@@ملف تجارب كل وحده سوت انابيب ولا حقن مجهري@@

[.>حــــــــ(و)ـــراء<.]

ولهت عليج العافيه حبيبتي والله كنت تعبانه بالعنايه المركزه

و الله كتبلي عمر يديد الحمدلله

 

[Amory]

sosa_nona

حبيبتي عادي على شنو بزعل ما قلتي شي يزعلني وكل واحد و له رايه الخاص فيه

بالنسبه حق الأبر انها قايلتلج اشتري هالكثر ابر وبعدين قالت خلاص هاذي وايد اتصير آنا سويت ابمستشفى لندن وعقب العمليه ابثلاجتي كرتونين ابر وخليتهم خليتهم لما صارلهم مده قطيتهم بعد شسوي! و المفروض اوديهم العياده واشوف اذا في وحده تبي ابر اعطيها اياهم لأن حرام شارينهم بفلوس وقاعدين ينقطون.

ثاني شغله مشكلة المواعيد اغلبية الدكاتره جذي سئليني آنا اللي ما بقى دكتور بالكويت ما جربته وعاادي نقعد ننطر وآخر شي يقولون الدكتور مو ياي تعالو يوم ثاني والا يخلينا ننطر مادري جم ساعه والا صاارت واااااايد معانا ان احنا قاعدين ننطر 3 ساعات آخرتها ايون ناس يعرفون الدكتور ويدخلهم قبلنا واحنا ما نقدر نتكلم بعد شنسوي اعلاجنا عنده!

العلاج كله محتاج صبر في صبر لأن هذا ابتلاء والابتلاء محتاج صبر

بالنهايه ما اقول الا الله يرزقنا جميعا.

 

[Coffee-Girl]

ولهت عليج العافيه حبيبتي والله كنت تعبانه بالعنايه المركزه

و الله كتبلي عمر يديد الحمدلله

عسى ماشر شفيج

 

[كويتيه مذهله 87]

ماتشوفين شر دلوعه
والحمدالله علي سلامتج

 

[.>حــــــــ(و)ـــراء<.]

ماتشوفين شر دلوعه
والحمدالله علي سلامتج

الله يسلمج ياعمري ماقصرتي

 

[الهجر]

ماتشوفين شر دلوعتنا سلامات اشفيج

 

[.>حــــــــ(و)ـــراء<.]

الله يسلمج حياتي والله خذيت منشطات و بسببها دشيت العنايه المركزه

شهر كامل والله كتبلي عمر يديد الحمدلله

شفت الموت بعيوني والله يابنات نصيحه مني لكم لاتلعبون بنفسكم وتاخذون منشطات

ترى مو كل جسم يستحمل و انا كنت اخذ المنشطات تحت اشراف الدكتوره وشوفو

شصار فيني بغيت اموت لولا رحمة الله

و الدكاتره اللي بالعنايه المركزه قالولي ان كل شهر توصلهم 3 او 4 حالات نفس

حالتي يدشون العنايه يقعدون شهر و شهرين بسبب المنشطات

ديروبالكم يابنات​

 

[*caramel macchiato*]

ماتشوفين شر يادلوعة

 

[.>حــــــــ(و)ـــراء<.]

الشر ماييج يا حياتي

 

[Coffee-Girl]

دلوعه ياريت اتقوليلنا كم كميه المنشطات الي اخذتيها عشان نحتاط

والله يشافيج ياقلبي

 

[.>حــــــــ(و)ـــراء<.]

والله حبيبتي للاسف ماذكر الكميه

بس عموما انا اول مره بحياتي اخذ منشطات يعني انا مو ماخذه من قبل منشطات عشان

لاتحطون ببالكم اني ماخذه وايد و اكثر من مره و جذي

و ثاني شي انا خذيت المنشطات تحت اشراف الدكتوره يعني مو عشوائي

 

[فراشة مغرورة]

بصراحة مع احترامي لدكاترة الكويت والله انا بالنسبه لي ما اعترف بطبهم كللللللللللللللللللللللللللللش
الله يسامحهم تجارب بالعالم وسلامات يادلوعه وصج عط الخباز خبزه دكاترتنا اخطائهم اكثر من نجاحهم وفوق هذا ثقه اذا وحده منكم عندها امكانيه تعالج برا الكويت واحسن لو يكون بأمريكا او لندن وقطي فلوسج بالشمس ولا يلعبون فيج العليميه اللي عندنا

 

[Featured Lady]

كويتية دلوعه الجمد لله على سلامتج
والله خرعتينا ممكن تقولين منو دكتورتج؟؟؟؟ وشنو المنشطات اللى خذيتيها ( حبوب كلوميد او ابر )؟؟ وشنو صار فيج بالضبط عشان يستدعى دخولج العناية ؟

 

[Emanova]

دلوعه اشدعوه ما تتذكريين الكميه انا قبل سنه خذيت منشطات لحد الحين اذكر الجرعه

 

[shjoonaa]

حبيبتي ماتشوفين شر

 

[.>حــــــــ(و)ـــراء<.]

فنن 112 : حبيبتي الله يسلمج

انا كنت اراجع عند ماجده اليتامى و المنشطات كانت ابر مو حبوب

 

[.>حــــــــ(و)ـــراء<.]

ايمانوفا : والله حبيبتي انا بطبعي انسا بسرعه يعني نسايه عرفتي؟ و بعدين الله يهداج الناس اول شي

يقولون سلامات ؛؛ حمدلله على السلامه ؛؛ ماتشوفين شر ؛؛ خطاج السو ....................


shjoonaa : حبيبتي الشر ماييج ماقصرتي ياعمري​

 

[Emanova]

ايمانوفا : والله حبيبتي انا بطبعي انسا بسرعه يعني نسايه عرفتي؟ و بعدين الله يهداج الناس اول شي

يقولون سلامات ؛؛ حمدلله على السلامه ؛؛ ماتشوفين شر ؛؛ خطاج السو ....................


Shjoonaa : حبيبتي الشر ماييج ماقصرتي ياعمري​

انا من زمان تحمد لج بالسلامه ....اذا حتى هذي ناسيتها ما الومج انج ناسيه الادويه اللي خذيتيها قبل شهر

 

[.>حــــــــ(و)ـــراء<.]

انا من زمان تحمد لج بالسلامه ....اذا حتى هذي ناسيتها ما الومج انج ناسيه الادويه اللي خذيتيها قبل شهر

بأي صفحه تحمدتيلي بالسلامه!! اظاهر انتي اللي مضيعه !!

و انا لما قلت حق البنات اللي صارلي كنت ابي مصلحتهم عشان يتعضون مو

عشان تعليقات مالها معنى

و حياج الله حبيبتي

 

[Coffee-Girl]

ما صار شي بنات كلنا خوات