مقــارنه بين شركـــات الاتصـــال في الكـــــــووووويــت

[حناينq8]

اغلب الكلام صح
وفوق هذا كله خطي من زين مو لشي بس لاني تعودت على خطوطهم
والا ترا كل شركه فيها سلبيات وايجابيات
وبالنسبه للايقو فحدث ولا حرج بكيفه يفصل وبكيفه يشبك وكل ما كلمتهم قالوا صيانه

 

[الجفول&]

زين نصب على عينك ياتاجر
الوطنيه احلى شي حتى خدماتها حلوه

 

[ترانيم انثى]

الوطنيه أحسن شي الأحمر يعبر..
وبعدها فيفا..بس زين موشي..

 

[a7la_7b]

يسلموووووو على هالمعلومات
بس انا استخدم خط زين صج نصابين بس شسوي الرقم ماودي اغيره
والايجو استخدم مالت زين بعد بس تعل القلب

 

[** باربي **]

مالت عليهم كلهم
كل واحد عوي من صوب
بس وطنيه حسبي الله بواقيييين
والوصله صج تضل زينه
بس مرات يقثونح ما تشبك فتره
يقولون لج تطوير
يمكن يضل جم اسبوع
قتلهم المفروض ما تحسبون هالشهر يقولون لا لازم
والحين قاعد اشبك من وايرلس والوصله مقطوطه

 

[سارونه87]

الزين للزين
ودايما وابدا زين اهي الافضل

 

[Dam3t Daloo3a]

احلى شي الوطنييييييييه الاحمر يعبر :eh_s(3):
خدمات عجيبه وكل شي كل شي
انه خطي وطنيه وما شفت منهم شي مو حلوو بالعكس خدماتهم تهبببل
وحتى فترة استخدمت وصله النت كانت وطنيه تهبل سريييعه وحلوة
خواتي كانت وصلتهم زيين كل شوي تفصل عليهم
اما وصلة الوطنيية لا ما تفصل علي الا مرة وحده بكثيير هذا اذا كنت شابكه طووول اليووم يعني

بس بصراااحه انصح بالوطنيييه
حتى خدمتهم مالت :stars: البلاك بيري :stars:حلوة وااايد

:eh_s(22): يعطيهم العافيه

 

[الغــلآ]

خطي فيفا حلو الاستخدام

بس السيرفس يغث مرات


يسلموو عالموضوع

 

[jod.q8]

زين معروفين شركه نصابه بس احسن من غيرها ..

و اكثر شي يسرقون اذا عندكم اكثر من خط بأسم واحد ..

انا عندي خط فواتير ما اتكلم فيه كلش و كل شي 40 دينار و مرات توصل 60 و انا ما اتكلم فيه وايد

و اذا دقينا عليهم قالوا اي خلاص انشوف و اندق عليكم !! بعدين يدقون .. بعد جم يوم طبعا

و يقولون خلل من الشبكه او هذي فاتورتج

و بعدها يحولون على خط ثاني من الي بأسمج و ما شين على هالطريقه و الايقو مالتهم مو شي

تفصل تغث بس اول شهر سنعه و بعدها تفصل ما تشتغل و ما ادري شنو و سالفتها سالفه

و فيفا الخط لا تعليق ع الشبكه بس زينه لو يسنعون الشبكه و الارسال .. و اذا ع النت لا تمام التمام حلوه ..

الوطنيه حلوه بس الافرع نادر ما اتحصلينها و اذا حصلتي كلها متروسه هنود بس حلوه و مرات لج ع الشبكه

بس بتم شركة النصابين [ زين ] احسن

 

[ماكينتـ*زينة*ـوشة]

موضوع بوقتة كنت محتارة شنو اشتري خط فواتير

انا خطي اللحين خطي زين بس مو فواتير خوفتوني من وفواتير زين مع اني كنت ناوية عليها


شكلي بفكر بالموضوع وبحول عالوطنية مع اني مادري ليش ما احبها

 

[اغادير الكويت]

بصراحــــــــــه -- انحــــــــــــش عن شيـــــــــــن أقصد زين
الوطنيه رهيبه وتعامل راااااااقي والخدمات بالنسبه ممتاااازه والنت مووووو طبيعي ممتاااز معاي ما شفت منهم شي يضايقني وبالنسبه للخطوط كنسلت خطوطي من زين واستقريت ع الوطنيه وقاعده امشي هالشي عندنا فالبيت
اما بالنسبه لفيفا ما جربتها بس مو تغريني والنت عاااادي والخطوط تبط الجبد
وسلاااااامتكم0000

 

[كنت اعرفك]

الله يسلمكم بنوووتات

 

[sab700]

