مقترح لوزيرة التربية سيرفع الظلم عن كل معلمة

[Queen of Roses]

أوافق و أوافق و أوافق


بعدين من قال دكاترة الجامعة ما يصير لهم شيء بالتقييم

اللي تقييمه مو زين يحرمونه يدرس بالفصل الصيفي و انتو عارفين ان عالصيفي مكافآت بالهبل

غير الراتب يعطونهم عالشعبة الوحدة شيء و شويات

 

[kajool_80]

احنا الود ودنا بس اهوم ما يبون يفتحون باب وصدقي وآمني ان سووها ماراح يقرونها ولا يدرون عنها
انا ما افضل الاستبيانات احب الحوار المفتوح المندوبه تقعد متناقش المعلمات في عدم وجود المشرفه والاداره بكبرها وتسمع راي المعلمه وتحاول تدرس السلبيات والايجابيات بس والله ادري انه حلم بعيد

 

[أم.زينب]

أنا أوافق ....بس ينذكر الاسماء علشان لايقولون تبلي وييه احد من الوزارة استفسار من المعلمات على ادارتهم
انا والله تعبت تعب الي شقول والله اختاروني اعطاء درس نشاط لاصفي الابداعي والله اني بافكاري وبدون احد قلبت الصف فوق تحت والحمد الله فوزت بالمركز الثاني على مستوى تعليم الخاص وسبب اني خذيت هذا المركز هو لوجود ازعاج من بسه الناظرة وخاتون المشرفه مع هذا المركز شنو رد الناظرة ولا شي لا مشكورة انا مو ناظرة هديه منها لاء على اقل شهادة شكر ولانه وعدتني فيه من تعليم الخاص ومنها
.......................... هذا ظلم وانا اوافق على اقتراحك

 

[خمريه]

كلامج حلو بس وين اللي يسمع

 

[معلمه متميزه]

اوافق اوافق اواااااااااااااااااااافق .. جان زين يطبقونه صج خصوصا استبانة تقييم الناظرات ..

لان ناظرتنا مسويه بلاوي بالمدرسة لو يدرون عنها المنطقة التعليميه والوزاره تفنيش على طول بس محد فينا قادر يحجي لان الشكوى فيها ذكر اسماء وخايفين ان ما يسوون لها شي غير لفت النظر وبهالحاله تظل بمكانها وهم المدرسه المشتكيه تظل معاها بالمدرسة وبالتالي شراح يصير .. بتحط عليها عدل وبتطلع الشكوى من عيونها .. وفوق هذا بتعكس الموضوع على المدرسة بتطلعها جدام الموجه مو زينه ولسانها طويل وما تبي تشتغل وتسويلها تحقيق وتشلخها لفت نظر ..لاكن بالاستبانه نقدر نكتب شقاعد يصير بدون ما تعرف منو اللي فضحها ..

وتسلمون

 

[الملح كله عندي]

انا موااااااااااااااااااافقه



تكفوون انا معاكم اظلمتني المدرسه واجد مع اني طالبه تربيه عمليه وبصير مدرسه ولازم نتكلم لا تقولون حنا عندنا عيب وفشله


لا العيب نسكتلهم ويلعبون فينا وبنفسياتنا

لازم نطلب زياده معاشات ولازم ناخذ تقريرنا مثل اللي قبل ليش السريه
خايفه من شنو الناظره دامها متاكده وواثقه انها ما اظلمت


خايفين من المشاكل ليش الناظره والتوجيه والمشرفه مو خايفين من دعوة المظلوم ولو بعد حين









حسبي الله ونعم الوكيل
تدرون احنا ليش ما تغيرنا لانه بس نتكلم ما نفعل


لازم نتحرك
احنا مظلومين واللعبوا بنفسياتنا حسبي الله عليهم


لا لا للظلم وبشترك بجمعيه المعلمين
انا احب هالتخصص وماراح اطلع بطلع الناس الظلمة واللي ما يخافون ربهم
حسبي الله ونعم الوكيل




توكلوا على الله وانا معاااااااااااااااااااااااااكم



((( قوووووووووووووووومن تعاونوا ماذلوا)))

كلنااا بايد وحده عشان نغير تعسفات الاداره علينا
اصرفوا وسوا ومافيه تقرير يفتح النفس

لا
واذا فيها نضرب عن العمل ونشوف اشلون تمشي الادرات بدونا

احنا الاساس

الدكتور وعقبها المعلم هم الاهم

وشكراااااااااااااااااااااااااااااااااااا

 

[عبير28]

انا موافقــــــــــــــــه

لانه ناظتنا تعدت من مفهوووووم الظلم للمدرسه وصاارت تبطش يمين يساار ماتدرى حسبي الله عليهاااااااااااا

