ملجة اختي

[للحين خجوله]

اهلين خواتي من جم اسبوع انخطبت اختي وشافت الخطيب واتفقنا على يوم الملجة واهل خطيبها من بلد شقيق خليجي وجاو عندنا ويوم الملجة اقعدت ترجع وصارت نفسها مسدودة والحين كلة تبجي تقول موعاجبها وتبجي ماتبية وتقول خلاص اكرة للعلم هم قرايب لنا من جهة الاب

 

[اللغز الغريب]

انزين...؟

تبين ندعي لها؟

تبين انقول لج حل؟

شاكة بسحر و تبين وحدة تعطيكم رقم شيخ؟

شنو هدف هالموضوع بالضبط؟

 

[•Brown•Sugar•]

انزين...؟

تبين ندعي لها؟

تبين انقول لج حل؟

شاكة بسحر و تبين وحدة تعطيكم رقم شيخ؟

شنو هدف هالموضوع بالضبط؟

بصراحه ردج كلش ماله داعي
لان البنت ماكتبت الموضوع الا تبي حل

 

[لازورد]

طيب واضحه السالفه يمكن في احد عرف وصكها عين خليها تبدأ تقرى على نفسها وكل يوم الصبح قبل لاتاكل شي تتصبح 7 تمرات كل يوووووم ولا تتركه وترى الرسول عليه افضل الصلاة والسلام حث على هالشي للحمايه من العين والسحر والحسد.. الخ

وتقرا في ماء زمزم اذا توفر وفي نبات اسمه القسط الهندي ممكن تاخذه مطحون جاهز تلاقيه بدينار في علبه عند البناي له كذا فرع اهو طعمه مر اول ماتاخذه بس مع الاستمرار سبحان الله يخف طعمه تاخذه 2 او 3 باليوم لان بعد في حديث عن الرسول صلى الله عليه وسلم ذاكر هالنبته وفايدتها للمعيون والمسحور غير فوائدها الكثيره ماشاءالله

وطبعا بعد كل صلاه او حتى اي وقت تقرا الاخلاص والمعوذات وتنفث في يدها وتمسح على كل جسمها وبتشوف فرق في حالتها ان شاءالله وترى ماااوصيج قوليلها بعد تستخير بهالموضوع وان شاءالله ماتشوف شر اختج حبيبتي

 

[اللغز الغريب]

بصراحه ردج كلش ماله داعي
لان البنت ماكتبت الموضوع الا تبي حل

و لو اني مو شايفة شي بردي ماله داعي بس يالله، عادي نطوفها

شي جميل شي جميل

شنو الحل اللي تقدرين اتسوينه من ورا شاشة النت لما وحدة تملج و فجأة تقول ما تبيه؟

-------------------------------------------------------------------

لصاحبة الموضوع: بما انج تبين حل فـ

1- يمكن شافت منه شي مو زين من وراكم و ما تبيه

2- يمكن حلمت بشي مو زين و خلاها تنفر

3- يمكن خافت من الزواج أو ارتعبت منه

4- يمكن أحد قالها لا اتزوجينه و مهددها

بالنهاية مادري عن عايلتكم عادي البنت اتقرر زواجها و لا لأ

بس الزواج مو غصب بالنسبة لي

و ان كانت نيتج انج تساعدين اختج لازم اتعرفين شاللي صار من أول

 

[أنـــفال]

عليج اختي بالرقيه الشرعية ...
والله يكتب اللي فيه الخير...

 

[Tom ♥ Jerry]

,


آهي وحده من الثنتين يا انه البنت مآ تبي هالريال فكرت عدل و شافت آنه مآ تبي تبعد عنكم مثلا .! ـأو آنه سامعه عنه شي مآ تبي تقول ,،

برايي تخلون اقرب شخص لها يكلمهآ و يعرف شنو السبب
خليها تفضفض لـ هالشخص و تقوله ليش مآ تبي تتزوج ؟!


بالنهايه انا اشوووف القرار لها ,،
حرآم تتزوج قصب

 

[محتارة وبصيح]

يمكن عين او حسد اقري عليها واظاهر خايفة من الزواج لانها حياة جديدة

 

[ł ŏ ł γ . . ✿]

يا حبيبتي شكلها خااايفه لآنه من دوله ثاانيه

 

[LoLaTi]

هذا شعور طبيعي اغلبيه البنات يمرون فيه بس بعد الملجه والزواج يروح وراح تتذكر وتضحك على نفسها الا اذا كانت اهيه مغصوبه عليه هذا شي ثاني بس اذا كانت تبيه وموافقه عليه برضاها ف شعور طبيعي

 

[أم توتو]

خل تستخيراحسن ويمكن اللي صار لها خيره ان مايتم الزواج ماتدرين وين الخيره فيه الله يوفقها ويختار اللي فيه الخير

 

[تُخْفِي غَلَاها]

,’
لا اله الا الله
الراي الاول والاخير لها لانه اهي بتعيـــِش معاء العمر كله
خلها تصلي (الاستخاره )والله يقدم لي فيه الخير حبيبتي

,’​

 

[الـــغـــلآ]

يمكن فيهآ عين

 

[shak!shoka]

شفيكم سويتوها عين و رقيه ؟؟!!

اوكي خل تقرا كل يوم بملجه و من غير ملجه
بس الي صارلها طبيعي جدا

ما تبيه بعد
مو غصب

مااااا حبته

كيفها

 

[ارماني]

اولاً مبروك الملجه ... ان شاء الله كل الامور تمشي تمام
ثانياً .. اقرو عليها الرقيه الشرعيه وودوها على شيخ يقرا عليها ..
وان شاء الله كل الامور تمشي تمام ...

 

[tbola]

حبيبتي خل تصلي استخاره وان شاء الله مافيها الا العافيا

 

[للحين خجوله]

شكرا خواتي ماقصرتوا على الردود الحلوة بالنسبة للاخت الغز الغريب واللة غريبة انفعالتج ومافي داعي تردين اذا انتي متوترة حبيبتي وكل البنات افهموا الا انتي

 

[Vdieta]

يمكن اهي مآتبي تبعد عنكم لأن اهو من ديره ثآنيه

 

[للحين خجوله]

شكرا خواتي ماقصرتوا الي ردو بالنسبة للاخت اللغز الغريب مافي داعي حق الرد الغريب ومانتي بمجبورة تردين الكلمة الطيبة صدقة

 

[KOKO_284I]

يمكن شافت منه شي مو عاجبها وخايفه او مستحيه اتقول