مكسسورة من الداخل وضعيفه حييل والكل من حولي يحطمني شسوي.

[ياليتني ماحبيتك]

السلام عليكم
أنا ادرس أول سنه في الجامعة وداشه لي تخصص صعب حييل ويبي له مجابل بس أنا من داخلي مكسورة ضعيفه حييل من داخل وكل يوم أبجي وويهي صصاير أسسود من الهم والقههر تخيلوا أنا من ال 50 الأوائل على الكويت والحين لو تشوفون حالي تقولون هذي أكبر فاشلة. تخيلوا كنت مسستأنسسه بتخصصي ؤاحبببببببببه وااااايد لأنه طموحي والحمدلله تحقق إلا فيه ناس يحطموني كل من حولي يقولون مأشاء الله على فلانه تدرس دراسات عليا في الخارج ؤانتي توج داشه الجامعه ويحططموني دائما مو أهلي لآلإ جماعتنا كلهم أنها أحسسن مني بووااايد واني داشه هذا المجال أقلدها وهي أصصلا غير عن تخصصي وأنا أبي أييب معدل غالي لأن حلمممي ماتحقق كله للحين حلمممي أصير شيء مراح يكون إلا إذا يبت معددل قووووي
تكففففففففففففون طلبتكممم. تكفففون وربي أحلف لكممم ضاع مني كل شيء كل شيء مابقى لي إلا شهادتي مابي أضيعها وتروح من أيدي بشسبب تحطيم من حولي لي وربي أتظاهر أني ماهتميت وأنا من داخلي مكشسسسورة مو غيره وحسسسد لآلإ بشس يحطمممممون حيئيل كسسروني كسسسروني هبطوا معنوياتي وربي أنا ذكية ولو ألقى أحد يرفع معنوياتي كان شفتوني برفسورة بسس شسوي في من حووولي. وربي أكنب لكم في غرفتي والعبرة خانقتني. تكفوؤون أبي نصصائحكم تكفوؤون

 

[روانتي 12]

سلام عليكم

حبيبتي محد سلم من كلام ناس
ماعليج من احد اهم شي تحققين طموحج والي قاعدين يحطمونج يمكن تلقينهم ماوصلو للي وصلتيه انتي
خليج قويه واكسري عينهم بشهادتج .. اذا مابقى غير شي لج بهالدنيا غير شهادتج فالا تضيعينها لانج بتندمين .. ولو تقطعين عنهم الي يحطمون وماتشوفينهم الا بالاجازات يكون احسن عشان تقدرين تكملين دراستج وتحققين طموحج .. ترا وايد ناس ودهم يحققون طموحهم وربج ماكتب لهم فا انتي ربج كتب لج واستجاب دعواتج وحقق الي تبينه وصلتي للي تبينه وحققتيه ويوم وصلتيه سمعتي كلام ناس !! لا حبيبتي ماعليج منهم ولا تسمعين كلامهم كلش ملش سوي الي تبينه انتي .. وصدقيني كلامهم لا يودي ولا يجيب
وعسسى الله يوفقج ويحقق الي بالج عاجلآ غير أجلآ يارب .

 

[الشهد كله]

حبيبتي مالج شغل بكلام الناس

جنج ما تسمعين ولا تشوفين

العمر يخلص وكلام الناس ما يخلص

المهم أهلي يساعدوني

المهم انتي طموحة

يعني مثلاً اللي قاعدة تدرس دراسات عليا خلصت متوسطة ونطت عالدراسات العليا:eh_s(14):

حالها من حالج

ولا هي بعمرج عشان تزعلين

كافي إنج متفوقة

هذا اللي حارهم وقاثهم

خليج بدراستج والله يوفقج

وإذا شفتي من هالأشكال سلمي عليهم وصدي عنهم وابتعدي

لا تقعدين معاهم

عسى الله يوفقج ويتمم عليج :yaaaaaarb::yaaaaaarb::yaaaaaarb:​

 

[سندس 90]

حبيبتي لا تضيعين حياتج على كلام الناس

خل يقولون اللي يقولونه

يامعوده احنا موضامنين نعيش باجر

يمكن هذيج تتعب بدراستها " لا قدر الله " واتصير لها ظروووف


احنا ماندري باجر شنو ممكن يصير لنا


ماشالله اجتهدتي وتخصصج حابته هذا اهم شي
الباقي ولا شي عند القنااااااااعه

اقتنعي اقنعي نفسج
والحياه جدامج ان شالله تصيرين بروفيسوره ليش لأ دام عندج طموح


ربي يوفقج*

 

[عاشقة الككاو]

ذكري الله حبيبتي وانتي ماشاءالله عليج ماشية صح

 

[ماكواسم2]

وانتي اشعليج من البنية .قالوا وله ما قالوا الا اذا انتي حاطتها في بالج وتبين تصكين عليها ..وشئ طبيعي احتمال ما تتوفقين ياما شفنا بنات دشوا طب وهندسة وما كملوا

 

[قآنون كيفكـ!!]

