ملتقى الأمهات - مدارس الخاص + فهرس المدارس الخاصهܓܨ@

[برونزية رشيقة]

رد: ملتقي الامهات - مدارس خاصه

السلام عليكم بنات ........تكفون اللي تعرف عن روض الصالحين .....
شلون طريقة التدريس والاختبارات بليز تقوللي..........ل ( grade 2)

تبين الصج وربي فوقي هالمدرسة محد يمدحهااااا واعرف ناس وايد طلعوا اعيالهم منها ... اتمنى من بنات المنتدى إللي يعرفون عنها يفيدونج بطريقة التدريس .

 

[حلم الطفولة]

رد: ملتقي الامهات - مدارس خاصه

حبيبتي واااااااااااااااااااااااااااااااااايد يمدحون حضانة المسلم الصغير بصباح السالم أنا مو ساكنه اهناك بس أعرف جم وحدة إعيالهم فيها انتي روحي شوفيها وما عندي رقم تلفونهم جان عطيتج إياه ...

دوريه في قسم المومة والطفولة اهني بالمنتدى في طاحين دليل للأحسن الحضانات بالكويت .

مشكووره حبيبتي :eh_s(6):

 

[اي اسم]

رد: ملتقي الامهات - مدارس خاصه

امهات الابداع طلبتكم تفيدوني واجركم ان شا الله على الله
ولدي كان في البيان ثنائية اللغة وهي مدرسة ممتازة ولا يعيبها الا الاختلاط وانها تمثل المجتمع الفري غالبا واحنا عائلة محافظة معتدلة وبالنسبة لنا كان لازم ننقل ولدنا الى مدرسة اخرى بسبب ما ذكرت ولكن كنا محتارين بالتوقيت
المهم لما خلص ولدي جريد 3 نقلناه لان خفنا يتعلق اكثر بالمدرسة ويرفض انه ينتقل منها وكنا محتارين بين الابداع والرؤية لكن فضلنا الرؤية لانها اقرب للبيت
حاليا ولدي بالرؤية جريد 4 وصراحة تدريس اغلب المواد فيها ممتاز وطبعا القران والدين توب والصف الرابع عندهم يحفظ الجزء السابع والعشرين من القران بس اللي مضايقني مستوى الانجليزي شوي منخفض واللي صدمني انهم يدرسون ولدي كتب مكتوب عليها جريد 3 مع انه بالصف الرابع والشي الثاني انه مدرسيين الانجليزي عرب واكيد التعليم على ايدي ناس لغتهم الام اهي الانجليزية اكيد بيكون افضل
صف ولدي فيه 19 طالب وياخذون غير التربية البدنية كونفو بس في مدرسة واحدة للعربي بالصف ومدرسة واحدة للانجليزي بعكس البيان كان فيه للعربي مدرستين اساسية ومساعدة ونفس الوضع بالنسبة للانجليزي مدرسين اثنين اساسي ومساعد وطبعا امريكان
المهم اللي ابيه منكم انكم تفيدوني عن مدرسة الابداع :080402ask_prv:
عدد الطلبة بالفصل
مستوى مدرسين الانجليزي وكم مدرس انجليزي للفصل
مستوى العربي وكم مدرس عربي للفصل
تعليم السباحة عندهم والانشطة الرياضية الاخرى
كمية الواجبات يعني الطالب كم يحتاج وقت في البيت عشان يخلص واجباته اليومية
يعني في البيان كان في جدول واجبات اسبوعي بحيث ان كل يوم يكتب واجب لمادة واحدة وهذا الواجب كان ما يتجاوز الربع ساعة وبس
بالرؤية في جدول اسبوعي بس ممكن يصادف اكثر من واجب لاكثر من مادة بنفس الوقت والواجبات عموما في الرؤية ما تتجاوز الساعة يوميا من وقت الطالب
ابي اعرف بعد ما عليكم امر عن الزحمة عند مدخل المدرسة والشوارع اللي عندها وتوفر المصافط في الهدة والصبح
يعني اذا بروح اخذ ولدي بالهدة من الابداع وين اصفط ووين الولد راح الاقي ناطر

