( مـَــــــــآذَآ فَعْلـــتِ بِيٌ السمنٌــــه ..؟؟ ) :( تعالوا فضفضوا ,

[مهندسه "]

اب اب



حبيباتي .. اسفه اذا جرحتكم بكلامي
بس لازم نغير من نفسنا
اليوووم قبل باجر

لا تقولون كنت وكنت
قولوا بصير وراح اضعف

فديتكم شدوا الهممممه ولا تتعبون من اول مره
ونبي مشاركات بعد

 

[حياتي بنياتي]

اااااااخ يامهندسه أنا معاناتي تقدرين تقولين مضاعفه
تخيلي كان جسمي بدون مبالغه منيكان كنت البس كل شي
ادش السوق أخذ كل الي ابيه من غير ما ادش غرفه القياس
وزني كان ثابت 55 ومايتغير مهما اكل
الحين بعد الزواج والولاده الجسم راااااح
و كل شي بدا ياثر علي طلعه من البيت ما اطلع احس ان لبست مو حلو علي المنظره ما صرت اطل فيها وكله استحي من شكلي والي مقطع قلبي زياده
لمن اطلع وأشوف البنات احس أني ابي أبجي اقول بقلبي أنا كنت مثل جسمها وأحلي
الحمدالله علي كل حال بس صج تعبت ابي اضعف وارد نفس قبل بس مو قادره*

 

[قانوون كيفك]

بنات فعلا السمنه تأثر على النفسيه والحركه وكل شي حتى نظرتج للحياه تكون سلبيه
عمري ما وصلت للوزن المثالي بس اوصل 72 استانس بالخفه والرشاقه وارد دبل ومع الحمل والولاده اردهم دبلات طولي 162
بنات لازم نقوي ارادتنا ونشجع بعض للوصول للهدف
خاطري نسوي قروب نتجمع فيه ونفضفض فيه كل يوم
والله يعيينا على رحله الرشاقه ان شاء الله تكون سهله وسعيده

 

[كشكش]

عورني قلبي وقلبتوا علي المواجع وانا اقرا مشاركاتكم

اما انا قصتي مع السمنة قصة طويلة .. استسلمت لها

لحد ما ضيعت مني احلى سنين عمري !!

راجعه لكم بتفاصيل قصتي ان شاء الله

مهندسة مشكووووووورة على الموضوع الذكي !

ويا حلو كلامج وقلبج يا ضماااااااااااااااد ..

 

[مهندسه "]

هلا حبيباتي

مشكورين على مشاركاتكم كلللكم وانا متأكده بعد ما فضقضتوا ارتحتوا شوووي
بنات انا كنت جذي كنت اكلللل واكل و كنت ما اهتم لجسميييي لين وصلت مرحله
بنات كلنا نعاااني وكلنا نبي نضعفففف
وانشالله راح نضعففف لا تقولون مافي اراادة !
في اراااادة بس تبي احد يشجعهااا و يقويها


انا كنت مسويه رجيم من سنه تقريباً و ضغفت والكل لااحظ ماشالله
ولله الحمد بس للحين انا بنص الطريييج ويبي لي بعد
وانشالله مع بعض نضعف ،


بنات ابي اعطيكم نصيحه . .
اللي تبدا رجيم وتخربط فيه لا تهوووون ترد تعيده من جديد ،

 

[البطه ميمي]

انا لايعه جبدي من السمنه ماقدر البس اللي بخاطري وزوجي يقولي مشتهي اشوفج بحزام بس ماعتقد في حزام مقاسج ويقول انتي تسوين رجيم ماتقدرين وتحديته نزلت ٥ وتركت الرجيم وصارت عيونه زايغه وانا الحمدلله على كل حال وزني٩٧ ومترهله وايد

 

[Perfect J]

كالعادة بنات نفس كلامكم

الثقة شبه معدومة
- دايما ملابس لونها غامج
- الكورسيه أحيانا يعتبر أساسي !!
- أكره الطلعات وأثر على مستواي الدراسة بالجامعة بسنة من السنوات
- موديلات وايد حلوة بس ما تناسبني لأني متينة وقصيرة " 69 كيلو والطول 155 سم "
- طبعا مع الريجيمات الغير صحية والطلوع والنزول بالوزن سبب سيلوليت وترهلات وسترتش ماركس
وهالشي خلاني أفكر أدخل بدائرة الجراحة !!
- طبعا ما أحب الحركة وايد عشان الشحوم خخخخ :d

بس عندي سؤاااااااال

بالصفحة الثانية النتايج تونس بس شلون ما عندهم ترهلات جسمهم مسموت ومشدود حده يهبل
جنه نحت !!!
احنا اذا ضعفنا الترهلات من كل صوب !!

