مقهوووره قدرتها في ولادتها شوفو شسوت بهديتي جدامي

[(كويتيه عسل)]

زميله معاي في الدوام ولدت يابت بنت

وتدرون آخر الشهر المعاش مخلص رحت اخذت من الفلوس اللي ميمعهتهم

علشان اسدد الديون والاقساط اللي علي شريتلها كرسي ماركته ألمانيه

وفيه مساج للياهل وفيه اغاني وفيه العاب ويتحول دراي وسرير متنقل

ويبتلها بعد الالعاب اللي يتعلقون على سرير الياهل

صج فلوسي على قدي بس ماحبيت اشتريلها اي شي

في حريم مويايبين لها هديه بس زايرينها

وفي حريم يايبينلها ذهب اهيا كانت تبطل الهدايا جدامنا وكانت مستانسه

بعدين كلهم راحو وانا كنت بطلع بس لزمت علي اقعد وقالتلي مشتوقه تشوف

اكبر هديه وصلتنلي بطلت الهديه وركبت الكرسي وانا ساعدتها وقعدت تسولف معاي

وشكلها مستانسه بعدين بنتها رجعت وتوهقت وتنادي الخدامه

ماكان في احد غيري لان امها وخواتها عند اختها الثانيه اللي بتولد

انا عطيتها كلينكس تدرون شسوت مسحت زواع بنتها تكرمون

وقطته فوق هديتي ويات الخدامه وخذت بنتها تغيرلها بعدين اهيا قامت تمسح

الزواع من ملابسها وقطعته فوق هديتي بعدين يات وايديها كلها ماي مسحت

ايديها بالفوطه وقطهتا فوق هديتي <<<قعدت اطالعه منصدمه ليش تتعمد تسوي جذي

بعدين ماقدرت اسكت قلتلها هذا يزاي انا الحين مقدرتج وزايرتج ويابتلج هديه ليش تقطين فوقوقهم

وصخ احترميني عيب عليج تسوين جذي اهيا سكتت ولا انطقت بولا كلمة وتضحك ضحكه صفره بعدين انا طلعت

 

[بحر الذكريات]

توني اقرا موضوعج كويتيه وانصدمت من زميلتج بصراحه!!!!!!

انا بصراحه ماقمت اهدي اي احد

يعني زمالة الدوام ما اهديهم شي الا اللي حيل معاها وفي ناس اهديتهم وما اهدوني

واللي اهدوني واهديتهم وفي اللي ماجت مناسبه عشان اهديهم وان شاء الله تجيهم واهديهم

وفيج الخير والله

 

[كتكوته غنوجه]

صج حسافه فيها الهديه
بس يالله جزاج عالله

 

[Tom ♥ Jerry]

.،


غريبه !
آنزين يمكن مآ كآنت معمده يعني بس جي آنه من غير قصد !
و الله مآدري شقولج ! :/


الله يعينج صج موقف مو حلو !

 

[اللعبه]

عجبتيني انج رديتي عليها

 

[BaiTotia]

ماتوقع متعمدة

بس صج فشلة وقهر

 

[يارب احفظ عيالي]

صج وان انت اكرمت اللئيم تمردا هذي شكلها ماتبي الا ذهب صج مب جايفه خير بس زين سويتي فيها وجان خذيتي هديتج بالمره

 

[شفايف كرزيه]

صج ماتستحي بس ززززززززين رديتي عليها فشلتيها
لو احد يبيبلي هدية ومو عاجبتني والله ما قوله موحلوه
كاااااااااافي انه ذكرني

يبا يمااااااااااااااااااا بتشوفين ناس تحشمينهااا وتحسفين على احترامج لهم
طوفي يبا محد يسوي والله

 

[••لـوسـي••]

من جد حركه ترفع الضفط بس زين انج رديتي عليها​

 

[قلب ضعيف]

اووف بنت اشفيكم

انتي قلتي بنتها وقامت تنظف يعني الحرمه تتدوهت يعني تفشلت مو قاصده

والله لو صار معي جذي ماكبر الموضوع الحرمه يمكن ماشافت او ماركزت

وليه اصلا تفكرين انها قاصده ؟؟؟؟؟؟؟؟؟؟؟؟؟؟؟ بينك وبينها شي

وواضح من انها قالت اقعدي شوي يعني الحرمه قلبها نقي من صوبج
لو ماتحبج كان على طول ماتحسب تروحين


الموضوع كبر على الفاضي التمس لاخيك عذرا

 

[dj.RomanCe]

مبيــن عليها من كلآمج آن ماعندها ذووق

...~

بس مهما يكون الآنسان يحاول ان يكون أفضل من الناس وحتى لو كانو الناس مايستاهلون آو مايردون له الجميــل

