ملابسج مو مـاركه ؟ اذا انتي هيلقيه .. (صور)

[honey lust]

وااااي عاد انا اخر وحده اهتم بهالسوالف و عادي عندي يكون لبسي كله من اماكن عاديه لان انا اللي اعطي لبسي قيمه

مو اللي لابسته بيعطيني قيمه

و احس الاشياء اللي حلو تكون ماركه و يبين فيها 3 اشياء بسس

الجنطه و البوك و النظاره

غيره نوووووو يعني ان شاء الله ما اشتري قميص ب 200 ولا 300 و حاله حال اي قميص بس عشان ماركه و اسم المصمم

صار بالسعر الفلاني

و بعدين لازم الناس يصير عندهم وعي ان الماركات اشياء مكلمه

يعني متى ما صرت مرتاحه بحياتي و معاشي زاد وقتها افكر اخذ ماركه

اما سوالف من فوق لي تحت ماركات و بالجيب طرق الربع دينار هذا خبال الحمدالله و الشكر

 

[دلوعة أبوهآ]

أحب وأعشق الماركات ..,
بس ماخلي هالشي يصير هاجس وسواس بالنسبه ..

فيه ملابس عاديه تكون احلى وأكشخ من الماركات العالميه وبنص سعرها بعد ..
يعني الكشخه مو بالماركه .. بالذوق
ممكن تشوفي وحده لبسها كله ماركات لكن مافي تناسق ولا فيه ذوق اصلاً ..

والله يعين الناس اللي تذبح نفسها وتضغط ع عمرها بس عشان المظاهره قدام الناس

كل واحد يلبس ويشتري ع قد فلوسه

 

[أميرة-]

انا اشتري اللي يعجبني حتى لو انه مو ماركة

افر بمحلات الماركات اطالع بس واضحك لاني اشتري بليمت معين مو لاني ماقدر الحمد لله معاشي قريب الالف وماعندي مصاريف كلش بس صرفي بحدود

 

[هزة غضا]

لا يمكن ان يعطي قميصا من بربري او حقيبة من شانيل اي قيمة خلقية لصاحبها..ومن ربط قيمتة بذلك..اعانه الله على نفسه!

مع قليل من الحكمة والذوق الرفيع..نبدو رائعين بمقتنيات راقية جميلة ذات سعر مناسب ومعقول...
ولكل مقام مقال..لا مانع ان ترخي قليلا فبعض المناسبات تستحق ..ولكن ليس دائما طبعا!
وما اجمل التوسط في كل شيء وفي كل أمر..وفي كل حال..

 

[Ms. luxury]

لااااااا ضربتيني عالوتر الحساااااس ..
المشكلة لما تقولين لها بيجامات عيالي من فاشن مل أو سوق الكويت عفست ويهها وقالت ليش ليش موشي !!!..انزين شحقة محسرة فيهم روحي اشتري لهم من مذركير واتش اند إم ..<<<تخيلي يعني هذول محلات ماينقال عنهم ماركة حيل بس انهم محلات سعرها مرتفع بالنسبة لبضاعة سوق االكويت وبمنظورها انهم كشخة وماركة ..والله مرة طاوعتها وشريت حق ولدي ب20 دينار بيجامة وبنطلون ..البيجامة من أول غسلة توسعت عند القولة (القلبة) والبنطلون جينز أقدر أشتريه من أي مكان ..لبسه شهر وصغر عليه لأن البيبي كبر.. ...دايما نظراتها لهدوم عيالي انهم cheap انزين والله قطنهم مرات يكون زين وكفوها حق بيبي يمشي ويلطخ فيها وبسرعة نغيرها له ..أحسن مما أشتري بيجامتين وأقعد عالحديدة مثلا ..مثل ماقلتي ..أحسر بعمري عشان لايقولون هيلقية!!!!تفكير مادري شلون قايل
ليما تعلمت أطلب من النت وقمت أطلب حق عيالي منهم قاموا يلفتون انتباهها الحمد لله على نعمة العقل وتسألني من وين؟؟ أقول لها ..وعقب هم بعد مايعجبها وتذم فيهم ..خذيت درس ان بعض الناس لما تقعد تحكم على لبسج وشكلج ومايعجبها أحيانا يكون حسد أو مرض الصراحة مادري شسمه ...يخليج توسوسين بنفسج وبذوقج ..وتركضين ورا الأفضل بنظر هالناس اللي هو الماركات
فأفضل شي تعلمته بهالدنيا ان الواحد يمد ريوله على قد لحافه وينام عالجنب اللي يريحه..وأنا أطلب من برا حق عيالي لأن أرخص وأجود فقط وليس عشان (ماركة)
ومشكورة عالموضوع اللي في الصمييييييييم

