ملتقـى عـرايـس شهـر [12] حيــاكمـ اللـه

[الغلاااااا]

انا الحين شغاله بالدراريع والبدل للحين فصلت 4 دراريع شي ناعم وشي فخم

بدلة الاستقبال سويتها عند فاطمه قبازرد حلوه وشكلها فخم..,,

 

[الغلاااااا]

اي صح بنات شنو احلا العطور اللي خذذيتوها

ابي عطورات حلوه وبارده<<<ماحب الحاره

زوج اختي بيروح فرنسا وودي اعطيه اسامي العطور اللي ترشحونها لي واخليه يجيبهم لان هناك عطوراتهم مركزه واحلااااا طبعا"

 

[ليه يادنيا]

حلووووووو ملبووس العافيه ياقلبي


انا افتكييييييييييييت من الدراريع الحمدلله .. بس باجي لي العبي هم الساااااالفه ما سويت شي

وبنات انا فلسسسسست ههههههههههههههههه

 

[ليه يادنيا]

انا ما خذيتي لي الا ثلاث عطور فرنسيه فري سكسي .. جفنشي الجديد .. شورباد بو قلب والطواليه القديمه وسلفر

ووووووبس

الباقي عربيه وخرابيييييط كافي بس

 

[الغلاااااا]

امبييييييييييي تصدقين ناااااسيه العبي <<<<<<<<<ياااربي ارقع بشي ويطلع لي شي ثاني

يااارب ودي اغمض عيوني وافتح والقى كل شي زااااهب ومخلصه الفرارة بالسوووق

والله ووودي ادش السوق ادلع نفسي اشتري شي لي انا استخدمه الحين موقادره كله للجهاز وللعرس واتحسف اقول خلاص مابقى غير شهر ماله داعي اشتري لنفسي الحين خل اشتري للعرس احسن..

 

[ليه يادنيا]

اي و الله صاااجه

مافي وقت كللللللللللللش

متى راح تبدين بالمغربي !!! ووين بتسوينه ؟؟

انا ببدي من الخميس ان شاء الله بصالون الشرقيه وودي اسوي تنظيف بشره عندهم شرايج ؟؟

 

[ســـآرونه]

الحين يا بنات الحمام المغربي لازم نسوويه طول شهر 11 والا بس مرتين ..؟

 

[ليه يادنيا]

لا طول الشهر أكيد واسبوعياً .. الشهر كله اربع اسابيع اربع مرات يعني ولي يوم العرس قبله بأسبوعين من العرس كل ثلاث ايام
احسن شي

 

[ليه يادنيا]

يلا ياحلووين انا بنام الحين

تصبحون على خير إن شاء الله حبايب قلبي

 

[@@ Strawberry @@]

انا عرسي بإذن الله شهر 12
وزين قلتيلي أبدا أسوي حمامات مغربيه انا كان عبالي قبل العرس بسبوعين مشكوره حبيبتي ليه الدنيا واالله يوفقني ويوفقج ويوفق البنات ويتمم فرحتنا على خير

 

[alzen_kilah]

بنات مو جنه تو الناس عالحمامات المغربيه ؟!

واللي بتروح الشرقيه بتسوين البرنامج كامل ولا بس حمام مغربي ؟؟؟

 

[نبض روحي حبيبي6]

البااااقين خلهم يذكروونا بتواريخ عرسهم

كي اج .. ساروونه .. GaZoZiYa .. نبض روحي حبيبي6 .. ألخ ألخ

واسفه اذا نسيت احد

طبعاً في بنات كثير مشاركينا من عرايس شهر 1 و 2 و3 ماقصرووووووا

وان شاء الله يستفيدون معانا

ياحيااااااااااااااااااتي ياليه يادنيا انا عرسي مو بشهر 12 بواحد يناير ماادري ليش متأقلمه معكم وووووووووووووايد
ابشركم خلصت ملابس البيت بس صيفي تو ماخذيت شتوي والعبي وثوب الصباحيه والاكسسوارات والساعات شريت من الخبر
باقي لي العطورات والمكياج قبل عرسي بااسبوعين بشتريه وبدله العرس لحد الحين بروح لنجفه واشوف بدلهم والمسكه
يووووووووووووو يابنات حدي مو مركزه بشي الايام تمشي وماخلصت شي:eh_s(3):

