مكاتب خدم بلاك ليست " القائمه السـوداء" من تجارب

[احساس ملكه]

السلام عليكم



هالموضوع يهم ربات البيوت لانه يخص الخدم الى اهو شر لابد منه


باكتب عن تجارب لنا او لاحد من الاهل


المكتبين الى باكتب عنهم سمعتهم سوداء من شكاوى تحريض الخدم على الهرب



مكتب محمد طرجم الظفيرى بالصفاه

ومكتب هله سالم المطيرى بالجليب


يعنى بعد مايتاكدون ان سويتى اقامه للخدم وانتهت مده الكفاله القانونيه للمكتب الثلاث اشهر يحرضونهم على الهرب باسلوب حيله مثلا تتصل السكرتيره وتقولج ان اهل الخدامه يبون يكلمونها والخدامه مجرد ما تستقر بالبيت حال كل البيوت الكويتيه يكون معاها موبايل وخط وكروت تكلم اهلها
واحنا على نياتنا نعطيها الفون وتتكلم وطولت فوق النص ساعه

المهم من باجر والخدامه مسويه اضراب بروح المكتب ليش ماما شفيج ؟؟ ماعليها قاصر غرفه بروحها وغيرها خدامتين بالبيت ومعاشها قبل موعده وتنام قبلنا يعنى رااحمينهاا واايد وطلع العله بالمكتب مسوين عصابه تهريب خدم ومدير هالمكتب واحد عقيدى يتلزق بالبدو حسبى الله عليه لعووزنا يالله خذنا فلوسنا منه والى شفناه عنده من ناس يايه تشتكى انه خداماتهم مايبون يشتغلون عرفنا السبب
انه اهو العقل المدبر والسكرتيره الى تنفذ والخدامه كنا ياييبينها ب280 وباعها ب 450 عساها زقوم ببطنه وببطن كل من يغش الناس:eh_s(4):


*ومكتب الظفيرى نفس الحاله رفيجتى خذت منهم خدامه مسترجعه ويحنون كل يوم عليها انه تكفلها بسرعه وكفلتها وبعد اسبوع انحاشت ولما راجعت المكتب قالولها مالنا شغل ماعندنا كفاله على المسترجعه وراحت لهم المكتب كالعاده المكاتب شله هنود نصابين والكويتى بس بالاسم صاحب مكتب شافوها حرمه بروحها ااستقوا عليها وطوولو لسانهم عمى بعينهم
المهم راحت اداره العماله المنزليه وقالولها ان هالمكتب مو اول مره يسون هالحركه بزبائنهم وانه الشكاوى عليه اكثر من شكوى واخذواحقها من المكتب النصاب حسبى الله عليهم :rgewrg:


وناااطرين تجااارب البناات مع مكاتب خدم نصابه عشان نحذر من هالمكاتب ونخليها تخسر وتصك بابها وتفكنا من شرها :eh_s(4):​

 

[umm-7asson]

خووووش مووضووع
عاد انا قاعدة ادور خدامة وقاعده اروح مكاتب خدم معروفة مثل الحبيب واشكناني والعميري
اذا تعرفون اكثر ساعدوني

 

[اسرار70]

مكتب الفيصل نصاب خاصه المصرى
ايبها نفس حالتج لما تخلص الكفاله اتروح المكتب
واكثر من وحدة اعرفها صارت فيها نفس الشى
اذا بتاكدين روحى مكتب الفيصل قسم المسترجع فى العماره الى يم الرميح وشوفى البلاوى

 

[كسرني موتك يابوي]

مكتب القلاف بالفروانيه
اشكره بووووق وعقووود فاشله
أخذت اثيوبيه مسترجعه ب٥٠٠ دينار
واطلعت مو صاحيه والحين هي بالطب النفسي ورحت للمكتب وقلتلهم قالوا مالنا شغل ولانرجعلج الفلوس

 

[دارسين]

طرجم الظفيري خدامتي منهم نيباليه وانا كل فتره افتش اغراضها بدون لا تدري

وعقب شهر تقريبا لقيت كرت منهم باللغه النيباليه عليه ارقااااااااااام

شكيت بالوضع وحسيييت وانا مقروصه قبل عالمره

بس صايره احرررررص على قفل البيت باي طلعه

الله يعطينا خيرهن ويكفينا شرهن

 

[Om_Ksha]

خووش موضوووع

 

[اسرار70]

واى بالطب النفسى الله يستر علينا يارب

 

[هجووورة]

مكتب واحد بالعمارة السودا بالفحيحيل وسكرتيرته قليلة ادب اسمه فالح او شي جذي يشتكون منه

 

[احساس ملكه]

:eh_s(15):

عفيه بنات خلونا نسوى حمله على مكاتب الخدم الفاشله والنصابه عسى مايتوفقون بكل فلس حرام من النصب والغش يدش جيوبهم :yaaaaaarb:


