مقهووورة مقهوووورة .. مانمنت الليل من القهر صدري يعورني من القهر

[فوطه كول]

الله يعينج

 

[جوك احلى جو]

انا اقول لا تسكتين واهلجى لازم يوقفون موقف شديد معاهم

 

[MiSsY HottY]

الله يكون بعونججججج والله ضاق خلقي عليج

 

[ذهبيه من ذهب]

الله يعيييييييييييييينج لكن لا تسكتسن عن حقج

واتوقع حقرانج لهم معذبهم

 

[.. أم فاطمه ..]

استغفر الله و لا حول و لا قوة الا بالله


سمعي اخذي زوجج و طلعو برا البيت روحوا اي مكان و كلميه بعقل و تافهم و حنان مو ( حنه و رنه ) عطيه نقاط و افكار و امثله تثبت ان الحق وياج عشان تطلعون من البيت


و قولي انت غالي علي و انا شاريتك و ما ابيعك برخيصك و يهمني اني اسعدك و اكون سبب راحه لك مو كل مادش البيت تلاقي مشكله انا مابي هالشي لك .. انا ما يهمني كثر سعادتك و سعادتي و نكون مع بعض و رضاك علي و من هالكلام الطيب


نصيحه اهم الحين بس يحنون و يتهمون و كل ما شافوه ما يقولون الا كلام اقشر خليج انتي تقولين الكلام الحلو البلسم العاقل عشان يعطي اذنه دايم لج .

لان اذا لقى من الطرفين صراخ و مشاكل و تشكي بيهج عنج و عن اهله .. الحين اهله كل ما شافوه صرخوا و مايصير منهم الا المشاكل خليج انتي العكس انتي الحنونه اللي اطبطبين عليه انتي اللي يلجأ لج من اهله و شرهم


عشان اهو يتمنى الطلعه اكثر منج عرفتي علي يا قلبي


وعسى ربي يوفقج


واذا انتي شاطره شاطره يا تجمعين فلوس و تطلعون برا البيت او تاخذين من اهلج او قرض او اي شي


بس الحين اهم شي و النقطه الرئيسيه اللي بأسأها يصير اللي تبينه زوجج اكسبيه و علمتج شلون


و لا اوصيج صلاه و صدقه و استغفار و دعاء

 

[شنوووفه]

الله يعيينج حبيبتي اهمه كلوج بقشوورج لانج طيبه وساكته عنهم بس لو تصيرين عووبه ولساانج طوييل
جان حطووج عله رااسهم الله يساامحهم ويصبر قلبج بس ربج فوووقهم كما تديين تداان

 

[قطرة امل]

الله يعينج ويع انا ماحب الريال اللي يصدق شي ما شافه

قوليله خلها تحلف على القران و شوفي تحلف ولالا

 

[noorq8]

لاتسوين أي شي .................
دقي عالوسيط وركبي كاميرات من الحوووووووووش لين باب شقتج صوت وصوره وخلي زوجك يتفرج.

 

[الفراولـه]

ابييييييييييه صج الله يعييينج عليييهم

لازم تفهمين ريلج ومايسكت عنهم عشان مايتمادووون

مصخووها صراحه

صج ناس ماتستحي

على الاقل مدخل يكون بروحج عشان ترتاحين منهم

 

[ونات الخفوق]

شفيهم الناس ما عاد يخافون من الله
عادي يسبون !!!!!!!!!!!!!
عادي يتبلون!!!!!!!!!!!!!!
عادي يتطنزون!!!!!!!!!!!!!
عادي يقذفون!!!!!!!!!!!!!!
المسلم من سلم الناس من لسانه ويده

 

[فراشة الرغد]

كل مااكتب رد يطيير
خففتو عني الله يخفف عنكم
احس نفسي وحيدة ..
ضايجة علي الدنيا ..
هذي جزء من يوم من حياتي
لو اقول لكم باجي قصتي والله
تنزفون علي .. ابيكم تدعون لي
يعل ربي يوفقكم جميع ..

 

[lovely jojo]

انتي حلج ان تطلعين من عندهم..

 

[تآج الحسن ~]

الله يصبرج حبيبة قلبي والله كسرتي خاطري

" حبيبك يبلع لك الزلط وحماتك تتمنا لك الغلط "

سمعي حبيبتي لا تطلعين من البيت ولا شي .. صح هم غلطوا عليج وترى هاي شي طبيعي والله .. ويمكن اغلب المتزوجات حالهم أكثر من كذا فأحمدي ربج وشكريه