ومشكورين وجزاكم الله خير واتمنى انكم ما تبخلون علي بالاجابة :e3:
لان صراحة ودي احط عيالي كلهم بمدرسة وحدة وماودي يكونون متفرقين
على السنة القادمة واحد بيكون جريد 5 وواحد جريد 2 والصغير كي جي 1

بلييز ردو على استفساري

 

[كـلا كـلا]

رد: ملتقي الامهات - مدارس خاصه

love story

AIS عيال عمتي فيها
ورفيجتي (كبر امي) عيالها متخرجين منها
امري؟

وانا وديت ولدي لها بس ما نجح بالمقابلة حق الكي جي 1 لان ما تحجى ولا كلمة صار جدامهم جنه اطرم ههههههههه
فشلني
بس بعدين وديته ABS واشوا تحجى بالمقابلة وقبلوه

 

[اي اسم]

رد: ملتقي الامهات - مدارس خاصه

هلا حبيبتي وعليكم السلام
بالنسبة للبيان العربي قوي فيها
في الروضة الطالب يقضي نص اليوم بصف العربي ويكون فيه مدرستين واحدة اساسية والثانية مساعدة ومس العربي اهي اللي تحفظهم بعض السور القصار من القران وتعطيهم شوية دين
والنص الثاني من اليوم بالانجليزي ونفس الشي في مدرسة اساسية والثانية مساعدة
وياخذون بعد رياضة ومدرسة الرياضة تتكلم انجليزي
وياخذون موسيقى وابلة الموسيقى عربية
الطلبة يتكلمون عربي في الفرصة ومع بعض لان المدرسة اغلبها كويتيين وفي شوية اجانب عرب واللي اهم غالبا عيال المدرسيين
المدرسة عموما قوية وانا اخواني تخرجوا منها واهي صراحة المدرسة الخاصة الوحيدة اللي اعرفها عشان جذي دخلت عيالي فيها
بس بعدين كنت احس دايما بتانيب الضمير واني اخاف ان الله يحاسبني اني قاعدة اقط كل هالفلوس على مدرسة فري واختلاط والجانب الديني فيها ضعيف لان الطفل راح يخالط ناس فري
طبعا اهم في البيان يدرسون الدين منهج الحكومة
انتي روحي الموقع مالهم وشوفي الاقسام اللي تبينها وشوفي البوم الصور
الجدول الاسبوعي مال الدراسة يحطونه ويحدثونها على موقعهم الاكتروني
www.bbs.edu.kw
واي استفسار انا حاظرة

 

[وحش الريم]

رد: ملتقي الامهات - مدارس خاصه

قطووووة حددج صدمتيني .......واااي انا توني موديه بنتي هناك كانت في الغانم من الPre Kg بس وربي عشان ما ابي الاختلاط
تكفوووون بنااات اللي عيالها اهناك ترد علي ..........
صجججج احسسسسسني توههههقت......

 

[* LOVE STORY *]

رد: ملتقي الامهات - مدارس خاصه

love story

ais عيال عمتي فيها
ورفيجتي (كبر امي) عيالها متخرجين منها
امري؟

وانا وديت ولدي لها بس ما نجح بالمقابلة حق الكي جي 1 لان ما تحجى ولا كلمة صار جدامهم جنه اطرم ههههههههه
فشلني
بس بعدين وديته abs واشوا تحجى بالمقابلة وقبلوه

هلا حبيبتي مايامر عليج عدو ,,
اشلون مستواهم عيال عمتج وعيال رفيجتج ؟
انا ولدي دخلته فيها بري كي جي على اساس ماتطوفة هالسنة والسنة الياية بوديه البيان
بس بصراحة اعجبتني المدرسة واايد وسمعتها قوية
واحترت بين اني اخلية يكمل فيها او اوديه البيان <<<< مع اني ماني مقتنعة فيها

 

[xxx]

