ملف \ أطباق فيليه السمج

[:: Diva ::]

السلام

اسمحوا لي اجمع وصفات و اترجم وصفات فيليه السمج
مع اني ما احبه لووووووووووول
لكن اهو واحد من الطلبات الرئيسيه بالنسبه لزوجي
فحدي متوهقه

طلبت مساعدة و فتحت هالموضوع علشان افيد غيري عنده مشكلتي ​

اليوم جايبه لكم صور غذاي اللي هو عبارة عن سمك فيليه مقلي مع الرز ...


نبدأ بالمقاير :

سمك فيليه

جزر وفلفل أخضر مقطع بالطول وشوية بقدونس
بالإضافة الى الرز المغسول جيدا والبهارات ........


نبدأ بالخطوات :


1_ أضع ماء في قدر مع قليل من الزيت وأضعه على الفرن حتى يسخن وأضيف له ورق الغار
وأعواد الدارسين وحبات الهيل ..

2_ اسكب الرز المغسول في القدر وأضيف له الملح وأحركه جيدا ثم أعلي على النار ..

3_ اصفي الرز وأتركه ينشف من الماء وذلك بوضع كميه قليلة من الزيت في القدر ونار هادئة

4_ أما السمك فأملحه وأبهره ثم أبدأ بقليه وأقلي معه الجزر والفلفل الأخضر ...

وهنا بعد ماقليته ...

وفي الأخير يقدم بطريقة حلوة ...

 

[:: Diva ::]

هو فيليه هامور بصلصة حاره

نبدأ بتتبيل الهامور بعد غسله

التتبيله عباره عن

5ملاعق طعام زيت + 4 ملاعق طعام ليمون + 2 ملعقتين عصير بصل
هنا صورة فيليه بعد الغسيل ووضع اول مقدار من التتبيله




البهارات عباره عن
كمون بودره رشه
فلفل احمر حار بودرة ربع م ش
كركم ربع م ش
ملح نص ملعقة شاي








ونغطيه ببلاستيك وندخله الثلاجه لمدة 3 ساعات مع قلبه في نص المده
انا خليته يوم كامل


نجي اليوم الثاني
نشتغل على الصلصه اول شي

عباره عن
هرده (طحينه ) ثلاث ارباع كوب
روب ملعقتين طعام
عصير ليمون 2 م ط
ماء نص كوب + ملعقتين طعام
رشه من كل من ملح كمون و كزبره



ونخلطها ونخليها على جنب
نكمل توابع الصلصه

نحمس على نار هادئه بصلتين متوستطين مفرومين فرم ناعم بمقدار ثلث كوب زيت زيتون
انا حطيت علق فلفل صغير لان احبه سبايسي
و بعد مايتحمر البصل على نار هادئه احط حبتين طماطم مفروم
وزعيها ولا تخلطينهم ،، غطي المقلاه وخليها دقيقتين او اكثر شوي لين تذبل الطماطم
وجهزي البهارات
بعدين افتحي المقلاه واهرسي الطماطم

المهم بعد الهرس
حطي البهارات واخلطيه لثواني وهذا شكله
وحطي عليهم 3 م ط صلصة الطماطم

واخلطي لمدة دقيقه

ثم ضيفي صلصة الطحينه

قلبيهم شوي مب اكثر من 10 ثواني وطفي النار

وخليهم على جنب
الحين نجي نقلي الهامور في 5 ملاعق طعام زيت زيتون انا بصراحه ماكفاني حطيت مقدار زياده من عندي
لاتنسون اتصفونهم من الماي اللي فيهم قبل القلي


في النهايه عقب ماتخلصين قلاي كلش ملش
اخذي من زيت القلاي نفسه ملعقة ونص وحطيه مع الصوص واخلطيه
الزيت اللي قليتي فيه السمج

وعقب حطي الصلصه في الصحن ورصي عليها السمك

 

[:: Diva ::]

