مكسسورة من الداخل وضعيفه حييل والكل من حولي يحطمني شسوي.

[مآني على خبرك]

اذا انتي مو قاعدة تشجعين نفسج من داخل اكيد محد راح يشجعج !!

اصلا لو يشجعونج ويحفزونج على شي انتي ماتبينه و ماودج فيه راح يصير ضغط نفسي عليج وحتى لو سويتيه عشانهم راح تندمين عقب :/


ماراح تلقين دعم الناس الا لا نجحتي ، و لو حياة البشر واقفة على كلام الناس جان محد وصل : )

 

[عود جبريت]

شوفي البنات قالوا كل شي ونصيحه سمعي كلامهم وطبقيه حرفياااا !!

ترى الدنيا دواره -ركزي- يعني اللي الحين يحبطونج ماتدرين شيصيرلهم باجر

ولا تسمحين لأي شخص مهما كان يقارنج بغيرج ..

واقولج من تجربه شخصيه كانوا ناس قراب مني يحبطوني ويكسرون ميدافي بشكل يومي تخيلي!!

بس ثابرت ودرست وخذيت الشهاده وتوظفت وظيفه مايحلمون فيهاا واهم الحين حتى شهادة ثانويه مو قادرين ياخذونها

حطيلج هدف وركزي عليه خلي عينج عليه دايما واللي يوقف بطريجج دوسي على راسه والله يوفقج ويفكج من شر خلقه

 

[مو صج ~]

شنو طموحج ووين تدرسين ماكو شي مستحيل دامج مشالله طلعتي من الاوائل اكيد تقدرين تصيرين الي تبينه وشكو اذا بتصيرين نفس تخصص وحده من العايله معناته انتي تقلدينها ؟؟؟؟ ترا البشر بالكويت 3 ملاين والتخصصات ماتعدي 100 فكري عدل لا يحبطونج هذا كله غيره اصلا لانهم مايبونج تنجحين وتصيرين احسن مننهم

 

[ام رينـاد]

مالج شغل بالنااااااااس

انتي ادرسي واهتمي بمستقبلج

وكلااااااااااااااااااااااااااامهم كله لاتهتمين فيه

بعد هذوول معروفين حتى الميت تحجوو فيه استغفرلله

عززي الثقه بنففففسسج والله يوفقج ياااااااااااااااب​

 

[lulu_q88]

لاتهتمين لهم وماعليج منهم

كملي والله يوفقج

 

[مـآلي شبيه~]

ماشاء الله تبارك الرحمن انتي طمووووحه و عندج هدف مالج شغل باي احد
دام انتي حابة هالتخصص وهالمجال اكيد بتنجزين فيه و بتعطينه كل قدراتج لانج حابته
اسمعي من اذنج اليمين و طلعيه من اذنج اليسار
وفلانة اللي يقولون عنها غير عنج كل شخص له طموحه و ميوله
باذن الله بتخرجين من الجامعة و بتكملين ماستر ودكتوراه
لا تعطين اي احد مجال انه يحبطج و يكسر مجاديفج
الله يوفقج و يسهل عليج دراستج

 

[ياليتني ماحبيتك]

حبيباتي والله صج ماقصرتوا وربي كلامكم حيل رفع من معنوياتي الله يسعدكم

وباذن الله يوم من الايام اقول لكم اني حصلت على الدكتوراة باذن الله

مشكورات حبيباتي

 

[ضــمــاد]

حطي في بالج ,


الراحه والنعيم بالجنه , وأنتي موجوده بالدنيا


والدنيا دار أختــبـــــــــــار , يا تختارين درب النجاح أو درب الفشـل



مافي حل وسط , أنتي قرري


اذا اخترتي النجاح ,, الدرب ماراح يكون مفروش بالورد , لابد من وجود عثرات , بس بإيمانج بالله وبإيمانج بقدراتج



راح تتغلبين على العثرات , دايما ً دايما ًدايما ً أدعي الله وطلبي ربج , وأدعي الله بأسماءه وصفاته



مثلا ً ..


