مقهوره من زوجي !

[babya.sh8ra]

السلام عليكم ششلونكم بنات

انا صارلي 8 شهور تقريبا او اكثر من ملجت
وعرسسي ماتحدد ليلحين
المهم انا اكلم زوجي من قبل الملجه متزوجين عن حب واهو يصيرلي بس واتس اب
المهم والللله بنات قبل الملجه عمرررره ماقال لي احببج
كنت انا الي اقول اني احبه اهو كان يقول بنتزوج وبنتزووج واهو كان ضد العلاقة قبل الزواج بكبرها
المهم تزوجنا
وكلمته فوون من ورا اهلي
لاني امي مارضت اكلمه هالفتره عشان ماتصير مشاكل
قالت لما يتحدد عرسج كلميه
بس كلمته
من وررراها
وكان بينا هدايا بعلم اهلي
المهم
كلمته فون
وبطلت كام
ودزيت كل الصور اللي ممكن تتخيلونه
رخصصصصصصت بنفسي حييييل
اهو مو ناقد انا اللي محتره ع نفسي و ع حااااالي
يهددني بالطلاق ع ابسط شي
يجررررح فيني
وبعدها يتأسف
واللله يابناااات يقط حجيي يغغغغغغث
تحسين نفسج ولا شي
ويرد يتأسف واسامحه
وصلنا لمرحلة اكلمه مايرررررد علي
المهم اني دزيت له قصة حياتي وقلت له اني احبه بس مابي اكلمه الحين
انا ابي اعززز نفسي
صكيته بلوك ولا سال
اهو يدرس برا وعنده مشاكل
انا متأكده يحببببني
ويعشقني
وتحدا الكل عشان يكون معاي
وانا نفس الشي
حييييل امبينه له حبي
مشكلتي الحين مادري شسوي ودي اشيل البلوك واكلمه
وخايفه من الطلاق
مو عشان الطلاق لا عشااان انا ابي زوجي واحبه
شووروا علي

 

[الملكة فيكتوريا]

الرجال مايبي وحده خفيفه تلحقه وتصير له كتاب مفتووح كل شي عنج قلتيه قبل لا هو يسال !!

الرجال يبي البنت الرزينه العاقله الثقيله عزيزه نفس وشوي غامضه اهنيه تعجبينه وتحلوين بعينه ويكوون فكره كله فيج

اما اللحين عارفج وخابزج وعادي يقط مو كلمه كلاااااام فييج لانه عارف تمووتين فييه مستحيل تتركينه لو شنو ماقال

انا اقوول خلييييه بحاله وخلي البلووك واذا رد يكلمج من رقم ثاني بعدين تصددي عنه اعتذري انه امج موراضيه
ومن لبعد الزواج حاولي تغيرين من شخصيتج اسلوبج وتثقفي من هالناحيه النت مفتووح للكل ويعلم الصغير قبل الكبير

 

[مشتطـه]

الحمدلله والشكر

طاع على شنو بيتطلقون

على مواضيع تافهه


وانا اقول ليش البنات يتطلقون بالهبل
اعرف ٣ توهم متطلقين على ملجة يا حافظ

الطرفين عقولهم صغيره تصير


امج قالت لا تكلمينه ليش عصيتي امرها

 

[قلب طفـــله]

طرشتيله صورج الخاصه!! حيل جريئه الله يهديج اكيد بيعد عنج الريااييل مايحبون الجراءه يحبون البرائه والخجل

غلطتي لمن عصيتي أمج

المهم بعدو عن بض شوي وان شاء الله ترد علاقتكم مثل بعض

الله يوفقكم ويتمم عليكم

 

[نـعـومـه]

اولا كلشي يعتمد على عادات العايله

سالفه انها تكلمه اطرش صورها موحرام دام ملجو خلاص زوجها !!؟؟

بس اذا عايلتكم عندهم عيب خلاص لازم ماتكلمينه

واللي سويتيه افضل لج ونطري على مايحددون العرس

والله يهديه المفروض مايهدد توكم بدايه مشواركم قوليله اذا هدد يافلان انت كذا مره هددتني بالطلاق انتي زوجي وعلى عيني بس ماراح اتحمل هالتهديد اذا هددتني مره ثانيه بعتبر هذي رغبتك وننهي كلشي

وأدعيله بالهدايه

 

[! Miss.Q8 !]

