ملــجت وتـوهقت ... بلييز ساعدوني .. :(

[توته شيطونه]

تسلموون بنات ما قصروتوو ..

والمشكله اني بينت له اني متضايقه من هالسوالف وكذا مره اقوله ما يصير بس ماكو فايده

والحين صارلي اسبوع زعلانه واهو يدري ان مزعلني عشان سوالف البنات وجذي وانا مع ويهي داقه الثقل ما دقيت عليه ولا شي قلت يمكن يحس ولا شي .. << طلع عاجبه الوضع ما دق ولا تأسف ولا جاول يراضيني يعني شبة رد لحايتة العزوبيه وانا يا حظي اكل بعمري ليل ونهاار
ما ادري شنو الحل والله ما ادري :eh_s(14):

حبوبه ادعي بالليل وان شاء الله ربي ويخر عنه هالسوالف بس نصيحه شكله هذا من بدايتها جذي مستقوي:weight_lift:

عيل بعدين شنو بيسوي الله يعينج حبوبه وشكلج حبيتيه وهو يدري انج حبيته عشان جذي راهي بالتعامل معاج وعلي كيفه

يقووول تحبني وماراح تستغني عني اكيد بسوي جذي حبوبه صبري عليه اعرف وحده زوجها جذي اصبرت عليه 15 سنه

والحين الحمدالله قلب الحال وصار خوووووووووووش واحد

 

[ام شووووق]

رد : رد: ملــجت وتـوهقت ... بلييز ساعدوني ..

والله يا بنات ياما خزيت وياما بوزت بسسس ماكو فايده ..
وطقيته بالطوفه وكاهي ساحب علي ولا داري عن هوا داري .. طبعاً لازم ابلغه لما اطلع واروح وايي .. الحين بما اني زعلانه ادزله بس مسج اذا بغيت اطلع ومو على طول بس بالمكان اللي ممكن يجكني اني طالعه ..وما ادق عليه ولا شي وثقلت عليه وهمن ماكو فايده اووووف وامي ملت صرت لما اشكيلها تسكت تقولي والله ما ادري عنكم وما ادري شنو اسوي

والله ادري كثرتها عليكم بس ورب الكعبه من حرة قلبي من ملجة لما الحين عمري ما غفيت الا ودمعتي على خدي
ما عليه تحملوووني

:eh_s(2)::eh_s(2)::eh_s(2):

حبيبتي بطلب منج تقرين ردي الاول مرة ثانيه
وترى النتايج ماتجي بيوم وليله ويبيلها صبر

عالاقل اسبوع
تحملي

اتعبي بالبدايه وبعدين بترتاحين

 

[!! D m i r a a !!]

قوليله او دزيله مسج

وكتبي فيه

فلان .. ان شاء الله ماتسولفلي عن ماضيك مع البنات وتاخذ راحتك وايد
لانه هالشي قاعد يصغرك بعيني ويقلل من قدرك
اذا انت شاري حياة العزوبيه وتبيها ..
ترى انا شاريه راحتي وسعادتي .

 

[فقـدتـك حيــل !]

رد : ملــجت وتـوهقت ... بلييز ساعدوني ..

الله يعينج والله !
عينـه قوية ..
والله العوي عوي .. وشفت بعيني حياة حالة نفسج ،
انتهت بالطلاق بعد الزواج ،
أحسن حل انج تستخيرين ،
وأفضل الانفصال بالحاله ..
واايــد أحسن وانتي بالبر !
ادعي ربج والله كريم ..

 

[ريوفي]

انا اقول لك اختي اللي هذا اولها ينعاف تاليها انا لو مكانك اتركه خصوصا انه له علاقات سابقه وابو طبيع مايجوز عن طبعه

 

[مالي غير الله]

الله يعينج ويساعدج بس لازم تستشيرين احد فاهم وعاقل من اهلج علشان يكونون معاج في قرارج وقبل هذا تستخيرين الله والله يكتب لج اللي فيه الخير

 

[Tutti-Frutti]

رد : ملــجت وتـوهقت ... بلييز ساعدوني ..



تطلقين منه الحين وانتي بنت ولا تتطلقين منه بعد العرس ولمن اييون لج عيال !

بس خلي الطلاق اخر حل

وحاولي معاه يمكن الله يهديه ويعقل


الله يسخره لج

 

[hooryah q8]

رد : ملــجت وتـوهقت ... بلييز ساعدوني ..

حبيبتي انتي ابفترة الملجة ويعاملج جذي
المفروض اتكون احلى ايام ..