اللهم ياقوي اللهم ياقوي اللهم ياقوي مدني بقوة من عندك اللهم قوني


اللهم يافتاح اللهم يافتاح اللهم يافتاح , أفتح علي بصيرتي وأفتح لي أبواب العلم والمعرفه والخير والرزق



والله العظيم ماعمري دعيت الله بأسمائه وصفاته الا وأستجاب لي دعوتي ,, أدعي بصدق ومن كل قلبج



وبعدين هذا مستقبلج , لازم أنتي بنفسج ترسمينه , ماعليج من الناس السلبيين , أبتعدي عنهم ,



لاتسمحين لأي شخص يبعدج عن حلمج وطموحج , لانه ان تنازلتي عن حلمج وطموحج , بتعيشين بتعب وضيقه

 

[Sweet Angle]

ديري بالج على نفسج وحياتج وحلمج وطموحج
وسعادة نفسج بإيدج
ودايما وانتي في طريقج في الحياة بتلاقين شكثر ناس تحطمج واكثر شي يكونون اللي يحطمونج اهما اللي قريبين منج
فلا تديرين لأحد بال واهتمي بنفسج
قطعتي نص المشوار بجهدج واصرارج وتوفيق الله اولا واخيرا
لا تتكاسلين عن النص الثاني ... استعيني بالله و اسمعي اللي يقوله لج قلبج و اختيارج

الله يحقق لج كل أمنياتج ويسعد قلبج يارب ياكريم

 

[مودي كويتي]

الله يوفقك وتاكدي انك راح تسمعين هالكلام واجد انا كنت اسمع مثل هالسوالف بشكل يومي الحل انج تعقطعين علاقتك بكل احد يحاول يحطمك وردي ردوو مختصره الله كريم وبس مثلي كل ماحد سالني شسويت بمتحان او شي بس ارد الله كريم الحمدلله ولا تسولفين عن الدراسه واجد عشان ماحد يحسدك وخاصه انك متفوقه ماشاءالله والحمدلله دامك من الاوائل راح توصلين للي تبينه باجتهادك باذن الله بس خلي الحساااااااااد يولون وتفلي عليهم بعد وان شاءالله تبشرينا بنجاحك

 

[بنوتة الكويت121]

ماشاء الله عليج .. قدرتي تصيرين من الـ 50 الاوائل , وقدرتي تنقبلين بالجامعه بتخصص صعب هذا شي بحد ذاته يخليج تكونين واثقه من نفسج وخلي كلام الناس يزيد بأصرارج على النجاااح لا تخلين كلامهم يحطمج .. وخليج دوم متوكله على ربج و كثري استغفار

وفالج النجاح يارب

 

[Patcholli]

حبيبتي اللي يسمع كلام الناس ماراح يرتاح ولا راح يقدر يمشي بحياته
الحسد والغيره موجودين والحقد بعد موجود صدقيني اي شخص يعطيج ثاير سلبي وخري عنه ورفعي عليه الجاااااااااااام
حتى لو كانو اهلج لاتعطين انتباه حق ناس يضرونج ماينفعونج
خصوصا لما الواحد يكون ناجح يبون اي كلام او مستعدين يسوون اي شي عشان يدمرونه
بس المهم انه مايوصول لمستوى اهم عجزو يوصلونله وحتى لو وصلوله يبون يكونون الوحيدين
وانتي شوفي حال الناس
مو مرتاح بسبب الكلام
اللي ماتزوجت قالو عانس
واللي تزوجت قالو تعرفه او تحبه او مستعيله عالريل
اللي اتيب عيال قالو ارنبه
والي ماتيب عيال قالو فيها عيب
اللي توظفت قالو ريلها مايصرف عليها
واللي ماتوظفت قالو فاشله وماعندها مستقبل
اللي تدرس قالو معقده
واللي ماتدرس قالو غبيه
الضعيفه يسمونها عصله - سحت - تخرع
المتينه يقولون فيله دبه درام
اللي تتمكيج قالو جيكره وتخش جكرها
واللي ماتتمكيج قالو ماتهتم بروحها
اللي تسافر قالو هايته ومخسره ريلها
واللي ماتسافر قالو مو شايفه خير ومو حاصلها
اللي تسولف قالو تتميلح و تبي الناس يحبونها
واللي ساكته وبحالها قالو نفسيه