ومثل ماقالت اختي أم فاطمه .. خذيه مكان بروحكم .. حاولي تحجزين لكم فندق او تسافرون أو شاليه أو مزرعه اللي هو تقضون على الاقل يومين بروحكم .. وطبعا هالشي خلوه بالدس يعني لاتقولون لهم .. خذي ريلج ويوم بتطلعون .. فتحي معاه مناقشه صراحه .. قولي له انا ماحب المشاكل .. ولا ابيك في يوم من الايام انك تكذبني وانا ماسويت شي .. انت واثق مني وانا احبك مستحيل باطلع بدون عباه أو باسوي شي مايرضيك .. معقوله اني احبك واسوي اشياء تخلي علاقتنا تخترب .. وقولي له هاي شي طبيعي ان خواتك بيكذبون خصوصا ان انت اخوهم ويمكن انت غالي بالنسبه لهم وهم يغارون اني انا معاك وهاي شي طبيعي .. وانا ماقعدت 3 سنين معاك علشان ننهيهآ بمجرد مشاكل من اهلك أو اهلي .. قولي له دامه هو بيسوي باب من برع هاي خطوه حلوه انه خذ قرار بروحه اياني وياج تقولين له انت مب واثق من نفسك .. دايم امدحيه قدامه وقدام غيره خلي عيوبه بينج وبين نفسج .. حسسيه انه شي خيال بالنسبه لج .. كذا انتي بتكسبينه وبيصدقج .. خصوصا ان هم صراخ وحاله دلعيه .. حاولي ردودج معاهم تكون اي لا مادري يمكن يعني ردود سطحيه جاوبي على قد السوال .. حاولي تتقربين منهم !! بيصعب عليج فالبدايه طبعا شوفي كل وحده شتحب .. جيبي هديه لهم .. قولي انا عرفت انج تحبين هذا وجبته لج يوم كنت اتسوق .. حاولي تسولفين في مواضيع هم يهتمون فيها علشان يندمجون وياج .. بعدين حاولي تقترحين عليهم طلعه معاهم يعني تمشايه سوق .. اي شي !! بس لاترجعين بيت اهلج الريال مايحب الحرمه تروح بيت اهلها يحب المشاكل اتم بينه وبينها بس !! ماتطلع .. ولو سمعتي كلمه منيه والا منيه طنشي .. الزم ماعليج زوجج واذا طفح الكيل خلاص حاولي انتي وزوجج انكم تآخذون على الاقل شقه .. بس لو خذتوا شقه كل يومين مروا على اهله .. علشان بعد مايطلعون سوالف ومرتك خربتك وكذا ..

والله يوفقج .. وبليز لاتسمعين كلام ناس للحين ماعرسوا ولا عرفوا المشاكل واللي يقولج ردي بيت اهلج وليش قاعده والله حرام انتي بتنسألين عن زوجج يوم القيامه مب عن حمواتج .. تحملي بزوجج وبيتج ولا تفرطينه من يدج ..

فديت روحج جعل ربي يعطيج من صبر أيوب ..

فدآعة الله

 

[الحلا^^مبتليني]

الشرهه عليج اللي صابره على هالكواوله هذووول حبيبتي قوليله ربك وااااااااااااااااااااااااااحد ياشقه بروحي يابيت اهلي
بنات شفيكم انتو ترى بنات حمايل مو بنات شوارع عشان تصبرون على هالاهانات هذي الوحده تتزوج تبي حياة كريمه وعزيزه ماتبي حياة ذل واهانه ترى ماخذينكم من بيوت اهاليكم مو من مكاتب خدم حتى الخدامات صرنا نحترمهم ونخاف الله فيهم حتى الخدامه اللي تعاني من الفقر والجوع لاحست بالاهانه انحااااشت وانتو تصبرون على تفال وطق وسب وحتى اهلج يسبوووونهم لايابنات اما حياة تسر الصديق والا ممات يغيض العداااااااااااااااااااااااااااااااااااااا

 

[ريماس77]

الله يعينج

 

[ام الحلوووين]

حبيبتي شنو زوجج بيسوي لج باب

لا ياقلبي اول شي كلمي زوجج بالكلمه الحلووووو وقول له قعده ماراح اقعد اذا انت تبيني انا وبنتي طلعنا بشقه وانا راضيه بشقه

انا رفيجتي جذي مع اهل زوجها ذابحتهم الحره لان فيه ناس اللهم ياكافي اذا شافو الزوج حب مرته استخفو اهله اي ليه تزوجونه

راح ارخص مكتب عقار قال ابي ارخص شقه بس اهم شي يرتاحون وقطو فيها اهي واهو واشترو راحتهم

وانتي بعد قعدي بشقتج لاتنزلين عليهم خير شر عطيهم بولاباس واذا قالو لج شي ردي عشر ادري بتخافين بس بيني انج قويه وحاولي تسجلين

صوتهم عشان يتاكد زوجج

والله يعينج هذولي صج هيلق اللي توقف وتطرد البنت ذابحتهمالحره لانهم عوانس

 

[حور الروقي]

الله يعييييينج


وماقصرو البنات

بالتوفيق حبيبتي

 

[نورهـ]

مافيه شي يحدج تقعدين وتصبرين هذولا وحووش

اطلبي بيت بروحج

مووفقه

 

[cheese cake 84]

استغفر الله شهالاشكال شي غرييب هالحموات لو مرت ابوهم اللي باقت ابوهم وحرقت قلب امهم جان احترموها وسوولها حساب يعني مرت اخوكم هذي ولا عدوتكم شي غريييييييييييييييب هالحموات الله يصبرنا عليهم وحلي طلعي بششقه واشتري رااااااحه بالج

 

[Miss.6Mo7]

الله يعينج