مكياج العروسة ,, شرايكم؟

[Tulips]

امبيه جنج اختي

اتقول بعرسها بتحط حق نفسها ورافضه نهائيا تروح اي صالون .. وامي اتقولها يصير خير ههههههه

وتبين الصج والله احسن قرار هالقرار .. اولا : هالشي راح يدل على ثقتها بنفسها

وثانيا والاهم : يعني انتي طول عمرج اتحطين حق نفسح ومحد يعرف حق ويهج كثرج اشلون بليلة عمرج اتسلمين ويهج حق وحده عمرها ماحطتلج وتطلعج بأبشع صوره اي لييييش !!

طبعا انا قاعده اتكلم عن البنات اللي يعرفون حق نفسهم ومكياجهم بروفيشنال .. اما اللي ماتعرف لازم ترح صالون ..

 

[بنت النوخذا]

طـــــــــــــــــــــــلبي​

المكياج اللـــــبناني​

مو الخـــــــليجي​

 

[anooma_86]

حلات الميك اب ناعم
مو اوفر
بس بعرسج لازم تحطين بصالون
وهذي ليله العمر غيييير ​

حبيبتي معاج حق أنا بعد اكره المكياج الثقيل بس ليلة عرسج لازم صالون بس قوليلهم ابي مكياج خفيف يعني أنا بعرسي يننت الي تحطلي مكياج ماخليتها تحطلي اسود او لمعه وايد و خليتها تحطلي كريم اساس نفس لون جسمي بالضبط و خليتها مرتين تمسح الشادة لان كان وايد المهم ان النتيجه كانت حلوه والمكياج كان حلو

 

[MayOumii~]

اهيآ ليلة عمر مو ليلة رعب !!
امبي مستحيل احط ميك آب شقآقي ثقيل مثل اول صورتين !!

صرآحة انا احترم وجهة نظر الكل لكن عرسي ميك آب خفيف احلى شي
مآحب الالوآن ولوحة بيكآسو على جفني !!
ولآ احب ادفن ويهي بالفآونديشن .. حلآته البنية ملآمحهآ تبين عشآن اذا قآلو عنج حلوة تكونين صج حلوة مآ تحسين
ان الميك آب كآن حآجز بين رآي النآس وشكلج الصجي !

 

[ذوق الرياض]

وأنا مثلك أن شاء الله بأحط لنفسي وقت الملكة , لكن الزواج لا لأني بأكون متوترة وبأحوس الدنيا

 

[عــاشــقــه]

مآ أقول إلا الله يعين المسكين
المكياج للتزين مو لتغير الخلقه
رفيجتي بليلة عرسسها إهي سمره
بالعرس وحده ثانيه كلش صارت بيييضه وتقولي ناعم أقولها ماعرفتج تقول لا بالعكس ناعم

بعض البنات استغفرالله حييييل يبالغون
جنها ينيه حلاته الناعم البسيط
بس جد الله يعين الزوج بعد ماتغسل شنو موقفه

 

[حبي بيرين]

معاكِ في اللي قلتيه

 

[نوره 99]

ههههه
هذا تشويه مو مكياج ولله الحمد
أنا نفسك ماحب الأوفر ... أساسا حلاة الوحده بنعومتها وهذا المكياج وععع مره دفش
والعروس مميزه لو ماحطت شي

 

[Q8NONA]

انا معاج المكياج الخفيف ذرب وحلو للبنت بكل الاحوال,, بس اذا صرتي عروس ان شاءالله خلي الصالون تحطلج الميك اب وقوليلها ابيه خفيف ويستحسن اتيبيلها صوره لميك اب عاجبج وتقولين لها ابي نفس هالميك اب
والله يوفققج وتصيرين عروسه وتفرح امج فيج ان شاءالله

 

[عزتي مالها حدود]

لآ لآ لآ سسوفآج إأيش ه الميكب الدفششش
ولآ مهرج أإحنا يالخليجيات نشوة انفسنا بدل لآ يزينا للاسف
الناس يحطونة للتزيين و البعض للتشوية عاد الا العروس هذي ليله م راح تنعاد اهم شي تكوني راضيه عن نفسك حبيبتي واهم شي انتي ايش اللي تحبينة و مناسب لك
لانو انتي اللي بتتزوجين مش امك .. الامهات عندهم الدفشة = وآآآآآو معروفة هـ القاعدة

انا بصراحة م يناسبني بالمراا ميكب الصالون شكلي يتغير تتغير ملامحي اصير اشين مره و مآعاد عدتها
و الرجال ابدآً م يحب الاوفررر نصييحة و اهم شي الاساس مً يصير ابيض بزيادة عشان منظركم قدام المعرس بسس بيقول وش هـ السحر لآ غسلتي ههههههههه

 

[المرتاحة]

لا طبعا شنو عروس و تحط مكياجها في البيت؟!!