رد: ملتقي الامهات - مدارس خاصه

السلام عليكم


انا ويني عن هالموضوع


بشارك معاكم


عيالي بمدرسة الرواد العالمية ==> المعالي ثنائية اللغة سابقا


بنتي = قريد1

ولدي = كي جي 2


ياخذون من الحكومه عربي + اسلامية + تربية وطنية


مكان المدرسة = كانو برميثية وودهم الفروانية


دراستهم ممتازة وقوية بس يبيلها مجابل

 

[نـــــور]

رد: ملتقي الامهات - مدارس خاصه

انا بعد وياكم

ولدى سنه اولى روضة

بمدرسة الشمس المشرقة الباكساتنية


ذبحووووووونا بالواجبات عسى ما يتعقد الولد بس هم احسن له يتقوى و يستفيد

بس مستقبلا ما ادرى اذا يكمل او لا فى نفس المدرسة

و معاملتهم وايد زينة للحين ما شفت اى اخطاء عليهم

 

[ReeMaN]

رد: ملتقي الامهات - مدارس خاصه

قوووه بنات شخباركم عفيا ساعدونى ابي رايكم بمدرسة العالمية الامريكة اللي بحولي مقابل القادسية قولو لى اشرايكم فيها من اداره ووالمدرسين والطلبه اللي فيها لان بدخل ولدي سنه ثانية روضه عالسنه اليايه انشالله ... وعسى اله يبارك لها بعيالها انشالله

 

[um_yoyo]

رد: ملتقي الامهات - مدارس خاصه

هلا حبيبتي وعليكم السلام
بالنسبة للبيان العربي قوي فيها
في الروضة الطالب يقضي نص اليوم بصف العربي ويكون فيه مدرستين واحدة اساسية والثانية مساعدة ومس العربي اهي اللي تحفظهم بعض السور القصار من القران وتعطيهم شوية دين
والنص الثاني من اليوم بالانجليزي ونفس الشي في مدرسة اساسية والثانية مساعدة
وياخذون بعد رياضة ومدرسة الرياضة تتكلم انجليزي
وياخذون موسيقى وابلة الموسيقى عربية
الطلبة يتكلمون عربي في الفرصة ومع بعض لان المدرسة اغلبها كويتيين وفي شوية اجانب عرب واللي اهم غالبا عيال المدرسيين
المدرسة عموما قوية وانا اخواني تخرجوا منها واهي صراحة المدرسة الخاصة الوحيدة اللي اعرفها عشان جذي دخلت عيالي فيها
بس بعدين كنت احس دايما بتانيب الضمير واني اخاف ان الله يحاسبني اني قاعدة اقط كل هالفلوس على مدرسة فري واختلاط والجانب الديني فيها ضعيف لان الطفل راح يخالط ناس فري
طبعا اهم في البيان يدرسون الدين منهج الحكومة
انتي روحي الموقع مالهم وشوفي الاقسام اللي تبينها وشوفي البوم الصور
الجدول الاسبوعي مال الدراسة يحطونه ويحدثونها على موقعهم الاكتروني
www.bbs.edu.kw
واي استفسار انا حاظرة

حبيبتي حبيت اسألج المدرسه مستواها وايد قوي لان بصراحه سامعه اناها احسن مدرسه

و اذا تعرفين مدرسه البريطانيه الكويتيه الي في سلوى ياليت تفيديني

 

[Dancing^Queen]

رد: ملتقي الامهات - مدارس خاصه

واي بنات
انا بموت من الواجبات والحل
وبناتي توأم يعني نفس الواجب نحله مرتين
ولي حليت مع وحده رديت علي الثانيه وييت اراجع معا الاولي ماتعرف تجاوب! وبجي وصياح وماعرف

ماكو طريقه ماجربتها ماكو طررررييييييييييييييقه
جدول الاسبوع
هديه الاسبوع
مكافئه فوريه
اخليها تاخذ بريك
نصفق ونشربك ونغني لها
كل شي
قلت حق ابوهم تولي المراجعه خبص الاكو والماكو راح ياب خيزرانه
خيييييييييييزراااااااااااااااااااااااانه تخيلتووووووووو
وسيدا وششششششششششششششششششطططططططططططططط علي القنفه !!!
اللي صرخنا وانا بناتي تقولون الغزو العراقي اقوله ليش؟
يقولي هااااااااا شفيييييييييييييج احنا اول جذي يدرسونا
واي قلبيييييييييييييييييييييييي
قمت ماروح بيت ا هلي
واكتئبت (وترا مو شي لي اكتئبببببببببببببببببت اقعد اكل وامتن بعدين حرام عليكم القولي حل)

