(((@@ ملتقي أمهات مدارس حكوميه لمناقشة أمور أبنائكم: الأول ابتدائي وغيره:** هنا ** ))

[المخلصه]

رد: ملتقي الامهات - مدارس حكوميه

السلام عليكم ورحمة الله وبركاته
حبيباتييييي ساعدوني الله يرضى عليكم
عندي بنت بالرابع إبتدائي ولين الحين ماتعرف تقرأ عدل عربي ولا إنجليزي
وعندي ولدي بالأول إبتدائي شاطر بالمحادثة لأن من عمره سنة وهو في حضانة خاصة وبعدين روضة خاصة وكانت مدرسته الإنجليزي أول السنة تمدحه الظاهر غرها بكم هالكلمة اللي حافظها، يعني اللي أخذه بالرضة الخاصة نفس الأول إبتدائي حكومة، المشكلة لما استلمت الشهادة انصدمت بمستواه بالإنجليزي طله الله يهديه ما يعرف شكل الحروف الظاهر بعيالي وراثة ((((( مايفهمون الإنجليزي))))) مع العلم إني أدرسهم .........يمكن طريقة تدريسي للإبتدائي غلط والله ماأدري اشلون أدرسهم ,,,,,,تكفون ساعدوني والله محتارة

الله يعينج بس بالنسبه حق العربي انا انصحج تودين ولدج عند استاذ رياض ممتاز يعطي دروس في بيته ورخيص الحصه بثلاث دنانير ياسس ولدج ويخليه يعرف يقري انا ولدي تعلم القراءه على ايده وندعيله بكل خير وهو بعيد شوي ساكن بالقرين بمحافظة مبارك الكبير بس الصراحه يستاهل العنوه نصيحه لاتخلين ولدج ضعيف بالعربي لان العربي اساس كل المواد الباقيه والله يبلغج بعيالج والجميع وهذا رقمه :67009449

 

[saroona-84]

رد: ملتقي الامهات - مدارس حكوميه

نبي نعرف عن المنهج الجديد لاولى ابتدائي .. راح يطبقونه او لاااا .. العام طبقوه على بعض المدارس النموذجيه
اللي تعرف ياليت تفيدنااا

 

[اميرة اهلي]

رد: ملتقي الامهات - مدارس حكوميه

مرحبااااا امهات شلونكم وشلون الاستعدادات للمدارس اللة يعينا ويوفق عيالنا وبناتنا بصراحة خوش تجمع وايد عجبني واحس اني راح استفيد وايد خصوصا ان هذي اول سنة لي للمدارس بنتي اللة يوفقثها اولى ابتدائي بس محتارة في اي مدرسة اسجلها بلييييييييز اللي تعرف مدرسة نموذجية بغرب الجليب او صباح الناصر او الاندلس اللة يوفق عيالها وتشوفهم من المتفوقين بس ابي احسن مدرسة من ناحية التأسيس

 

[حلم الطفولة]

رد: ملتقي الامهات - مدارس حكوميه

الوزيره قايله بالجريده ان المنهج اليديد بعده عالتطبيق ومستمرين عالقديم , والله أعلم

 

[moony77]

رد: ملتقي الامهات - مدارس حكوميه

شلونكم حبايبي

بغيت اسألكم اللي حاط ولده بهالمدرسة ياريت يقولي شلونها من مدرسة والادارة والمدرسات وكل شي خايفه على ولدي

اسم المدرسة الصباحية الابتدائية بنين

 

[نــوف]

رد: ملتقي الامهات - مدارس حكوميه

مرحبا ..
خواتي ابي اعرف الوان ملابس الرياضه .. كل مدرسه لهاا الوان غير لمراحل الدراسيه .. ولا الالوان موحده لجميع المدارس الحكوميه

اللي عندها فكره تفيدني ..وجزاكم الله خير

 

[sun_light]

رد: ملتقي الامهات - مدارس حكوميه

السلام عليكم
الله يخلي لكم عيالكم ,, من قبل كم سنة كنت احاتي بناتي بس اسستهم صح ,, قبل ما يدشون الابتدائي وديتهم دورة عربي وبعدها وطول فترة الابتدائي ما اسأل عن العربي
ترى خواتي أهم شي العربي لانهم لو عرفوا يقرأون راح يسهل عليهم الرياضيات والعلوم والدين وكل المواد.
أما الانجليزي فتابعتهم بنفسي يوم بيوم حتى لو مطلوب منهم الكتابة بأولى ابتدائي كنت أعلمهم الحروف وبعض الكلمات البسيطة وبالتدريج الحمد لله صاروا بروحهم يقرأون ويكتبون .
أما الرياضيات فعلى كثر ما تدربوا على الاسئلة كل ما صاروا فلته
أهم شي --- > لا ينكسر خاطرج على الطفل وتحلين له الواجب تراج تدمرينه بهذه الطريقة

والله يعينكم أجمعين

 

[نورالقمر24]

رد: ملتقي الامهات - مدارس حكوميه

بنات متى مدارس اولى ابتدائي وشلون على الافلونزا الخنازير

 

[هدوء]

رد: ملتقي الامهات - مدارس حكوميه

اولى وثانية وثالثة ابتدائي ان شاء الله يداومون بتاريخ 18/10/2009

 

[أم عبووووود]