 

[نبض روحي حبيبي6]

بنات شسوي اكره الدراريع ماودي افصل شي بس امي ملزمه علي شرايكن ودي بالدراعه تكون ذربه ومخصره واغلب الدراريع اللي اشوفهم بالمعارض دفشات اللي تعرف مشاغل دراريعهم ناعمه تقولي الله يوفقكم
وكم افصل دراعه ياليت تساعدني؟؟؟؟

 

[نبض روحي حبيبي6]

احبـــــــــــــــــــــــــــــــــــــــــــــــــكم

 

[alzen_kilah]

نبض من وين خذيتي بدلة الصباحية ؟؟؟

بالنسبة للدراريع انا نفسج مو لبيسة دراريع بس عالاقل بسويلي 4 كافي اذا زاروني اهله

 

[ليه يادنيا]

@@ Strawberry @@

حيالله بنت عتييييييبه

منوره ياقلبي

اي ياقلبي لازم قبله بشهر وكل اسبوع احسن لج وقبل العصر كل بأسبوع خلها كل يومين او ثلاث

ويوووفق الجميع يا حياتي آآآآميييييييييين

 

[ليه يادنيا]

alzen_kilah

آهلين بالزيييييييييين كله منووووره

لالا مو تو الناس الله يهديج بلشي ع الاسبوع الجاي ولا الي بعده يعني لأني بنص 12 عرسي بس هم انتوا معاي بعدها بجم يووم
احسسسسن والله واريح لج ..

وانا بروح الشرقيه بس مو برنامج لاني اذا خذيت برنامج بياخذوون علي حيييييييييل وانا مو ناقصه لوووووول

قبل العرس بأسبوع اخذه اهني اوووكي بس الحين عادي عرفتي

 

[ليه يادنيا]

نبض روحي

بعد عمري والله معانا ولا بعدنا بشهر مو مشكله اهم شي انج متواجده ومنورتنا بطلتج العسسسل
عااد الله وبعده كلها بعدنا بجم يوووم بنضمج غصب معانا صرتي منا وفينا < غصب داخله بقوه لوووووول

ملبووسيييييييين العافيه ياااااارب

حتى انا خذيت لي اشياااء زووووووغه من الخبررر

والله ودج يقطونج فيها اسبوع تفرفرين على كيفج مو انا ياحظي كل ما رحت يوم ولا يومين << حمدي ربج بعد طراره وتشرط هههههههههههه

لا إن شاء الله تخلصيييييييييييييين وتركزين على شغلج وتضبطين عممممرج عدل مدل على قولتهم

ويووووووووووفق ياااارب ويوووفقنا معااااج ويتمم هالفرح على خييييييييير ويرزقنا آجمعييييييين

 

[ليه يادنيا]

نبض روحي

فصلي لج درااعه على ذوقج حلوووه وناعمه ورااقيه بنفس الوقت خلي شغلج خفيف وذرابه احسن من الخبخبه

لاني فصلة دراريع فخمممممممممممممه حيل بس طبعاً مو انا الي فصلتهمم

الا صح نسيت اقولكم حتى الدراريع كلش ما جيت صوبها اللهم رحت افصل وحده عاديه

والباقي كلهم اختي مفصلتهم ماخذه مقاسي بس هههههههههههههههههههه

عندي فخمه والله يمكن 4 بس لبستهم ثقيله شوي بس الي يشوفهم ينهبل مافي منهم وموديلاتهم مو مكرره كلها واذا سألتوني من وين بيطيح وجهي لاني انا بنفسي ما اعرف كل الشغل على اختي ياحليلها متعبتها معاي تاخذ هالدراعه وتفتر فيها وتفصل وا عليا ههههههههههههههههه

 

[ليه يادنيا]

نبض روووحي

واحنا نمووووووووووووووت فيج