مشكلتنا بالعربي

الاداره عندها اهتمام شديد بالانجليزي ولارياضيات ومستواهم لايعلي عليه
مشكلتنا بالعربي والدين
واشتكيت وعيزت وانا اتكلم
ابله العربي كلمه حقيره شويه عليها !
تعقد اليهال بسوالف كسلانه كسلانه وماتقولها للياهل ببالصف حسبي الله ونعم الوكيل عليها تقولها بالممرات لي شافتهم او بالحمامات مريضه نفسيا
اشتكيت عليها
والاداره تعانو
بس لي الحين مانبرد قلبي من التصرف
وتغلط باوراق العمل يعني وحده واراقها كامله الثانيه لا وتلزقهم باثر رجعي
الدين ابداع اطق اصبع وافرها
اشوف الاوراق توصلني اسبوعيا حلو؟
الكتاب تونا استملناه من اسبوعين تقريبا وبنفس الاسبوع اللي استلمناه فيه لقيت ورقه بملف بنتي نتايج اختبار ماتبلغنا عنه ولادرسنا اليهال ولاحفظانهم استعدادا لامتحان لاعربي ولادين فلكم تتخيلون شنو النتيجه
قلبي انقمت صار فيني صداع نصفي واستمرضت من الحره !
يعني اطحس طول الاسبوع واجبات وافت قلبي جنه اليهال مادرسو ابد ابد
والله استخدم فلاش كاردس
ووسايل تعلميه
قلت يمكن الوسيله ترهب اليهال وتخليه يكره الماده اكثر
قمنا نحل بكراسات الرسم تالي ننقل بالدفتر
وعقبها تطور الوضع يبت اللعبه اللي جنها ستاند ينحط بالحظن نحل الواجب فيه
هم مكانك راوح !
بعدين توصلت ان العيب مو فيني
مو بعيالي لانهم لو اهم فاشلين جان فشلو ككل مو بس بالعربي والدين جان بكل المواد
العله بالي قاعد يدرس وياسس لان لو معلمينهم صح جان مشو عدل ! مو انا اشتغل بروحي وبدون نتيجه
اشوف مدرسه الانجلش والمساعده مالتها من اروع مايكون واليهال يموتون علي هالمواد
الا العربي والدين ! حتا مافي كميونيكيشن بوك تعطينهم وجهه نطرج! يوم الابله الجميله بغت تملي اليهال يوم الاحد واحنا تبلغنا بالاجتماع ان مافي يوم الاحد لا تسليم واجب ولا اممتحان وعيالي انهارو لان بتمليهم شي ماتدربو عليه - جان اطرش ورقه مع بنتي لابلتها وورقه ثانيه مع الثانيه قلتها سلميها للتييجر استتنت خل تعطيها الاداره

قامت ابله العربي ياحلوين شنو سووووووووووووووووووت؟؟؟

مسحت اثار الجريمه راحت بطلت دفتر اليهال ومسحت كلمه املاء علشان لو يو وكلموها تقعد تحلف وتتلف الجذابه الهييييييييييي يكسر ايدي كسر ماكتبت (علي فكر انا انحطيت بمشكله وياها ويت حلفت جذب حسبي الله عليها ونعم الوكيل يارب اشوف حوبتي فيها)

اول مره اشوف شي جذي جذب ويور علني
ولا خبيثه خبيثه يعني لي حطت بدفتر اليهال شي غلط شقت الصفحه علشان ماينمسك ضدها (مو بسا نا ملاحظه هالشي عليها سئلت وحده من الامهات لقيت نفس الشي متكرر معاها غلطت بشي بكشكول بنتها قامت شقت الصفحه بكبرها)
وبشوف الحين شنو بيصير
يعز علي عقب هالعمر اكرهه المدرسه واهي من اروع مايكون وتعاملهم ايهبل ويبنون شخصيه الياهل بطريقه اتهببببببببببببببببببببل ولغه عيالي احسن من ابوهم والاداره تينن ومتعاونين مس نورما اتهببببببببببببببببببببببببببل الصراحه ومس مريم دين ولامنها

