ملابسنا راحو فيها

[ام شريفه]

السلام عليكم بنات انا عندي مشكله ملوعه جبدي الي اهيه انه ملابسنا كلما الخدامه تغسلهم تروووح ألوانهم يصيرون حليان!!!! بعضهم من أول غسله تروح ألوانهم يصيرون جنهم قديمين! والله لاعت جبدي و عيزت و انا أشتري ابهالملابس شكلهم يصير يفشل...و هم بعد يكرون الملابس!! يعني بعد جم غسله يصيرون مقصملين مادري من شنو قلت يمكن من النشافه يصير هواها وايد حار لانه احنا عندنا غساله اتوماتيك بروح و نشافتها بروح. فماأدري شنو السبب بالضبط؟؟ اشلون ملابس الناس حلوه الا احنا :0bee2e8d89:

مع العلم اول شي كنت أستخدم آريال بعدين قالولي حار و يروح الألوان و الحين أستعمل بونكس هم نفس المشكله :cxxxp:

و أستعمل كلوركس ألوان و كومفورت

بنـــــــــــــــــــــــات شنو الحل؟؟؟ تعبت والله من هالمشكله :eh_s(2):

 

[waselah]

الحال من بعضه

 

[sara3]

اول شى هذى مشكلة وماتصير معاى الا بالاجازات لى رديت الديرة

مع ان نفس اسامى المنظفات بس تصنيعهم حق الدول الغربية غير واحنا غير

بس انتى علشان اتحدين من السالفة

راعى البرنامج اللى اتحطينة لان ساعات فى برامج فيها الماى يغلى يعنى الغسالة اتحرر الماى فوق ما ماينا بروحة حار

اهتمى انك الملابس الخلوطة اتحطينها على برنامجها مو قطنيات

ودايما غسلى الملابس بالمقلوب


والنشافة بعد فيها برامج لااتخلينها اتنشف مية بالمية

يعنى النشافة اللى عندى تنشيف كلى سيدة على الكبت

تنشيف خاص حق ملابس الكوى تلقينها رطبة شوى

 

[عبق البنفسج]

انا كنت استخدم اريال وكانت تصير نفس المشكلة وعقب قمت استخدم اومو ومرات تايد وهدومنا الحين الوانهم حلوة

 

[ام شريفه]

مشكورين على مروركم بنات ما فيه حلول ثانيه؟؟

 

[يوآش يوآش]

والله ماعندي فكره ......اب

 

[SaD FaCe]

اب اب اب نفس المشكله ..

 

[Heaven Light]

تصدقين انا بعد يننتي هالمشكلة خصوصا للملابس الداخلية وبالتحديد الستيانات يصير الوانهم باهتة وجنهم ملبوسين الف سنة ..

ما ادري شالحل والله ملابسي غالية شلون يعني ؟؟





​

 

[dandooosh]

والله الحال من بعضه
الحين انا خلالالالالاص ما قمت استخدم اريال للملابس >> صرت اغسلهم بالصابون السائل حق العبايات بس طبعا اخذ لون شفاف او فاتح مو الاحمر علشان ما تصبغ الملابس ،، فهمتوني
احلى نوع سوفتي الازرق ريحته حلوة بعطر الدانات
وبس اريال صار استخدامه للتنظيف وغسيل المطبخ والحمامات
الحمدلله احس ان الملابس صارت تحافظ على رونقها شوي احسن من قبل

 

[noorq8]

حبيباتي هالمشكله عند ناس واااايد تدرون ليش ؟؟؟
لأنهم يقطون الملابس عالخدم يغسلونهم ولايتابعون طريقة الغسيل .
أول شي ملابس الطلعه بحياتها ماتنغسل بغساله فقط باليد وبدون دعك وفرك جنج تفركين خيشه ولازم تنغسل عالقلبه يعني تقلبين الملابس تالي تغسلينهم ولو في بقعة عطر او دهن أول شي غسليه بفانش سبراي تالي غسلي القطعه كامله ولاتعصرينها شريها وهي مسدوحه ولاتحطين جلاليب ملوت المنشر عشان وماتلومع مكانها ولازم أول غسله بالمصبغه ,ولما أقارن بين ملابس عيالي وعيال صديقاتي تلاقين التي شيرت له 4 سنين وكأنه جديد عندي وعند صديقتي جنه ماسحه فيه الأرض من الدعك والفرك .وشغله ثانيه ماينضرب كوي الا بالمقلوب ولاتكوين الاطراف واذا خامته رقيقه كوي عالاوتي البخار مو العادي .

 

[معلمة انجليزي]

ما شاء الله يا نووور طريقتك حلوه بس المشكله ان الخدم يغسلون واحنا بالدوامات