ملتقى خريجات الكورس الثاني جامعة الكووويت

[قَلبڪْ صًخرْ]

واقعيه .. مانزلت الاسماء ؟
او لازم ندق ع الديوان .. انا جربت ادق عليهم برقمهم اللي بالنت يطلع طوط طوط

 

[قَلبڪْ صًخرْ]

متى تنزل لنا مكافأة الميداني ذلووونا

 

[واقعية حـلـم !]

اتوقع تنزل الأسماء بالجريدة


الله يعين تصدقين قلبك صخر لي الحين ما رحت اخذ نسخ الشهادة محد فاضي يوديني و حتى ما سويت حساب في البنك الى الحين



و مكافأة الميداني

انا اخر كورس ما كنت ميداني


بس اتوقع نص ثمانية

 

[jen2n]

ايه ادري قلبك صخر ان خلص

بس صج بعد ما احط الرقم المدني تفتح لي صفحه فيها الرغبات؟

 

[قَلبڪْ صًخرْ]

واقعيه .. انا ماسويت نسخ .. بصوهم تصوير عادي .. والله مالي خلق
وبعدين روحي لأن الصيفي بيخلص .. وبعدين الجامعه تفضى ..

اليوم شفت منزلين اسماء بنات للدوان مالقيت اسمي .. !!
مادري اي دفعه هذي .. ومتى دفعتنااا

ومن ناحية البنك انا اليوم رحت قالت لي الموظقه حرام تدفعين 100 دينار لفتح الحساب
اذا نزل اسمج بالديوان تعالي تفتحين حسااااب بـ 6

 

[واقعية حـلـم !]

قلبك صخر تهقين عادي تصوير عادي ؟ لازم يكون عليها طابع على ما اظن


وين شفت اسماء البنات ؟


و أي بنك رحتي ؟

و الله فرق بين الـ 100 و الـ 6

 

[قَلبڪْ صًخرْ]

من ناحية التصوير .. انا اتوقع فمادري مو اكيد بس من ناحيتي ماصورت
تصوير عادي كافي .. لأن لو مو كافي الزمتنا الجامعه او على الاقل نبهت على هالشغله ..

.. والبنك .. التمويل ..

والاسماء بجريدة الوطن ..

 

[jen2n]

ليش ما رديتو علي

 

[قَلبڪْ صًخرْ]

جين .. امبيه اسفه ماشفت ردج ....
اي انا بطل لي من زماان لما سجلت .. وحطيت تربية ...
الحين ماجربت ...





امبيه مو صججججججججججج هالموضوع
انا ملاحظه شي فيه استفسااار بالقسم محد يرد عليه
ولما اكتب شي يفيدهم امبيه لاتشوفون الردوود 100000000

يعني الحين تحسسوني محد متخرج !! ومحد يعرف شي عن الديوان !!
ومحد يعرف شنو يطلبون منا !!! صج ابلات !!
خريجات الكليات الثانين .. تجمعهم وااااصل 10000 صفحه



ياحيف على هيك صبايا

 

[واقعية حـلـم !]

قلبك صخر قلت الي بقلبي


صراحة ما توقعت ان ما يكون في تفاعل لهالدرجة



تو سألت امي عن الجريدة تقول ما لقت اسمي


احس اني ضايعه

 

[ميس الورد والشوق]

مبرووك التحرج,,,,,,

عقبااالي ان شاءالله

 

[مدرسة المستقبل]

قوة بنات شلونكم ؟؟

شخبار الإستعدادات للتدريس ؟؟

أنا لي الحين ما فتحت لي حساب ولا خذيت شهادة طبق الأصل : (

إن شاء الله هالأسبوع


خايفه ما أدري أي ماده بيخلوني أدرس ووين بيقطوني : (


بس شوفوا بنات تابعوا الجرايد كل يوم قاعدين يحطون مجموعة أسماء طالبينهم للمراجعة بالديوان


والله يوفقنا يا رب

 

[miss cute]

رد : ملتقى خريجات الكورس الثاني جامعة الكووويت



مرحبااااا بنات ..


