 

[ديموما]

مشكورة ياقلبي "المهذبه"

وهذا شلون يصير ..؟؟

وعفيه اللي سوته تقولي كم يكلف ؟؟

ومتى تبدأ خطوات علاجه ..تهقون اسوى موعد قبل الدوره ولا انتظر الدورة ؟

تحملوني

 

[sanfora]

ثاني يوم دورة روحي الطبيبة توصفلج يا كلوميد او ابر على حسب حالتج وبعدين عقب تسويلج سونار وتحدد لج يوم تسويلج فيه التلقيح

ومادري جم يكلف على حسب الدوا اللي توصفه لج

 

[m e m e]

مشكورة ياقلبي "المهذبه"

وهذا شلون يصير ..؟؟

وعفيه اللي سوته تقولي كم يكلف ؟؟

ومتى تبدأ خطوات علاجه ..تهقون اسوى موعد قبل الدوره ولا انتظر الدورة ؟

تحملوني

تلقيح صناعي يكلف ١٠٠ بس نصيحه خاللي ربلج ياخذ حبووب فيتامينات يوصفهم الدكتور ٣ اشهر و انشاء الله تحملين طبيعي

 

[^^ام ميمي^^]

شنو مشكلتج ؟و مشكلة زوجج؟
كنت اعاني من ارتفاع بهرمون الحليب وزيادة بالغده الدرقيه وعالجتهم وهم ما صار حمل يعني التاخير من رب العالمين بدون سبب اتوقع وزوجي كانت نسبة الحيوانات المنويه لما يسوي تحليل 40 مليوووون يعني طبيعي

-جم عمرج ؟ وجم عمر زوجج؟
عمري 24 سنه وزوجي 31 سنه
-جم مره سويتي العمليه؟
سويت مرتين تلقيح صناعي وما ضبط وسويت عملية حقن مجهري مره وحده
-العمليه نجحت من اول مره ولا لا؟
اي من اول مره انجحت الحمدلله ياربي
-منو دكتورتج؟وشنو تعليقج عليها؟
الدكتورة عالية الفضلي وااايد زينه ودقيقه بالعلاج
-جم كلفتج العمليه؟
العملية بروحها 800 دينار غير المقويات طول الشهر والابر والمراجعات
-ترجيع الاجنه عطوج بنج ولا لا؟وحسيتي بألم ؟
لما خذوو الاجنه عطوني بنج عام بس لما رجعوهم بدون بنج وما صار الم ما كنت احس بشيء بس اللي ضايقني اني ما شربت سوائل يومها ومثانتي كانت فاضيه وتقول لازم المثانة متروسة علشان يبين عندنا بالسونار وحطتلي بربيش هذا اللي عروني بس الم خفيف
-شلون عشتي حياتج بعد ترجيع الاجنه؟نمتي على ظهرج لي يوم التحليل ؟ ولا
مارست حياتي طبيعيه بدون مشي ومنسدحه او قاعده لان محد يدري اني مسويتها حتى خواتي وقعدت عند اهلي 10 ايام تقريبا قلتلهم الدكتورة معطيتني علاج ولازم ارتاح وكنت طول الوقت منسدحه بفراشي متابعه مسلسلات او شابكه على النت اقوم تكرمون علشان الحمام والصلاة.
مارستي حياتج بشكل طبيعي؟؟
طبيعي نوعا ماا ما امشي الا للضروره يعني كله مريحه نفسي ورديت بيتي عقب 10 ايام لان اهلي بيسافرون
-عندج اي نصايح تحبين تفيدينا فيها؟؟كنت اقرى سورة مريم يوميا بعد صلاة الفجر واصلي ركعتين ادعي فيها ربي وحتى لما صار حمل الحمدلله قمت اصلي ركعتين شكر كل يوم لربي
كنت اتعطر واتبخر واكل اكلي طبيعي وعادي والادوية اللي وصفتها لي الدكتوره.

اول شيء حبوب الغده + تحاميل مثبتات + ابره كل يوم اغز روحي بالبيت وايد سهله بفخذي اخذها + فولك اسيد + جلوكوفاج .

ورحت بعد العملية باسبوعين بالضبط يعني سويتها السبت رحت السبت مو اللي بعده اللي بعده وسويت تحليل وطلعت حامل الحمدلله ياربي

ربي يرزقكم ان شاء الله وكثروو الاستغفااار يا بنات واي خدمه او اي سؤال حبيباتي من عيوني قولووو وانا حاظرة اجاوب على كل اسألتكم


واقولكم نصيحه اللي تبي تسويها تسويها بالكتمان ما تعلم احد

 

[.>حــــــــ(و)ـــراء<.]