عندج حل من الاثنين ياانج اتكلمين امه مثلا او اخته عشان يتسنع او مثلا اتكلمينه عن الانفصال او اتلمحين واتشوفين ردت فعله ... او انج تصبرين وان شااءالله يتغير بعد الزواج

في رياييل يتغيرون بعد مايتقربون من زوجاتهم اكثر ومع العشره

بس ماااشوف الانفصال حل .. البنت موكل يوم لها ريل ..

الله يفرجها عليج يارب ويسخر ريلج لج

 

[فراولة شريرة]

رد : ملــجت وتـوهقت ... بلييز ساعدوني ..

امممممممممممممممممممممممم

والله ماادري شقول بس حاولي تخلين اهتمامه فيج وتغيرين سوالفج معاه
مثلا قولي له شتحب اي لون او سوي روحج تاخذين رايه في شئ تبين تشترينه واذا حستيه بيتكلم في هلاشياء قولي له امي تناديني
غيري الموضوع لانه اذا جم مرة تتهربين من هلسوالف بيسكت
او سوو روحج مريضه وخله يهتم لج يعني ضيعي السوالف في بعضها

 

[قـہۈه فـرنسيـہ™]

مآآآني شايفه سبب مقنع يخليج تفكرين بالطلآآآق ...!

الطلآآق خليه للآشيآء القويه ...


طقج - يشرب- جايب وحده لبيتج ......الخ ... يعني اذا كانت العيشه معاه لا تحتمـــــل ...

الحين فترة طيش وانتي ماجربتيه ولا هو جربج ...بعد الزواج كل شي يتغير ان شاء الله ...@@

 

[بنت عاقول]

مآآآني شايفه سبب مقنع يخليج تفكرين بالطلآآآق ...!

الطلآآق خليه للآشيآء القويه ...


طقج - يشرب- جايب وحده لبيتج ......الخ ... يعني اذا كانت العيشه معاه لا تحتمـــــل ...

الحين فترة طيش وانتي ماجربتيه ولا هو جربج ...بعد الزواج كل شي يتغير ان شاء الله ...@@

حبيتي انا معاج بهالشي ان الطلاق للاشياء القوية ..
بس بعض مرات اقول اذا اهو من الحين يسوي جذي والفتره اللي المفروض احلى ايام حياتي تعتبر وجذي قاعد يسوي باجر شنو بيسويي فيني ..
وبالنسبه للطلاق مخليته اخر حل بس هذا ما يمنع اني افكر فيه بوضعي معاه الحين ..
ومشكوووره ع النصايح فديتج

 

[قفشة سكر]

بصراحه انا بحاول اكون موضوعيه قد ماااااااااااا اقدر..
لان احيانا الي بنص المشكله تكون رؤيته مو واضحه و خصوصا اذا كانت المشكله فيها جانب عاطفي
يعني انتي تقولين تحبينه و جذي..
يعني حبيبتي شغلته انه يحاول يثير غيرتج هذي شيليها موووووووليه من راسج ..
الزواج اساسه الاحترام المتبادل و الثقه..
و هو مو مشكله انه يقولج انا كانت عندي سوابق ولو انه ماله داعي بس ممكن نقول كان يبي يكون صريح
لكن انه يتشيحط و يحن للماضي ترى هذي علامه خطيره ..
يعني شكو يحن للماضي اذا انتي تارسه عينه و مقتنع فيج و يشوفج بالدنيا..
و انه انتي تبينين له انه هالشي يضايقج و يسويلج طاف بعد هم مو عدله معناته ما احترم مشاعرج ولا حط اعتبار لخاطرج..
و بالنسبه لخوفج من الانفصال ترا تنفصلين و ترتاحين ولا تتزوجين و تعيشين بمشاكل عشان رضى الناس..
الناس اول و تالي بينسون وبعدين هم جذي و لاجذي متحجين تزوجتي تطلقتي حملتي سقطتي رحتي السوق طلعتي زواره سافرتي
كله كله متحجيييييييين فيه..
انتي قعدي بينج وبين نفسج و شوفي انتي شنو الي يريحج و يسعدج شنو الي يرضيج اذا لقيتيه بهالانسان خلاص واذا حسيتي انه الي تبينه مو معطيج ياه اخذي قرار يا انج ترضين بهالقصور و تتحملين الي يجي منه وما تتشكين بكره ولا انج ما ترضين فيه و تروحين تقولين له
عندك حاجه من ثنتين يا هذي يا هذي ..
و لاتنسين استخيري و حاولي تفكرين بعقلج مو قلبج..
ترا القلب ضعيف

 

[*أم*خالد*]

مايحتاي هالمغثه كلش

خل احد من اهلج يكلمه ويقوله ترى انتو على البر

شسالفه من فترة الملجه انا الريال وانتي انطمي لايكون شاريج من سوق النخاسه ولا هبه من والي المدينة ؟؟

خلي ابوج يكلمه ويقوله انت خذيت بنتي .. يا انك تعاملها بالمعروف او ماتشوف شر
سالفه مغازل وخرابيط هذي تودعها قبل لا تطق باب بيتنا وتخطب بنتي !!