زين ام الشين .. باعترافات موظفينهم ترى .. ماهو كلام اعتباطي .. زين تزيد على الفواتير .. داخل عليهم بالتلف .. اللهم آمين .. شفتوا هالدعايات وها البهرجة .. ترى انتوا دافعين فلوسها من ظهوركم ..
انا كان عندي خط زين .. وشاااااااااااااااااااااااااااااااااااااكه في الفواتير اللي تجيني كل شهر .. شنو هذا مو معقول .. انا ما أتكلم وايد .. ورسايلي يعني شكثر 100 رسالة بالشهر ! انزين ميخالف خل تصير 100 رسالة او اكثر حتى لكن ما توصل لهذا المبلغ ..
اتصلت على الموظف قلت له ابي فاتورة مفصلة لاستعمالي عشان اتطمن ان الفاتورة صحيحة قال : ايييييييه تبين فاتورة مفصلة .. ! إليك الشروط عزيزتي :
1) لازم انتي بنفسك تجين للفرع ( ومو كل فرع عادي تروحين فرع يقولك لا احنا ما عندنا نطلع لك الفاتورة المفصلة ).
2) تدفعين 2 د.ك على كل ورقة مطبوعة a4 يعني اذا فاتورتك 20 صفحة مفصلة : دفعي 40 دينار !!! ( البوق شلون صاير ولا حبركم من ذهب ؟ )
3) الورقة ما تاخذينها بوقتها .. لا .. تعالي بعد اسبوع عشان تستلمينها ..
4) ولازم انتي بنفسك ومعاك بطاقتك المدنية تجين تستلمين الفاتورة ما يصير تطرشين السايق او المندوب .. !!
حشى ..
طالبة من البنك الدولي مو من زين ..

طبعاً .. هذا كله ليش .. ؟ عشان يصعبون عليك طلب الفاتورة المفصلة ويأدبونك عشان ما تفكرين تسوين هالحركات معاهم مرة ثانية ... !

حادثة حقيقية :
آنا آخر مرة قبل شهرين اشتريت خط الوطنية .. ( آنا ما كنت احب ها الشركة ومستثقلة طينتها قبل لكن بعد ما شريت الخط وشفت الخدمات وشفت الهدوء في التعامل مع الزباين مقارنة بزين المطيورة ، قمت وايد احب الوطنية ووايد اروج لها عسى الله يوفقهم ولا يدخل عليهم واحد نصاب يعلمهم شلون يبوقون من المشتركين الغافلين ) المهم اني شريت خط الوطنية و خليت خط زين الخايس .. وما قمت استعمله وانا كنت مشتركة ب خط ويانا بو 9 دك ، وتوقعت ان فاتورتي راح تكون 10 - 11 دينار يمكن بس عشان الرسايل اما الاتصال فقليل .
تفاجأت ان فاتورتي 33 دك .. ؟ المبلغ مو وايد مقارنة بالاخوات هني ولكن لاني ما استعملت الخط تفاجأت .. على شنو ؟
رحت لزين حولي .. قلت له كم حسابي قال 33 قلت له شوف لي على شنو ؟
قال لي .. ضايفين لك 10 د.ك انترنت !!!!!!!!!!؟؟؟؟ قاطعته : من صجك ؟ آنا ما استعملت الانترنت على موبايلي بتاتاً ..
ما رد علي .. اصلا هو ما كمل لي الباقي على شنو 23 دك .. البداية كانت كفاية ..
قلت له اقولك .. كنسل خطي .. اهو .. كنسله ، قال لي لا اختي بس نطري شوفي .. قلت له: ابد تري والله ناس من عندكم من داخل يقولون لنا انكم تزيدون على الفواتير .. ترى حرام اخوي .. مال حرام مافيه بركه
تصدقون ما أنكر .. قعد يبتسم نصف ابتسامة وهو منزل راسه ..
دفعت الفلوس .. وطلعت ..
قلت هذي اخر مرة اطل بوجه هذه الشركة ..
الوطنية : هادئة في التعامل .. دقيقة في الفواتير الى الان ما شفت شي مريب منها .. واذا شفت راح اقول احقاقاً للحق.

اللي بتشتري زين الافضل انها ما تاخذ خط فواتير .. خذي كرت لان الكرت على حسب ما قيل لي انهم لا يتلاعبون فيه .. الزيادات كلها على ظهر اهل الفواتير الله يعينهم على المعارض اللي بتسويها زين كلها من ظهورهم.
آنا قلت تجربتي من غير زيادة ولا نقصان ..
ومحترة اني من زمان ما قطعت علاقتي بهذه الشركة العملاقة المبنية على خواء .. ومصير الباطل ينتقض من عرجه ..

 

[AooDoo]

مشكوووووووووووورة

 

[كنت اعرفك]

ولوووووو

 

[سكون الورد]

وطنيه

وما اتنازل عنه ^_^

خطي تعبئه ومرتاحه عليه لله الحمد



.

 

[sara_2010]

رد : مقــارنه بين شركـــات الاتصـــال في الكـــــــووووويــت

وطنيه

 

[عيون فوشيه]

رد : مقــارنه بين شركـــات الاتصـــال في الكـــــــووووويــت

يسسسلمــوو