حياتي منتج كويتي 100% مشكوره و عسى الله يتمم عليج و يفرح قلبج

بشوفت النونو ياااااااااارب

 

[احلى@كويتيه]

بنات شكرااا لكم على تجاربكم وايد استفدت منها
وخلاص بتكل على الله وبراجع عند باتريك

وباذن الله بكتب لكم تجربتي


عيون زوجها انا اخذت الابر المنشطه وصارلي مثل ماصارلج عوار بالبطن كانه حاطين فيه صخره ويابسسسسس وانتفخ
واذكر كنا بالخيران اقول حق ريلي مااقدر امشي من اتحرك احس بطني يعورني

والله لايوريج الاعصاب وادي اطق الكل ومااتحمل كلمه

بس للاسف ماكان في حمل والسبب انه فترة التلقيح كنت بالخيران اسبوع فماصار شي بيني وبين ريلي وماحملت



والحمد الله على كل حال


والحين بسئل منو كان عندها هرمون الحليب مرتفع وخذت لحبوب الي كل اسبوع حبه صغار حييل

انا من اخذتهم وانا معتفسه كله لايعه جبدي ومن اكل شي تلوع جبدي و ومرات ارجع

وبعد ممادري شنو حالتي يعني احس اني يوعانه ومويوعانه يعني اكون يوعانه ومن اشوف الاكل اقول لاء انا شبعانه ليش اكل

يعني بالضبط مااعرف انا يوعانه ولا شبعانه

ياريت احد يفيدني

 

[cute_angle]

مشكلتي :
تشوه في الانابيب ، تكيس في المبايض ، التصاقات شديدة
عمري / عمر زوجي :
29 / 32
سويت تلقيح صناعي ثلاث مرات ، وطفل انابيب مره بس ما نجحت ، وتوني مسويه طفل انابيب وناطره النتيجه
دكتورتي :
هدى الناصر مشالله عليها وايد شاطره واهم شي اني مرتاحه معاها
كلفة العملية :
العلاج مع عملية طفل الانابيب 1700 تقريبا
ماعطتني بنج لما رجعتلي الاجنه وحسيت بالم بسيط
الدكتورة نصحتني بالراحه يعني منسدحه على ظهري كثر مااقدر
وناطرة النتيجة ادعولي

 

[.>حــــــــ(و)ـــراء<.]

بنات شكرااا لكم على تجاربكم وايد استفدت منها
وخلاص بتكل على الله وبراجع عند باتريك

وباذن الله بكتب لكم تجربتي


عيون زوجها انا اخذت الابر المنشطه وصارلي مثل ماصارلج عوار بالبطن كانه حاطين فيه صخره ويابسسسسس وانتفخ
واذكر كنا بالخيران اقول حق ريلي مااقدر امشي من اتحرك احس بطني يعورني

والله لايوريج الاعصاب وادي اطق الكل ومااتحمل كلمه

بس للاسف ماكان في حمل والسبب انه فترة التلقيح كنت بالخيران اسبوع فماصار شي بيني وبين ريلي وماحملت



والحمد الله على كل حال


والحين بسئل منو كان عندها هرمون الحليب مرتفع وخذت لحبوب الي كل اسبوع حبه صغار حييل

انا من اخذتهم وانا معتفسه كله لايعه جبدي ومن اكل شي تلوع جبدي و ومرات ارجع

وبعد ممادري شنو حالتي يعني احس اني يوعانه ومويوعانه يعني اكون يوعانه ومن اشوف الاكل اقول لاء انا شبعانه ليش اكل

يعني بالضبط مااعرف انا يوعانه ولا شبعانه

ياريت احد يفيدني

حبيبتي انا قبل الزواج كان عندي هرمون الحليب مرتفع

و الدكتور عطاني حبوب حتى نسيت اسمها

و الحين مادري عنه من زماااان ماحللت

بس انا الحبوب ماكانت تسببلي لوعه

 

[q8ya1986]

سلام عليكم

تعبت قعدت اقرى الموضووع من اوله لي آخره ...
استفدت وايد

الله يرزقنا جميعا ويأجرنا ياارب ..