كل روضتنا المدرسات كلنا والمتميزااااااااات معطتنا 92 الا وحده فينا 95 يعنى ولا معلمه عطتها حقها يوم واجهناها قامت تحط شغلات وتتحجى بجبرووت وظلم ويوم بغت تسوى فعاليه جمعتنا المتميزات وقامت تتحيلق علينا لانه مصلحتها صارت عندنا شفتوا الظلم

 

[be yourself]

الحين بس ودي أعرف هالسنه التقييم بايد منو الناظره بروحها ولا رئيسة القسم ممكن احد يفيدنا؟؟؟؟

 

[قهوه وشاهي]

مازال الحلم قائم !_____

 

[استغفرالله @]

انا معاج قلبا وقالبا يااختي بس صج ياليت نقدر نوصل فكرتج للوزاره صراحه خوووووووووووووووووش فكره

 

[عهود الحب]

قهوة تتوقعين يجي يووم ونشوف حلمج هذا على قيد التنفيذ


نقيم ناظرتنا !
نقيم مشرفاتنا ؟ موجهتنا !




سبحان الله لو تنقلب الآية ودي اعرف شيصير

شنو يسووون عشان يرضونا


تتوقعين شنو يسوون


اخاف احلم وعقب ابجي خلني ساكتة احسن

 

[حبيبة زوجها دوم]

اوافق و بشده و اضم صوتي لج

و انا مو باط جبدي و فاقع مرارتي الا سالفة هتقرير السري يكون اسرار دوله انا 12 سنه وانا اعرف مستواي من دخلت الابتدائي لين الثانوي وحطي فوقهم الجامعه الحين لما صرت ابله و المفروض التعامل و المسئوليه تكون ارقى انصدم بالواقع خليها على الله وروحي واحنا معاج

 

[قهوه وشاهي]

برجع لردودكم بس فيني بجووووووووه

ببجي وأبجي وأبجي

يوم كئيب بتقولون يالعجوز خلصت السنه اقول

هم الناس يوم وهم معلمة الروضة كل يوم

وأأأأأأأأأأأأأأأأأأأأأأأأأأأه ياهمي اليوم

وهذي بجووووووووووووه

 

[مرافئ الذكريات]

انا موافقه .... وجان زين يطبقونه
بس ما اقول الا حسبي الله ونعم الوكيل في رئيسات الاقساااااااااااااااااااااااااام

 

[كويتية ذهب]

خوووش موضوع واوافق وبشدة لان ناظرتي ظالمة وياويلها من النااار الي بتاكلها
النفرقة عيني عينك وتعترف وتقول الوكيلة الناظرة سامحة لهم يتاخرون ع كيفهم دوام رسمي

 

[ام طلال]

اوافق وكلي ثقة لو طبق هالقرار بيكون للاسف حبر على ورق

 

[قهوه وشاهي]

بعض الناظرات يستمر ظلمها لأخر يوم تعرف كيف تخرج نفسها ومن حولها

لتغرق المعلمه فالمعلمه دائما خطأ والأدارة دائما صح

وقعي على بياض وفكي عمرج وخل يكتبون كل اللي يحبون

هذا هو العدل في زمن مقلوب

ومازال الحلم قائم ________________

 

[عهود الحب]

ياااااااازين هالموضوع و يا زين شوفتج
لج وحشة والله انتي وبنااااات شكثر انقرضوا خلاص

الحمدلله انتهى العام الدراسي على خير

عساج بخير ؟

 

[رحلة امل]

انا ماتوقعت انا في ظلم بهذه الدرجة مديرة المدرسة كانها وزيرة ممنوع حتى تسلمي عليها والوكيلات شايفين حالهم الله يعينكم خواتي
والقصة ان عقلايات اكثرهم عقولهم مثل الاطفال ويمكن الاطفال احسن ماعندهم لا حسن تصرف ولاتخطيط ويسمعون اي كلمة ويحللونها على حسب عقليتهم مهم يكون المدير او الادارة لازم تكون عنده عقل راجح وحسن تصرف وتترفع عن الاشياء التافه مو شغلتها تتصيد الاخطاء للمعلمات
احنا نبي عقليات راجحه تودي الى تطور التعليم وتهدف الى رقي العمليه التعليميه مو تخطيم نفسية المعلمات احنا كلنا هدفنا الطالب وبس
االادارة المفروض تشجع المعلم وتحترمه
معذرة للجميع

 

[3so0ola]

اقتراحج وايد حلو بس تدرين شنو الاحلا والاحسن ؟
ان الادارة كلها تصير رياييل
ناظر وكيل موجه مشرف
الريال يقدر ويحترم المرة
و المرة لي صارت فوق مرة ماترحمها حمدالله والشكر
والا شرايكم ؟