انا معاكم توني متخرجة و الحمدلله سجلت بالديوان ..

بس ماااااااااااااادري شالسااالفة .. الله يعطيكم العافية استفدت منكم حيييييييل

 

[miss cute]

رد : رد: ملتقى خريجات الكورس الثاني جامعة الكووويت

واقعيه .. انا ماسويت نسخ .. بصوهم تصوير عادي .. والله مالي خلق
وبعدين روحي لأن الصيفي بيخلص .. وبعدين الجامعه تفضى ..

اليوم شفت منزلين اسماء بنات للدوان مالقيت اسمي .. !!
مادري اي دفعه هذي .. ومتى دفعتنااا

ومن ناحية البنك انا اليوم رحت قالت لي الموظقه حرام تدفعين 100 دينار لفتح الحساب
اذا نزل اسمج بالديوان تعالي تفتحين حسااااب بـ 6

تأكدي من سالفة نسخ الشهادة .. لأن أتوقع و الله أعلم ما يصير لازم نسخة طبق الأصل من الجامعة مختومة ..

حتى باجر إن شاء الله إذا ناوية تكملين ماجستير يمكن يطلبون منج نسخة باللغة الانجليزية ..


انا أقول نصيحة إخذي نسخ من الجامعة أحسن و أضمن .. حتى لو ما احتجتيهم الحين يمكن بالمستقبل تحتاجينهم ماتدرين ..

انا خذيت نسخ بالعربي و الانجليزي ..





على سالفة البنك زين انج قلتي لنا .. :tek:

عاد انا كنت ناوية هاليومين أفتح حساب .. الحمدلله اني ما رحت ..

 

[..Balsam..]

أنا رجعت ..:wqedqw:

شخبااركم بنات ؟؟

واقعية حلم شخباارج ؟

 

[..Balsam..]

بلسم شنو استعداداتج للدوام ؟

انا خلصت سوالف اللبس

انا تقريبا خلصت البدلات .. لأن ناويه البس بدلات مو عبي .. ما حبيت تكون أول سنه وانا مكتمه أسود .. لاازم التفاؤل :eh_s(9):

لقطت لي شغلات من الافنيوز والكويت .. وتوني راجعه من الخبر وشريت كم شغله .. بس بصراحه عجزت ألقى تنانير حلوه .. كله خبّه وألوان صارخه أبي ألوان هاديه ...

 

[..Balsam..]

خذيت من سنتر بوينت جم قطعه للمكتب

بس ابي دفتر تحضير سنع و سوالف المكتبه

محتارة بدفتر التحضير ما ادري شسوي فيه

بالنسبة لأغراض الكتب مافكرت لحد الحين فيهم .. بس ودي يكون شي ملون مابي أسود أو رصاصي مليييت من هالألوان ..

الدفتر انا مفكرة أخذ واحد من مكتبة الجمعية ومابي أزينه من برا أحس يصير ثقيل اذا بتاخذينه كل شوي للحصة معاج يملل :cxxxp:

 

[..Balsam..]

بنات اللي تدورون الاسماء هم قالوا بينزلونهم بالاسبوع الأول من شهر أغسطس .. يعني تحرّوها هاليومين باذن الله ..

 

[..Balsam..]

رد: رد : ملتقى خريجات الكورس الثاني جامعة الكووويت

مرحبااااا بنات ..


انا معاكم توني متخرجة و الحمدلله سجلت بالديوان ..

بس ماااااااااااااادري شالسااالفة .. الله يعطيكم العافية استفدت منكم حيييييييل

مرحبــتين هلااا

ألف مبروك التخرج .. وحياج ويانا .. نمشي مع بعض خطوة بخطوه ان شاء الله ...

 

[miss cute]

رد : ملتقى خريجات الكورس الثاني جامعة الكووويت



الله يحييج :tek:

بنات انتوا حجزتوا مواعيد ؟ أخاف لازم نحجز مواعيد @@