السلام عليكم ورحمة الله وبركاته

فيليه سمك

المقادير


سمك قطع بدون عظم او جلد

ليمون


ملح


بهارات

بيض

طحين

الطريقه


طبعا سهله ناخد قطع السمك ونتبله نضع عليه البهارات والملح حسب الكميه المرغوبه


مع عصير الليمون ويترك مده اقلها نصف ساعه


بعدها نضعه في الطحين ثم البيض ثم الطحين


ويترك فتره في الثلاجه اقلها ربع ساعه


وبعدين نقليه لذيذ جدا


ويقدم مع الرز والسلطه

 

[جارة القمر]

تسلم ايدج


حبيبتي



علي النقل

 

[زهرااا]

تسلم الايادي يا رب

 

[:: Diva ::]

ملح، فلفل اسود، ملعقة صغيرة بابريكا، نص فنجان زيت زيتون.
3 فص ثوم مفروم ناعم.
نص فنجان كرفس.
نص فنجان شرائح جزر مقطعة بشكل رقيق.
كوب ونصف بندورة مقشر ومقطع ناعما مضاف له نص ملعقة كبيرة معجون بندورة، وإذا كانت البندورة ناضجة جدا وحمراء لا تحتاجين لإضافة المعجون.
نص فنجان ماء.

الطريقة:
1- نتبل شرائح السمك بالملح والفلفل المطحون طازج والليمون، يترك جانبا،ثم نقطع البصل شرائح ونقليه بالزيت ونضيف عليه الكرفس والثوم والجزر حتى يذبل البصل، نضيف البندورة والماء ونتبل بالملح والفلفل الأسود والبابريكا، وتغطى وتوضع على النار لمدة 20 دقيقة.
2- في طبق البايركس نضع في القاعدة قليلا من الصلصة ونصف شرائح السمك، ونسكب باقي
3- الصلصة على السمك وفوقه شرائح ليمون، ويشوى بفرن متوسط الحرارة مدة 35 دقيقة، ويقدم ساخن مزين بالبقدونس والليمون إلى جانب السلطة الخضراء.

 

[:: Diva ::]

سمك مشوي

المقادير:

- 1ك سمك فيليه و يفضل بياض
- عصير 3 ليمونات او خل
- ثوم مدقوق
- ملح
- كمون
- شطه
- قرفه
- نعناع مقطع
- فحمه لرائحة الشوى
- قليل من الزيت

طريقة التحضير:

1- يتبل السمك بالملح و الليمون و باقى التتبيله ويترك .
2- نضع الزيت حتى يسخن ثم نضع السمك واجده تلو الأخرى حتى يتغير لونه و يقلب من حين لأخر حتى يأخذ لون التحمير .
3- نضع الفحمه فى وسط السمك و نطفىء النار وتترك فيه الفحمه حتى تأخذ الرائحه الطيبة للشوى و يقدم .

 

[:: Diva ::]

سمك فيليه (اللي ينباع بالجمعيات اللي فيه 4 شرايح عرفتووووه)
كزبره مفرومه
ربع كريمه كي دي دي
عصير ليمونتين
2 فص ثوم مفروم
3 ملاعق كتشب بو ثوم ماركة ماجي عرفتوه
زيت زيتون
ملح + فلفل أسود


الطريقة


يتبل السمك بالملح والفلفل الاسود والكركم ويوضع بالثلاجه من الصبح
بعدين نصف السمك بالبايركس ونحط عليه الكزبره ونخلط باجي المقادير ونصبه عليه وندخله الفرن لمن يستوي بس (لا تخلون الصلصه تنشف وايد اذ نشفت زيديها ماي شوي بس )

يقدم مع عيش بالشبنت

 

[Snow angel]

يسلمو حياتي على النقل الحلو

 

[:: Diva ::]

اول شي غسلي فيليهات السمج ونقعيهم بكركم وطحين وبعدين غسليهم ونشفيهم زين وبعده انقع السمج بهذي الصلصه
نتبله فيليه السمج بهذي الصلصه ( عصير برتقاله+عصير ليمونه+ ربع كوب صويا صوص+3 فص ثوم مدقوق+ ملح وفلفل اسود وكزبره ناشفه ناعمه+2 قفشه كزبره خضره مفرومه+2 قفشه كبيره زيت زيتون)
خليها نص ساعه بالتتبيله