 

[ĎєνiL.ĞιRL]

بالضبط مد ريولك على قد لحافك ..

مشكورين عالمرور ..

:*

 

[*ام بسولي مكه*]

مو دايم اشتري ماركات اذا باشتري لعيالي فقط

 

[nadoooy]

ههههههههههههههههه احلى شي المهايط بنات والله ثلاث ارباع الناس الحين كله تقليد ماركات ويهايطون على اساس انه ماركة واصلي مو تقليد

 

[جورجيت]

احنا مجتمعات نقدس المظاهر وللأسف هذا الشيء اصبح شبه قسري ع كافة فئات المجتمع ..

نحتاج قدوات مجتمعية معتبره تغير لنا هذا المفهوم ..

جزيل الشكر ..

 

[CaKe_1988]

انا عن نفسي اشتري اي شي يعجبني .. يعني اشتري المركات واشتري من المحلات مثل ماقلتي ريفير ايلاند وربع ..
واهم شي ذووق الشخص .. ياماا ماركات وتلوع الجبد .. وكل شخص وملبوسة .. ناس لو يلبسون خيشة شحلاتها عليهم
ودام انا عندي عادي اشتري .. بس اروح اخلي ابوي او امي ياخذون لي قرض او شي من هالقبيل عشان شنطة ماركة او ساعة لا طبعا ..

وثانكس على هالموضوع الحلو ..

 

[غلا الغوالي]

مساكين البنات اللي كذا​

ارررحمهم​

الكشخه تعتدم ع ذووقك وطريقة تنسسسيقك​

مو ع القيمه الغاليه​

انا اعرف ناس وصل فيهم هوس المظاهر​

الى انهم يشترون شنط تقليد ويشتروون​

شعار الماركه الأصليه ويحطونها عليها​

ليش ؟؟؟​

علشان الناس يقولون شوفوا شنطتها​

ولاجاكيتها ماركه​

عقول تشكي من نقص ص ص

​

 

[ابـيـض واسـود]

* هل انتوا من هالفئه الي تركض وره المظاهر ؟

* وشنو رايكم بالناس الي جذي ؟

اذا عـنـدي مـاااقـصـر عـلى نـفـسـي بس شـي بـقـنـااعه

مـوب لان مـااركـه خـلاااص بـااخـذه ,

وبـلـعـكس والله اشـيـاا مـوب مـاركـاات وحـلووين

ورااييي بـ النـااس صـراحـه مـولهـاالدرجـه اتسـلـف عـشـاان اشـتـري !​

 

[miss-toota]

مشكوره على الموضوع الحلو

انا ما اقول ما احب البس او اشتري ماركه بالعكس حلو انه الواحد يدلع نفسه بعض المرات

بس مو يقصر على عمره وعلى اشياء وايد مهم بحياته عشان عاجبتها جنطه لاازم

وفي ناس يشترون ماركه بس لأنها ماركه لو شكلها يلوع الجبد

الحمدالله والشكر صج صج عقد نفسيه قبل فتره كنت رايحه معرض وكل البنات لابسين جوتي christian LOUBOUTIN

اللي طبعته حمرا من تحت لا تشوفين اشكالهم واهمه يمشون جنه وااحد عمره سنه توه يتعلم المشي شدعوه عليكم يعني

علبو بتكشخين تكسرين ريلج والله مادري شلون تفكيرهم علبو الجوتي ماركه وارخص جوتي عندهم 300 دينار

الصرااحه صج مرض الله يعينهم على هالشي

واسفه اذا طولت عليكم

 

[ReeM ^ Style]

انا برايي الناس اذاواق
وكل شخص يسوي اللي يريحه

 

[ĎєνiL.ĞιRL]

لووول مشكله الي فيهم مرض المظاهر ..

