مقدمه على خدامه وما عندي مكان لها

[امـل لاينتهي]

الله يعينج انا بعد مضطرة اييب خدامة لامي فترة الدراسة ونفس الحالة شغل البيت مومهم بس احد يقعد معاها بس انتي عالاقل صغار يتودون حضانة بس دام مضطرة كللش حطيها بغرفة العيال وسوي نفس ماقالو بارتشن واهي بتتعود عليهم والله ييسر اموركم ان شاءالله

 

[orange blossom]

حبيبتي المفروض تكونين مفكره لها في مكان قبل لا تطلبينها
انا نظام شقتي نفسج 100%
و انا نهائيا ارفض ان الخدامه تنام معاهم
فمن جذي انا عايشه بدونها
انتي عندج حلين
يا غرفة ريلج يا غرفة عيالج
ماكو حل ثاني
و اذا انتي ما تأمنين عليها تنام معاهم
عيل شلون تقولين تبينها تهتم فيهم اذا رحتو اماكن؟
ترى نفس الشي

 

[قلب زوجي وولدي]

حبيبتي أورنج شلون نفس الشيء ؟؟

تنام معاهم غيررر وبالطلعه غير الطلعه أنا معاهم وقدام عيوني مجرد بس تركض وراهم

وأنا على فكرة مستحيل أخلي الخدامه توكل عيالي أو تسبحهم أو تلبسهم كله أنا

وأنا اذا زوجي اصلا ما كان موجود الصبح معاهم كنت برفض فكرة الخدامه لانه مستحيل أخليهم

مع بعض بروحهم وحتى اذا بطلع مع زوجي أو معزومه أخذ عيالي مع الخدامه بيت أمي يعني أرفض

العيال والخدامه بروحهم


واهي ألحين أصلا متأخره عن الموعد فاحتمال إنها ما تجي واذا فيها شر لعيالي وبيتي الله يبعدها عني

 

[قلب زوجي وولدي]

لا أنا مابي أطلع من شقتي لانه كبيره وشرحه وايجارها وايد زين وصاحب البيت
محترم وأخلاق والجيران محترمين يعني ما ألقى نفسها كامله والله
بكل شيء​

 

[Rooz Aziz]

حبيبتي افصلي غرفه بجبسن بورد
ولاتحطين باب عادي


حطي باب سحب اوفر للمكان


وانتي استخيري بالخدامه



ترا الخدامه اذا ماجبتيها الحين تجيبينها بعدين

 

[M!ss Pa!n]

انزين تخافين على عيالج منها وماتخافين على ريلج الي بتكون مجابلته بالشقة بروحهم حتى لو فيه يهال !

اذا تقدرين تستغنين عنها استغني وخليهم عند احد من اهلج وعطيهم فلوس مقابل هالشي

 

[قلب زوجي وولدي]

يعطيج العافيه حبيبتي

 

[ReD&FoSHia]

اذا في امكانية اتسوين جبسن بورد و تعزلينها دام شقتج كبيرة اكيد تقدرين اتقصين الصالة لها واتحطين لها غرفة بروحها

 

[قلب زوجي وولدي]

شكرا حبيبتي بس الصاله مو كبيره لهدرجه

 

[كتالونيه]

انا انصحج عيالج نوميهم عندج اول شي بغرفتج
وهي تنام بغرفتهم وانتي وزوجج اسهرو بالصاله
واذا خلصتو نامو بغرفتكم جنب عيالج يشمون ريحتج ولا يتنفسون ريحتها
واذا قعدتي الصبح وعيالج يقعدون الصبح ويلعبون بغرفتهم
وهي تقعد
انا عيالي ينامون عندي اقعد الصبح طبعا تكون قاعده اخليهم يلعبون بالصاله وبنتي الصغيره اخليها تكمل
نومتها بغرفتها بس تكون الخدامه قاعده تراقبهم

 

[قلب زوجي وولدي]

انزين تخافين على عيالج منها وماتخافين على ريلج الي بتكون مجابلته بالشقة بروحهم حتى لو فيه يهال !