وتاليتها قاعده افكر انقلهم من نص السنه بسبه العربي والدين
ياليتكم يا اكاديميه الخليج البريطانيه مهتمين بالعربي والدين كثر مانتو مهتمين بالانجليزي والماث والساينس شنو يعني خبره 10 سنين ابله عربي والا 15 سنه وتسوي ارهاب لليهال وتتحين لهم بالفرص
ياليت في اختبارات نفسيه للمدرسين قبل لايحطونهم خصووووووووصا التاسييس المفروض يحطون احد خبره وواثقين منه مو توه معين وماتدرون عنه غير الريسيمي مالته
اذا علي السي في اسوأ واحد بادارتنا يقدم اكبر شهاده خبره لان لو تشوفون اقسام اللي اشتغل فيها وشكثر ظل بالقسم الواحد وشلون منضبط بالدوام
بس للاسف انضباط علي الهبني لان بدون اي فايده يداوم ويطيح سوالف وضحك وماكو انتاجيه
الخبره مو بالسنين بالمستوي


وطبعا نهائيا ماني مخليتهم عندهم بقريد تو

بس مليت لين متا اكل بعمري هم علي قلبييييييييييييي
ورافضه فكره مدرس خصوصي الصراحه ! اولا انا مدخلتهم خاصو تعبانه عليهم المفروض يكونون بالمستوي المطلوب وان المدرس يعطي من قلب مقابل اللي ندفعه لان مو شويه ولاقاعدين ندفع قشور بنك وحب ! مو اروح عقب احط مدرس خاص يصلح للخاص
شستفدت
بعدين اؤمن ان الانسان يتكل علي نفسه ويتعلم
مايب عيالي يتعلمون هالشي
عمري ماخذيت درس خصوصي او رحت تقويه او طلبت مدرس خاص وكاني ولله الحمد ناجحه بحياتي وعمري مايبت دويحه او كان مستواي ضعيف

صج صج صج محتررررررررررررررررررررررررررررررررررررره
والحين قاعده ادور مدرسه ثانيه حق عيالي حق السنه اليايه بسبه مستوي العربي عندنا وايد تعبانه من مستوا عيالي وقاعده احاول قد ماقدر اعلمهم واحس اني قاعده اشتغل بروحي
وثانيا مسئله الاختلاط متعبتني ومو مريحتني خصوصا ان عيالي كبرو والبنات امانه

 

[كويتية مملوحة]

رد: ملتقي الامهات - مدارس خاصه

بسم الله الرحمن الرحيم..
الي يسال عن مدرسة البيان ثنائية اللغة ممكن افيدة ... مدرسة البيان ثنائية اللغة اي( بالعربي والنجليزي) الحضانة والروضة بالجابرية والابتدائي وباقي المراحل بحولي .. في المرحلة الحضانة + الروضة نصف يومهم مع مدرسة عربي والنصف الاخر مع مدرسة انجليزي .. و المواد اللي بالعربي (عربي (منهج الحكومة ومنهج لبناني) والدين (منهج الحكومة) واجتماعيات وتربية وطنية (منهج حكومة) والرياضيات الى المرحلة ثالثة ابتدائي عري ومن رابعة يقلب انجليزي اما باقي المواد كلها بالنجليزي (انجليزي + علوم + رسم + كمبيوتر + موسيقى + العاب ) .. مدرساتهم وايد قويين ومستوى المدرسة قوي علشان جذي الياهل يكرف من يدخل المرسة ليمن يطلع ويكن في بعض المرات يكرف بالبيت .. وانتي ياوليت الامر راح تكرفين معاه.. المدرسة طلباته وايد اذا رحلة بتدفعين اذا نشاط بتدفعين اذا حفلة بتدفعين حتن قوطي الكلينكس بتييبينة .. بس الحلو بالموضوع انج تدفعين بس تلاقين نتيجة وتحسين ان يستاهل ولدج لان مستوى المدرسة عالي مو اي ياهل ينقبل (بعد ما يجرى له اختبار) ومو اي شخص يقدر يكمل (لازم مستوى الطالب اعلى من المتوسط) .. فناس وايد ياسسون الطفل بالبيان (المرحلة الابتدائيه) وبعدين يتقلونة ..
بالتوفيج ان شاء الله