وانا اقولج طقي كلام الناس بالطوقه واهتمي بمستقبلج وحلمج واللي انتي تبينه
وخلي هدفج جدام عينج واسعي عشان توصلينله حبيبتي ترى الناس ماراح يفيدونج يتكلمون ويغثونج وانتي ماتنامين يمكن من حرة قلبج واهم كل واحد يرد بيته ويعيش حياته ومايدري عنج
ولي كبرتي ووصلتي للمنصب الي تبينه حبيبتي انتي الي بتشيلين عمرج وشهادتج اهي الي بتحدد مركز بالمجتمع
اما اذا سمعتي كلامهم و عشتي باحباطج ويأسج صدقيني ماراح توصلين لولا شي ومحد فيهم بيساعدج ولا بينفعج بشي
وبكل الحالات بيتكلمون سواء نجحتي او فشلتي
ونصيحه اذا حاسه وايد ناس عيونهم عليج وحاطين فبالهم كثري من المعوذات وتوكلي على رب العالمين وادعيه انه يكفيج شرهم

 

[شموخ بنيه]

حبيبتي م يحتاج تسمعين كلام الناس ودامج وصلتي لـ هالمستوى ف انتي انسانة ناجحة ودامج دشيتي لتخصص اللي كنتي تحلمين فيه ف هذا بعد يدل على نجاحج لاتخلين كلامهم ياثر عليج حمدي ربج على النعمة في غيرج داشين تخصصات غير اللي حلمو فيها وبنو مستقبلهم عليها في غيرج م قدر يدشون جامعة اذا بنسمع كلام فلانة وعلانة م راح نستفيد شي بيضيعج حجيهم وبعدين بالنسبة اللي تقول غيرج داش دراسات عليا هذا نصيبها و اللله يوفقها وانتي هذا نصيبج مكتوب ومقسم م تقدرين تغيرين من قدرج ذكري ربج واذا تبين معدلج يصير عالي استغفري ربج لليل ونهار وداومي على الاستغفار صدقيني كل امنياتج بتحقق وجدامج العمر تقدرين تحققين كل شي ومابي تقولين جذي بعدين عفيا اللي انا صعيفة وانا مكسورة من الداخل لان جذي بتحسين ب هالشي وبتتحطمين ولا راح تقدرين تنجزين اي شي حلو بحياتج وراح تنقادين ورا هالوساويس الغلط هذي نصيحة اخت محبة لج وتبي الخير اتمنى ترتفع معنوياتج وتشدين حيلج بدراستج وعسى ربي يوفقج وتنجحين بحياتج ..

 

[*سعووووديه*]

على فكره ماتكلمو وحاولو يحطمونك الا من القهر اللي بقلوبهم وودهم لو كانو مكناك او بناتهم مكانك
حبيبتي كلام الناس ورا ظهرررررررررررررك ولاعليك من احد
حتى لو كنتي احسن من البنت اللي يقارنونك فيها برضو بيدورون شي يتكلمون فيه هذي سوالف الحريم
شدي حيلك وحققي طموحك بكره تكسرين عينهم لاتخرجتي
ورضا الناس غايه لاتدرك
اهم شي قناعتك بكل امور حياتك ورضا والدينك والباقي مافي اي شي في الدنيا يسوى انك تتضايقين او تهتمين له
الله يوفقك

 

[سعوديه 1]

لو ما ساعدتي نفسج محد بينفعك صدقيني ,, جابلي دراستك وتفوقي واثبتي لنفسك وللكل انك قدها ,,
ومايهم شنو يعني اولي جامعه ؟ بتمر الايام وما تشوفين نفسج إلا متخرجه


لاتسلفين اذونج للناس وتسمعين من فلانه وعلانه وتتأثر نفسيتك وصحتك ع حسابهم
ولو قالو تقلدين فلانه قولي اي انا اقلد النجاح والطموح والمثابره اللى فيها < وقتها بيبلعون لسانهم ومحد بيسمعك كلام

والله يوفقك وتكونين شي مستقبلا وتفيدين نفسك ووطنك ,,

وما شاء الله دامك من الاوائل عالكويت يعني التخصص تقدرين عليه وما دخلتيه إلا عندج قدرات ومقومات للتفوق والانجاز فيه

 

[dalo0oa121]

للرفع