مكالمه بس ذبحتني

[أكذب عليك]

مافي وحده مني والطريج بتجيج وتقولج يهمني امرج مادقت الا نيتهااا شينه
وبعدين حبيبتي غلطتج صارحتيه بالسالفه الرجال لا كشفتيله كل شي عادي جدا تخسرينه
الحين انا استبعد سالفه انه هالمرا تبيلج الخيرر اهي وحده من الثنتين
ياانها الانسانه نفسهاا اللي يكلمها قبل وهدهاا والحين تبي تنتقم منه
يانها وحده من طرفهاا مسوين فيج هالحركه عشان يكون زوجج لهم

استهدي بالله ودامج ماشفتي شيء وماعندج دليل لشي فلا تحطين نفسج بدوامة الشك
وتخلين مكالمات من ناس جذي تخرب حياتج انتي ادري بعلاقتج بزوجح ووضعه وخلي عندج ثقه بنفسج
مع هالنوعيه من المكالمات لحد ماتتأكدين من هالشي ..


والله يشرح صدرج ويبعد عنج هالناس المرضى

 

[ليمونة وزيتونه]

الله يعين

 

[نشيج الروح]

وهي شعرفها برقمج،،،، ممكن تبي تفرق بينكم من الحرة ،،،، المهم لا رد عندج خليج ذكية بالتعامل معاه

 

[نسمات 26]

هذي تبي تسوي فتنة بينج وبين زوجج

 

[اليقظة]

مادري اتحسب على زوجج وله على بنت الشوارع اللى كل همها دمار حياتج اللى بالحلال حسبنا الله ونعم الوكيل فيهم وبأمثالهم​

 

[بنت الكويت 25]

سارة حبيبتي نصيحة فكري بعقلك مو بعواطفك المراة بطبيعتها عاطفية وما توازن الامور عدل لا تسوين اي تصرف نابع من التفكير بالعاطفة تعوذي من ابليس وصلي لك ركعتين ورجعي لرب العالمين وتوكلي علية فهو سبحانة العالم بالامور وبنات ابليس الي يحبون يخربون البيوت وايد قعدي مع ريلك بهدوء بدون تشنج واصراخ حاورية وفهمي منة
السالفة باسلوب المراة الذكية والله يسخركم حق بعض

 

[انا لها شمس]

بذكائج يا تطفشين ريلج منج يا تكسبينه
هذول بنات شوارع بنات حرام
ليييييش تتكرهين لها حلالج وابو عيالج !!!!
كسبي زوجج لج وهالمكالمه كلهاااا من تحت راسها الكلبه
ولو صجججج ع قولتها يهمها امرج جان ماقالتها بهالطريقه وانحاشت
بس نطري ريلج يرد وبداخلج عطيه فرصه
وفتحي صفحه يديده بثقه ومراقبه
وجددي شبابج ودرسي لان لو خسرتي ريلج حرام تخسرين شهادتج


والله يوفقكم

 

[omhagar]

اولا يااختي ومن تجربتى وتجربة ناس كثير


عند الصدمة دائما حطي في بالك

ماتحكي لزوجك ابدا ابدا ابدا ابدا

ولاتصارحيه ابدا

اعرف انه النار بتكون بتغلي بداخلك


والصورة التي تكون امام عينك أنه تنفجري في زوجك اللي ممكن تسميه في هذه اللحظة باسوأ الصفات


لكن انت في هذه اللحظة بالذات ماتكوني في امس الحاجة الى عقلك وهدوئك


لو انتي من النوع اللي مايقدرشيسكت ويكتم الا بعد مانفجر


فكلمي اي حد من صديقاتك او المقربين لك التى تأتمنيها

حتى تفرغي الشحنة البركانية المتواجدة بداخلك


والهدف من الكلام مع صديقتك او قريبتك الهدف فقط تفريغ لاأكثر ولااقل



حتى تعرفي تفكرين بعقل فيما بعد


فكري ماذا سأجني عندما اصارحه

سينكر
سيتغير في معاملته معي

سيعاند

سيكابر


لن أجني اي شيء في مصلحتي



ثم فكري في الله .............في الاستغفار ............في كل لحظة في كل ثانية ...........إستغفري بنية انه الله يلهمك الحل الامثل لمشكلتك


ثم أهم شيء


دراستك


لايستخل الزوج ابدا ابدا ان تفرطي في مستقبلك


كملي دراستك هذا هو السلاح الذي بين يديك



لا تضيعي فرصتك انتبهي لامتحانك مع الاستغفار وان شاء الله ربنا حيربط على قلبك لغاية ماتخلصي امتحانك


ايوعي تخلي ابة واحدة تنتصر عليك وتجعلك تستسلمي وتضحي بدراستك

لا انتبهي لامتحانك وجمعي كل قوتك وتركيزك على دراستك واجتياز الامتحان بكل تفوق



وعندها ستكوني في اول السلم للنجاح في حياتك


عندها انت فقط ستعرفين كيف تتصرفين لحل مشكلتك بعيدا عن فورة الغضب


ولي عودة ان شاء الله في الموضوع


وربنا يفرغ عليك صبرا حتى لاتتهوري بالقيام باي فعل تندمين عليه فيما بعد


الان انتبهي لامتحانك


تجاهلي المكالمة


استخدمي اسلوب الصمت وعدم فتح الموضوع مع زوجك حتى لو حاول ان يفتح الموضوع


لأنه في هذه الفترة مصلحتك في اجتياز الامتحان بعيد عن التفكير في المشاكل



الصمت .......الصمت

 

[انثى عاشقة]

لاتحكمين ولا تقررين شي الا لما تتأكدين عدل

من صجكم بنات تقولون يمكن سافر لها !!!