انا ترى مثلج ما احبالمكياج الاوفر اصلا ولا مره حطيت مكياج بصالونات الا بعرس اختي و بصراحه انا مسكت اللي تمكيجني و صارحتها و شددت عليها انها تحط لي مكياج واضح و ناعم بنفس الوقت ما يخفي ملامحي و همن اختي نفس الشي مع انها العروس بس همن نبهتها .. وماشا الله عليها اهي عرفت ذوقنا و سوت لنا مكياج يهبل كل من سألنا عليه

سويناه عند عبير الياسين مع اني سمعت بنات يذمون مكياجها بس انا و اختي سوت لنا مكياج صج يهبل

لقيت لج صورة .. مكياج اختي تقريبا كان جذي لانها عروس وانا مكياجي كان اخف من جذي بس وايد ناعم و يهبل

انتي عاد روحي حق ماكييرة شاطرة و عندها خبرة لا تروحين صالونات بوطقه




شوفي هذا المكياج معقول مو وايد اوفر

مادري اشفيني استانست على الصور لووووول

 

[Unusual]

في بعض البنات الله يهديهم فاهمين الميك آب غلط ..
هوا انعمل عشان يبرز الملامح .. مو يخفيها ..

انا زيك احب المكياج السيمبل .. وهوا الي يطلع علي حلو لأني جربت الاثنين ..

وقبل فرحك خليهم يعملولك بروفة للمكياج ع اساس تعرفي اش حينعملك في فرحك وما تتفاجئي بالنتيجة ..

ووري الماكيرة صورة للمكياج الي تبغيه ع اساس يكون عندها فكرة ..

 

[واثقة بجمالها]

انا عن نفسسسي احب المكيااج الناعم المرتب اللي يبرز جممالج

 

[PuPa^^SWeeT]

صاجة

مكياج العروووس حلاته يكون سمبل

و ناااعم

 

[المـــــها]

شوفي انا معاج بان هالمكياج اوفر بس صج اذا حطيتي خفيف بتختفين بين الحضور
و انتي مختارة مكياج الاجانب ياليت نصير جذي اهئ اهئ بس بالاحلام



انا أكره المكياج الاوفر
و ربي لما شريت بدلة عرسي لبستها فبيتنا و حاطه مسكرة و بلشر و كحل قلم شكلي روووووووووووعه
و بيوم عرسي حطولي النوووووون و مايعلمون يعني كريم قوي و شدو مكبرين الجفون و العين و رفع حواجب
بس كله على الستايل اللي ابيه يعني عجبني مو الوان نفس الصور لا لون سلفر و خطة مسكرة و حمرة فوشي
بس قلتلها ابي ملامحي تبين



و لو نرد للبساطه افضل!

 

[أميره العشق]

انا صراحه رايي انو مايكون قوي مرة ولا خفيف مرة كأنك مو حاطه شي يعني مثل ها الصور حلو

 

[نور خانوم]

انا اتفق معاج انه يكون المكياج يكون ناعم وحلو بس مو بهطريقه الي حاطتها بالصور اول شي

لا الناعم وايد حلو والملامح تبين في بنات والله ملامحهم تتغير مليون بلميه

 

[برنسيسه الرياض]

صحيح المك اب الاوفر لا طبعا بس لازم تحطى مك اب يبان مع الاضاءه وماتكونين مثل البنات الحاضرات بس زى اول صورتين لا طبعا مو حلو هاذا تشويه ومثل مك اب الاوربيين طبعا لا الا اذا بغيتى تسوين زواجك بصبااااح وع الشاطى ممكن لان زواجاتهم تختلف عن وقت زواجاتانا واضاءاتانا فهمتى

 

[Killer^Girl]

مو لازم اوفر وايد ولا عاد كلش بسيط وناعم
اخذي الوسط
اللبناني يعني مثل طريقه هيفا سموكي ناعم وحمرة فاتحه

 

[Nanoosa]

مشكوورين بنات على آرائكم وحدة وحدة

و الصور اللي حطيتوها حلوة اي جذي انا ذوقي ,, اشوه طلعت مو بس انا اللي اكره الاوفر