 

[DooNy]

رد: ملتقي الامهات - مدارس خاصه

Dancing^Queen


الله واكبر كل هذا ومتحمله وهذا وانتي ليلحين باول السنه صج الله يعينج
بس اب هالمرحله صج مالج الا المدرس الخصوصي لا تقولين اعارض ما اعارض
انا في بنتي يوم كانت اب اولى يبت لها والله العظيم اسستها بس بأولى وهذا كان القصد ألحين ماشاءالله عليها أشطر وحده بصفها بالعربي اهي بس تتعلم الاساسيات تالي تعرف بروحها
بعدين زمنا يختلف عن زمنهم الله يخليج اشكان عندنا يلهينا ألحين غير كل ركن بالبيت فيه شي يلهيهم

انا اقول توكلي على الله وشوفيلهم مدرسة شاطره تدرسهم تأسسهم وخلي عنج مدرسة العربي الي بالمدرسه وقزريها لين الله يفكج منها لو شنو بتسوين ماكو فايده لا نقل راح ينقلونها ولا شي بس بيعطونج من هالكلام الي يسكتج لين تمر السنه وتخلص

انا صارت لي سالفه مع بنتي في كي جي 1 كانت بنتي تخاف من الظلمه وتسألني عن الموت والقبر والزلازل من أول ما دشت المدرسه وصارت فيها فوبيا مو طبيعية وقعدت أحاول أسحب منها حجي لين عرفت ان مدرسة الاسلام تدرسهم سورة الزلزلة ومفسرتها لهم بحذافيرها الي انا اخترعت من التفسير والله أطيرلج المدرسه وأروح للأخصائية وأقول لها السالفه كيت وكيت وكيت ونادت المدرسه وقعدت معاها وطبعا يبون يبررون الموقف قالوا لا لازم نعلم ونفهمهم قلت لهم ميخالف تعلمونهم بس مو بهالعمر يهال بعمر 4 سنين تقولولن لهم عن الموت والقيامه والقبر عقدتوا بنتي صار فيها فوبيا بس تقولي لا تموتين وتخليني ومتى يصير الزلزال وأسأله تقطع القلب ولا تقدر تنام الليل جان تقولي بس هذا منهج وانا لازم أمشي عليه قلت لهذا جذي يعني السالفه طلعت منهم ورحت للناظره وكلمتها الناظره أمريكية وكلمتها وقلت لها السالفه بالتفصيل ورفعت كتاب حق مدير المدارس وقالولي ان شاءالله يصير واذا لقينا أكثر الأطفال متضررين ان شاءالله بنحاول انغير المنهج انا قلت اي خير ان شاءالله تصدقين ولدي بعد 3 سنين دش الروضه ويدرسونه نفس المنهج ونفس الآيه ونفس المدرسه لوووول شوفي القراده ورحت لها وقلت لها شوفي اذا ابتتبعين نفس اسلوبج بالشرح ترى من ألحين أنبهج ولا بطلب ان ولدي يغير صفه وأشوه عدت السالفه على خير.

