مكاتب خدم بلاك ليست " القائمه السـوداء" من تجارب

[زمان الصمت]

عندكم مكتب نايف بالحليب نصابين من قلب يجيبلج طلب طباخه درجه اولى وتجيج الاخت ماتعرف كوعها من بوعها الله يقطعه مايجيب الا الحثاله واللي يدبل الجبد سكرتيرته الاثيوبيه اللي مسويه روحها الكل بالكل اهي والنقاب اللي لابسته جنها كويتيه واهي النصابه حسبي الله عليهم

اي والله صاجه هالمكتب نصاب من قلب قص على امي انه بييب لها طباخه ولما وصلت طلعت عليميه وامي قالت مخالف بعلمها يومين الا تقول بروح المكتب مع انه معاها خدامتين بالبيت قامت امي ودتها قالت دامها ما تبي شلنا فيها اثاري المكتب قايل حق ناس عنها بسعر اغلى يعني بيستفيد على حسابنا

اما الاثيوبيه الي اسمها ورده هذي عاد بروحها قصه واهيا الي تخرب الخدم حسبي الله عليها​

 

[احساس ملكه]

حسبى الله عليهم

يااااريت يحطون قرار من وزاره الداخليه والتجاره اى مكتب يحرض على هروب الخدم يتصكر وتنسحب رخصته وابعاد للوافدين الى فيه

وماافى مسترجع الخدامه الى معازيبها زيينين وماتبى تشتغل تتحمل مع المكتب مصاريف تذكرتها وترد بلدها

 

[وحيدة امى]

رفع

 

[ست الحسن والجمال]

up



up

 

[احساس ملكه]

رررررررررررررررررفع

 

[ديانا سبنسر]

اب للاستفادة

 

[حبيبه زووجها]

اب


اب

 

[أم نواف غير]

ررررررررررررررررررررررررررررررررررررررررررررفع

 

[AL-DMERA]

خوش موضوع ,,
آنا الخدآمه إذا قالتلي وديني المكتب أقولها مآكو مكتب أسفرج تطخ وتسكت ,,
أحلا طريقه تقولين لها أسفرج لأنج ماتبين تشتغلين ,,
وطريقه ثانيه ,,
إذا ماتبي تشتغل وديهآ مكتب ثاني مومكتبهاآ وبيعيهاآ ,, هذا إذا خلصت كفاآلتها ,,

آنا عندي شغله باااااطه جبدي ياريت اللي تعرف عنها شي تقولي ,,
لما نروح المكااتب نلاقي الخدم شكثر عندهم وكل مانسأل اذا يبيعونهاآ يقولون لأ هذا طلب مال زبون ,,
آنا كنت أصدقهم بس آخر شي دريت إنهم مو مال أحد ولا أحد طالبهم بس مادري شسالفتهم مايبيعونهم ,,
يقولون يخشونهم حق زباينهم ,, مادري ليش ,,
آنا جكيتهم من خالتي كانت تبي خدامه وحنت حنت على المكتب ليما عطوها الخدامه اثاريها مومال أحد ,,
شي يبط الجبد ,,


مشكوره حبيبتي عالموضوع الحلو ,,

 

[misho234]

انا سعودية وعندنا ازمة خدم ماتجي قبل 5 شهور وغالية بعد
لو بغيت استقدم من الكويت كيف الطريقة من يعلمني
او يساعدني
مشكورين مقدما

 

[احساس ملكه]

حسبى الله ونعم الوكيل

 

[ونـــة خفوووق]

مطتب الخالدي الجليب هم قطع قطع باعنا سيلانيه حولناها منيه انحاشت منيه قهر

 

[أم ملاس]

أغلب مكاتب الفحيحيل حراميه مووووو الكل
وبعدين من داروها الهنود …سمعت الكويتي يأجر الطاوله ياعلي هندي والطاوله الثانيه سيلاني وهلما جرا اثيوبيين ونيبال
وأحنا حقنا ضايع ماتتحول الخدامه إلا كل عله حاطتها يابيت كبير يامابي بيبي …؟ومن هالأعذار ورجعت لهم وأخذوا من فلوسنا وباعوها مره ثانيه ونفس الحركه مع معازيبهم الجدد
وإحنا ضايعين والله كرهت شوفت المكاتب …بس الحاجه …وحسبي الله عليهم هالمكاتب الي يوم الدين …

 

[احساس ملكه]