ما اعتقد اجهزة المشي والاوربتراك تشد بنفس قدر نزول الوزن ولا شرايكم ؟؟

 

[ضــمــاد]

ما اعتقد اجهزة المشي والاوربتراك تشد بنفس قدر نزول الوزن ولا شرايكم

الاوربت تراك يشد لفخوذ والمؤخره ولزنود الجزء اللي تحت ينحته


لكن مايشد البطن .. بنت عمتي تقول عن تجربه اكثر شي يطير البطن المشي يوميا

 

[رماس قلبي الماس]

هلا حبيباتي انا مو متينه وايد بس احس بعدم الثقه بنفسي بس بنات ابي اقترح عليكم اقتراح اشرايكم انه نفتح اقروب وكل البنات اللي يعانون من السمنه يكونون وياكم وان شا الله كل اللي يعانون من هالشي يتخلصو منه بسهوله انا قبل اسبوع سويت قروب وصارت الاراده حيل ضعيفه وا ادري ما قاموا يشجعون بعض بدام كلنا نعاني من هالشي خلينا نبدا مع بعض?????الري لكم .

 

[كويتيه صغيره]

بنات شرايكم نسوي قروب بالواتس اب انا مثلكم متينه وضعفت وعقب ماحملت بولدي متنت صار وزني١٠٣ابي اضعف اللي تبي تسوي قروب خلها اتطرشلي رقمها او صاحبه الموضوع تسوي قروب عشان نشجع بعض شرايكم

 

[رماس قلبي الماس]

لا بنات شرايكم نسوي موضوع بقسم السمنه احسن عشان الكل يسوي ويانا مجموعه محدده ??

 

[DO7AWE]

مساء الخير ،،
الحين دوري :eh_s(9):
انا موبطة بطة من عمري ماتعديت ال100 يعني بين ال93و95 وطولي 161 اللي يشوفني يقول مليانه
بس مع هذا لاعب فيني الوزن الزايد لعب
قبل عرسي سويت رجيم وصار وزني 70 والخمدلله حملت علي طول وجبت ولدي وانا حامل رد وزني صعد لل90 هالكلام من 5 سنوات،، جبت ولدي الحمدلله وبعد سنه نويت احمل
وانطر وانطر ماصار حمل ... تخيلو رحت اكبر الدكاتره تحاليلي انا وزوجي سليمه وما احمل
قلت بسوي تلقيح وقالت دكتورتي مارح ينجح الا تنزلين 20 كيلو ومماصدقتها سويت تلقيح مرتين وفشل مع ان مافيني شي
وقالت لازم ينزل وزنج
قلت في بنات اسمن مني ويحملون قالت مالج شغل باحد ..وسويت رجيم بشهر ين نزلت 17 كيلو والكل عباله مسويه تكميم وماصدقو اني مسويه رجيم من كثر ماضعفت..صار عندي هدف ابي احمل وولدي عمره 4 سنوات ويبي اخوان والله والله يابنات وبدون اي علاج بس نزلت وزني حملت وياربي لك الحمد ربي ماقصر معاي ..وانا كنت دافنه نفسي بالشحم علبو عادي وحارمة ولدي من الاخوان بسبة البلع والحمدلله
وهذي تجربتي واتمني اكون فدتكم:eh_s(17):

 

[سمبوسه كويتيه]

انا بعد أعاني من جسمي لدرجه أني ما اطلع كلش من البيت الا وين أو وين

 

[هيبة ملك]

انافجاة متنت بعد. ماكنت. منيكان. والكل. يتكلم. عن. جسمي. والحين تعالي. شوفي. الكل. يقارن. بين. جسمي. الحين. وقبل. يعورني. قلبي. يوم اسمع. كلامهم. او اشوف صوري. القديمة والحين. ماحصل. لي. مقاس. وان. حصلت. يطلع. مو. حلو. صرت. ماطلع. ولا. اروح. واتحاشي. الناس. حتي. السوق. اذا. رحت. اتعب. من. المشي واذا. طلعت. مع. رفيجاتي. احسني. ثقيلة. عليهم. بطيئة فالمشي. واتعب. بسرعه ويضطرون. يمشون. نفسي. او. يخلوني. وانا. ادربح. وراهم..والحمد لله. صار. لي. فترة. مسويه. رجيم. والحمدلله. نزل وزني. واحس. بخفه. مو طبيعيه. وراح استمر. لين اوصل. للوزن. المثالي

 

[سلطانة الاحساس]

واخيراً احد احس مثل شعوري بس الحمد لله قاعدة اسوي ريجيم ملاقة المتن
والله ضيعتىعمري نصة لا مقاس سنع نثل البشر

 

