ملابسي ماتنظف وارضيتي ماتلمع :( :(

[g6awi]

مسا الخير يا حلوت


عندي غسالة اوتوماتيك

واستخدم مرات مع الايريل

استخدم فانيش البودر او السائل

او داوني
او شوية ديتول

مشكلتي ان الملابس ما تنظف عدل
يعني ملابس زوجي عند القووله مو نظيفه

شنو المشكله عندي ؟


والسيراميك انظفه بمنظف العملاق + ديتول + ماي

بس عقب احس ان الارض ماتلمع مثل ما ابي ليش ؟

يصير عليها طبقة بيضه شووي

 

[ورد الطايف]

انا كانت عندي الغساله الاتوماتيك بس وديتها الصدقه

ماعرفت لها ودقيت عليهم من المحل نفس اشتغلوا فيها بس صج ماتنظف كلش البقع تقعد فيهااا

وشريت لي غساله عاديه والحمدالله ابرك منها بالف مره الهدوم كلها نظيفه

 

[ورودة]

سلام عليكم
شوفي اختى باي سرعه انتي تغسلين الملابس اذا بطيئه ماتنظف عدل واذا الملابس وااايد بعد ماااينظفووون وبعدين انتي اي نوع عندج اللى تكون فتحتها من فوق او بالنص واي حجم؟؟؟

 

[g6awi]

انا فتحتها من جدام

واشغلها على الغسيل اليومي على قوولتهم

 

[shoshowh]

اذا الغسيل في بقع او وسخ
اول شي نقعيهم في فانيش وماي وغسلي باجي ملابسج واخر شي غسلي إلي فيهم بقع
وغذا تقدرين من الليل نقعي الملابس مع فانش والصبح غسليهم

 

[الفرحه]

انا غسالتي اوتوماتيك

اول الايااام كانت ما اتنضف عدل

كنت استعمل تايد

بس الحين قمت استعمل اريل
واحط معاااااه مربع فانش

هذا علبته

والحمد الله وااايد احسن

 

[alhabibah]

بالنسبه للبقع عند القولة استخدمي بخاخ مزيل البقع من كلاسبك، والأرضيه نظفيها بديتول للأرضيات
وان شاء الله يصير شغلج زي الفل

 

[الله يخليني]

الأرضيات استعمل لها هاربيك والملابس أومو مع فانيش

 

[.:SuGar^GirL:.]

حبيبتي قطاوي يمكن الطبقه البيضا إللي تصير بالأرضيه بعد التنظيف تكون من الممسحه نفسها
يمكن تترك وبر على الأرض
أنصحج بممسحات فيليدا أحلا ماركه بهالسوالف إخذي نفس هذي

تلقينها بمركز سلطان
وبالنسبه لمنظف الأرضيات عندج بليدج رووووعه

 

[الجفول&]

حبيبتي قطاوي يمكن الطبقه البيضا إللي تصير بالأرضيه بعد التنظيف تكون من الممسحه نفسها
يمكن تترك وبر على الأرض
أنصحج بممسحات فيليدا أحلا ماركه بهالسوالف إخذي نفس هذي

تلقينها بمركز سلطان
وبالنسبه لمنظف الأرضيات عندج بليدج رووووعه

مشكوره حبيتي استفدت منج يعطيج العافيه

 

[عاشقة المسك]

انشاء الله البنات ايفيدونج

 

[g6awi]

حياتي هذي نفسها ممسحتي ماخذتها من الشاميه اعتقد

بس بجرب المنظف اللي حطيتيه

 

[g6awi]

انا فتحت غسالتي من جدام

الحين قمت احط فانيش وايد حلوو ونظف لي الملابس عدل

والملابس البيضا الخدامه تغسلهم بيدها فرق معاي لوونهم واااايد مشكوورين ماقصرتوا :****

 

[Candel in the Desert]

في غساله تكون صغيره او عندج الغساله ام حوضين القديمه حطي فيها الدشاديش مع ماي حار وفانيش لملابس البيضا وخليها تشتغل وبعدين خليها تنقع لمده 3 ساعات وبعدين هم شغليها مره ثانيه وطلعي الهدوم منها وراح تلقين السواد الي على القوله والكموم والحاشيه ماله الدشداشة نظيفه ما يحتاج الخدامه تفركهم لانه كثر ما تفركهم راح يتنتف الخام

 

[Candel in the Desert]

وبالنسبه للارضيه اذا سراميك استخدمي تايد وماء مع ملح الليمون بس فلكي سراميكه ورا الثانيه حتى الخطوط الي بين السراميك مو تخلينه بالارض وتمسحينه مساح لانه ماراح يطلع شي من البقع .. اذا تبين اي استفسار انا حاضره طرشيلي مسج وانا افصلج الموضوع

 

[g6awi]

جزاج الله الف خير حياتي ما قصرتي

 

[lilian2razan]

شوفي يا حياتي
بالنسبة للسراميك انا استخدم جردلين و ممسحة ام شراشيب، الاول اخلي فيه بس ماي و الثاني ماي مع ترس غطاء داك المعقم و المعطر برائحة الزهور و اخلط معاه شوي كلوركس بالزهور وشوية صابون فيري( بس رعصة وحدة) و غطاء واحد كمفورت مركز اي نوع تحبين ريحته، و بعد ما اكنس الارضية امسح السراميك بمخلوط المنظفات مساحة متر و نص مربع تقريبا و قبل لا امسح ثاني اغطس الممسحة بالماي النظيف و اعصرها، وبجذي اضمن انها ما تنقل الوبر او بقايا الغبار لمكان ثاني.
اما بالنسبة للغسالة الاوتوماتيك فغسالة التعبئة من فوق وايد انظف من التعبئة الامامية، بس طالما انتي غسالتج النوع الثاني فعليج بفانيش السائل قبل الغسيل و البودر مع الغسيل، بس في ملاحظة مهمة الفانيش السائل حطيه مباشرة على البقع بدون ما تبللين الملابس لان الماي يقلل من فاعلية الاوكسجين في المحلول و بتشوفين لما تحطينه على البقع والملابس ناشفة بيتفاعل على طول و يكون رغوة بيضة ناعمة.
سامحيني قرقت وايد بس ان شاء الله بفايدة.

 

[GuERlaiN]

آنا داشه عشان استفيد

والحمدالله استفدت منكم تسلمون *

 

[بيت التوت]

الحمدلله رب العالمين كما ينبغي لجلال وجهه وعظيم سلطانه


وااااااااااي الغساله الأوتوماتك تدرين اشسويت فيها قطيتها وشتريت الغساله العاديه

خربت ملابس عيالي والله عاد كلها غاليه ماينظفون


نصيحه سوي مثلي وردي للغساله العاديه