ملفي الخاص للأطباق الرئيسية المميزة ..

[كلي تفاؤل]

يعطيج العافيه ...انا بروح اجيب لى دفتر واسجل فيه هالوصفات الطيبة صراحة ماتنطوف ..وشكل السمج يمي يمي ذكرني بسمج شرمبي المشويييييي ماشاء الله عليج ربي يحفظج

 

[الدنـ نور ـيا]

تسلم ايدج

 

[Bnt_Lebnan]

شكلو كتير طيب يعطيكي الف عافية رح حاول جرب اعملو بكرة وبخبرك بالنتيجة

 

[<<لمار>>]

يسلموووووو

 

[جوري وبنفسج]

السلام عليكم

الغالية Love \ Hate ... تفضلي صورة الشواية




الغالية جهراوية ... الله يعافيج يا قلبي وجربيه وعطينا رأيج وسمج الجنعد بعد لذيذ

الغالية الدنـ نور ـيا ... تسلمين على المرور الحلو

الغالية Bnt_Lebnan ... كتير مهضومة يا قلبي وجربيه وعطينا رأيج وصحتين وهنا على قلبج ​

 

[Love \ Hate]

هلا والله حبيبتي جووري مشكوره وماتقصرين اذيتج معاي

انشالله اروح اشتريها باجر لانه اليوم مايمدي خلاص

 

[جوري وبنفسج]

السلام عليكم

الغالية Love \ Hate ... تمونين حياتي وما في أذية وحاضرين للطيبين

والحين مع وصفة جديدة ومميزة _03BA:

حاولت اليوم أسوي ربيان مشوي نفس طريقة مطعم أشاز وبعد المحاولة صج ما جبت النكهة 100% بس لجنة الذواقة عجبهم وايد بس بنتي قالت أن الربيان اللي سويته قبل يومين أحلى أن شاء الله بطبق وصفته وأحطه لكم الأيام الجاية


اليوم رحت أشتري ربيان من اللولو هايبر ماركت بس للأسف كان الربيان الكبير خالص فخذيت وسط بس لو كبير يطلع أحلى خصوصاً أنه طبق مشوي



* ربيان مشوي متبل باللبنة والحامض *


نحتاج ربيان مقشر




بصل مخلل >> أختياري تقدرين تستغنين عنه




وللتبيلة نحتاج = بودرة الثوم + بودرة البصل + معجون الزنجبيل + لبنة حامضة + شوية زيت زيتون حتى تقدرون تخلطون المكونات بالخلاط

البديل >> ممكن تحطين المكونات فرش مثل بصل مبشور بدل بودرة البصل + ثوم مبشور بدل بودرة الثوم + زنجبيل مبشور بدل معجون الزنجبيل



ونحتاج بعد كزبرة فرش




ونحتاج بعد ليمون مصري مخلل





نحط مكونات التتبيلة في الخلاط ونضيف لها شوية ملح بالثوم ونخلطهم ونصب الخلطة على الربيان ونخليها 3 ساعات أو أكثر وكل ما طولت صارت أحلى






نجيب أسياخ خشب ونشك فيها الربيان مع البصل المخلل >> و فلفل أخضر بارد نسيت أصوره






نشغل الشواية على أعلى درجة ونشوي الربيان





وهذا الشكل النهائي





وصحتين على قلبكم ​

 

[حور الحلوة]

الله يعطيج الف عافيه ياقلبي على الطيق الراااااائع

ماشاء الله يهبل

زين بسالج اللبنه مو حامضه حيل ؟؟

والا طعمها ناطق حلو يعني


والله يعطيج الف عافيه يا الغاليه

 

[ضحى الكويت]

ما شاء الله تبارك الرحمن تسلم ايدج والله


تونى اطيح على هالموضوع الحلووو عفيا عليج والله الى الامام دائماااا


ومتابعتج دائمااا بإذن الله تعالى


بس بغيت اسألج عن الشوايه شكلها حلووو وايد مشكوره على الصوره بس ما قلتيلنا من وين شاريتها ما عليج امر ....

 

[اسطورة الحب]

تسلم ايدج جربتها امس قبل لا ارد عليج الصراحه اعبتهم شكرا لج

 

[RAIN FALL]

تسلم ايدج

 

[جوري وبنفسج]

السلام عليكم

الله يعطيج الف عافيه ياقلبي على الطيق الراااااائع

ماشاء الله يهبل

زين بسالج اللبنه مو حامضه حيل ؟؟

والا طعمها ناطق حلو يعني


والله يعطيج الف عافيه يا الغاليه

الله يعافيج يا قلبي

اللبنة حامضة وهذا سبب أختياري لها بالذات بس ما تبين الحموضة وايد بالربيان . أذا ما تبين لبنة ممكن تستبدلينها بالروب ​

 

[جوري وبنفسج]

السلام عليكم

ما شاء الله تبارك الرحمن تسلم ايدج والله


تونى اطيح على هالموضوع الحلووو عفيا عليج والله الى الامام دائماااا


ومتابعتج دائمااا بإذن الله تعالى


بس بغيت اسألج عن الشوايه شكلها حلووو وايد مشكوره على الصوره بس ما قلتيلنا من وين شاريتها ما عليج امر ....

