السلام عليكم ورحمة الله وبركاته
شخباركم ياأحلى عرايس بأحلى شهر في هالعام :dddds:
عساكم بخير ومتهنين إن شاء الله :eh_s(22):
يمكن بعضكم مايعرفني مالحقت اتعرف عليكم بس تلقوني بأول الصفحات >> يعني بالعربي مغبـرررره كح كح :eh_s(3):
المهم شلون التجهيز معاكم ما شاء الله لاحظت أغلب البنات مابقى لهم شي الله يهنيهم يهنينا ويتمم عليهم وعلينا
بناااااااااااات تبوني أصدمكم
تصدقون للحين آنا ماجهزت بدل الاستقبال ولا الدراعات ولا شريت ذهب ولا شريت ساعه ولا جنط ولا مجوهرات ولا العود والبخور ولا شفت بدلة العرس ولا بدلة ثاني ليله وووووووو وأشياء كثيره للحين ماجهزتها :gr4uu:
ياربي والله السوق لوعه والمشاغل والمعارض لوووووعتين وعشر لوعات ماعندهم شي راقي كله هلاقه بهلاقه
بس اليوم رحت حق فيلا مودا بالزمرده مسوين خصومات عجيبه
شريت منهم شحاطه وعقد يلبق على كل لبس أنجنيت إلا آخذه وسوار أسود رهيب
بنات لايطوفكم المعرض عن جد عجيب وتنزيلاتهم حلوه
الشحاطه اللي أخذتها ماركة مانولو بلاهنك كانت بـ 418 دينار واخذتها بـ63 دينار بس خووش صفقه على قولتهم :ggdw:
والعقد ماركة إلكا أول مره أسمع فيها كان بـ 315 دينار وأخذتها بـ 79 دينار وياربي ما شاء الله حددده عجيب ويسوى سعره
والإسوار رخيص كان بـ59 دينار وأخذته بـ 15 دينار شفتوا شلون حلوه تنزيلتهم
بنااات لايطوفكم المعرض والله عجييييب بس خلي معاج بيزات
ولاتحسرون على السعر لأنكم بتكدونه باجر عدل وتحللوون سعره هههههههههههههههههه
وحطوا في بالكم التجهيز مو بالكثره ترا السوق ماراح يطير وأنتي مومهاجره وترا لا كثرتي باجر تندمين << سألت مجربين :eh_s(1):
أهم شي يكون تجهيزج راقي وكشخه وسعره فيه وسنع مومهم قدام الناس عشرين شنطه محملين فيها جهازج :dddds:
واسأل الله التوفيق البركه
