ملتقى عرايس 2010 شهر 3 مارس

[Doodoo.star]

بنات اقدر اسألكم سؤال اذا ممكن؟؟

سألي ولا تستحين

 

[Doodoo.star]

تصدقون نقصنا لحن وحلاتي

 

[شقاوة أنثى]

بصراحه انا اكبر وحده من خواتي وبالاصح اول وحده من جيلي تتزوج اهيا انا
ماني عارفه شسوي وامي ولا شي بادية فيني احس اني مو مزهبة نفسي اطلاقا
شوشو قلبي انتي امس قلتيلي ابدي عناية بعمرج شلون ؟؟
بتقولون غشيمة بس صج ما شفت احد قبلي حهز وتزوج الا عماتي وخالاتي من سنين
وانا كنت صغيرة

 

[FANTAST!K]

شقاوه الحال من بعضوو

انا والله الكبيره وماعندي خوات للحين ماتحركت وامي فديتها كلش ماتساعد 24 ساعه مشغوله وموفاضيه

وبعد الله يسلمج امي ماعندها خبره بالشرا والتسوق ماتحب السوق ولا تحب طاريه

وابتلشت بعمري ماعندي احد يساعدني كلش

وعلى سالفه العنايه ( توحيد لون الجسم - شعرج يصير كثيف ناعم _ بشرتج تصير ناعمه مثل الزبده _ اذا كنتي سمره حطي خلطات تبييض وداومي عليهم _ حمام مغربي مره بالاسبوع _ حف شيره واذا بغيتي ليزر سوي _ عالجي هالاتج اذا فيج وبشرتج اذا تعانين من شي حبوب كلف نمش عالجيهم _ الاسنان اذا فيج سوس ولا محتاجه تبييض روحي العيادات _ شفايفج استعملي لهم خلطه تقشير عشان يصير لونهم حلو بدون ارواج .. ألخ ) اتمنى مانسيت شي :>

 

[Doodoo.star]

أنا اختي الكبيرة تزوجت من 3 سنين بس صراحة من النوع الكتوم وماتعلم وماتعطيج عقاد نافع على قولة المصرييين
وكله ماتدرين كلمها صج وله تقص عليج وعلاقتي معاها مو ذاك الزود اول احس ذوقة كان حلو الحين صاير مو شي ساعات تخورها وكله عذرها عند الناس الي تروحلهم يشوفون الي لابستة شي احس ترقع لعمرها
وانا معتمدة على عمري فادور واحوس واجد انا احس عندي نظرة مستقبلية للشي يعني اسوي شغلة مو هابين فيها وبعدين لالبستها لقيت الناس هبوا فيها وانا بساعدج حاسة فيج لان اقول اختي الكبيرة هذا عشان حق شنو وليش مالج امل تعلم حتى لاطاحة على خلطة ماتعلم تسوي جنة هذا طبيعي فيه

 

[شقاوة أنثى]

يسلموو حبيبتي ما قصرتي بس بسالج عن الليزر مو جنه مبجر عليه

 

[Doodoo.star]

شوفي انا بمان شعر جسمي خفيف فمراح اسوي ليزر لان يقولون الي شعرها خفيف الليزر يزيدة ويطلعة باماكن ماكانت موجودة فيها
بس اذا شعرج واجد سوي من الحين لانه جلسات ويطول

 

[FANTAST!K]

شوشو الله يهديها

مثل خالتي ماتعلم عن الشي حدي انا ماقمت اسألها ادري ماراح ترد علي

وذوقها صاير على قولت اخواني ( طرطنقي ) ترقع بروحها جنها حالتج اختج

واذا رحت معاها ابي اشتري كل شي تقول لا مو حلو لا يلوع الجبد قديم ومادري شنو

ارجع ماشريت شي مضيعت وقت ع الفاضي

 

[شقاوة أنثى]

انا بصراحه اذا بسوي ليزر بس حق شغلتين وخايفه بعد
يعني الابط والشوارب لانهم مملين
بس مترددة اخاف من الاضرار الجانبية

 

[FANTAST!K]

رفيجتي بدت فيه قبل عرسها ب 3 شهور

والمناطق الحساسه قبل عرسها بشهر تقول لان اول مره تصير البشره فاتحه ومثل بشرت البيبي

ومثل ماقالت شوشو اذا شعرج متين سوي واذا خفيف حرام يكثر زياده

 

[FANTAST!K]

الابطن والله انظف عشان باجر اذا لبستي بالبيت جذي حفر والهسوالف ماتبتلشين

اما الشوارب لا حف شمع احسن حتى وانتي فالبيت دقيقه شيليهم مايتعبون

 

[Doodoo.star]

الشعر انا والله العظيم شعر صاله سنتين يطيح بشكل فضيع معنه كاااااااااااااان كثيف استعملت هل الخلطة وداومت عليها والله كل شهر اسوي استريت عشان اشوف شعري ويون وصل وخدامتنا تشيك عليه لانها دقيقة الملاحظة عدل كل شهر اسوي كشف عندها<<<<<دكتورة وانا مادري
بس كثفان وطولان صاير من فوق وايد ومن تحت بعد خفيف ماطول الشع ر الجديد ماوصل للتحت
مافي تقصف ولمعة مو طبيعية لشعرج
مايطيح جم شعرة بس 6 او 7 شعرات وساعات اقل مو مثل اول

 

[FANTAST!K]

ما شاء الله شوشو

الخلطه بالبرنامج حاطتها ؟

انا استعمل ( برشوت + خروع + زيت زيتون ) حق شعري

 

[Doodoo.star]

وطبعا انا ماشية على البرنامج بالتوقيع

 

[Doodoo.star]

لا تحطين زيت زيتون وايد سمعت انه يدمر الشعر
وخواتي يستعملونه ماشوف تحسن لشعرهم من سيء لاسوء انا من عقب دابر والله ماراح استعمل غيرة شفت نتايجة اول باول وبستمر بالحنا
الحنا اجيبها من مكة اي احد رايح اوصيه عاد اخوي وعيال عمي بيروحون بالعشر الاواخر وصيته يجيبني

 

[Doodoo.star]

صج انا مو ماشية بالبرنامج في خلطة سنا وبالسونا بس الباقي ماشية عليه
لان السونا بحمام ابوي كرمكم الله واستحي اخذه من عنده بنطر بعد العيد واشتري واحد
بس مال ابوي من الغالي وشي

 

[FANTAST!K]

انزين دابر املا ااخضر العادي للي من الامارات اللي بطله شفاف

وفلفل اخضر اقطه ولا اقصصه ؟

 

[Doodoo.star]

اي الي لونة اخضر اجيبة من الجمعية احط الفلفل بدون مااقطعة وافرن ثوم واحطة معاه بتلاقين الصورة بالصفحات القديمة بس مادري اي صفحة
انا مصورة شغلي كامل وحاطته لكم

 

[FANTAST!K]

تسلمين ياعمري ..

الحين بروح اجربها

عن اذنكم ثواني

 

[شقاوة أنثى]

بصراحه انا اخلط كل الزيوت مع بعض واحطهم مرة بالسبوع
ومره حنة مع خلطة اعشاب
طريقة خذتها من المنتدى وشايفتها فايدة

وبخصوص الليزر انا مو حابته خايفه منه يعني بس الابط
ومثل ما قلتي الشوارب الله يخلي الشمع