حلو والله حلو

واي امبيه قهررررر قطيعه .. شهالحياة اللي هذي اولها الله يعينج على تاليها
هذا ليلحين مادش جذي يعاملج باجر شنو بيسوي لمه تخلفين واحد واثنين وثلاثه وتتوسعين ؟؟
مابي اخرعج بس هذا الصج
خلي ابوج يكلمه يا يحترم نفسه او مايشوف شر !!!!!!

 

[Petite]

والله مادري شقولج بس الله يعينج شيّ يتعب القلب ويشيب الراس

 

[sammoora]

رد : ملــجت وتـوهقت ... بلييز ساعدوني ..

الله يعينج ويسخره لج ومايشوف بعينه الا انتي

انتي كلميه وقوليله ابي افتح معاك صفحه يديده من اليوم ومابيك تكلمني عن البنات واذا هالشي يضايقك خلاص خلني لأن ماقدر اعيش طول عمري اتحمل وانت توصفلي بنات الدنيا اللي يمرون عليك

و شوفي رده لو قال ننفصل فـ والله هذا احسن حل لج وله لأن بسرعه استسهل السالفه فينخاف منه باجر

واذا تمسك فيج وقال بتعدل وكلي امرج لله و صبري و ان عادها قوليلها انت وعدتني وماكنت قد الوعد
---

وربي يصبرج و يسهل امرج و يسخره لج ان شاءالله

 

[كويتيه شقره]

شكله مو مظبوط..
دربالج قبل لايدخل عليج ووتصير حياتج اصعب واصعب
استخيري كذا مره واطلبي ربج طلب الحاجه

 

[حنين]

اولا ما عليج من كلام عمتج شنو مافي احسن منه الا في وايييييد واحسن ريايل بعد
بعدين استخيري اذا بتطلقين
الله يهدي ان شاء الله

 

[خيالة]

هذا سخيييييييييييف وياهل اشلون تتطمنين على نفسج معاه
اللي يبي يتزوج يقط الماضي ورا ظهره مو يقعد يتكلم فيه
وكله كوم والبخل كوم ثاني
اذا انتي شايفة انج تحبينه والله باجر بتكرهين نفسج لأنج حبيتي واحد بخيل يا ساتر
فوق شينه قوات عينه
شوفي حبيبتي هالاشكال ما تتعدل اذا بالملجة جذيه
اسوأ الرياييل يصيرون ملائكة بالملجة عشان يبينون انهم زينين هذا مو هامه شي لا رايج ولا مشاعرج
خلي امج تكلم امه تشوف مغصوب ولا شسالفته لأنه مو طبيعي واحد طالب من اهله انه يزوجونه وبنفس الوقت يحن حق العزوبية
من طقك على ايدك وقالك تعال اخذ بنت الناس
لحقي نفسج وفكري بعقلج
طبعا احنا ما نقدر نحكم على الموضوع كثرج انتي لأنه حكمنا على اللي انتي قاعدة تكتبينه
والله يكتب اللي فيه الصالح

 

[سارووونه22]

قوليله مفتخر انك كنت راعي خرابيط صج صج الله يعينج

 

[غلاة الغالي]

رد : رد: ملــجت وتـوهقت ... بلييز ساعدوني ..

عامليه بالمثل بس بشكل ثاني

قولي ماروح استقبال او عرس الا مايخطبوني ويستخفون علي

ودايم حسسيه انج واو ومحد مثلج وخلج واثقه من نفسج لان الكلام سبحان الله يغير مسار الشخصيه

ويارت سوالفه عن مغامراته تعطينه طااااااااف و تحسسينه بعد انه مصروخجي بس بنضراتج مو بالكلام هههههههههههه حتى لو تشوفينه بعينج لان الطريقه هذي تطخخه غصبن عنه

عين العقل يا جوووري ..:eh_s(15):