لا تكلمينه هالفتره لما يتحدد العرس

وبعد ما تكلمينه غيري من طريقتج معاه لا تحسسينه انج قاطه نفسج عليه

 

[dalo3at-ahalha]

حبيبتي اختي
انا مابي احاسبج على اللي سويتيه بس بنصحج نصيحه اخت

ثقلي على الريال و مو غلط انج تبينين له حبج بس بحدود لا تحسسينه انج قاطه نفسج عليه ،، بعدين الريال معذور لاهي بدراسته حطي نفسج مكانه كل شي له وقته مرده بيرد لج و بياخذج و بتملين من ويهه

ونصيحه شيلي البلوك عشان لا يحس انج قويه و استعبطي جنج ما سويتيله بلوك مو الا تكلمينه على طول خليه اهوه يبادر و يدق او يدز بالواتس اب و مو غلط بين فتره و فتره تدزين له مسج حلو كلام ثقيل عشان تذكرينه فيج

انتي بهالفتره المفروض تساندينه مو تنحشينه منج خصوصا انه بغربه
وسامحيني اذا زعلتج بكلمه

 

[brettey]

شوفي ستافه الصور مو عيب ولا حرام دام انكم ملجتوا لانج حلاله خلاص زواج واشهار بس ياريتج ماسويتيها احسن والصراحه هذا كل ساع يهددج بالطلاق عقله عقل يااااهل مو تكانه الله يهديه ويصلحه لج مادري شقول راجعي نفسج بعدكم عالبر لاتاخذج العاطفه هل راح تتحملين العيشه معاه وهو جذي ؟

 

[# غنوجة بيبي #]

غلط اللي سويتيه حيل

راح يغير نظرته فيج

انا متزوجه صارلي سنتين ما يرضى ادزله صوري

حتى بفوني ما يرضى اني اصور

و الريال يحب الثقيله اللي ما تعطيه ويه

يلحقها

و ما يحب الحنه و مايحب اللي تبجي

يحس انها ضعيفه و ميته عليه

بس غلطانه كلمتيه قبل العرس

انا صار عرسي و عقبها باسبوع عرفت رقمه خخخخ

لان شرالي فون و خط و سيف نفسه بفوني

الله يسخره لج

بس نصيحه ثقلي عليه و بيرد احسن من اول ان شاءالله

 

[بقلبي انت]

غلطتي من البدايه لما ماسمعتي كلام امج ليش تكلمينه وتطرشين صورج الخاصه اهو صح
ملج عليج لكنه للحين ماتزوجج ولا انصكت عليكم باب
الرجال يبي وحده ثقيله واثقه بعمرها غامضه تاخذ وقت لين توافق علي شي مو بسهوله
تسوي إلي يقوله لها .الحين اهو يهددج بالطلاق علي اتفه الامور لانه واثق
انج بتوافقين علي اي شي يقوله لانج رخصتي نفسج له سامحيني عالكلام بس صج احتريت
لان صورج عنده
الحين لاتكلمينه واثقلي عليه كلش لاتطرشين شي لها وشيلي البلوك عنه وان طرشلج شي لاتردين
بسرعه سوي نفسج مشغوله بشي وتعذري منه كل مادق عليج لاتكلمينه علي طول
خليه يحس بقيمتج ويشتاقلج يمكن يقرب موعد العرس

 

[ملح الكون]

الله يهديه ويسخره لج

 

[-فلانة-]

قاعدة أفرك عيوني مو مصدقة اللي قاعدة أقراه؟!
اللي تدز صور حق زوجها تصير خفيفة؟!
مادري حبيبتي صاحبة المشكلة ماني فاهمة شنو مشكلتج و ماني شايفة انج سويتي شي غلط و آراء البنات عفست مخي،
انتي شكو ربطتي أصلاً بين سالفة الصور و سالفة ان كل شوي يهدد بيطلق دام انتي نفسج تقولين انه يوم دزيتي الصور ما نقد عليج ولا تكلم؟
بعدين شنو أرخصتي بنفسج هذي بعد؟! سوري حبيبتي بس يعني الحمدلله و الشكر هذا زوجج ترى مو دازة صورج حق حارس عمارتنا إنتي!!
هذا بعد و انتوا بينكم حب قبل لا يملج يعني تعرفينه و يعرفج و قلوبكم متوالفة مع بعض، اشحال لو ما تعرفينه جان دزيتي الصور و انتحرتي الله يهداج!!
اللي استشفيته من كلامج ولا تزعلين مني حبيبتي، انج شخصيتج وايد ضعيفة، و وايد حساسة و على هالأساس تقييمج للأمور غلط..
اخذي الأمور بهدوء، قعدي مع نفسج، و تذكري سبب المشاكل اللي بينج و بينه و بتلاقين ان اثنينكم ما عندكم سالفة و ان السبب ما يسوى بس الله العالم إنكم صغار بالعمر وتنقصكم الحكمة و طولة البال.
شيلي البلوك و كلميه عادي و دققي على كلامج عشان لو صارت مشكلة لا سمح الله تعرفين سببها و تعالجينه،
و ربي يوفقج حبيبتي و كلش ماني شايفة عندج مشكلة أصلاً.

