ملتقى عرايس شهر 11-2008

[سارونه87]

ابله انا ماحط مكياج نهائيا وقلت احط عند آلاء لان بعد ريلي مايحب الثقيل كللللش
وبنت عمي حطت عندها وعجبني اللوك مالها وايد ناعم وماتغير بملامحج كلش

 

[سارونه87]

تووووته الله يوفقج يارب
وشريتي بدله للملجه ؟؟

 

[~memo q8~]

حبيبتي ابلة حتي رفيجتي تمدحلي حنان دشتي تقول حلو احسن من كونتنيال

بس انا عندي ناعم حيل مو مال عروس منو احسن الفرع الي بحولي ولا البسكتي

 

[~memo q8~]

امين يارب
لا للحد الحين والله قاعدة ادور الحين شفتلي واحدعجبني يمكن احجزه

 

[ابلة مبتسمة]

سارونة87 ...

اذا عاجبج وحلو سوي عندها ... المكياج الناعم حلو ...

انا احب المكياج الثقيل الناعم مو الي يغير الملامح لا الي يبينج انج عروس وشكلج يصير حلو ...


توتة الفراولة ...

الله يتمم عليج ويوفقج ...

والله حبيبتي الي انتي مرتاحة له ...

بس انا ما اؤيد طول فترة الملجة .. اهوة حلو ومو حلو ...

بس اذا مرتاحة وانتي معاه اتفقتو على شهر 6 الله يتمم عليج ...

انا معاج ان بالعطلة حلو عشان تسافرون ...

 

[سارونه87]

وبخاطري احط مكياج بنفسجي شرايكم ؟؟؟
يقولون مو حلو صج

 

[ابلة مبتسمة]

حنان الي بحولي وايد حلو ...

وشغل حنان بالعكس مو ناعم ولا ثقيل بالعكس زين ...

بس يبرز العروس ويطلع شكلها وايد حلو ...

حتى التسريحات عندهم روووعة ...

انا ملجتي سويت عند حنان ...

وعرسي ان شاء الله هم عندهم ...

 

[ابلة مبتسمة]

سارونة البدلة اي لون ؟؟؟؟

اذا كانت لونها ابيض مكياجها يصير غير ...

واذا كانت اوف وايت مكياجها غير ...

البنفسج حلو بس مو على اي وجه ...

اذا انتي مجربته وطلع عليج حلو سويه ...

 

[سارونه87]

آلاء دشتي مكياج العروس مع التسريحه عندها بــ200 او 250
مع حمام ورد مادري شنو سمته ..

 

[ابلة مبتسمة]

اها حلو ...

حتى حنان ب 200 او 250 نفس الاء تقريبا

بس بدون حمام ...

 

[~memo q8~]

امين يارب

شذي اريحلي واريحله بعد

بس يمدحون البسكتي اكثر من الي بحولي

 

[سارونه87]

انا انشالله ناويه على اوف وايت
والبنفسجي مجربته علي طلع حلو
بس الحمره اي لون احطها ؟؟؟ :eh_s(1):

 

[~memo q8~]

مدري حبيبتي سارونة علي حسب مسكتج فديتج

بنات انتم تفضلون ثوب العرس ابيض ثلجي ولا اوف وايت

انا احب الابيض احس صج اني عروس

 

[ابلة مبتسمة]

سارونة على حسب مسكتج ...

توتة ما ادري انا مجربه الي بحولي ...

انا احب بدلة العروس اوف وايت ... الحين هابين بالاوف وايت اكثر من الابيض ...

بس عن نفسي ما ادري شنو المسكة ؟؟؟ وما ادري شنو بسوي الوانها ؟؟؟

خاطري بالاحمر ودي مسكة لونها احمر الحمرة لونها احمر ... اموت على الاحمر ... شرايكم ولا يطلع شكله اي شي ...

 

[ابلة مبتسمة]

ترا الاوف وايت راقي اكثر من الابيض ...

الموضة الحين اوف وايت ...

 

[سارونه87]

الاحمر اممممممممممممم
انا رفيجتي حطت حمره حمره تهبل لانها بيضا
وانتي بشرتج شنو ؟ بيضا يطلع روعه

 

[سارونه87]

ومسكتها كانت ورد احمرررررررررررررررررر اتينن والله _03ba:

 

[~memo q8~]

اي صح الموضة الحين اوف وايت والناس تمشي علي الموضة
مدري بس انا احب ابيض ثلجي

 

[ابلة مبتسمة]

سارونة 87 ...

انا والله خاطري بالاحمر ...

ولقيت جم مسكة بالنت حلوة قلت بسوي نفسها ...

 

[ابلة مبتسمة]

توتة الفراولة حبيبتي ,,

الابيض حلو ... بس ما ادري احس الاوف وايت ارقى ...