مكنستي الكهربائيه ريحتها زي الزباله وش الحل

[توتاتوتا]

السلام عليكم

بدت القصة لما كسرت بنتي طبق بيض على الموكيت و لما نظفناه و بدت الخدامة تنشف بالفوطة تكاسلت خذت المكنسة الكهربائيه و شفطت المكان توقعت انه يشفط الماي ويجف و من يومها كل ما شغلنا مكنستنا ريحة الهواء الي يطلع زي الزباله و يعبي المكان نظفت اسفنجات المراوح و حتى الكيس بس المشكله صارت بمكينه المكنسه و ش الحل

افكر اصب طيب على مكان و اشفطه بالمكنسه بس اخاف تخرب او ما ينفع!؟

 

[أنفاسي دخون]

وعليكم والسلام ورحمة الله وبركاته

دامش منظفه الكيس ومغسلته وما نفع والريحة ما زالت موجوده مالش الا انش تغيرين المكنسة بكبرها

 

[الحبيبه الدبيبه]

لاتستخدمي الطيب المركز اخذي من الجمعيه المنظف بالروائح وخليها تشفطها بالتدريج كل يوم شوي ممكن تروح الريحه
بس اختي ماوضحتي اهي مكنسة غسيل وتنشيف او كنس ؟؟؟؟ وفي الحالتين موجود منظفات معطره مصنوعه خصيصا للقضاء على رائحة المكنسه
والله الموفق

 

[حسينه حلوه]

جربى تحطين فيها بكربونات الصوديوم يوم وغيرى بعد مره يوم ثانى لانه معروف ان بكربونات الصوديوم يسحب الريحه الخايسه وتلقينه بالجمعيه عند الاشياء الخاصه بالكيك وعلبته مثل علبة البكينج باودر

 

[توتاتوتا]

[/quote]

وعليكم والسلام ورحمة الله وبركاته

دامش منظفه الكيس ومغسلته وما نفع والريحة ما زالت موجوده مالش الا انش تغيرين المكنسة بكبرها

هذا الي احاتيه اخاف تروح علي و هي جديده

لاتستخدمي الطيب المركز اخذي من الجمعيه المنظف بالروائح وخليها تشفطها بالتدريج كل يوم شوي ممكن تروح الريحه
بس اختي ماوضحتي اهي مكنسة غسيل وتنشيف او كنس ؟؟؟؟ وفي الحالتين موجود منظفات معطره مصنوعه خصيصا للقضاء على رائحة المكنسه
والله الموفق

لا المكنسه عاديه للكنس بس

جربى تحطين فيها بكربونات الصوديوم يوم وغيرى بعد مره يوم ثانى لانه معروف ان بكربونات الصوديوم يسحب الريحه الخايسه وتلقينه بالجمعيه عند الاشياء الخاصه بالكيك وعلبته مثل علبة البكينج باودر

عندي بيكربونات بس وين احطها

 

[كويتية ونعم]

لا عادي سهله اغسلي الحوض بصابون تايد والخامه اغسليها بعد بتايد ثم ديتول ونشفيها ثم حطيها بمكان فيه هواء وشمس واما الخرطوم بعد نضفيه عدل صبي داخلة صابون وماء ورجيه خضيه خض ونجي للمكينة فيه اسفنجه صغيرة بعد بالديتوووول واخذي فوطة وامسحيها بخفيف من الداخل بس لايدخل ماء داخل المكينة واذا نشف الحوض والكيس جيبي عطر كلونياااااا ورشيه على الكيس وشوي دخل الحوض وبس وشوفي وجربي كذا انا اوي بمكنستي اكنس وكل الغرفة عطر منعش جربي ورديلي خبر وادعيلي

 

[Om JooD]

غيريها

 

[ام_حبيبي]

اخذي كلونيا وفرغيها على الارض وشفطيها بالمكنسه والله راح تصير ريحتها كلونيا كل ماشغلتيها

انا انكسرت عندي غرشت عطر جان اخم الزجاج بالمكنسه وطبعا الارض كلها عطر هالحجي قبل سنتين والله لي اليوم وكل مااشغلها ريحت العطر فيها

 

[Om 7oo7oo]

الموضوع سهل و ما يبيله تقطين المكنسه ولا تشفطين فيها ماي مخلوط بطيب ، الطريقه اللي أسويها اني أييب قطن عادي و أحط عليه جم قطره من زيوت الفواحات عرفتيها اللي تكون ريحتها مركزه و بعدين حطيها في الكيس اللي يجمع التراب و الوسخ ( ال Dust Bag ) و كلما شغلتيها بتكنسين فيها شمي الريحه اللي تطلع و ادعيلي

 

[حسينه حلوه]

حطيى البكربونات فى الجيس او رشى على الارض وشفطيه بالمكنسه خليه يوميين وردى سوى مره ثانيه والريحه اكيد تروح مجربه

 

[حرم سي السيد]

حبيبتي نقعي الكيس بماء ورد وكلونيا طبعا عقب ماتنقعينها وتغسلينها عدل مدل وتنشفينها بالشمس بعدين حطي داخل الكيس مسك وريحان ودعيلي

 

[الورد667]

غسلي الجيس بتايد ونظفيه بعدين نقعيه باكلونيا

وبعدين انشريه بمكان فيه شمس ولما ينشف حطي بالجيس مسك

بعدين شوفي الريحه كل ماتشغلين المكنسه روعه

 

[احب الصالحين]

غيري الكيس وشوفي وين المشكلة
واغسلي ايدالمكنسة ومحل ماتشفط يمكن متوسخة من البيض
اغسليها بفيري مخلوط معاه كلوركس وديتول وان شاء الله بتتحسن الريحة

 

[بنت الشمال الغربية]

ياحلوه تعالي أعلمج بطريقة أمي لله يخليها لنا بتنظيف المكنسه


تجيبين العلبه الكبيره حقت المكنسه وتنظفينها وتاخذين راس المكنسه اللي فيه المكــــــــينه والدينمو وتحطينه با الشمس

إنتبهي إنتبهي تحطينه فيه مــــــــــــــــاء

ثم جيبي الكيس حق المكنسه اللي إهو على شكل ((قماش )) وغسليــــــــــــه با الغساله ثم حطيه على حبل الملاس (( حبل الغسيل ))

لحد ماينشف
بعدين جيبي العلبه (( اللي هو الدرام الصغير حق المكنسه ))وحطي فيه تايد أو إريال عاد المنظف اللي عندج

بعدين جيبي كيس المكنسه بعد مانشف وحطي عليه دهن عود أو عطر من العطور اللي عندج بعدين حطي راس المكنسه


يعني تركبـــــــــين المكنسه عاددددددي

وتكونين غاسله هوز المكنســــــــــــه والأعمـــــــــــد مالــــــــــته بماء حار يعني تمررين المويه الحار جو




والله ثم والله يطلع بيتج ريحته جنه فندق




وأتمنى إذا طبقتي الطريقه تردين علي بخاااااااااااااص


باااااااااااااي ياروحي
أ