مرحبا عرايس عسى الله يوفقكم بحياتكم وتتهنون مع ازواجكم ويرزقكم الذريه الصالحه
انا بنصحكم بمصوره اهي غاليه شوي بس شغلها راااااقي ومافيه هلاقه مثل باجي المصورات:cxxxp:
ولا الحركات اللي تلبسج لبس صعيدي وريش وكبابيس ومن هذا كله (مع احترامي للكل)
اهي تتفنن بلقطاتج انتي وتطلعج احلى من العارضات :wqedqw:
تهتم بالفيس والميك اب والبدله وتاخذ لج لقطات حدها مووو صج
محلها موجود بالسالميه مجمع البستان بالسرداب اسم محلها بابارازي
اسمها على ما اذكر منى لان عرسي كان قبل 8شهور الذاكره كلش مو شي عقب العرس
كل يوم غسيل ملابس والكوي وما ادراك ما الكوي يكسر الظهر
وتنظيف الشقه اللي مهما سويتي ماتنظف ابدابد وكله بصوب والطبخ وغسيل المواعين بصوب :dfgl:
تحسين نفسج بشكااااره على قولت اهلنا بالامارات :3lm1:
حرام خوفتكم بالعرس نييياااهاااهاا :lololoe:
بس هذي سنه الحياه ومصيركم تتعودون مثل ماتعودنا
المهم نرجع لموضوعنا الاساسي
انا خذيت اكبر عرض عندهم ب850 دينار مع الاستديو بره
ومع البوم كبير مال الاهل حده كلاااااس وفيه 100 صوره
والبوم خاص فيني وابو الشباب كبيييير نظام مجله وتطبع لج الصوره حتى على الغلاف من بره
يشيل تقريبا بحدود 20 صوره ونفس البوم المجله الكبير تعطيج هديه البوم مجله صغنوووون بحجم كف ايدج تحطينه بالجنطه
وفيه نفس صور المجله الكبيره ونفس ترتيبهم حده كلاااااس وذرب
وكافي ان اسلوبها راقي واهي شوي فرفوشيه وهالشي انتي بتحتاجينه بليله العرس لان راح تكونين متوتره وشكلج بيكون جذي :bbbiu: يعني متنحه من الحيا وماتعبرين كلللش
واللي بتقول غاليه اهي براحتها تقدر تروح لناس ارخص منها
بس وجهة نظري هالليله ماتتكرر والشي الوحيد اللي راح يبقالج عقب سنين وتتذكرين شكلج فيه اهو الالبوم مال العرس
واذا كلش كلش ماعندج ميزانيه سوي نفسي انا دفعت لهم عربون اعتقد 250 وبعد العرس اخذت الحبيب ابو الشباب واهو مستاااااانس ودفعته الباجي دينار ينطح دينار واهو لاتعليق>>>> سوو نفسي طبقوها اوفر لكم
_03BA:
بس اهم شي لا تهتمون بالشكليات وتنسون نفسكم وبنات نصيحه كثرو من الدعاء لربكم انه يوفقكم ولاتنسون رضا الوالدين والله يابنات رضا الوالدين له اثر كبير بحياتج وتحسين ان الله موفقج بزواجج اذا امج وابوج راضيين عنج
والله يهنيكم يارب