لازم تتأكد اول قبل ما تحط هالاحتمال ..

كلمي اخوك او احد توثقين فيه واعرفي بالضبط شسالفة ..

الله يهدي سرك ويهدي زوجك
استغفري حيييييييييييييييييييييل
ورددي سبع مرات
حسبي الله لا اله الا هو عليه توكلت وهو رب العرش العظيم
بنية ان الله يكشف لك الحقيقة
وقتها تصرفي ولا تسكتين
واجهيه ودخلي احد من اهلك او اهله
المهم تأكدي بالأول ..​

 

[عسل مرت قيمر]

خلي كل شي على جنب


فكري بمتحانج وبس


محد ينفعج الا دراستج


وعقب يحلها ربج

 

[فوفو22]

اخذيها قاعده مني

الرفيجات ما يتجراون ويتصلون على الزوجه

الا لما يشوفون رفيجهم

خف العلاقه او نوى قطعها

لذلك

يبدأون بالانتقام منه

بخراب بيته

فلا تعطينهم فرصه

فوفو

 

[ادمنت حبه]

اتوقع من الحره مسويه جذي تبيلج المشاكل مع زوجج

حسبي الله عليهم بنات ابليس

 

[هندووو]

هل بنات الي لا ذمة ولا ظمير يدخلون بين ريال ومرتة ويهدمون اسرة حرررام

 

[زوجة عزيز]

صج يقهر يخليج جذي ويمشي حتى مابرر موقفه ولا اعتذر ولاشي واهي اكيد ماخذه رقمج من تلفونه

 

[нάγoηά cнεмίsтяγ]

يمكن ماعرفتي تتصرفين ماكان المفروض تقولين لريلج كل شي قبل لا تراقبين تصرفاته وتتاكدين

 

[رنيم الروح]

حبيباتي وش ضمنكم تركها هذولي مايهم هم احد ويحلف ويقول غلطان ويرد على سالفته مالهم امان وبعدين لو تركها من وين جابت الرقم الا اكيد يروح لها وخذت الرقم من تليفونه ويمكن كلامها صح
تبين النصيحه طنشي واهتمي بدراستك وبراحتك النفسيه وعيشي حياتك الحياه وحده وما تنتعوض ليش انقضيها في التفكير فيهم وفي همهم خليه اخر اهتماماتك اذا الله هداه هذا الخير واهله

 

[رنيم الروح]

هل بنات الي لا ذمة ولا ظمير يدخلون بين ريال ومرتة ويهدمون اسرة حرررام

حبيبتي لا تقولين البنات قولي اهم الي عيونهم زايغه واهم الي يبون ومستانسين لو على البنات يقدر يكسر فيها ويخليها تولي مو يكلمها ويصرف عليها

 

[فطوم 84]

انا مع. راي. البنات. هاذي. واضح. تبي تخرب. زواجكم

شوفي. يمكن اهو. كان. يكلمها. وتركها. وتبي تنتقم.
ترا. وايد بنات

اذا تركها. اللي تكلمه تعفس الدنيا. عليه وتهدده بزوجته وعياله

وفي. بنات اشكره تقوله. الشرع حلل لك اربع وتطلب منه يتزوجها


واذا قال لها. ماابيج.

تنتقم. وتقوله اردها. لزوجتك ولعيالك

وتقعد ليل مع نهار تفكر تخرب حياته

صدقيني هاذي بتخرب حياتج

نصيحتي اقعدي مع زوجج
وشوفي شسالفتها


وليش تدق وشيالفتها وارتاحي




هالشي بالمصارحه مع زوجج


بس الحين قطي كل شي ورا. ظهرج

ودراستج


ثم دراستج

ثم دراستج


والله اهي السلاح اللي بينفعج بهالدنيا

والشهاده اهم من زوج ومن كل شي


والله ييسر امورج ويفرج كربتج حبيبتي

 

[sunshine22]

ادرسي
واكشتي فيه


الخبله اللي تعطي الرجال وقتها واعصابها


وهو مو ساااااااااااااائل فيها



اللي يكشت فيني اجر عليه سيفون

 

[WAAAW]

واي حياتي الله يعين قلبج صج صج مادري شقول لج .. غير الله يعين قلبج ويهون عليج ويجعل كيدهم بنحرهم يارب