مكياج النيود شنو تستخدمون ومنو تضبطه تدخل

[رولكس ذهبيه]

السلام عليكم

ابي طريقه المكياج النيود مع الادوات وارقام الشدو والبلاشر والحمر


بليييييييز

 

[L A T T E]

ماقدر اعطيج ارقام علشان يمكن ماينفع لبشرتج..

اشتري كريم نيود من ديور.. درجة نفس بشرتج بالضبط او اغمج بشوي..

اخذي بودرة اساس نفس لون ويهج..

اشتري لونين بلشر واحد برونز بس طافي مافيه لمعة كلش كلش ..

و واحد مشمشي على وردي جذي هم طافي بس مو وايد..

كحل اخضر او اللون اللي يكون بين الازرق والاخضر.. مع شدو بني فاتح شوي و رمادي غامج..

حمرا لحمية مع غلوس شفاف "اختياري"..

اول شي حطي الكونسيلر افتح من بشرتج بدرجتين.. بعدين حطي كريم الاساس..

حطي اضاءة تحت حواجبج وكثريها.. بعدين حطي الشدو البني على كل جفتج.. بعدين دمجي.. اول دمجي الاضاءة بروحها بعدين دمجي الخط اللي بين اللون البني والاضاءة..

عقب اخذي اللون الرمادي وحطي على طرف جفنج من برة.. و دمجيه..

وحطي الكحل الاخضر تحت عينج ومديه شوي.. و حطي اضاءة على بوز عيونج.. مع كحل "اذا تحبين" ..

حواجبج رسميهم وعرضيهم شوي.. تالي حطي البودرة مالت الاساس على كل ويهج بالطبطبة..

بعدين اخذي البلشر البرونز وحطيه على خدودج بس بطرفهم ومديه لي برة.. و على حنجج شوي..

اخذي البلشر المشمشي وحطيه بمكانه طبيعي

واخير شي الحمرا والمسكرا

موفقة

 

[غلويه الخالدي]

شنو يعني نيود؟؟؟

 

[رولكس ذهبيه]

شنو يعني نيود؟؟؟

يعني الوان ترابيه او مكياج طبيعي

 

[رولكس ذهبيه]

مشكووووره latte جزاج الله خير

 

[رولكس ذهبيه]

منو يعرف نفس الوان هالمكياج