آهو يحتسبه عند الله وهذا اصلآ دليــل احترامه لذاته وتقديره لصورته جدام الناس

آنتي ادييتي الواجب وجزاج عند الله

ولآ تعورين راسج على هالآشكال لأن صج في ناس ماعندهم ذووق وعبالهم ان تصرفهم عاادي

 

[ام عفاف الكويت]

لحظه يمكن ماعندها مكان تقط فيه ؟
او مو متعمده
والله ياكوكو << دلعتج
احنا نقط في اسرتنا ملابسنا واغراضنا وخلاجينا
مو القصد استحقار يمكن المكان اللى نحط في الاشياء
وان يت بتحط بنتها بتشيل الاغراض وتقطهم على الارض
فديتج كافي انج اصيله ويبتي لها هديه وعنيتي نفسج
لاتنسيني عاد بنفاسي لوووولي << طمعت

 

[مكسورة الخاطر]

حرام يمكن مو قاصدة !
خو جان خذيتيها ب حسن نية , يمكن توهقت ماعرفت وين تقط
جان خذيتيها على غشمرة وسألتيها , مو جذي عاد , انتي قلتي انها كانت مستانسة ع الهدية
ف شي مستبعد انها قاصدة تهينج :\

لا تصيرون جباريت وماديين لي هالدرجة
الله يقول " ان بعض الظن اثم"
والرسول يقول " التمس لاخيك 70 عذر "
خلكم متسامحين ومتعاطفين شوي
انتي زايرتها عشان الناس تقول عنج انج زرتيها ويبتيلها اكبر هدية ؟؟؟
ولا تبين رضا الله وخليتيها لوجه الله ؟!
حتى لو خن نفرض انه اهي صج كانت تبي تهينج , خليها , ليش تنقهرين ؟!
اهم شي انتي وجبتي وخلي شغلج كله مع الله ولوجهه سبحانه وتدورين الاجر
لا تقولين مقهورة وشوفوني انا يبت لها وسويت لها

والله يهديكم ويسامحها اذا صج كانت قاصدة الاهانة

 

[ريم الخليج]

كلن يتعامل بطيبه واخلاقه
ولكن يمكن ما انتبهت التمسي لها العذر
ولو انا مكانك كان عملت نفسي ما شفتها وبس وينتهي الموضوع

 

[الغاليه ام احمد]

حبيبتي مبين على صديقتج انها مو متعمده تسوي جذي هذي ردة فعل اهي لما رجعت بنتها مو يم الهديه

ولا تدري وين تحذف الشي

وهم انتي لما زفيتيها لو متعمده جان ردت عليج وقالتلج هديتج مو حلوه لكن من الاحراج ابتسمت

وانتي قلتي لزمت عليج وقعدتي معاها وركبتي الكرسي وهذا يدل على انها مستانسه من الهديه

فلا تسيئين الظن بصديقتج

 

[هند العسل]

صدق ما تستاهل وما تستحي بعد والله عيب وتدرين لو كنتي ساكته جان عصبت عليج بس زين يوم فشلتيها مع ان هالاشكل وييين والمستحى وين ​

 

[رهــKSAــــف]

قهررررر والله
دايم اقولها ناس مريضه
عالعموم انتي سويتي اللي عليكِ
وجزاك الله خير

 

[عتيبيه رزه]

يمه منها قطع استغفر الله فيه ناس جذيه
والله انج خوووووش مره لمه تكلمتي عجبتيني انتي 100% قدعه هههههههههه
وهذي قليلة ادب

 

[طموحه بزياده]

انتي قلتي بأول الموضوع انها تبطل واهي مستانسه لو مو مقدرتج جان ما بطلت وهي مستانسه

وانتي المفروص ترفعين من قدر نفسج وتكونين واثقه من نفسج ومن كرمج واصولج مو تقعدين اتشرهين عليها ليش ما قدرتي هديتي انتي بنفسج تقولين شكلها تدودهت لان بنتها زوهت واكيد ما كانت مفكره ولا مركزه اسمحيلي انتي يبيلج جرعه ثقه بالنفس


شنو لازم تقوم وتصرخ باعلى صوتها وتعبر عن سعادتها بهديتج؟



@@@

 

[مــ_ــا مــ_ــي]

وانتي مهديتها وعينج على هديتج !!! خلاص انتي ما قصرتي والله يجزاج خير على الواجب اللي سويتيه ودام ان بنتها زوعت يمكن اخترعت على بنتها وارتبكت وما انتبهت على شنو تحط الكلينكس .. ولو ان هديتج مو هامتها جان مافتحها معاج وركبتوها مع بعض .. لا تفهمين غلط عشان لا تتعب نفسيتج من الناس ...