حبيبتي الناس حتى الميت تحجوا فية
من اللي سلم من حجيهم
ماعليج منهم طوفي اهم شيء قناعتج بالتخصص
انا دشيت خدمة اجتماعية ومعدلي عالي ومتفوقة وكل اللي حولي ناقدين شنو تبين فية حلالة مشاكل
قلت ماعليكم انتم اللي تدرسونة ولا انــــــــــــــــــــــــــــــــــــــــــآ
اهم شيء مناسبني واحبة واحسة يحاجي شخصيتي ..
انتي بس شدي حيلج ولا عليج منهم ترى بعض الناس من الحره والواه تحجى عليج
انتي واثقة من نفسج ومن الاوائل ع الديرة كلها اشياء ايجابية بحياتج المفروض ماتخلين شيء يهز ثقتج
عيشي حياتج طلعي استانسي لاتقمتين نفسج
رتبي اولوياتج بين نفسج ودراستج اختلطي بالناس ومن ييبون طاري تخصصج قولي اهم شيء عاجبني انا
ارسمي اهدافج من الحين وواثق الخطى يمشي ملكا ..
وبعدين ترى مو كل وحدة تبتعث شاطرة حبيبتي بعضهم فيتامين واو
اعرف بنات سواء من رفيجاتي ايام الجامعه او الجماعه مايعرفون 1+1 جم!!
والحين بامريكا طالعين يدرسون مو كل من ابتعث هو الشاطر
بعضهم يروح ويرد ماستفاد الا الغربة ولا الثقافة والمعلومات فقاعة هواء
انتي بس روقي واستمتعي بحياتج وعيدي ترتيبها من يديد مايسوى عليج هالهم ....

 

[ريري1]

الموضوع محتاج ثقه بالنفس وثقي تماما كل هالمشاكل تنحل
كفايه انج تقولين حق نفسج أنا من الأوائل وأنا أقدر على النجاح
ومدامج ناجحه تقلين ناس كثيره تحبط وتحطم اقرى سوره البقره وعقبها لاتلتفين لكلام أحد
لإن الكلام لايودي ولا يجيب.

 

[دلوله 111]

خلي تعاملج معاهم رسمي
واذا سألوج عن دراستج لا تردين عليهم
والله محد مضيعنا غير حجي الناس :|

 

[queen92]

من صجج !! لاتهتمين حبيبتي هذيل نوع من الناس اللي مايعجبهم شي ويبوون يحبطوونج بأي طريقه لاتعطينهم فرصه كلللش لا تخلين احد يأثر فيج وجاابلي دراستج محد بينفعج بعدين خل يتكلمون مني لي باجر محد بيتعب غيرهم لاتهتمين حق كلامهم وخللج واااااثقه من نفسج و اذا قالولج جذي مره ثانيه قولي انا راضيه باللي وصلت له و هذا المهم و الله يوفقج

 

[روح امها]

لا ياحبيبتي غلطانة تسمعين كلامهم واتخلينه يأثر عليج
هذا مستقبلج محد بيعيشه غيرج هالناس تتكلم سواء بالزين ولا بالشين

خليهم يولون لا اتحطين لهم اهتمام

 

[taliya]

هذول حساد الله يكافينا ويكافيج شرهم ماعليج منهم .. اخذيلج راحه جم يوم صفي ذهنج وابدي درسي و قولي انج قدها وراح تكسرين عينهم لي خذتي الشهاده بذن الله.. الله يوفقج ويفتح عليج ويسهل لج كل صعب و تبشرينا بالشهااده يااارب

 

[M!SS.LOBY]

مشاءالله عليج ماشية صح الله يحفظج

 

[امـل لاينتهي]

انتي مشكلتج من الاساس من الداخل يعني من داخلج اساسج ضعيف وموواثقة بنفسج فاي كلمة لوبسيطة تاثر فيج انتي حاولي تتغيرين وتقوين نفسج وشخصيتج وهالثقة بالنفس ماراح تجي بيوم وليلة طبعا انتي حق توثقين بنفيسج اكثر محتاجة تدرسين زين وتتفوقين واذا جفتي نتيجة حلوة راح تستانسين وتحسين بالثقة بالنفس اكثر دايما قولي انا ذكية واعرف وبصير من احسن الناس وكل واحد يمشي خطوة خطوة على درب النجاح محد صعد مرة وحدة ابتعدي عن الناس الي تحبطج وطنشيهم لاتطلعين من البيت وايد وتحججي مشغولة بالدراسة وتحصني بالاذكار دايما

