ملجت لووول مو مصدقه يحليلي صرت مره

[vanilla-D]

السلام عليكم و رحمه الله و بركاته

بنااااات انا ملجت قبل اسبوع امبي مو لايق علي متزوجه لوووول عمري 21


انزين حبيباتي ابي اعرف بفتره الملجه المفروض عن شنو نتكلم و نتفاهم يعني انا كلمته عن الشقه الحبيب يبي شقه اجارها اقل من 300 بالله وين اكو شقه بهالسعر الا بالمناطق البعيده مابي بعيييد


انزين وبعد يعني مو عارفه من وين ابلش معاه اتكلم عن حياتنا و هالسوالف
و اهوا نوعه طفولي شي

يعني اول هديه شرالي اياها لعبه من المركز العلمي لووول كلش مو جنه عمره 26

المهم نصحوني انا ماني مسويه عرس بس بسوي حفله و الحفله كلها على حسابي و مهري 4 بس حده ماايكفي ودي اقوله يدفع معاي شوي بس مستحيه اووف قولولي عن شنو تكلمتو و اتفقتو اول ما تزوجتووو ا ؟؟

 

[هنـــد]

الف مبروك حبيبتي

بالنسبه للشقه الله يعينج اسعارهم نار وخاصه المناطق الداخليه عاد هالنقطه ماعندي علم فيها

الحفله اذا بتكون على حسابج اكيد بتسوينها بالبيت صح ؟ ماراح اتكلفج شي ان شاء الله بس شدعوه 4 الف والحفله عليج

حاولي تسوين كل شي على قد امكانياتج

وصدقيني مو مهم لا الحفله ولا غيره اهم شي الله يوفقج مع زوجج والباجي كماليات لا يزيديون ولا ينقصون بالحياه الزوجيه

 

[vanilla-D]

رد : ملجت لووول مو مصدقه يحليلي صرت مره

لان انا من غبائي ما حددت مهر قتلهم كيفكم قالوا قولي جم تبين ما يصير قتلهم لا ما احدد كيفكم انا ما يهمني المهر (مالت )
لوووول

اي بسوي الحفله بالبيت بس هم ابيها تكون فخمه شوي يعني بييب ديجي قوي و اهم شي المصوره لان ذكرى تظل معاي طول العمر

مشكووره حبيبتي

 

[اميره1980]

1000 مبروك اول شي
بالنسبه للسكن انا اقترح عليج تسكنين في منطقة القيروان وااااايد حلوة و هادية و كلها فلل و اجارها مناسب يعني انا شقتي هناك بعد 300 دينار بالشهر و ما شاء الله حيل نظيفة و جديدة
و انا شايفة ان مو لازم حفلة ليش ما تسافرون مع بعض احسن لكم على الاقل انتو تستانسون

 

[vanilla-D]

رد : ملجت لووول مو مصدقه يحليلي صرت مره

احنا بنسافر عشان جذي مابي عرس بس هم ما يصير اتزوج سكاتي

لازم شوي حفله القيراوان لااا وااايد بعيده انا اهلي بمشرف و جنوب السره و هالمناطق حتى دوامي بشرق مابي مكان بعيد

 

[متى يتحقق الحلم]

رد : ملجت لووول مو مصدقه يحليلي صرت مره

ماشاءالله تبارك الله , الله يوفقك يارب ويهنيك

ودعواتك لي ربي يزوجني

 

[vanilla-D]

رد : ملجت لووول مو مصدقه يحليلي صرت مره

اجمعين حبيبتي الله يعطيج اللي في بالج

 

[البارونه*_^رونه]

الف مبروك حبيبتي

والله يوفقج ياارب

ان شاءالله البناات يفيدوونج انا بس حبيت اباارك لج

 

[vanilla-D]

رد : ملجت لووول مو مصدقه يحليلي صرت مره

الله يبارك فيج حبيبتي

الباقي شدعوه عليكم تقرون و تطلعوون ابي نصيحه لوجه الله لا اكثر

 

[Maryomah_q8]

مبروووووك

 

[صمــت_ALsHfaaH]

الف الف مبرووك

الله ييجمعكم على خير ويوفقكم

ويسخركم ويهديكم لبعض

وبالنسبه لشقه في مواقع وحاطين اسعارهم للمناطق الي تبين اذا تبين ادور لج من عيوني بس حدديلي المناطق وابششري

وبالنسسبه للحفله الله يعينج ترا 4 الالف يادوووب تكفيج انتي والحفله مع الدي جي والمصوره مايقلون عن 700 دينار شيبقى لج؟؟

والله الحين قرايبنا ماصارو يسوون لاعرس ولاحفله على طوول يسافروون واذا كلش كلش حجزي لج مصوره تجيج بالفندق وصوري واستانسي انتي وياه لان والله مهرج يادوب يكفيييج ووالناس مايعجبها العجب


والله يسسسسسسسسسسسعدج يارب ياعرووستنا

 

[روحي زوجي]

الشقه عليه اهو يدور انتي مالج شغل فيه بس اهم شي انها تكون قريبه لمحيطج

اما المهم ان شاء الله راح يكفي الدي جي مع البوفيه مايكلف الف ونفنوف العرس هم اقل من الالف اما اذا تبين قاعه بفندق ماعندي اي فكره

