مقابلة وزارة التربيه

[love^angel]

الله يبارك فيج
ههههه امبيه خرعتيني شلون عرفتيني !!!!
الحمدلله المقابله سهله واللجنه تهبل نفسياتهم حلوه والاسلوب راقي

شكلج كنتي باللجنه صار عندي فضول اعرفج بس امانه بكل صراحه شنو يبيلي عشان احسن نفسي؟؟

 

[maya4no1]

كنتي شطوره مافيچ شي بس محتاجة شوي تعلين صوتك لان صوتك واطي
و تراجعين القواعد
و انتي اكيد راح يحطونك حسب بطاقتك المدنيه ولو عندك واسطه تروحين اي مكان تبينه
طبعا انا بنت العاصمة وولائي للعاصمه.
و بالفعل انا كنت معاهم باللجنه.
الله يوفقك. و للامانه مو مقابلاتنا سهالات؟
ربي يوفقك و يوفق الجميع

 

[maya4no1]

وللامانه من قلتي مقابلتك يوم الاثنين عرفت اني بشوفك. فاليدايه راجعت الملفات عدل و لما لقيت ملف فيه نفس المعلومات اللي قلتيها عرفتك.
و كنت ناويه اذا ماراح يقبلونك اني شوي أأثر على اللجنه بس الحمدالله بيضتي الويه وماحتجتي اي مساعده

 

[maya4no1]

وترى ٣ من الحريم الموجودات من العاصمه ووحده بس حولي والريال ماني متأكده اي منطقه.

 

[love^angel]

انا بطاقتي على حولي و حيل موخفيني من توجيههم بس الي شفته اليوم صراحه كلهم يهبلون والله بدون مجامله توقعت الوضع يخرع اكثر بس الحمدلله سهالات

عندي سؤال بالنسبه للمرحله على اي اساس تتحدد؟؟ حسب المستوى؟؟ انا شاطره الحمدلله ومتخرجه بمعدل امتياز و خمس سنين امتياز بالتدريس بس تعرفين سنه ونص بالبيت تخلي الواحد شوي ينسى
انااحب اليهال وايد واذكر موجهي قالي انتي عندج كاريزما حلوه مع الاطفال بس ودي اروح متوسط

 

[maya4no1]

لأن خبرتك ابتدائي
و دايم نحط الحلوين حق الإبتدائي و الجياكر ثانوي... لا اتغشمر
ترى ممكن بعدين نرفعك للمتوسط أو الثانوي...لا تحاتين

توجيه حولي حلو... بس احنا احلى ( قلت لج ولائي للعاصمه)

 

[maya4no1]

اللي شفتيه اليوم هذول عاصمه و بس وحده حولي ( اللي عطتك تقرين الكتاب)
و الريال ماني متأكده من وين

 

[love^angel]

ياحلوها الي عطتني الكتاب صج اسألتني وايد بس نفسيتها واسلوبها حلوين وكل اللجنه والله

عاد ودي اجرب متوسط ودي اجرب البنات الاكبر والمناهج الاصعب بس موعارفه شلون احول

 

[اروري]

لوف مبرووك رجعتك للتدريس
عقبآلي وعقبآل كل المتقدمآت الله يسهل علينآ يآرب

 

[سحر الشرق@]

موقفه اختي

 

[love^angel]

الله يبارك فيكم بنات والفال حق كل المتقدمات

ترى المقابله سهله الحمدلله بس راجعو القواعد شوي و كل شي سهالات

 

[Q8Q8Q]

ابي اعرف نتيجتي شلون ؟؟

 

[$كرز$]

لأن خبرتك ابتدائي
و دايم نحط الحلوين حق الإبتدائي و الجياكر ثانوي... لا اتغشمر
ترى ممكن بعدين نرفعك للمتوسط أو الثانوي...لا تحاتين

توجيه حولي حلو... بس احنا احلى ( قلت لج ولائي للعاصمه)

عندي سؤال بعد اذن حضرتك
بالنسبة للمعلمة المستقيله وكان مسماها ( معلم ج )
وتبي ترجع للتدريس
ترجع معلم ج او معلم د ؟

 

[love^angel]

الي فوقي صح نبهتيني انا لما استقلت كنت معلم ج مادري الحين ارد ج ولا د

 

[pretty_shwagah]

الله يوفق الجميع انا بعد طلعت من التدريس من سنتين و حنيتله al mystery عفيه بغيت اسالج شلون انتي انجليزي مقدم عالحاسب يصير

 

[fruity]

صباح الخير maya انا من اللي قابلوهم يوم الاربعاء اللي فات ودي اعرف نتيجتي شلون اعرف بدون ما اروح لان صعبه علي الطلع وبسافر بعد يومين الله يعافيج اذا تقدرين تعطيني رقم اتصل عليه . عاد انا اول ما تخرجت من الجامعه قدمت وقابلوني واتصلو علي وقالو مقبوله بس وقتها كنت متوظفه في مكان ثاني بس الحين مادري الله يسهل انشالله

 

[كويتييية]

السلام عليكم
بنات عندي استفسار هل النجاح بالمقابله معناته قبول التوظيف بوزارة التربية ؟؟؟ و لا في إجراءات ثانية.

 

[maya4no1]

السلام عليكم كلكم
للأسف ماعندي رقم تدقين عليه و تاخذين النتيجه...لأن النتيجه تعلق في نفس المكان اللي خذيتي منه موعد المقايله...
بالنسبه لمعلم ج أو د ماعندي خبر لأن هذا شغل الشئون الوظيفيه أعتقد و المسؤولين عن الكادر اهم اللي يفيدونك اكثر
و لما تجتازين المقابله تبتدي ررحلة الكشف الطبي و التوظيف

و سامحوني مو قادرة افيدكم اكثر

 

[QueenAlotibi]

الككككككككككككككل ينجحح صدقيني ..


انآ رحت و حستهممم حوس هههههههههههههههه و جبت العيد و طلعت و يوم رحت أشوف النتيجه قآلت لي الموظفه مبروك اجتزتيهآ قلت كم النسبه قآلت 85% قلت اوووف من وين ههههههههههههه مع إن وربي كل أجآبآتي غلط و مبين علي مو فآهمه شي إستغفر الله

بس كنت جريئه .. مشكلتي بالأجوبه بس قآلي انتي جريئه زين بس الأجوبه قلت شسوي مو دآرسه من زمآن متخرجه < بلل شهالعذررر هههههههههههههههههه


موووفقه و بشرينآ حيآتي ..

 

[QueenAlotibi]

السلام عليكم
بنات عندي استفسار هل النجاح بالمقابله معناته قبول التوظيف بوزارة التربية ؟؟؟ و لا في إجراءات ثانية.

أي أكيد بآقي الفحوصآت و بسسس إذآ’ اجتزتي خلآص تصيرين معلمه بس بآقي التعين و توقيع المبآشره


قصصصصصصصصصصصصصصصصصصصه يآ ربي انآ مخلصه كل شي و تخيلي نآطره الوظيفه للحين بسبة الإنتخآبآت وقفوآ التعينآت الله كريم و أكيد خيررره