مفكره تاخذين بيت او قسيمه وليش ؟؟؟خنشوف اكبر شريحه شنو رغبتها هني

[سلمى الخير]

اكيد الكل بيقول قسيمه

بس

صعبه

منو يقر يدفع فوق 200 الف عشان قسيمه ولا بمنطقة بعيده مو داخليه

بس عندج استعداد تحطين على ظهرج قرض 60 الف وريلج كذلك وتاخذون القسيمه

شنو نظرتج من ناحية هالموضوع وشنو بتسوين طول هالسنين الي يمص دمج فيهم البنك

وممكن تأجرين بس ممكن المؤجر يطلع وتطرين الدينار وتتوهقين

طبعا اكيد في ناس شرت قسايم نشوف وجهة نظرهم بالموضوع وشلون يتعاملون مع الوضع

عشان نستفيد من خبراتهم

هذا للي بتغامر وتشتري قسيمه وتستغنى عن نص معاشها ونص معاش ريلها

والي حابه تشتري بالي قدرها الله عليه وتاخذ بيت حكومه وتاخذ قرض على قدها

هم راح تعاني من البنوك بس بنسبه اقل من الي اخذت قسيمه

وحده من رفيجاتي معاشها فوق الالف ماشاء الله

وريلها معاشه 1700 ماشاء الله

تقول

مفكره تنطر بيتها الحكومه لانها تبي تعيش تبي تسافر تبي تلبس تبي تطلع ماتبي

بنك يقيدها ويدهور حالها

يعني تقول مو مشكله وين مايطلع يطلع ولااقط نفسي بدين لان الدين عماة عين

وجهة نظري الشخصيه

ماراح اقدر على قسيمه يادوب نقدر ناخذ 30 الف بس شتسوي ال 30 الف مع سبيعين الحكومه

ماتيب بيت والله بلشا

فكرت اخذ بيت بام الهيمان وطلع البيت ب105 الف

دام بيعالجون المصانع احسن من عريفجان لانها وايد بعيده بصراحه

ام الهيمان افضل ع الاقل ربع ساعه وانتي داخل الديره واعتبر نفسي بالشارقه وبروح دبي :eh_s(6):

ومادره الاسعار فيها طايره دام بيشلون المصانع وعصفور باليد احسن من عشره عالشجره

وقبل لايرتفع سعرها بعد ازالة المصانع >>>>> ( خاطرها بابو فطيره ) بس حامض على بوزي

بس فعلا القرين اول ماطلعت كان طايح حظها نفس ام الهيمان والحين شوفو الاسعار

بدل الايجارات بتنقطع وبطق اصبع والايجارات مو ؤاضيه تنزل

انتو شرايكم تقبلين تروحين منطقه بعيده

وشنو مفكره تسوين خنستفيد من بعض

يمكن نلقى حل العيال بيتزوجون واحنا بالشقق والايجارات وماطلعلنا بيت :0bee2e8d89:

وبصراحه ماابي اروح بعيد عسره وحسره

بانتظار تفاعلكم

 

[سلمى الخير]

اتوقع لو المشرفات ينقلونه لقسم الخبرات المنزليه افضل لاني احسن حطيته بالمكان الغلط

شرايكم ؟؟؟

 

[اميره بضحكتي]

ياقلبي انا لو عن نفسي اخذ بيت حكومة بس زوجي العزيز يقول لااااااااااااا والف لااااااااااا ومليون لا
وشوفي الحين جم سنة واهو يأجل بالطلب ويقول مابي هالمنطقة وهذي بعيدة وهذي موشي
المهم يبي منطقة قريبة ومايبي الا قسيمة لا وناوي يبنيها 3 ادوار وسرداب تخيلي امانة جم تبي
وتدرين شغلة احنى للحين ماطلعلنا بيت وساكنين عند اهله وعليه تقريبا 53 الف دينار قرووض شلون عيل لوناخذ قسيمة شلون نبي نبنيها مااااااااني عارفة والله راسي يعورني كل ماافكر بهالامور

 

[أم فراس]

تستتتتتتتنه1هضهضعضاذتتتتتت ضهضهضتتتتتتتتتتتتتتتتتتتتتتتتتتتتتتتتتتتتت

 

[باربية الكوووويت]

رفع

 

[nazek_q8]

اللي طول عمره قاعد بالديره ويم اهله ما يقدر يسكن بعيييد واللي يطلعله ارض بصباح وجابر الاحمد يا يأجره يا يبيعه

انا عن نفسي افضل اشتري بيت بالديره واخذ قرض ونرممه

والقرض ورانا ورانا بس يهون بعد بيت العمر ويم حبايبنا مو اخر الدنيا



بس ترا مدينه جابر وشرق صليبخات حلوه لاحد يطوفها على الاقل اقرب من باجي المشاريع

اهم شي بالتصويت ان الشقق اكسسسسسسسس محد راغب فيها ومادري ليش الاسكان قاعده تدخل الشقق في مشروعاتها القادمه مشروووع فاشل