فا من ألحين أقولج ترى لا اتأملين شي من المدرسه ترى كله حجي بالهوا ومافي مدرسه ما تخلا من هالسوالف عادي في من المدرسين الزين والشين

 

[Dancing^Queen]

رد: ملتقي الامهات - مدارس خاصه

العله يا دوني
اتصدقين ان المدرسه اصلا يابين لي مندوب من التعليم العالي
يقولولي اشتكي علي الابله احنا اهني نشرحلج شلون تاخذين حقج
هاو
اخذ حقي منكم! والله احب مدرسه عيالي مابي اشتكي عليهم ياما ابلاتهم ساعدوني صج ساعدوني وايد ببناء شخصيها لياهل
شلون اشتكي علي المدرسه حرام تنحسب ضدها واهي خوش مدرسه
شيلو هالابله التبن بس فكونا!
يقولون اشتكي في اجراات
انا لو ابي التعليم الخاص ترا مايهمني عندي واسطه باكبر راس وعلاقتنا وياه ممتازه بحكم عوامل اخرى
بس الظاهر ماكو الا هالحل
عيالي مقدور عليهم سواءا اتعب زود او اني احط مدرس خاص ولو ان ضد قناعتي

بس حرام يهال ثانين يضيعيون بعد علشان هالابله (طبعا الجنسيات الثانيه ولاراح يضرهم شعره مادري شلون مخوخهم دفاتر ماشاءالله عليهم يتمم عليهم ويهدي عيالنا يارب اللي بيضيعون عيال الكويتين )

وحرام سمعه المدرسه تروح وينحسب شي ضدها ! واهم اول واخر جهه بايدها القرار

تقدرون ببساطه تشيلون هالابله لاتقطعون رزقها اوكي وياكم ودوها صفوف متقدمه هذي متقدر علي تاسيس
ودوها حق صبيان متوسط يعلمونها عدددددددددددددددددددل شنو يهال ابتدائي حزتها

 

[DooNy]

رد: ملتقي الامهات - مدارس خاصه

العله يا دوني
اتصدقين ان المدرسه اصلا يابين لي مندوب من التعليم العالي
يقولولي اشتكي علي الابله احنا اهني نشرحلج شلون تاخذين حقج
هاو
اخذ حقي منكم! والله احب مدرسه عيالي مابي اشتكي عليهم ياما ابلاتهم ساعدوني صج ساعدوني وايد ببناء شخصيها لياهل
شلون اشتكي علي المدرسه حرام تنحسب ضدها واهي خوش مدرسه
شيلو هالابله التبن بس فكونا!
يقولون اشتكي في اجراات
انا لو ابي التعليم الخاص ترا مايهمني عندي واسطه باكبر راس وعلاقتنا وياه ممتازه بحكم عوامل اخرى
بس الظاهر ماكو الا هالحل
عيالي مقدور عليهم سواءا اتعب زود او اني احط مدرس خاص ولو ان ضد قناعتي

بس حرام يهال ثانين يضيعيون بعد علشان هالابله (طبعا الجنسيات الثانيه ولاراح يضرهم شعره مادري شلون مخوخهم دفاتر ماشاءالله عليهم يتمم عليهم ويهدي عيالنا يارب اللي بيضيعون عيال الكويتين )

وحرام سمعه المدرسه تروح وينحسب شي ضدها ! واهم اول واخر جهه بايدها القرار

تقدرون ببساطه تشيلون هالابله لاتقطعون رزقها اوكي وياكم ودوها صفوف متقدمه هذي متقدر علي تاسيس
ودوها حق صبيان متوسط يعلمونها عدددددددددددددددددددل شنو يهال ابتدائي حزتها

لا لا قويه سالفة الشكوى ترى مو من صالح بناتج بس والله السالفه معقده

شرايج تاخين تواقيع أغلب الامهات الي اعيالهم متضررين منها يوافقون على تغييرها وتقدمينها للاداره أعتقد جذي بياخذون براي الاغلبيه

انا مرت علي مدرسة عربي شرييييييه اشويه عليها درست بنتي بقريد 2 بس تأسس عدل بس ما ترحم عصبيه عصبيه وبنتي تخاف منها الي ماتحل الواجب والي ما تقرا عدل توريهم العين الحمرا بس اعجبتني تخلي الي ما يدرس يدرس علشان الله يفكه من شرها الي أول ما ترجع بنتي البيت اول شي تفتحه كتاب العربي الي مره كان عندنا اجتماع أولياء امور وكانو يطلبون منا انييب عيالنا معانا وكانت بنتي معاي علشان تعرف كل شي تقوله الابله عنها والحمدلله كانت تمدح بنتي بس الي ظحكني عطتنا ورقه فيها واجب وأسئله تقول تسلوا فيها بالعطله لووووول بنتي قامت اتعبر وقالت لها ان شاءالله تخيلي طول العطله بنتي تحل الواجب وكان عن بحور الشعر الله يخليج اشفهم بنتي في بحور الشعر خخخخخ

