مقابله بالتربيه وماده علم النفس للصف ال ١١
- بادئ الموضوع mllon
- تاريخ البدء
اليوم كانت مقابلتي الساعه ١٢..
وصلت مبجر ١٢ الا ربع..ودخلوني على طول..مع البنات امتحن..لان كان ورانا شباب ناطرين..
بربع ساعه خلصت الامتحان..وجم سؤال خليتهم فاضين من الاسئله المقاليه..لان مالي خلق اآلف..
وما كنت دارسه ذاك الزود...بس اشوه ان كل الاسئله حق الكورس الاول بس..
الامتحان كان موضوعي ومقالي..ووايد سهل..
سلمت الامتحان..ونقلونا كلنا ٦ بنات..للغرفه المقابله
كلنا نعرف بعض..ومن نفس الكليه..
اليوم كان بس حق اللي تخصصهم علم اجتماع ومساندهم علم نفس..
وباجر بيقابلون اللي تخصصهم فلسفه وكذا..
المهم نطرونا شوي..وعقب قام يدخلون على الاسامي..اللي وصل اول..
بالمقابله كان في ٢ كويتيين ومصري ووحده منقبه
طبعا كل وحده تطلع من البنات نسالها شنو قالولج..
بشكل عام اسئله عامه..وشتسوين بمواقف معينه..
ولازم كل وحده يسآلونها سؤال من الماده..تعريف مثلا..
بالنسبه لي..
اول ما دخلت من بعد السلام قالولي عرفي نفسج..
قلت اسمي وتخصصي ومتى تخرجت..واخذت دوره icdl اهني سالي واحد..:انتي ماخذه دوره واله شهاده بس
فقلت: لا دوره .
قال: لانه في ناس ياخذون الشهاده بدون دوره.
قلت: لا اخذت دوره من الجامعه نفسها عقب التخرج على طول.
المصري سالني: متى دقو عليج حق المقابله
- يوم الاربعاء
المصري: يعني انتي حاسه اذا دقوا عليج مبجر كنتي راح تقدمين افضل بالامتحان ويمديج تدرسين؟
هذا لاني مخليه كذا سؤال فاضي..
- اي طبعا لان ما مداني كلش القى الكتاب..وسالت وايد ناس وما حصلت..وادق عالوزاره ومحد يرد علي..بالاخير رديتو على يوم السبت وقلتو ان الكتاب ينباع بصبحان الصناعيه..وما مداني اروح..وبالاخير شريت كتاب اساله من جمعيه المعلمين.
المصري: يعني ماكان عندكش كتاب؟
- لا ..وهذا اللي معاي كتاب اسئله
المصري: طب قوليلي اللي تتذكرينه من اللي درستيه..
- قلتله جم تعريف..والغدد..والجهاز العصبي..
واحد ثاني سالني..: اذا عندنا اكتفاء بآبلات علم النفس وبنحطج تدرسين اجتماعيات ..ما عندج مشكله؟
- عادي
سالني: تخيلي احنا برحله بالطياره..وبتودينا من الكويت الى عمان..شرحيلنا الاماكن اللي بنمر عليها.
- طبعا اقولكم درجه الحراره بالكويت .وعقب درجه الحراره المتوقعه بعمان..وراح نمر على السعوديه بعدين البحرين وبعدين قطر وثم الامارات وعقب عمان.
المنقبه سالتني: من تذكرج لامتحانات المتوسطه..قوليلي طريقه الامتحان .اشلون بتحطينه؟
- اساله مقاليه وموضوعيه
قالت : مقاليه مثل؟
-عللي..اشرحي..علاقه شغله بثانيه..من فهمك للموضوع وضحي..وجذي..
وبس هاذي كل الاسئله..وشكروني..وقلتلهم عساكم عالقوه وطلعت..
كان وايد سهالات..والمقابله ما تخرع كلش..
بس درسو حق الامتحان..
لاني درست حده حده..
واهم شي..الثقه بالنفس..وتردين على كل الاسئله..لاتقولين مادري..حاولي تالفين اي شي.
والنتايج باجر انشالله ..نراجعهم بنفس المكان
والخيره في ما اختاره الله..