شيليها من التتبيله وخلي التتبيله يمج لاتقطينها

اشوي السمج على الشوايه مع رشها بشويه من التتبيله وانتي تشوين السمج وقلبيها اذا حمرت على الويه الثاني وراح تستوي بدقايق بس ديرو بالكم لايتكسر الفيليه شيلوه بحذر وقدموه مع عيش او بطاطس مقليه وخضار وبالعافيه

 

[:: Diva ::]

المقادير :

1\2 كيلو هامور فيليه....
4 حبات ليمون......
1 بار زبده.....
4 حبات بصل كبيره...
1 راس ثوم....
ملعقة طعام بهارات السمك...
ملعقة طعام كزبره ناعمه....
ملعقه صغيره ملح....
ملعقة زيت كبيره.....واخيرا شدة اشبنت...."ياااااسلام"
المهم ...الطريقه

يقطع الليمون ويعصر في باديه...ويغسل الهامور وينقع في العصير و يترك لمدة ساعتين....تصب ملعقة الزيت في
البايركس ويقطع البصل الى شرائح ويصف بالبايركس...يفرم الثوم ونضع نصف الكميه على البصل...يفرم الاشبنت..ونضع نصف كميته على الثوم والبصل تقطع الزبده الى شرائح رقيقه وتصف نصف الكميه فوق البصل والثوم والاشبنت.....

يرفع الهامور من المنقوع ويمسح بخليط البهارات والكزبره والملح على الوجهين ويوضع في البايركس فوق الزبده...
ترش فوق السمك الكميه المتبقيه من الاشبنت والثوم ثم على السطح توضع بقايا شرايح الزبده .....
يغطى البايركس بقصدير ويدخل الفرن لمدة ساعه....

وللاسف انا عمري ماحطيت اكله لكم بس بعد ما طلعتها وشميت الريحه...واااااو قلت ميخالف اعذروني اني ما صورت
المراحل ...

اخليكم مع الشكل النهائي...


------------------------------------------------------------

 

[:: Diva ::]

بسم الله نبتدي

تحتاجين

*زيت زيتون شويه بس واذا ما تبين هم براحتج ( ترا اقل من قفشتين يعني قفشه كبيره اتوقع كافي)

*بصل شرايح

*فليفله ملونه مكعبات و خلي الكميه راهيه

*بروكلي

*سمج فيليه انا اخذت المجمد من ماركه الامارات ومره جربتها من ماركه امريكانا كلهم حلوين... واذا كنتي بستخدمين هامور خلي الشريحه تكون ضعيفه عشان ما ياخذ وقت طويل بالفرن

*بهار سمج ماركه ماجيك وتقدرين تستبدلينه باي نوع بهار تحبينه

*وصلصه ماجي البنيه
ما تحتاجين ملح لان الصلصه مالحه والبهار فيه ملح




الطريقه


بالبايركس خلطي البصل مع زيت الزيتون عشان لا يلزق بالارضيه وبعدين حطي الفليفله والبروكلي

اخذي السمجه وقطعيها حسب السايز اللي تحبينه ورشيها من الجهتين بالبهار وحطيها فوقهم
واخر شي شوي من صلصله ماجي ولفيه بالقصدير وبالفرن لين يستوي ... ترا ما يطول



وهذا شكله عند التقديم... تقدرين تحتفظين بالصلصله على جنب او تصبينها فوقها عند التقديم


وبالعاااااافيه

 

[:: Diva ::]

المقادير والطريقه :.:.:


سمج فيليه الكميه الي تبينها تتبلينه بليمون وفلفل اسود وهيل مطحون ومشكل

طبعا مقطع السمج قطع وسط واقليه واحطه ع جنب واخذ جدر احط فيه بصل كميه

كبيره واحمس واحط ثوم مدقوق شوي واشبنت وكزبره من كل شي شوي واحمس

فلفل بارد مقطع صغار واحمس وماجي مكعب واحد واحط بهارات فلفل اسود _مشكل _ كركم واحمسهم