اذا تقدرين تستغنين عنها استغني وخليهم عند احد من اهلج وعطيهم فلوس مقابل هالشي

الموضوع ماله شغل بالخدامه وأنا واثقه من زوجي ولا عمري بفكر بهالنقطه

 

[قلب زوجي وولدي]

انا انصحج عيالج نوميهم عندج اول شي بغرفتج
وهي تنام بغرفتهم وانتي وزوجج اسهرو بالصاله
واذا خلصتو نامو بغرفتكم جنب عيالج يشمون ريحتج ولا يتنفسون ريحتها
واذا قعدتي الصبح وعيالج يقعدون الصبح ويلعبون بغرفتهم
وهي تقعد
انا عيالي ينامون عندي اقعد الصبح طبعا تكون قاعده اخليهم يلعبون بالصاله وبنتي الصغيره اخليها تكمل
نومتها بغرفتها بس تكون الخدامه قاعده تراقبهم

بس أنا عودت عيالي على غرفتهم شلون برد أخربهم مره ثانيه يوم كانت عندي خدامه قبل
قعدت شهور كانوا ينامون عندي وبعد ما راحت عودتهم على غرفتهم

 

[Beauty paradise]

شلون بتأمنين على عيالج وانتي بالدوام واهم بروحهم بالبيت معاها ما تدرين شبتسوي فيهم من جدامج شي ومن وراج شي ثاني اعوووووذ بالله منهم

 

[حسن الخاتمة]

حبيبتي انتي قلتي تبييين حل واعتقد كل الردوود ماناسبتك انا بعطيك الحل المناسب افضل حل واحسن حل تغيرين شقتك واخذي شقه اكبروحتي لوغرفة الخدامه صغيره مومهم اهم شي مكان تنام فيه وتحط أغراضهافيه واذا ماتقدرووون احسن حل تسوين لها غرفه كيربي بعااازل وتكييف وكل شي ولا تقولين حرااام تري اهم حلوين نفس طريقة الديوانيات بس إستأذنو من راعي البيت وتري ليش حراااام كل خدم الكويت بالبيوت الجديده فوق السطح مافيها شي اهو مو عقاب دام مكان نظيف ومكيف تصعد بس وقت النوم وباقي الوقت بالمطبخ تشتغل او بغرفة اليهااال بس ابد ابد ابد لاتنومينها عندهم ولاتداومين وتخلينها معاااها وديهم حضانه والله السوالف الي نسمعها خصوصا اذا اليهال صغار ومايعبرون عن الي فيهم او اذا طقتهم اوشي ديري بالك حبيبتي هذيله أمانه ولاتقولين صغار عادي من عمرنا نشيل ونودي وإذا امك موجوده وتقدر تستقبلهم وديها معاهم عندها عل أقل تحسب لها حساب وهذي نصيحتي

 

[كتالونيه]

حبيبتي عادي اذا نامو حطيهم عندج علشان مايحسون
والا خليهم ينامون عندها بعد شاتسوين

 

[قلب زوجي وولدي]

حبيبتي انتي قلتي تبييين حل واعتقد كل الردوود ماناسبتك انا بعطيك الحل المناسب افضل حل واحسن حل تغيرين شقتك واخذي شقه اكبروحتي لوغرفة الخدامه صغيره مومهم اهم شي مكان تنام فيه وتحط أغراضهافيه واذا ماتقدرووون احسن حل تسوين لها غرفه كيربي بعااازل وتكييف وكل شي ولا تقولين حرااام تري اهم حلوين نفس طريقة الديوانيات بس إستأذنو من راعي البيت وتري ليش حراااام كل خدم الكويت بالبيوت الجديده فوق السطح مافيها شي اهو مو عقاب دام مكان نظيف ومكيف تصعد بس وقت النوم وباقي الوقت بالمطبخ تشتغل او بغرفة اليهااال بس ابد ابد ابد لاتنومينها عندهم ولاتداومين وتخلينها معاااها وديهم حضانه والله السوالف الي نسمعها خصوصا اذا اليهال صغار ومايعبرون عن الي فيهم او اذا طقتهم اوشي ديري بالك حبيبتي هذيله أمانه ولاتقولين صغار عادي من عمرنا نشيل ونودي وإذا امك موجوده وتقدر تستقبلهم وديها معاهم عندها عل أقل تحسب لها حساب وهذي نصيحتي

احنا شقه وساكنين الدور الاول والسطح يعتبر الدور الثالث ما أقدر أخليها تنام فوق
راح أخاف عليها وبظل أحاتيها والله

وسالفة أخليهم معاها كلش ما راح تصير أنا الصبح اذا دامت زوجي موجود بالبيت
واذا كلش كلش عنده شغل بوديهم عند أمي

وسالفة النوم يا أخليها تنام مع العيال وبحط كاميرا بالغرفه وراح أقولها في كاميرا
أو أحط حاجز بينها وبين العيال وأقولها مالج شغل فيهم اذا قعدوا أنا للي بشوفهم

واهي للحين ما وصلت بس توصل يصير خير

حبيبتي عادي اذا نامو حطيهم عندج علشان مايحسون
والا خليهم ينامون عندها بعد شاتسوين

ما أقدر أخليهم عندي أبيهم يتعودون إنه لهم دار لي متى بخليهم عندي بالغرفه
العيال تكبر ما تصغر
​

 

[PuPa^^SWeeT]

شسويتي


لقيتي حل