ملجة اختي برمضان ..ديجي عادي ولا ديجي اسلامي؟

[Lourdez]

قووووة بنات شلووونكم


ملجة اختي حبيبتي برمضان فاهي تبي تستشيركم اتحط ديجي اسلامي و لا الديجي العاادي ؟؟ ولا مااكو ديجي بالمرة !!!

شرااااايكم

 

[رتو الكيوت]

ملايه وهالسوالف شلكم بالاغاني والطقاقه بهالشهر ماتقدر تاجلها ؟

 

[الحسن الرقيق]

اجلوا الحفله لعقب رمضان احسن ...

 

[الغاليه نونو]

والله هالشهر يبيله عباده ومايبيله طقطقه وحوسه كلش موووو وقته والمفروض تقضي هالايام مع ريلها عقب الملجه التراويح والجيام علشان الله يوفقها وعقب رمضان تروح العمره وتوفر بيزات الديجي والخرابيط حق بيتها وتجهيزها مانصح بالحفلات برمضان وانتو كيفكم يمه

 

[الزين 85]

أجلوهااا لعقب رمضان

 

[ryoonah]

اجلوها علشان اختج تستانس بعد

 

[انا لحبيبي .]

خليها برمضان ، الله بباركلها اكتر

ومافي داعي لاغاني ، اذا عادي اسلاميه حطوها ولو بفضل تكون بدون دي جي ، الانبساط ما رح يكون بالدي جي ، المهم زوجها يكون معها منيح وهي تكون مبسوطه

الله يتمم عليها بالخير يارب ونسمع الاخبار الطيبه

 

[أميـِـِره]

اجلوهآ بعد رمضآن
وإذآ فيكم فيكم و مآ تقدروون تأجلون خلوهآ بدون دي جي يعني طقطه بهالششهرٌ حدده مآله داعي

 

[[[ عيون جابر ]]]

محد يسوي حفلات وديجيه برمضان ترا

 

[شذى الحب]

انا ملجتي هالرمضان ان شاءالله اذا خير لي هو بس اذا ملجت ماراح
احط دي جي عسى الله يوفقنا ويتمم لنا على خير يارب

 

[يازمان العجايب]

احس مووقته وشلون بتحطون دي جي والوقت تراويح او صلاة
​

 

[مشتــآقـه]

حبيبتي ترى الفرحه تتم بدون الدي جي ..

واشووف انه بدون الدي جي بالعكس واايد احسن لانه احنا بشهر العبااده مايجوز تبدى حياتها وبرمضان باغاني ..

وموفقه حبيبتي

 

[al-7nona]

اجلوها عقب رمضان

واذا ماتقدرون الافضل انها ماتحط دي جي كللش

عشان الله يباركلها


والله يوفقها حبوبه ويتمم عليكم بالخير

 

[randomy]

ماااااله داعي الدي جي

عزيمه حلوة وتقديم راقي وعروس كاشخه

والله يبارك بحياتها اهي وياه

 

[Lourdez]

صح كلامكم و قلت حق اختي هالحجي واصلا كنا من زمان نبيه بعد رمضان بس اهل الولد مستعيلين
مشكووورين حبايبي على ردودكم عسى الله لا يحرمني منكم

 

[smo0o]

الله يوفقها
لو تاجلونها بعد رمضان يكون أفضل
وإذا مافيه مجال للتأجيل تكون بدون دي جي هذا شهر عباده​

 

[Lourdez]

خلاص الحمدالله بنات توصلنا لحل يرضينا و يرضي اهل المعرس

بنسوي ملجه ملموووومه حيل بدون ديجي ومشكووورين على ردوودكم الحلوة بردتوا قلبي و قلب اختي