كويتية دلووعه .. الحمدلله على السلامة ... انا صارلي مثلج .. الحين رح اقول بالتفصيل :

شنو مشكلتج ؟و مشكلة زوجج؟
زوجي ماعندهمشكلة الحمدلله .. انا فيني انسداد شديد في انابيب فالوب .. سويت منظار وماقدروا يبطلونه .

-جم عمرج ؟ وجم عمر زوجج؟
عمري 22 سنه وزوجي 24 سنه

-جم مره سويتي العمليه؟
سويت العملية الفرش مرتين .. وعملية نقل الأجنة المجمده مرتين

-العمليه نجحت من اول مره ولا لا؟الحمدلله مانجحت ولا مرة .. انا الحين ناقلة المجمد انشالله تنجح

-منو دكتورتج؟وشنو تعليقج عليها؟اول عملية فرش + عملية نقل اجنة مجمده كانت عند د.باتريك .. اكرهه هل دكتووور الله يسامحه مايشتغل بضمير وشايف نفسسسسسسسسسسسه وايد .. أصلا كل الدكاترة يقولون ان شايف نفسه .. المهم عطاني علاج مال حريم بالاربعينا مو جني توني صغيره .. لما عالجت عنده كان عمري 21 سنة .. عطاني علاجات قويية منشطات ابر طبعا وقالي اخذيها اسبوع مادري 8 ايام وتعالي عقب .. ييته ولا حضرته مسافر .. دخلت عل دكتورة اللي قاعدة بداله وتأجلي . اهو رد كملي العلاج وكل ماصار عطلة أجلي العملية وللعلم ان العملية مفروض مواعيدها دقيقه مو بكيف امه يأجل .. الله يسامحه ..
المهم عقب ما سحب الأجنة رديت البيت ولا بالليا اعتفس وأرجع وحالتي حاله .. رحت المستشفى قالولي صار فيج تضخم مبايض ..وتجمع سوائل اللي ماقدرت اتنفس بموووت اسم الله عليكم اكلم امي اقولها مو قادرة اتنفس رح اموووووووووووووووووووت ( يعني طلعلي بويضات عد هااااااااائل واهو يدري ان انا فيني تبويض اطلع زين ما احتاج كل هل كميات) كان معطيني 3 بودر ووحده سائل .
المهم دخلت العناية المركزة .. دخلوني عملية بنج كامل اسحبوا السوائل اللي واقفه على صدري مادري قلبي
وتموا يعطوني ادوية لمدة 3 ايام .. قالي الافضل نجمد الاجنة مانردها .. انا شاورت زوجي واتفقنا ان نردهم واللي كاتبه الله يصير ...
بس الله ماكتب يثبتون الحمدلله على كل حال .

-جم كلفتج العمليه؟العملية بروحها 850دينار اعتقد غير المقويات طول الشهر والابر والمراجعات ( يعني تقريبا كلها 2500 )
بس انا بسبب اللي صارلي وقعدتي بالمستشفى اسبوع وعملية سحب السوائل طلعت كلها 3500 دينار تقريبا
معوضين كلنا انشالله .

- نقلت عقبها بجم شهر الاجنة (وماظل بعد اجنة مجمده لأن اهو بطلهم كلهم وخذا الاحسن) .. الله ماكتب بعد .

عقبها بجم شهر خالتي ام زوجي قرت اعلان عن دكتور ياي من لندن توه يديد بمستشفى المواساة اسمه ناهض حمادية ... الدكتووور يهبببببببببببببببل ماشالله صارله 22 سنه هناك ومثقف وفااااااااهم ومريييييييييييييييييييييييييييييييييييييييييييح لأقصى درجة .. صج لا قالوا نص العلاج النفسية ..
المهم سوت عنده عملية فرش وكان يتابعني اول بأول كل يومين سونار عشان مايصير تضخم وهذا الصح ..
ماتعبت عنده الحمدلله .. بس الازعاج البسيط مال منشطات الابر اللي تحسين انج ثقيله ولوعه وجذي .
الله ماكتب تنجح العملية . ( ماعدت 1500 دينار شاملة كل شي )

عقبها عطاني ورقة كاملة تحاليل قالي انا مستغرب لأنج انتي وزوجج صغار ليش ما يثبت .. فعطاني تحاليل قالي تكلف عنده تقريبا 300 او 00 دينار .. قالي اذا لقيتيهم بالحكومة سويهم .. وصج لقيتهم بس مقططين كل تحليل بمستشفى. المهم طلع عندي مناعه قوية اعتقد وشي مرتفع بالدم مادري شنو .. عطاني كوارتيزون وابر آخذها كل يوم ببطني . قالي ماكو دليل طبي ان اللي فيج اهو اللي ما يثبت الأجنة بس احنا نخلي كل شي بالوضع الطبيعي ونوكل على الله .