حياج الله يا قلبي ونورتي الموضوع بطلتج الحلوة

الشواية أنا أخذتها من لوازم العائلة اللي بجمعية خيطان وأتوقع أنها موجود في كل مراكز لوازم العائلة في الجمعيات وزوجي قبل أخذها من محل كهربائيات بحولي يعني ممكن تلقينها متوفرة بأغلب محلات الأجهزة الكهربائية وسعرها 11 أو 12​

 

[جوري وبنفسج]

السلام عليكم

تسلم ايدج جربتها امس قبل لا ارد عليج الصراحه اعبتهم شكرا لج

حياج الله يا قلبي والحمدلله أن الطبق عجبهم . بس جان زين حطيتي صورة لتطبيقج

المرة الجاية لا تنسين تصورين الشكل النهائي للطبق

والعفو حاضرين لأحلى كويتيات وأبشروا بالمزيد من الأطباق

وباجر موعدكم بإذن الله مع طبق جديد

​

 

[جوري وبنفسج]

السلام عليكم

تسلم ايدج

حياج الله يا قلبي ومنورة الموضوع يا حلوة ​

 

[جوري وبنفسج]

السلام عليكم

شلونكم يا أحلى كويتيات


واليوم موعدي معاكم بطبق جديد ونكهة جديدة


* شيش الدجاج بخلطة الريحان والطماط المجفف *


نحتاج

صدور دجاج مقطعة إلى مكعبات



والحين مكونات الصلصة الغريبة والمميزة _03BA:

صلصة البلاك بين سوس >> صلصة الفاصوليا السودا



طماط مجفف




مخلل ليمون مصري




زيت زيتون + تتبيلة الأعشاب الإيطالية




ريحان طازج + ثوم + زنجبيل





نحط كل مكونات الصلصة بالخلاط ونخلطها عدل مدل


والحين نحتاج بصل صغار طازج >> تلقونه باللولو هايبر ماركت أو مركز سلطان أو أي محلات تبيع خضرة الهند + فلفل بارد أخضر نقصصه مكعبات





وفي صحن عميق نخلط صدور الدجاج + الفلفل البارد + البصل ونصب فوقهم الصلصة ونخلطهم عدل ونخليهم يتشربون الصلصة لمدة 3 ساعات وكل ما طالت المدة صارت النكهة أحلى





نجيب أسياخ خشب ونشك فيها البصل والفلفل البارد والدجاج . وبعدين نشويهم على الشواية الكهرباء على أعلى درجة





وهذي صورة النتيجة النهائية




الطبق عجب لجنة الذواقة وأتمنى أن يعجبكم ... وصحتين على قلبكم .​

 

[عمة الزين]

تسلم ايدييييييييييينج ويعطيج ربي العافيه

 

[جوري وبنفسج]

السلام عليكم

تسلم ايدييييييييييينج ويعطيج ربي العافيه

الله يعافيج يا قلبي ومنورة الموضوع بطلتج الحلوة ​

 

[Love \ Hate]

هلوووووووووو جوووري حبيبتي تسلم اييدج وشلونج ؟؟

ابيييه ماقلت لج !! رحت لولو هااايبر وخمييت كل الاغرااااااض .. بس شي واحد ماحصلته !! " ملح الثوم " افتريييت عليييه لما قلت بس

بس ماحصلته للأسف راح ادوره بمكان ثاني انشالله ..

واليوم غدانا كان سالمون مشوي والبطاط المدور .. طلع عجييييييييييييييييب والبطاط اكثر شي عجب بنتي وريلي ..

وعطيت خالتي بعد اقولج ذكرني بشنو ؟؟ ذكرني بريوق ماكذونالدز جنه الهاش براون مالهم ..

مشكوووره حبيبتي وماقصرتي ودعيييتلج

عاد تصدقين صورت التطبيق ونزلته على الكمبيوتر الصوره عندي وكل ماابي انزلها المننتدى ؟؟ السايت مو راضي

يقوللي الصوره معطوبه @@ لاتساليني شنو يعني !!

بس جد كان لذيييذ

 

[جوري وبنفسج]

السلام عليكم

هلا بالغالية Love \ Hate

أنا اليوم كنت باللولو هايبر ماركت وكل يومين رايحته له من كثر ما حبيته بس الملح بالثوم ما تلقينه ألا بمركز سلطان وأذا رحتي نصيحة أخذي كمية منه لأنه مو دايم متوفر أنا أذا رحت خذيت اللي على الرف كله لوووول

وما عليه بالنسبة للصورة أن شاء الله نشوف تصوير تطبيقاتج الجاية

وعليكم بالعافية وصحتين على قلبكم ​