مقدمه على خدامه وما عندي مكان لها

[قلب زوجي وولدي]

السلام عليكم ورحمة الله وبركاته




بنات أنا قدمت على خدامه بس الفكره مو متقبلتها لانه ما عندي مكان لها

الصاله وغرفه ثانيه فيها تلفزيون حق زوجي كرت مباريات

وغرفة العيال اهي وين بتنام وأنا ما أحب الخدامه تنام مع العيال لانه أطل عليهم واحد يقوم
أقعد عنده لين يرد ينام والباب ما يتصكر عليهم

أحس بتعفس كل شيء وانا أبيها لانه موظفه وعيالي مزعجين ويبي أحد يركض وراهم


صج راحه نفسيه بدونها لكن بوجودها تعب ووسواس وتفكير

أنا بشقه بروحي مو بيت حموله


عطوني من نصايحكم بنات ​

 

[randomy]

مافي الا غرفه اليهال

تحملي

شر لابد منه

 

[المقتصرة]

وكيف هتامنى على اولادك ينامون فى نفس الغرفة ولا احسه صعب مرة

 

[ام فهودان]

جيبي وحده بالساعات مرتين تجيك تطبخ وتنظف وعيالك تقدري عليهم اهم شي شغل البيت وبكذا ترتاحي من وجهها ومكان نومها

 

[قلب زوجي وولدي]

أنا كلش ما أمن على الخدم مع عيالي عشان جذي أقولكم ما عندي مكان لها

بس شلون أنا موظفه منو بيقعد معاهم الصبح وسالفة الحضانه مو بالي لانه عيالي صغار

وحرام من ألحين أقعدهم من الصبح

 

[dell6400]

الحل بسيط و سهل الغرفة الي فيها تلفزيون المباريات

و التلفزيون يا تودينه غرفتج او تحطينا بالصالة

 

[سلاسل ذهبيه]

ماقصروالبنات

 

[ليموني]

أنا كلش ما أمن على الخدم مع عيالي عشان جذي أقولكم ما عندي مكان لها

بس شلون أنا موظفه منو بيقعد معاهم الصبح وسالفة الحضانه مو بالي لانه عيالي صغار

وحرام من ألحين أقعدهم من الصبح

ودي عالج حضانه ابرك من خدامه دامج موظفه وبالعكس داومين وراحه بال احسن منتحاتينهم وانتي بالدوام


مشي امورج جذي الخدم لوعه جبد ولاتاخذين راحتج وتعفس بيتج

واهم شي عيالج لاتخلينهم معاها بروحها الحضانه انسب لهم يتعلمون ويستعفيدون ويقضون وقتهم


مع اللي باعمارهم

 

[قلب زوجي وولدي]

dell6400 غرفة النوم ما فيها مكان للتلفزيون

وزوجي ما يبي التلفزيون بالصاله عشان ازعاج العيال



ليموني أوكي اذا الحل الصبح الحضانه بس بالزوارات والطلعات منو بيركض وراهم ويمسكهم

أنا كلش مو همي البيت وشغله لانه مقدور عليه وحتى العيال بالبيت مقدور عليهم

بس اللي مو مقدور وقت الطلعات والزوارات العيال يبون يطلعون ويركضون وبالزوارات نفس الشيء
يبون الشارع الحوش منو بيركض وراهم

 

[حبيبة عز]

والله انا مشكلتي نفس مشكلتج بالضبط

كارهة الخدامه وقعدتها بالبيت

بس انا مو موظفه تركت الدوام

بس الحين انا بالسابع وعندي ولد يبي يمشي

ويبيله احد يركض وراه لا يطيح ولا ياكل شي مثل الكلينكس الاكله المفضله عنده خخخ

المهم ان كل ماروح ابي اطلب وحدة يضيق خلقي وارجع وماطلب

وشكلي اخر شي بحط فيبر مادري شسمه اللي يفصل بينها وبين غرفة عيالي

خاصه ان ولدي ليما الحين ينام عندي

فأنا أقترح عليج تقصين غرفة عيالج وتحطيلها نفس الحاجز

وتحطين طبعا جهاز الصوت والصورة اللي تراقبين فيه البيبي عرفتيه؟

والله يعينج ويعينا

 

[pusy cat]

ماكو الا غرفة الجهال

واذا تقدرين تسوينلها غرفه بالصطح حلو

 

[بكيزة هانم]

خليها عند اهلج وتجيج مثل الدوام من الصبح لليل اي احد وهو طالع من عندهم ينزلها يمج

 

[قلب زوجي وولدي]

فكرة بسالفة إني أحطها عند أهلي بس منو فاضي يوديها ويجيبها
كل يوم

حتى زوجي أكيد بيمل من هالسالفه


حيل أوسوس هالايام شلون اذا وصلت



والسطح لا حرام ليش احطها بالسطح يمكن يصير لها شيء هذه أمانه عندنا
يعني لازم مكان آمن لها

 

[الأميرة جوري]

ماكو الا غرفه عيالج بعد شسوين محتاجه لها خصوصا انج موظفه

 

[Rooz Aziz]

حطيها بغرفة عيالج ،،


تامنين عيالج عندها وانتي بالدوام
وماتبينها تنام معاهم بالغرفه ..!




هذا ابط حل




والا سوي نفس ماقللت وحده
افصلي غرفة عيالج بجبسن بورد حطيلها مكان سرير ومكان تحط اغراضها

 

[قلب زوجي وولدي]

روز عزيز عيالي الصبح بالدوام مو قاعدين معاها بروحهم زوجي معاهم هذا للي يخليني أطمن عليهم
وأجيب خدامه بالبيت

وسالفة النوم ولدي يمكن مره أو مرتين يتفزز من نومه فلازم أروح أقعد معاه
وأقرأ عليه لين يرد ينام وطبعا هذا مو من شغل الخدامه تسويه وأنا لازم أطل عليهم واهم نايمين كذا مره


بس أنا اذا كلش كلش ما لقيت حل بخليها تنام عندهم وباب الغرفه ما يتصكر كله بس ترده اشوي
وبحط الحاجز الخشبي بارتيشن حل موقت لين ما أشوف بقعدها عندي ولا لا قبل لا اسوي جبسن بورد
وبحط بغرفة العيال كاميرا مراقبه وراح أقولها اني حاطه كاميرا وبحط جهاز الصوت عشان تكون الغرفه
مراقبه من كل شيء وأسمعها وأشوفها شتسوي يمكن هذا الحل الوحيد للي بيريحني ​

 

[PuPa^^SWeeT]

انتو شقة ولا بيت


اذا عندكم غرفة بالسطح خليها السطح


كل الكويتيين خدمهم لهم غرف بالسطح

 

[زهور المحبة]

اختي اول شي جم عمر عيالج
الشي الثاني دام انتي ساكنه بايجار ليش ما تغيرين شقتكم وتاخذين لكم شقه فيها غرفة خدامه
احسن لج واامن لج واريح لبالج
الخدم شر لابد منه والحين او بعدين لازم يكون عندج وحده
فنصيييييحه غيري شقتج بشقه اكبر

 

[برد & سلام]

حبيبتي دوري لج شقة اكبر ...

 

[برد & سلام]

او اذا مطبخج كبير .. قصي لها زاوية تكون صادة شوي وسوي لها غرفه