خلنى اقوولكم سالفه وحده عيوز يابت خدامه من مكتب المطيرى بالجليب تقول يبت الخدامه على كفاله المكتب اثيوبيه خذتها ب 500 كاااش والمفروض انها من الاول فاحصينها المكتب ومسوين بصماتها وتقول بعد مده اكثر من 5 اشهر ونقعد بالليل على صراخ الخدامه بانصاص الليالى :eh_s(22):
ونصعد لغرفتها فوق السطح وندورها ولقيناها بالحمام وطلعت تطلق يعنى طلعت الخدامه حــــــــــــــــامل من قبل ما تطب الكويت والمكتب نصاب لاسوى فحص طبى ولا غيره :rgewrg:

وتقول رحنا للمكتب عشان يردلنا فلوسنا ورفض وانكر انها حامل وتبلى علينا
مع انه الحمدالله فحوصات المستشفى ااثبتت انها حامل بديرتها وباعتراف الخداامه وراحت وقدمت شكوى عليهم واخذت حقها

حسبى الله عليهم ونعم الوكيـــــــــــــــــل ​

 

[shelatah]

مكتب جادل هادي في واحد اسمه كمال حقير بعد ماتخلص كفتاة المكتب تنحاش الخدامه ومايرضى يطلعها من السفاره الله لايوفقهم

 

[نووويرة]

بعد مكتب الشطي الي بالبلوكات موووو صاحي لا هو ولا خداماته و و المصري نصاب بووووق عيني عينك

 

[ست الحسن والجمال]

الله يعييييين
بس تبون تقهرون المكتب اللي يحرض خدامته تروح للمكتب
قهروووهم وودوها مكتب ثاني ويبيعونها لكم وخلصت السالفه

وان تشكت وقالت ابي المكتب الاولاني قولي سكر هذاك المكتب مافي اي رقم عندها للمكتب الاولي اخذيه من وراها

وبالاساس ان ردت للمكتب وهو محرضها بيبيعها لج واخذي فلوسج وروحي مكتب ثاني
شنسوي بعد صح استفادو هم وبهدلونا بروحه والجيه بس ماراحت فلوسج عليج



اللي يقهر تجيبين خدامه ب750 دينااااار وتشتغل لج شهر واخرتها تقول بسافر انااا مابي اشتغل في بيت ثاني مره
مو الاخت فلبينه وجامعيه تحسب انها جايه الكويت بيشغلونها دكتورة بالجامعه

هني صج صج قهر ليش جايه من الاساس سياحة قاطه عليج فلوس وراحت بالهواااااا

والله حقوقنا ضايعه

 

[الأميرة جوري]

مستحيل اعطيها تلفووووووون خاص ..وانا خداماتى كلهم اول مره ومتى ماصارت بكفالتنا مالهم شغل المكتب ولا نخليهم يكلمونها كلشش عارفين سوالفهم

 

[أم نواف غير]

صج الخدم مشكله والمكتب اهوه الي يشجع عندج مكتب بالفحيحل جنه مكتب اول ماتصعدين السلم الكهربائي بويهج امي خذت منه خدامه سيلانيه كبيره اشويه بسن وتقول كانت مسترجعه وووايد زينه وبعد فتره شافه اخوي واهوه ياي البيت واقفه عند باب الحديقه سااله اشفيج واقفه قالتله قاعد انظف استغرب والله 10 دقايق وكان عندنا ازواره ولا مزهبه اغراضها بجياس زباله كرم الله السامع ونحاشت مع راعي المكتب الهندي نفسه وقايله حق الخدم انا اقعد كل بيت 6الي 7 شهور واننحاش وعندهم مكتب ثاني بحولي يالخدم يوم راحت طلعو سوالفها ؟؟؟؟؟راحو اهلي بلغو عنها واللحين جاري البحث عنها واثراه عنده موبايل وكله تتكلم فيه بالحمام طبعا هذا كلام الخدم الثانين طلعو بلاويهه عقب مارحت والله كلهم مافيهم خير بس شسوي الحاجه لهم .............................................................

 

[احساس ملكه]

حياااااااااااااكم الله بناااااات

رفعوووا الموضوع بلييز

 

[بنت السبع]

HOUSE CLEANING خدمة تنظيف المنزل عمالة نسائية
Master Services provides a full range of cleaning and hygienic services. Our professional experience is the key of our highest quality services at low rate.

We offers experienced reliable friendly maids fully trained to deal with your needs. Our staffs are will take great care of your home and will take over your house duties and thus you can enjoy more free time and peace of mind.

• After 6 pm, the client should be provided return transportation charge.