مشكورين عالمرور ..

 

[UNICORNA]

كلامك عين العقل

وهالموضوع اشوفه بشكل كبير ومن وجهه نظرى اشوف ان اللى يسوى هالشى

مريض وعنده نقص فظيع ويدرى انه بدون هالاشياء يساوى صفر

مافيها شى لمن على قولتك يكون عندى واشترى

ومافيها شى لمن البس ماركه على اشياء مو ماركه اهم شى التوتال حق المظهر يكون اوكى

ولكن اسوى ديون واما الملابس ماركه اما اصير اى شى فهذا نقص رهييييب وفجوه نفسيه

فى شخصيه الانسان ويحس انه يملئها بهالمظاهر الكذابه

 

[ĎєνiL.ĞιRL]

اي والله

عدل كلامج ..

مشكوره عالمرور ..

 

[ام عبدالقادر]

والله الحين بعد ارتفاع الاسعار حتى البضايع الى ماتسوى ارتفع سعرها لاوالله اشترى ماركه احسن على الاقل جودتها عاليه وشكلها ذرب على حسب ميزانيتى

 

[kuwait_queen82]

* هل انتوا من هالفئه الي تركض وره المظاهر ؟
اكيييييييييد لا
ولو تين للواقع مايعرف قيمة الفلس الا اصحاب الملايين ذكرتني في حوار دار بين وحده غنيه و مشهوره رايحه اتزور ارفيجتها من الطبقه المتوسطه قاتلها :- شنو هل الجاكيت الي مو على الموضه و شكله ارخيصه
ردت الغنيه عليها:- هذا الجاكيت صارله 15 سنه وادري انه قديم و ارخيص بس مافي مناسبه او صوره تستعدي ان البس ماركه و لو بصرف على الماركات ماراح يبقى لي فلس بالبنك

و راي بهل الفئه ؟
النوعيه هذي من الناس الي اقدر اقول عنهم بكل صراحه و شفافيه صج اعيال فقر و عمرهم ماشافو خير
و اهديهم الحوار هذا
يسالون واحد مسؤل مبيعات فيراري يقولوه اشلون تجذبون البائعين (مع العلم انه اغلب اصحاب الملايين مايحبون يصرفون فلس على سياره اتكلف ثروه)؟
رد البائع :-هو صح كلامك الاغنياء قليل مايشترونها واحنا انحاول بجهدنا نقنعهم
(يعني الزبده يالي اتفخفخون انتو اعيال فقر ومدوووووووو ايدكم على لحافكم :eh_s(1)

 

[Beautiful soul]

أهو على الماده ترى عندج فلوس عليج بالعافيه بس مش لدرجه الهوس لان والله حرام مبلغ وقدره عشان شي تكشخين فيه كم يوم وناس تموت مب لاقيه تأكل يعني حلو الصرف بالمعقول

بس اللي صاير بمجتمعنا ان الخليجييين بالذات احس انهم فقررر ويطلق عليهم حديثي النعمه من الحركات اللي يسوونها يعني شي مب طبيعي حتى بجامه النوم ماركه ولبس البيبي في المهاد ماركه وكل شي ماركه الحمدلله والشكررررر

أنا لو عندي مبلغ مستحيل احطه في شنطه واقعد اطالعها استغل المبلغ واشتري اشياء اكثرر لكن امي عكسي تماماا
لو طاحت في خاطرها شنطه ولا بوك ولا اي شي لو تبيع من ذهبها عشان تشتريها أو تجمع من مصروفها عشان تاخذها
انزييين ليششش والله اني ابط راسها بالحنه عشان ماتاخذها مع ان المفروض العكس

قاصين علينا هالاجانب واحنا وراهم وراهم بس اتمنى يجي وقت الناس تعرف قيمه الفلوس وتعرف ان في ناس تموت من الجوع وناس تشتري جوتي الله يعزكم ندوس فيه الارض



وبث