 

[@@نور الدنيا@@]

الله يهديج ..محد يسوي سواتج الصراحه ..اولا الوالده نصحتج وقالت لج لاترمسبه ماسمعتي كلامها وهذي العواقب ..وانتي ماشاء الله عليج ماقصرتي طرشتيله صورج ..المفروض تحسبين حساب لكل شي ..بعد ماتعرسون وتصيرون ف بيت واحد سوي اللي تبينه ..لكن ان شاء الله ربي اييب العواقب سليمه وربي يهدي ريلج ويرده لصوابه ويجمع من بينكم الموده والرحمه

 

[شــــــــــــــوقــــه]

هوب هوب

عسى ما شر شهالحجي ؟ ليش مكبرين سالفة الصور ؟

مرته و زوجها محد يقدر يقولها ثلث الثلاثه جم !!!

و مو عشان امها قالت لا يعني اهيا صح ماله شغل احنا ما عندنا امهات يمنعون التواصل بين مالجين بس يحذرون ان ما يدخل عليها مو اكثر

هل يعني امهاتنا ما يفهمون ولا ما يخافون على بناتهم؟

صاحبة الموضوع ريلج مو مال تقطين نفسج عليه ثقلي و شوفي شلون بييلج اهوا و خلج صارمه شوي لانج سامحتي وايد

 

[Combat]

انتو ماقاعدين تتحجون عن حلال وحرام ندري انه حلال تدزله ان ساء الله شسمة ندري
بس تفكير الرياييل عندنا مريض عبالهم فاصخة او ماتستحي هذي الفكرة
اهو يطلب منها ويطالع ويستانس وعقب يفكر ليش جريئة جذي عقلية مرض
بس الي متاكدة منه انج مندلقة علية ومعطيته وايد
وخصوصاً سالفة قصة حياتج انتي بجذي عطيته مفاتيح ممكن يستخدما ضدج او لمن تتهاوشون يعايرج بالاصور وانج على اولج مابغيتي
الثقل صنعة حتى لو زوجج حلات الشي شفاقة

 

[خجل~]

مادري احس ما خليتي شي لبعد الزواج ،


وبعدين اللي فهمته انها مو دازه صورها العاديه ، يعني شسمه صور خاصه مو

اهو زوجج ومن حقه ، لكن هالطريقه غلط ، اممم

وبحكم دراسته وغربته ..


انا اقول غيري من اسلوبج معاه
خليه يحبج ويشتاق لج


ادري تحبينه وماتصبرين عنه

فإبتعدي شوي ، عطي الرجال مجال يعيد ترتيب افكاره
وانتي اهتمي بنفسج

موفقه

 

[R o o s h]

غلط الي سويتيه انتي مالجه ويقدر لو عرف انج خفيفه ومو مناسبه له
يطلق

اما لمتزوجه عادي داخل عليها ويعرفها وهي دارسه رجالها شنو يحب وشنو مايحب
ويصير ادزه ولا زوجي عصبي مايصير ..


لا والله غلطانه والي تقولج غير هالكلام اسمحيلي عبالج كل الازواج نفس زوجج !!!
فكرو شوي قبل تقدمون نصايح للبنات ..

 

[دنيا الصدمات]

باختصار ياحبيبتي معدن الريال بان
لمن تقربتي له شووي طلعت شخصيته ولمن بتتقربين اكثر بتكتشفين اكثر ويمكن اخس من هالاسلوب
شيلي موضوع الصور ع صوب دامج زوجته على شرع الله وشيلي كلام امح ع صوب لان الي صار صار
امج سبحان الله خايفه من المشاكل بس انتي فكري فيها ان كلمتيه خيره عشان تعرفين شخصيته
انا اجوفه من موضوعج انسان اناني ومتسلط لان يهددج بالطلاق وهو عارف اشكثر تحبينه يعني ميودج من اليد الي تعورج

نصيحه
خلي قلبج ع صوب وحكمي عقلج
واذا تحبينه صج وتبين تعيشين معاه باقي العمر وقفيه عند حده
اتخذي قرار انج تواجهينه اذا هو بايع العشره يقدر يفركش الموضوع قبل ماتدشون مرحله الزواج والاطفال
وصدقيني يا انه بيتعدل وهالشي بصالح حبكم او بيزيد وهني بيبن معدنه وبهاللحظه العيشه معاه متازمه والاستمرار مو بصالحج

وشيلي البلوك عنه وخلي شخصيتج اقوى من جذي واوزني الامور المواجهه هيا الحل مو التصدد عن الموضوع الاساسي
ولين بغا يكلمج يعرف رقمج ماله داعي انتي تكلمينه
باحر هو يصير ذكي ويبعد عنج اسبوعين عشان يوحشج ولين يه كلمج بتخقين لانج تحبينه ومشتاقه له وتنسون الموضوع الاساسي بكبره
وسرا الليل واحنا ماسرينا