عدل مدل واخذ قطع السمج واقلب وارش على الحمسه صويا وهذا سر حلاوه الاكله بس مو وايد شوي جم رشه تشوفين الحمسه صار

لونها بني فاتح واقطع طماط الوحده نصين اقطعها فوق الحمسه بس اقلبها قلبتين واصك الجوله هاذي الحمسه

واسوي عيش مشخول عادي اسلقه بماي وبهارات عدله وزعفران واحطه فوق الخلطه واحط شوي

زيت وزعفران وماي ورد واخليه الين يتبخر مايطول ثلث ساعه

 

[:: Diva ::]

خذيت سمج الفيليه ونطرته عى ما يذوب بعدين بهرته بكركم وشوية ملح وفلفل اسود

بعدين قليته بدهن طبعا ما ياخذ وقت كلش يمكن 5 دقايق لان الفيلية ضعيف

بنفس الدهن مال القلاي احمس بصل وثوم وزنجبيل

واحط بهار كاري و كركم وهيل وفلفل اسود وذا في بابريكا حطو بس انا ماكان عندي

بعدين حطو 3 قفاش معجون طماط وطماطة مفرومة

عقب حطو 4-5 قفاش روب وقعدو حمسو


اخر شي حطو كزبرة مفرومة

بعدين نحط السمج ونخليه على نار هادية بس لا تحركونه علشان لا يتفتفت السمج




وعلييييييييييييييييكم بالف و600 عافيه

طبعا تاكلونه مع عيش ابيض او خبز



ويييييييييييييييييييي نسيت اهم شي وسر النكه تحطوووون زعفران بس شوي راهي




وهذي صورته

 

[:: Diva ::]

فسويت نوعين الاول فيليه هامور على شواية الكهربا وطلع يهبل
والثاني حريد مشوي في الفرن والثاني كمان طلع رااااائع ......وقبل ماتقولون قاعده امدح نفسي واتغزل بشغلي شوفوا واحكموا بنفسكم <<ابو الثقه

فيليه هامور مشوي بشواية الكهربا
المقادير:
فيليه سمك (كيلو تقريبا او حسب الرغبه)
للتتبيله:
2 ملعقه كبيره بهارات السمك الجاهزه
عصير ليمونتين كبار
ملعقه كبيره خل
ملعقه كبيره خردل
نص كوب كزبره خضرا مفرومه ومثلها شبت
ثوم مطحون وزنجبيل
ربع كوب زيت زيتون +ملعقه كبيره سكر




وهذي صورة البهارات




نغسل السمك وننقعه في الليمون والخل لمدة ساعه
نخلط مقادير التتبيله مع بعض ..
.نقطع السمك لمربعات وسط ونخلط معاها التتبيله ونتركها كم ساعه او طول الليل
نشكها في عيدان الساتي ....ونحتفظ بباقي التتبيله





نعيد دهن السمك بالتتبيله قبل الشوي مباشره





نشغل الشوايه بعد ما نصب فيها حوالي لتر ماء





قبل مانشوي لازم ندهن الشبك بزيت عشان مايلصق السمك





ندهن السمك بالزيت اثناء التقليب عشان يحمر بسرعه وما يلصق ...وطبعا السمك ما يطول على النار
يقدم مع الرز الابيض او الخبز ...وانا كمان سويت معاه ثوميه وسلطة طحينه وفلفل حار يجنن

 

[بحرينية محرقية]

ماشالله وصفات حلوة

تسلمين حبوبة ..

 

[اي اسم]

تسلم ايدج

 

[om.5doja]

تسلم اييييدج


والله يعطيج الف عافيه

 

[نجاة80]

سلمت الانامل

يعطيج العافيه قلب

 

[ABEER FLOWER]

يعطيج ألف عافيه