الحين انا راده الاجنة المجمده .. اليوم الخامس بعد ارجاع الأجنة وليلحين آخذ ابرة البطن + كوارتيزون 10مل + تحاميل بروجيسيرون 400 مرتين باليوم + فوليك اسيد + بروجيليتون 6 حبات باليوم + بيبي اسبرين


-ترجيع الاجنه عطوج بنج ولا لا؟وحسيتي بألم ؟لا بدون بنج مايعور .. بس ازعاج خفيف عادي .. خلوني اشرب ماي وايد قبلها . ( كلفت 155 دينار بس )

-شلون عشتي حياتج بعد ترجيع الاجنه؟نمتي على ظهرج لي يوم التحليل ؟ ولامارست حياتي طبيعيه بدون مشي ومنسدحه طول الوقت منسدحه بفراشي متابعه مسلسلات او شابكه على النت اقوم تكرمون علشان الحمام والصلاة او اسوي عشا خفيف بشقتي وجذي ..

مارستي حياتج بشكل طبيعي؟؟طبيعي نوعا ماا ما امشي الا للضروره يعني كله مريحه نفسي

اي نصايح ؟ اهم شي النفسية تكون مرتااحة .. وشغلي واقري قرآن واايد والاستغفار والصدقات

والله يرزقنا كلنا يااارب عاجلا غير آجلا . :yaaaaaarb:

 

[.>حــــــــ(و)ـــراء<.]

q8ya1986

الله يرزقج الذريه يارب

و مشكوره على نقل تجربتج لنا

و لاتنسين تبشرينا بحملج

 

[كويتيه مذهله 87]

q8ya1986

الله يرزقج هالشهر يااااااااااااااااااااااااارب

كثري دعاااااء

 

[miss_uk]

-شنو مشكلتج ؟و مشكلة زوجج؟

مشكلتي كانت تكيس بالمبايض

-جم عمرج ؟ وجم عمر زوجج؟
25-25
-جم مره سويتي العمليه؟

مرة وحدة اطفال لأنابيب
-العمليه نجحت من اول مره ولا لا؟
الحمداللة انجحت
-منو دكتورتج؟وشنو تعليقج عليها؟
عيادة بلندن
-جم كلفتج العمليه؟
بحدود 5000 كويتي
-ترجيع الاجنه عطوج بنج ولا لا؟وحسيتي بألم ؟
اي بنج ما حسيت بشيء
-شلون عشتي حياتج بعد ترجيع الاجنه؟نمتي على ظهرج لي يوم التحليل ؟ ولا
يومين ارتحت بعدين رديت حياتي طبيعية تمشي وطلعات
مارستي حياتج بشكل طبيعي؟؟
طبيعية بس ماشيل شيء ثقيل
-عندج اي نصايح تحبين تفيدينا فيها؟؟
قراءة البقرة والاستغفار انا متأكدة انة كتاب الله اللي نجح العملية لأني كنت مؤمنة وما تعبت نفسيا الحمد والشكر لله سبحانة
اتمنى الكل يشارك في الموضوع عشان الكل يستفيد :eh_s(8): [/I][/B][/SIZE][/CENTER][/QUOTE]

 

[الخالدية 79]

السلام عليكم

عندي سؤال ياريت ماتردوني ابى منو سوت حقن مجهري عند الدكتور مدحت الشربينى وشرااايكم فيه ؟

يااااريت تردون علي بقرب فرصة

 

[miss_uk]

هلا فيج الخالدية
ودي ارد لكن ما عندي اي فكرة
انشاء الله الخوات ما يقصرون

 

[Coffee-Girl]

miss uk بغيت اسالج اذا ممكن تعطينا تفاصيل اكثر عن المكان الي سويتي فيه العمليه وعن اسم الدكتور

وبغيت اسالج انا اسمع اكثير بنات ايسون العمليه وبعدها يظلون منسدحين على ظهرهم اكثر الوقت ليما يولدون هل هذا صحيح ولا لا؟

يعني ايصير امارس حياتي عادي اطلع وروح وسوق سياره

 

[.>حــــــــ(و)ـــراء<.]

miss uk
مشكوره حبيبتي ويزاج الله خير

بس بغيت اسئلج ليش عطوج بنج بترجيع الاجنه؟؟

و جم جنين ردولج؟؟