مكالماتي مع زوجي

[اعاتبك بإبتسامه]

السلام عليكم كيفكم حبايبي
عندي موضوع افكر فيه وبغيت اخذ رايككم
ورااين افضل من راي
انا زواجي بعد تقريبا سنه او اقل حسب بعض الظروف
من يومين بديت اكلم زوجي بالتلفون
واخاف من طول المده يصيبنا ملل او نتعود على بعض
ويوم الزواج مايكون فيه ذاك الشوق
هل هالشي ممكن يصير او ان المكالمات بتسوي العكس
وبتخلينا نشتاق لبعض اكثر
مع العلم اني كلامي مع زوجي بحدود
كل وحده تعطيني رايهاا واللي كلمت قبل زواجها كمان تقول تجربتها
يعطيكم العافيه

 

[popa]

بصراحه ما اايد انج تكلمينه ممكن تصير خلافات وتنفل السالفه

 

[فلنتينو]

اي والله لاتكثرين مكالمات

 

[كليـ دلعـ]

فعلا لاتكلمينه

لان كل اللي عندكم بتقولونه

وبعد سنه كامله

بيكون صايبكم البروود

خلي كل شي بوقته

الشوق واللهفه

حافظي ع الغموض ليما يتم العرس

يامالكم والحجي

 

[غند-777]

انا اخوي الاول تزوج وحده ما كلمها للامانه بدايه عرسهم حيييل مستانس فيها وطلعات وجذي اما الثاني اخذها وهو يكلمها فكان الوضع بينهم جدا عادي ماحسيت انهم معاريس انا بوجهه نظري اذا ما كلمتيهم احسن وانتي كيفج

 

[Gifts&Occaions]

لاتكلمينه 24 ساعة قللي

 

[ElN00R]

خلج غامضه وثقلي لا تحرقين اللي عندج من الحين. نصيحه

 

[saron el.noteya]

عادي جداُ كاني الحمدلله طول فتره الملجه أكلمه ولا فينا شي والحمدلله عايشه وياه و بالعكس أشتاق له و يشتاق لي الحمدلله ..

و أتوقع هالفتره أحلى فتره ممكن البنت اتمر عليها بحياتها الزوجيه ..

لا أتضيعين هالأيام الا بالوناسه و بالأخير هذا حلالج الله يوفقج

 

[انا لها شمس]

استانسي هذي فتره حلوووووه بس استغليها صح
لاتكشفين كل اوراقج عنده
وتدلعي وحبيه وتقربي له
الشوق بهالفتره له طعم حلووووو بتذوقونه بعد العرس

والسنه بغمضة عين تروح

والله يبعد عنكم المشاكل

 

[إبتسامهـ]

يابنت استانسي ماعليج من الي يقولون لاتكلمينه وربي احلااااااااا ايام بعدين شنو تفترت العلاقه انتم بتتزوجون بالنهايه واذا تحبون بعض راح كل يوم تزيد مشاعركم حاولي كل يوم تجددين مشاعرج تجاهه كل يوم راح تحبين شي فيه وصدقيني ماراح تملون صح يكون في حدود بعدين ع حسب شخصية ريلج وهالفتره حلو تكتشفين شخصيته وتعرفين شنو يحب عشان تسوينه بالمستقبل وشنو يكره عشان تتفيدينه وانتي نفس الشي اتقولين له شنو تحبين وشنو تكرهين

انا كنت نفسج انا بفترة ملجه وسمعت انه راح يمل ملجتي طولت بس اشوف اني حبيته اكثر من قبل صح المكالمات راح تخف طبيعي بس مازال الحب والشوق بيننا وهذا المهم

استمتعي بهالايام باجر يصير عندج ياهل وتلهين بمشاكل الحياة

بالتوفيق

 

[أم حورية]

استانسي هذي فتره حلوووووه بس استغليها صح
لاتكشفين كل اوراقج عنده
وتدلعي وحبيه وتقربي له
الشوق بهالفتره له طعم حلووووو بتذوقونه بعد العرس

والسنه بغمضة عين تروح

والله يبعد عنكم المشاكل

عدل كلامها 

بس لا تكثرين سوالف ومكالمات واذا اهو حاب مكالماتكم تكثر خاج غامضة شوي ولا تكشفين كل اوراقج مثل ماقالو بس اهو حلالج وانتي حلاله دام يبي هالشي لا تردينه ستانسي بهالايام

 

[لمى الهاجري]

هاي تجمع بنات دشوا http://www.q8yat.com/t1017144-9.html#post29464138

 

[مطيرية والعزليه]

وربي احلي ايااااااااااااااام عيشي حيااااااااااااتج وخلييييييييه يدلعج وعيشي الحب علي اصوله وشوفي لهفته وشوقه ..
وماعليج من اللي يقولون بتملين . ويصير فتووور
باجر لا صرتي في بيته بيفز فيج شهر وبعدين يطخ اما الحين عيشي سنـــــه عسل وحب

والله يهنيكم ويتم عليكم فرحكم ..

 

[** ام ملك **]

اااااااااااااااب

 

[لحن التياعي]

كلميه حبيبتي واتعودي عليه
الله يوفقكم ويخليكم لبعض

 

[لـــيل]

بلعكس كلميه وعرفي طبعه اللي بيميل صدقيني لو انتي اول يوم متزوجه الملول غير احلا ايام حياتكم لاتضيع بس عارفه اثقلي عليه خليه يتعود عليك يفضفض لك اهم شي بلعلاقه الصدق والاحترام كل علاقه سواء كلمتيه ولا ماكلمتيه غير الثاني لانه كل واحد له شخصيته انتي خليك واعيه معه لاتشدين ولاترخين اذا شد ارخي واذا ارخى شدي والرجال معروف مزاجهم
راح تكتشفين طبعه مع الوقت راح تحسين ب شخصيت زوجك والله يهنيكم ويديم عليكم المحبه

 

[Pinky -cat]

شوفي حبوبة لكل شى ايجابيات وسلبيات ليش ما تمسكين العصاه من النص يعني كلام خفيف مجرد شي عادي

عشان يكون في حماس وشوق وانتي وشطارتج

 

[منال $]

لاتكن لينا فتعصر ولا صلبا فتكسر

كلمية عااااااادي عشان تتعودي علية وتعرفي شو بيحب وشو بيكرهة وبالنسبة الي اكيد نفس الشي

بس مو24 ساعة
يعني ممكن الصبح تصبحي علية بمسج وتسالي عن اخبارة
بالليل قبل لاينام احكي معي خلية يتعودج انة ما ينام الا بعد مايسمع صوتك

شوي هيك وشوي هيك

 

[بحر الرمال]

انا اقول كلميه عشان تعرفين شخصيته يمكن يطلع مو مناسب لج لازم تعرفينه قبل لا تتدبسين
و المفروض اهو يبادر مو انتي تكلمينه

 

[sanyoretaQ8]

لاتكثرين مكالمات