من الساعة 9 إلي 2 ظهرا
مساء من الساعة 4 إلي 8 ليلا
يوم واحد في الأسبوع ( 20 دينار كويتي)
ثلاثة أيام في الأسبوع ( 30 دينار )
ستة أيام في الأسبوع (55 دينار كويتي )
رقمهم المكتب 22274708
99900572
65614625
www.7donline.com

 

[AVE.NJ]

اه من الخدم ومشاكل الخدم
بس شر لابد منه
وسبب سعادتنا مانقدر نسغنى عنهم
انه امي الا تبي نيباليه
ويابت مرتجعه والا الاخت اتدخن
وتروح حق سواق الفريج وتطلب منهم ويعطونها زجاير
وامي نقولها وديها مو راضيه الا نيباليه والا مااوديها من زينهم

 

[عزة وكبرياء]

حسبي الله على الخدم وسوالفهم اللي ماتخلص شوفو شنو صار معاي من موقف بس كنت صاحية للمكاتب وحيلهم :المهم سوينا على خدامة سيلانية من مكتب بحولي ويات الهانم ومن أول اسبوع قعدت تافف كل ماقلتلها على شي وكل يوم تبي تكلم اهلها ومن تلفوني أنا قلت حرام خليتها تكلمهم مرة مرتين ولا الأخت تعودت كل يوم تييبلي رقم وتقولي أبي اكلم بعدين أنا طفحت منها وقمت وفهمتها ان مايصير كل يوم وهزت براسها يمين وشمال ومن وقتها طنقرت وقامت تأفف وأخرشي قالت أنا مابي بروح المكتب وتبجي وحطت ايدها على بطنها وضهرها وتقول حق زوجي ماما ماما وتاشر علي جني انا طاقتها على ضهرها حسبي الله عليها وراحت المكتب وخلاص وعقب يومين ولا تدق الهندية بالمكتب وتقول خلاص اهي بتيي عندم وتبيكم وانا مارضيت قلت شنو احنا على كيفها ماحد سوالها شي وزوجي على نياته قال خلينا نردها وحصل هواش بيننا والسبة اهي وأنا فهمت الموضوع انها اتفقت مع المكتب وقالولها روحي وسوي نفسج زينة ولما يدقون اقامتج تعالي بس مو علي هالحركات وكشفتها انها قاعدة تمثل انها زينة بعد اسبوعين وشفتها شلون تعامل بنتي بدون ما تدري ووديتها المكتب خلصت منها الله لايردها والله يابنات لازم يكون في قانون يغرم المكتب فلوس اذا الخدامة قالت مابي أو انحاشت بتشوفون ان الخدم راح يقعدون ويتسنعون بس شلون وكيف لازم نطالب بهالشي!!!!:eh_s(4):​

 

[النوري نور عيني]

حسبي الله على الخدم وسوالفهم اللي ماتخلص شوفو شنو صار معاي من موقف بس كنت صاحية للمكاتب وحيلهم :المهم سوينا على خدامة سيلانية من مكتب بحولي ويات الهانم ومن أول اسبوع قعدت تافف كل ماقلتلها على شي وكل يوم تبي تكلم اهلها ومن تلفوني أنا قلت حرام خليتها تكلمهم مرة مرتين ولا الأخت تعودت كل يوم تييبلي رقم وتقولي أبي اكلم بعدين أنا طفحت منها وقمت وفهمتها ان مايصير كل يوم وهزت براسها يمين وشمال ومن وقتها طنقرت وقامت تأفف وأخرشي قالت أنا مابي بروح المكتب وتبجي وحطت ايدها على بطنها وضهرها وتقول حق زوجي ماما ماما وتاشر علي جني انا طاقتها على ضهرها حسبي الله عليها وراحت المكتب وخلاص وعقب يومين ولا تدق الهندية بالمكتب وتقول خلاص اهي بتيي عندم وتبيكم وانا مارضيت قلت شنو احنا على كيفها ماحد سوالها شي وزوجي على نياته قال خلينا نردها وحصل هواش بيننا والسبة اهي وأنا فهمت الموضوع انها اتفقت مع المكتب وقالولها روحي وسوي نفسج زينة ولما يدقون اقامتج تعالي بس مو علي هالحركات وكشفتها انها قاعدة تمثل انها زينة بعد اسبوعين وشفتها شلون تعامل بنتي بدون ما تدري ووديتها المكتب خلصت منها الله لايردها والله يابنات لازم يكون في قانون يغرم المكتب فلوس اذا الخدامة قالت مابي أو انحاشت بتشوفون ان الخدم راح يقعدون ويتسنعون بس شلون وكيف لازم نطالب بهالشي!!!!:eh_s(4):​

وياج...ليتهم مكاتب الخدم السعوديه ...مافييه تغيير الكفيل ..مو عاجبج ..سافري...خل يتسنعون مكاتب هالخدم ...جشع موطبيعي...واحنا ساكتين..والله لونشتكي ونتصافى عليهم..وربي يتسنعون

 

[هلاتة]

عندكم مكتب نايف بالحليب نصابين من قلب يجيبلج طلب طباخه درجه اولى وتجيج الاخت ماتعرف كوعها من بوعها الله يقطعه مايجيب الا الحثاله واللي يدبل الجبد سكرتيرته الاثيوبيه اللي مسويه روحها الكل بالكل اهي والنقاب اللي لابسته جنها كويتيه واهي النصابه حسبي الله عليهم