مطتب الخالدي الجليب هم قطع قطع باعنا سيلانيه حولناها منيه انحاشت منيه قهر

كلهم نفس الحركه حسبى الله عليهم لانه عاارفين القوانين شايله المسؤوليه منهم

 

[دولنغا]

احساس ملكه انا سبق وكتبت موضوع مشابه جدا لموضوعج

والله ساعات اقول لو احد من هالمكاتب يقرا مواضيعنا وردودنا عن الخدم وشلون لايعه جبودنا ومقهورين منهم ومن مكاتب الخدم لانه احنا زينين معاهم ومو مقصرين وهم متمردين

احس الي يقرا مواضيعنا وردودنا منهم يقول يلا خل يطلعون الي بقلوبهم على النت يكسرون الخاطر وحده تواسي الثانيه المهم احنا رزقنا ماشي والقانون مو ناصفهم

والله احس جذيه يضحكون علينا :krkrkr:

والمصيبه المكتب نفسه جدامج ياليت من وراج يقولها وبكل وقاحه انتي روحي جربي البيت عجبج قعدي ما عجبج تعالي

الحين بدال ما تقولون لهم كملو مدتكم

المشكله انه لا المكاتب ولا الخدم او السواق يمشون على العقد

يعني المفروض الخدامه تشتغل سنتين عقبها كيفها تروح بحال سبيلها بس المهم تخلص مدتها مو تعطونهم الخيط والمخيط عسى ما تقولين لها ليش والا لا هذا غلط قالت لج بروح المكتب يعني يا تسوي الي براسها والا ودوني المكتب

الحين ترجيع الخدامه صار على قفا من يشيل ماكو سبب مقنع

احساس ملكه تدرين انا شنو ودي من قانون ينصفنا

ودي انه الشغاله اذا يت ملزوم عليها تشتغل ببيت الكفيل نفسه والمده المقرره لها يعني سنتين وما تطلع الا لأسباب يؤخذ بالاعتبار فيها مو أسباب تافهه نفس ويها

واذا روسهم يابسه مثل الصخر تتسفر وعقاب لها ما تشتغل الا عقب 3 سنين باي دوله كانت يعني تكون من القائمه السوده لمدة 3 سنوات من البلاك ليست

وياليت ويا حبذا ومنى عيني يصكرون مكاتب الخدم وينقطع رزق كل من تمرد وباق ووقف مع الباطل علشان البوق ويصير التعامل بينا وبين وزارة الشئون ووزارة الداخليه

اهم شي انه في قانون مو القانون كله لهم واحنا القانون الي لنا كفاله 100 واذا خلصو دقو على الشغاله وعلى قولتج حيله ما حيله وطلعت لها قصه خرافيه

بس والله حريمتها تروح المكتب لا والله تتسفر والود ودي بس استغفر الله حرام انه احط انها مريضه وفيها مرض معدي علشان ما تشتغل مره ثانيه وينقطع رزقها​

 

[لورا 22]

بعد مكتب وضحه حميدي السبيعي بفحيحيل هم نصابيين
عقبها مدحتلي وحده مكتب الدخنان حولي جنه او السالميه نسيت تقوول ان خدامتها تبي المكتب تقول وديتها العن خيرها وردوها لي
وخذيت من عندهم سيلانيه اشوه زينه

 

[PuPa^^SWeeT]

شوفي انا اقولج يبين المكتب نصاب ولا لأ


اللي يقولج دفعي نص المبلغ ولا المبلغ كامل للمرتجعة

واللي كل شوي ينطلج يقووولج هذي مراح اتيي وهذي ماراح اتييي

 

[نور و نار]

أشكناني السالمية والأفظع منه العلي اللي بمجمع بن خلدون حولي ،، حسسسسسسبي الله عليه !!

 

[OM-3ABADY]

اسأل مجرب ولا تسأل طبيب

ما في وحده اكثر مني جربت مكاتب خدم
وكل الجنسيات

مكتب اشكناني نصابين
ومكتب الجابر

اكبر نصاب اصلا اهو يجمع طلبات من السواق الموجودين اللي بييب اخوه واللي بييب اخته
مره تناجرت وياه قلت اشتكي عليك قام يتأسف يقول المندوب اللي معطيه الفيزا اصلا سايق يشتغل في بيت وتسويله مشكله اذا اشتكيتي عليه

نجلني اكثر من مره حسبي الله عليه

 

[PuPa^^SWeeT]

مكتب اشكناني اكبر نصاب



خصوصا انه العالم اتييله حق الفلبن و الاندونسيات