والله يظحك أكثر تدرس بنتي هالسنه وحدها متدودهه تقول شلي قطني عندها :dddds:

بس لا مدرستنا العربي تفرق عن الي عندكم

 

[Dancing^Queen]

رد: ملتقي الامهات - مدارس خاصه

دوني في بدليه وزاريه

يابولي مندوب وزاره التعليم الخاص
مو التعليم العالي
خو اهم وزاره وحده
لووووووووووووول



الابله شريره شغل جناين سوريا اللي نشوفهم بباب الحاره فهمتي شو ئصدييييييييييييييييي
ايه ماهيك!

وياليت تخرع اليهال بالدراسه
كلنا تصروعنا من جم ابله والله لي يومج لي سمعت اجتماعيات يمغصني بطني بسبه ابلاتنا ملووت الاجتماعيات قبل
اتصروع
اذا عطونا اجازه امتحانات اخر السنه ادرس طووووووووووول الايام اجتماعيات وثلاث ايام المواد الثانيه من خرعتي من ابلاته
وشزيني ماظرني

هذي شريره وماهمها التعليم ومن تحت لي تحت ميه من تحت تبن
كلمت جم ام امون عليهم حاطين مدرسين خصوصين ومريحين بالهم مايبون يشتكون عيالهم بيكملون بالمدرسه مايبون يكشون منهم

 

[DooNy]

رد: ملتقي الامهات - مدارس خاصه

دوني في بدليه وزاريه

يابولي مندوب وزاره التعليم الخاص
مو التعليم العالي
خو اهم وزاره وحده
لووووووووووووول



الابله شريره شغل جناين سوريا اللي نشوفهم بباب الحاره فهمتي شو ئصدييييييييييييييييي
ايه ماهيك!

وياليت تخرع اليهال بالدراسه
كلنا تصروعنا من جم ابله والله لي يومج لي سمعت اجتماعيات يمغصني بطني بسبه ابلاتنا ملووت الاجتماعيات قبل
اتصروع
اذا عطونا اجازه امتحانات اخر السنه ادرس طووووووووووول الايام اجتماعيات وثلاث ايام المواد الثانيه من خرعتي من ابلاته
وشزيني ماظرني

هذي شريره وماهمها التعليم ومن تحت لي تحت ميه من تحت تبن
كلمت جم ام امون عليهم حاطين مدرسين خصوصين ومريحين بالهم مايبون يشتكون عيالهم بيكملون بالمدرسه مايبون يكشون منهم

هههههه عادي ما طاح إلا انبطح


اي اي حتى مدرسة بنتي سوريه الظاهر دمهم حامي خخخخخ
صج الله يعينج اذا انتي ناوية على النقل قزري هالسنه وأمرج لله شتسوين بعد

 

[ReeMaN]

رد: ملتقي الامهات - مدارس خاصه

دانسنق كوين انا وايد اسمع عن هالمدرسة ويمدحونها بس ماكو مدرسة كامله لازم اتطيحين على ابله اتغثج بسوالفها مع ليهال ولو بتغيرين مدرسة بناتج الله يحفظهم وتودينهم مدرسة ثانيه يمكن ابلة العربي اتصير زينه بس بتعانين مع ابله ثانيه واغلبنا جذي نفس الحااااااااااااااااله وبعدين ماشالله اشكثر اللي يدشون ولا وحده عندها فكره عن المدرسه العالمية

 

[ام سليمان]

رد: كشف بأسماء و أرقام جميع المدارس الخاصة بالكويت

خواتى جزاكم الله خيرا
منو تعرف مدرسه انجليزى تدرس دروس خصوصيه (( للصف الخامس ابتدائى ))
تعطينى رقمها الله يعافيها