رد: ملتقي الامهات - مدارس حكوميه

السلام عليكم
الله يخلي لكم عيالكم ,, من قبل كم سنة كنت احاتي بناتي بس اسستهم صح ,, قبل ما يدشون الابتدائي وديتهم دورة عربي وبعدها وطول فترة الابتدائي ما اسأل عن العربي
ترى خواتي أهم شي العربي لانهم لو عرفوا يقرأون راح يسهل عليهم الرياضيات والعلوم والدين وكل المواد.
أما الانجليزي فتابعتهم بنفسي يوم بيوم حتى لو مطلوب منهم الكتابة بأولى ابتدائي كنت أعلمهم الحروف وبعض الكلمات البسيطة وبالتدريج الحمد لله صاروا بروحهم يقرأون ويكتبون .
أما الرياضيات فعلى كثر ما تدربوا على الاسئلة كل ما صاروا فلته
أهم شي --- > لا ينكسر خاطرج على الطفل وتحلين له الواجب تراج تدمرينه بهذه الطريقة

والله يعينكم أجمعين

الله يوفق عيالج يارب ويبارك لج فيهم ان شالله

اي والله صح اللي تحل حق عيالها الواجب تكون قاعدة تضيعهم وهي مو حاسة بنفسها

ماتحس بهالشي الا اذا كبروا

 

[اغفرلي يارب]

رد: ملتقي الامهات - مدارس حكوميه

امهات الله يخلي لكم عيالكم اللي عندها بنت سنه اولى ابتدائي او ولد اولى ابتدائي شتسوون اول يوم اتودونهم ؟شنو يصير بالمدرسه شيسوون ؟وبعد المدرسه لما يردون للبيت شيصير ؟صج على طول دراسه ؟من اول يوم؟!!!!
وفي سؤال عندي عن ملابس البنات مالت المدرسه .احسن شي تلبس البنت هيلاهوب خفيف ؟وملابسهم مالت الرياضه شنو الوانها ؟انا اشتريت لها جوتي ابيض ؟الله يوفقكم بتربيت اعيالكم يااارب ويسخر لهم يارب آمين

 

[أم عبووووود]

رد: ملتقي الامهات - مدارس حكوميه

امهات الله يخلي لكم عيالكم اللي عندها بنت سنه اولى ابتدائي او ولد اولى ابتدائي شتسوون اول يوم اتودونهم ؟شنو يصير بالمدرسه شيسوون ؟وبعد المدرسه لما يردون للبيت شيصير ؟صج على طول دراسه ؟من اول يوم؟!!!!
وفي سؤال عندي عن ملابس البنات مالت المدرسه .احسن شي تلبس البنت هيلاهوب خفيف ؟وملابسهم مالت الرياضه شنو الوانها ؟انا اشتريت لها جوتي ابيض ؟الله يوفقكم بتربيت اعيالكم يااارب ويسخر لهم يارب آمين

هلا حبيبتي

اول شي يروحون المدرسة وبهاليوم يعرفونهم على بعض ويعطونهم الكتب وايي الياهل البيت دورج انتي يبدي بتجليد الكتب والتسطير والتسنيع

الملابس انا عيالي شورت اسود وتيشيرت ابيض والجوتي الله يعزكم اسود ممنوع الابيض

تحت نفنوف المدرسة انا البس بنتي ليجنز علشان لو تتكشف الا هي مستووورةة

حياج الله حبيبتي

 

[milkey way]

رد: ملتقي الامهات - مدارس حكوميه

مساء الخير عجبني موضوعكم وحبيت اشارك معاكم بنتي هذي السنة الأولى لها في مدرسة حكومية كانت بالخاص والحين اهي بالصف الثامن .

ابي خبراتكم ومساعدتكم لي .

 

[اغفرلي يارب]

رد: ملتقي الامهات - مدارس حكوميه

امهات واللي يعافيكم اللي بناتها ادرسو ابمدرسة سبيكه الخالد شنو رايكم ؟تعليقاتكم عالمدرسه والمدرسات والناظره؟الله يوفق اعيالكم وبناتكم

 

[اغفرلي يارب]

رد: ملتقي الامهات - مدارس حكوميه

هلا حبيبتي

اول شي يروحون المدرسة وبهاليوم يعرفونهم على بعض ويعطونهم الكتب وايي الياهل البيت دورج انتي يبدي بتجليد الكتب والتسطير والتسنيع

الملابس انا عيالي شورت اسود وتيشيرت ابيض والجوتي الله يعزكم اسود ممنوع الابيض

تحت نفنوف المدرسة انا البس بنتي ليجنز علشان لو تتكشف الا هي مستووورةة

حياج الله حبيبتي

ما شاء الله ام عبووود شورج وهداية الله جزاج الله خير

 

[أم عبووووود]

رد: ملتقي الامهات - مدارس حكوميه

ما شاء الله ام عبووود شورج وهداية الله جزاج الله خير

وياج حبيبتي

ربي يبارك لج ببنيتج وتشوفينها عروس يارب

 

[اغفرلي يارب]

رد: ملتقي الامهات - مدارس حكوميه

وياج حبيبتي

ربي يبارك لج ببنيتج وتشوفينها عروس يارب

الله يخلي لج عيالج يارب وتفرحين فيهم امين

 

[حلم الطفولة]

رد: ملتقي الامهات - مدارس حكوميه

متابعه معاكم .. ..

 

[& شهد &]

رد: ملتقي الامهات - مدارس حكوميه

متابعه وياكم بنتي اولى ابتدائي وعجبتني فكرة اللجنز

 

[أم دانـــه]

رد: ملتقي الامهات - مدارس حكوميه

بصراحه انا محد باط جبدي غير منهج اللغه العربيه غثيث وثقيل الله يعين اليهال في اولى ابتدائي