وعن الحجي بينكم لاتبلشين باي شي خليه اهو يتكلم ومثل ماقلتي عمره تو 26 يعني نوعا ما مراهق يعني حاسبي لاي كلمه تقولينها

عالعموم احلا مافي الزواج الخطوبه بس حافظي على نفسج فيها

والزواج معروف اول سنتين زواج مشاكل قويه عقب راحه نفسيه اسئل الله لج التوفيق فيها ويجمع بينج وبين زوجج دايم على خير

 

[el lulu]

رد : ملجت لووول مو مصدقه يحليلي صرت مره

ماشالله الله يبارك لج ويتمم عليج
الف مبروووك:eh_s(9):
تخطيطج وايد حلو دام بتسافرون حفلة صغيره بس تكون مرتبه بالبيت
ولا يهمج الناس شتقول لانه الناس ما يعجبهم شي لو تسوين عرس باكبر فندق ولا تسوين بالبيت لازم تحصلين انتقادات
اهم شي انتي وامج وخواتج واهلج القراب تستانسون وتعيشون احلى ليله
ايبي بوفيه سنع ودي جي حلو ومصوره زينه مثل ما قلتي وبتطلع حفلتج حلوه ومرتبه انشالله
في وايد ادوار وشقق بكيفان والسره بحدود 300 يمكن اكثر بشووووي بس يمكن يقتنع يدفع اذا شاف مستواها نظيف وحلو ويديد .. لا تستحين تناقشينه بشي بخاطرج او يتعلق بسكنكم وحياتكم كل شي بالاسلوب الحلو والاحترام يصيير بس طولي بالج اذا شفتيه يختلف بالراي معاج سكتي عنه بالتالي اهو الي يدور رضاج
واللـــه يوفقج ويسعدج و تروحون وتردون بالسلامه :eh_s(7):

 

[!! شوق !!]

ماشاء الله تبارك الرحمن ..
الله يهنيج ويتمم عليج يارب ..

بالنسبــه للحفله .. سويها محفوفه فبيتكم .. والناس المقربين فقط .. رفيجتي سوت جذي واهي نفسج مهرها ..

والشقه .. حطي فبالج لووو دفع اكثر من 300 راح يضطر انه ينقصج بامور او المصاريف الثانيه لانه حمل وماينلام .. والبعد والقرب حبيبتي السياره ماخلت مسافه ... والكويت كلها مجكنمه .. فلااا تخلين هالشي مجال للتفكير او انه يعكر عليج فرحتج ..

والمواضيع سهالات اتركي نفسج على طبيعتج والمواضيع اهي بتطلع مع السوالف بدون اي تنسيق .. بس نصيحه مني حياتج ترا الحين ترسمينها ..
يعني مثلا بنص السوالف تبينين له اطباعج .. الاشيا اللي ماتحبينها .. الاساسيات بعلاقتج معاه انه مبنيه عالصراحه .. وجذي ..


ربي يوفقج

 

[كلآم نواعم]

مبــروك حبيبتــي ,

والله مآآعنــدي فكــره عن هسـووالف لوووول
بـس بشكل عآآم اهتمي بمظهرج وخليج رزينــه
وسوالفـي معآه عآآدي ومع الوقت تتعوديـن عليـه وتآخذكم السوالف
مثلآ قولي لها شخبار شغلك ؟ شلون الدوام ملل ولآ ..؟
وآذآ رد عليـج السوالف بتسحب بعضهآآ ... =))

 

[vanilla-D]

رد : ملجت لووول مو مصدقه يحليلي صرت مره

لولو وروحي زوجي و صمت فدييييييييييتكم هذي الردود اللي كنت ناطرتها الله يوفقكم دنيا و اخره

مادري اهوا ما يتكلم جد وايد وكل ما افتح موضوع جذي يرد باختصار و يغير الموضوع و كل سوالفه ضحك

 

[vanilla-D]

رد : ملجت لووول مو مصدقه يحليلي صرت مره

شوق حياتي والله بس وضحولي اكثر شلون ارسم حياتي من الحين شلون اقدر اوصله شنو اللي فبالي بدون لا يفهم غلط و شلون اقوله اللي بخاطري باسلوب يشجعه ان يطبقه


كلام نواعم فديتج حبيبتي ما قصرتي

 

[أحلى عروس 2012]

رد : ملجت لووول مو مصدقه يحليلي صرت مره

كلوووووووووووووووووووووووووووووووووووووووووووووووووووووش
بالمبارك
البنات فادوج

 

[vanilla-D]

رد : ملجت لووول مو مصدقه يحليلي صرت مره

الله يبارك فيج حيااااتي


بس ابي اكثر افاده

 

[صمــت_ALsHfaaH]

عادي حبيبتي الرياجيل مو مثلنا يحبون التفاصيل والهذره يحبون الاختصصصصصصصصار يعني لو بايدهم يجيبون

10 جهال بحمله وحده زين على زين

خليج على طبيعتج ولاتضغطين على نفسج وخلي حياتج تمشي عاادي

لاترسمين شي الحياه ترسم نفسها لج