مكــــياج مــالك

[شموخي كويتي]

السلام عليــــــــــــكم

بنات الله يعطيكم العافيه وين القى مكياج ماك اكريم الاساس والبودره الاصلي مابي تقليد

ابي يكون بالفروانيه وسوق محترم انا ما ادخل (الافنيوز ) وطقته

القاه في جمعية الخالديه ولا الحمرا مول

(( ابي مكياج طبيعي يبين على البشره مدحو لي( مااك )و(كانيبو) احسن واحد منهم يا اهل الخبره تكفون انا بشرتي لونها بيضا اي رقم اخذ

فديتكم ادري يابنات ديرتي ماتقصرون ​

 

[UNICORNA]

uuuuuuuuup

 

[شموخي كويتي]

اب اب اب

 

[قطوووة]

ابي يكون بالفروانيه وسوق محترم انا ما ادخل (الافنيوز ) وطقته

الافنيوز مو محترم ؟؟


عموما


ماك مادري وين بالفروانية

يمكن عند عروس البحر

 

[>الحنان كله<]

هههههههههههههه
ليش شفيه الافنيو مو محترم كل العالم تروحله وياخذون حاجاتهم منه ويطلعون حاله حال اي سوق
بعدين ترى منتدى كويتيات فيه كذا وحده من كذا دوله مشاركه فيه ورجاءا لاتشوهين اماكن الكويت بعيوونهم
بعدين ماك تلقينه بكذا مكان غير الافنيو منه المهلب وعلى ما اعتقد البيرق اللي بالعاشره,,,​

 

[شموخي كويتي]

انا قصدي الناس الي فيه اعوذ بالله مو كانا في الكويت ملابسهم فاضحه وانا مره استحي اشوف ذا الاشكال
واخاف ربي واسفه بس هاذا شي واقع

 

[غـلآوي ّ ~]

روحي مـكياج ماك الاصلي بحولي مجمع المهلب وهذا رقمه
22615113

 

[فـرفـر]

روحى الصبح وبعدين شنو مو محترم ؟
مادري روحى المهلب او الفنار او شرق
هم موجود ماك

 

[بدويـة للنخاع]

بناااااااااااااات فهمتو البنت غلط قصدها في أشكال والعياذ بالله ما تنطالع بالمجمعات طبعا مو بناتنا اسم الله عليهم احسنو الظن وبعدين أختي روحي شرق هناك دبنهامز يقولون فيه مو متأكدة

 

[انسه انيقه]

ريلاكسسس بنات شبيكم عيني شبيكم ياكلمه ردي مكانج كل وحده تصلح سيارتها وترد بيتهم ونقول الجمله الشهيره هيييييييييييييييييااااااا الامور طيبه واحنا بخير ​

 

[شموخي كويتي]

بناااااااااااااات فهمتو البنت غلط قصدها في أشكال والعياذ بالله ما تنطالع بالمجمعات طبعا مو بناتنا اسم الله عليهم احسنو الظن وبعدين أختي روحي شرق هناك دبنهامز يقولون فيه مو متأكدة

فديتج انتي الي فهمتيني انا زوجي ملتزم مايروح للاسواق هاذي وانا ماعندي الا اهو يوديني

 

[رهـوم]

حبيبتي مافي بالفروانيه ماك خير شر لاني فارتها فر واعرف شنو فيها مافيها ماك تلقينه بالفنار والمهلب والافنيو وانا استخدمه من ٦ سنين تقريبا ما اغيره لو شنو لان فعلا طبيعي وحلو وثابت طول اليوم لا يتشقق ولايبقع
واذا على ريلج حاولي تشوفين احد غيره يوديج الفنار على الاقل لان هادي ومافي زحمه وايد وماك بيكون يم الباب الرئيسي تقريبا يعني تاخذين اغراضج وتطلعين على طول

 

[شموخي كويتي]

الله يعطيكم العافيه يابنات ماقصرتو

 

[ReDLOve]

روحي المهلب او الفنار الصبح ماكو احد فااااضي على حسااابج هناااك اكو مــــــــاك =)))