التعديل الأخير:
تسلمين حبيبتي..
بس اهم شي لا تحاتين..لانه ما يستاهل المحاتاة كلش..
التعديل الأخير:
ملوون توه دقوا علي الوزاره امتحاني. انشالله الاثنيين طمنيني
شنو ادرس
قالولي علم نفس نفسج
شلوون طريقه الاساله
؟؟؟
شنو ادرس
قالولي علم نفس نفسج
شلوون طريقه الاساله
؟؟؟
اي والله يبيله دراسه..
وانا ما مداني كلش..حده حده..وما حصلت الكتاب فكنت ادرس من مذكره اساله
رحت الوزاره بشوف النتيجه..طبعا فريت على ٨ مكاتب بالضبط بطوابق مختلفه..
عقب ما وصلت حق المكتب المطلوب..قلتلها اسمي..
فقالت ساقطه..
رديت عليها ok ولفيت بطلع..
جان تقول..بعد شهر بندق عليج..
قلتها ليش؟
قالت في امتحان ثاني..ولج ٣ فرص..
وبس..هديتهم وطلعت بكل بساطه..حتى كان في كشف الاسماء..ما رحت ولا طليت..ولا سالت عن الدرجه..لانه المكان شكله مآساة...فطلعت بسرعه
الحمدلله خيره..
وانا ما مداني كلش..حده حده..وما حصلت الكتاب فكنت ادرس من مذكره اساله
رحت الوزاره بشوف النتيجه..طبعا فريت على ٨ مكاتب بالضبط بطوابق مختلفه..
عقب ما وصلت حق المكتب المطلوب..قلتلها اسمي..
فقالت ساقطه..
رديت عليها ok ولفيت بطلع..
جان تقول..بعد شهر بندق عليج..
قلتها ليش؟
قالت في امتحان ثاني..ولج ٣ فرص..
وبس..هديتهم وطلعت بكل بساطه..حتى كان في كشف الاسماء..ما رحت ولا طليت..ولا سالت عن الدرجه..لانه المكان شكله مآساة...فطلعت بسرعه
الحمدلله خيره..
لا تحاتين كلش..
شوفي انا دراسه من كتاب الاسئله اللي ينباع بجمعيه المعلمين..
وكل الاسئله يت بالامتحان
الله يسملج الامتحان كالاتي..
اختياري..وضعي المصطلح العلمي..وصححي ما تحته خط..
واسئله مقاليه..
الامتحان جنه امتحان متوسطه...ما احسه مال ثانوي..اهو وايد سهل..بس انا ما مداني احفظ..وحليت على اللي اتذكره من الجامعه..وجم سؤال من الكتاب..
الاسئله اللي اذكرها..
ما هي اهميه الدوافع والانفعالات؟
الفرق بين التفكير الايجابي والتفكير النقدي؟
اهميه علم النفس السياسي..مادري اهميه علم النفس في السياسه؟
مكونات الجهاز العصبي؟
هذا اللي اذكره
سهالات انشاءلله..
التعديل الأخير:
ماما...حبيبتي..قريتي اللي كتبته..عن اني درست حده حده..واي شي قريت والسلام واله لا؟...
انا اشوف الامتحان سهل ولو محصله الكتاب من قبل جان سويت زين...
ومو بس عالامتحان..لازم تجتازين المقابله الشخصيه بعد
&دلوعة القمر&
New member
- إنضم
- 7 أغسطس 2009
- المشاركات
- 1,056
- مستوى التفاعل
- 0
- النقاط
- 0
اخذي كتاب الاسئله للصف الحادي عشر..اللي فيه اسأله كذا ماده..
من جمعيه المعلمين..
كل الاسئله اللي درستها كانت من الكتاب..
وااايد نفعني..
بس فيه سؤالين ما عرفتهم..عن الجهاز العصبي..يمكن لانه الشرح بالتفصيل كان موجود بالكتاب
وبالتوفيق
من جمعيه المعلمين..
كل الاسئله اللي درستها كانت من الكتاب..
وااايد نفعني..
بس فيه سؤالين ما عرفتهم..عن الجهاز العصبي..يمكن لانه الشرح بالتفصيل كان موجود بالكتاب
وبالتوفيق