كنت مثلج ومن حنتهم على راسي رسبت وعدت مواد بس الحمدلله رجعت احسن من اول وبتخرج قريب الحمدلله

 

[dodo egy]

يا حبيبتى ركزى فمذاكرتك وحطى قبالك مستقبلك .و انتى عايزة تبقى اية .والناس دول لما يلاقوكي وصلتى لهدفك هيحسدوكى ويتمنو يبقوا زيك.بس دى حياتك انتى *

 

[مآيكبرني نك]

آنآ مايكسر خآطري اﻻ اللي يعطي أذن لكﻻم النآس

بذمتج بتوقغين مستقبلج وتعيشين ف هالدايره بس عشان ترضينهم ؟

حبيبتي اذا ماساعدتي نفسج ماحد بيسآعدج طبي كﻻم الناس وكملي اللي بديتي فيه

ربي يوفقج

 

[Beauty paradise]

طز بالناس وبكلامهم

شعليچ من الناس ؟؟ تحچوا ولا طقوا راسهم بالطوفة اللي تسمعينه مني طلعيه مني وتفلي عليهم ودوسيهم بنعالچ

اللي يحبطونچ ما يستاهلون منچ إهتمام ليش مهتمه يمه ؟؟؟؟؟؟؟

 

[Shinexo]

آللي فيكل يقولج شي ردي عليه ب رد وآحد

( وآنتي شدخلج ؟ لو سمحتي سكتي لآتتكلمين ف شي آكبر منج )

مب آي حد يصير من آلآوآئل هآلنآس آللي تحطم

منقهره

لآنهآ منن آلنآس آللي تحت آلفآشلله

خل يولون آللي يقولج هآلكلآم فشليه عقب لآتحتكين فيه وقطعي آي حد يحطم طموحج لآن جي بتتنكدين

 

[blue ocean]

وعليكم السلام

حبيبتي اسمحيلي وانتي شعليج من كلام الناس ؟؟؟؟ وشحقه يشبهونج بفلانه وغيرها مو من حقهم

كل واحد متميزه بشخصه وبعطاءه وبانجازه وشخصيته ..

اللي يحطمون فيج حتى لو قراب منج في ناس من طبعها تكسير المجاديف .. ليش تخلين تأثرج بكلامهم يتغلب عليج

حبيبتي ماشالله عليج سويتي شي ماقدروا يسوونه ناس واااااايد وااااايد شعليج من اللي يتحجى حجي راجع عليه ..

خلج جبل ماينهز .. باجر ماراح تنفعج الا نفسج .. واذا استسلمتي لضعفج ماراح يخسر ويتحسف الا إنتي صدقيني ..

حبيبتي انا بيوم من الايام حسيت باللي تمرين فيه .. وكبرت ومرت السنين فيني لكن ما استسلمت نضجت

ومفروض اكون انتهيت من الدراسه من زمان .. لكن رجعت من يد ويديد من سلم البدايه ما استسلمت

ياما بكيت من كلام التجريح وتكسير المجاديف لكن يوم عرفت ان كل هذا ماراح يفيدني بشي والناس باجر ماراح تنفعني

بتنفعني شهادتي ونجاحي وابداعي والله والله صرت لا ارى لا اسمع لا اتكلم ماشيه ولا يهمني مليون لو قللوا من عطائي

بختصار لأني وثقت في نفسي وفي قدراتي .. لا تخلين ظن الناس فيج اكبر همج .. خلي ظنج الزين بنفسج وثقتج فيها

يكون اكبر همج وموفقه حبيبتي ياجبل لا يهزك ريح..​

 

[كويتيه شماليه]

تحتاجين الثقه
اذا تبين تزرعينها في نفسج اتجهي الى ربج
بالصلاة والدعاء وقراءة القرآن وقراءة الاذكار بالصباح والمساء والرقية الشرعيه
اسألي نفسج اي من هالاشياء تنقصك فاكمليها
وحطي في بالج الله لا يحتاج لنا بل نحن نحتاج له ..
واذا اكملتي الفراغ الناقص بحياتك من الاشياء التي ذكرتها فاعلمي انج راح تكملين نقص الثقه في نفسك
فلا تضيعين طموحك وذكاءك وشطارتك بسبب عدم الثقه
اتمنى انج تتبعين اللي قلته لج والله يوفقج يارب