[دخيل الغلآ]

بنات انا بشارك وياكم بعد وبسوي رجيم خلاص قررت من اليوم بإذن الله ببدي فيه واستمر

انا قبل وزني كان بالثمانينات قبل 5 سنين وامي كانت هي الي تقولي لاتضعفين لين صارت فيني معدده ووبسبب الحبوب والعلاجات نزلت لي 64 كنت رششيقه حييل بس مبين على وجهي التعب مع ان طولي 161 وبعدها رديت متنت لين وصلت 72 وان زدت زدت نص كيلوو

هالفتره الكل يقول اني متنانه مع ان وزني ثابت على 72 ومتني كله برجولي وفخوذي مع اني من فوق ضعيفه وعندي خصر مع كريشه صغنونه


وبس , بنات انا وياكم وان شاء الله راح نقدر ونضعف


انا هدفي الحين اوصل 68 يعني انزل بحدود 4 الى 5 كيلوو


همتكم بنات

 

[nono93]

ضماد

كلامج روعه وعجيب

ناقصتكم الاراده

الله يوفقكم

 

[دلوعة الغيم~]

انا من يوم كنت صغيره وانا اعاني من سمنه
كان يسموني الفيله ههههه البرميل
تخيلي لم كنت بالمتوسط
صارت امي تلبسني جلبيات حقين كبار سن
الي يشوفني يعطيني ام 3 عيال وانا باقي عمري 15 سنه
كبرت وزادت شحومي هههههه الحين عمري 22
الحمدلله تنبهت ع نفسي وبديت احس ع دمي خلاص طاف من العمر مايكفي الى متى اجلس بحسرتي مع سمنه
كان وزني 115 شديت ع نفسي بشهر وصلت 104 ولحد الحين مستمره
اكل تفاحه فطور وغداي من اكل البيت والعشاء زبادي ولاحليب وشابوره واسوي لي دلة شاي اخضر كمون وينسون وزنجبيل طازج وع هذا الوضع الي مساعدني طولي 160 موباين سمنه علي
الحين باقي كم شهر واملك ومابي اكون بشكل هذا ودي اطلع بصوره راضيه عنها
يارب ننحف كلنا ونوصل لمرحلة الرضاء

ولاتنسون رياضه الي نحفني بدله تخسيس البسها وامشي نص ساعه او ساعه توخر الخطوط البيضاء وتنحف كثير

 

[تميزي بفكري]

ودي اعطيكم نبذه عني عشان تعرفون السمنة شخذت مني ... كنت في يوم من الايام مضرب مثل في الجمال في قبيلتنا كلها واي مكان اروح له او مناسبة اكون انا نجمة الحفل بالجسم والكشخة والجمال وخالتي اخترتني لولدها >>المزيون<<< عشان يطخ لانه حيل شايف نفسه فخذت له وحده احلى منه وعشان تحر بنات عمه اللي يبونه ....<<ادري حيل طلعت من الموضوع <<< بس حبيت افضفض لأن نفسيتي زفت المهم يعني الرشاقة بالنسبة لي شي مهم حيل لانه اللي حولي متوقعين هالشي مني ... المهم بعد زواجي زوجي طاير فيني وكل جم اسبوع سفره وغطيت عن الناس مارحت عروس وتأخرت بالحمل زوجي مقتنع ان السبب عين قال ماتروحين عروس الا بعد ماتولدين والحمد الله تعالجت وجبت احلى بنوته عمرها الحين 8 شهور .... وامس حضرت أ,ل عرس بعد زواجي ........
طبعا البدلة سودة عشان تخفي العيوب والمتن غير الكورسية ..... يعني شكلي زين مقبول...ز
بس هالعرس بعد ثلاث سنوات من عرسي وعمري 26 .... حسيت اني عجوزه تعرفين لما تشوفين مره ثلاثينيه ولا اربعينيه وحلوه تقولين اكيد كان لها عصر وكانت اضعف واحلا ......
واااااي كرهت نفسي اول مره مااكون مركز الاهتمام وكل اللي كانوا يحترون ويغارون مني ويقلدوني احلى مني ولبسهم احلا مني لان السمن خذا مني حتى الاناقه مااقدر البس اللي ابيه كررررررهت نفسي ابي اعيد امجادي
.................................ابي استعيد عشريناتي قبل لاترووح ....................................
وعندي مناسبة شهر 11 عند اهل زوجي ابي ارد ام الجسم والرشاقة ابي ارد انا ابي ترد ثقتي بنفسي وجمالي وانوثتي.....
ان شاء الله بابدا المشوار اليوم وماراح ارتاح الا ووزني عالاقل 62 انا الحين وزني 90
تهقون اقدر بثلاث شهور ادخل الستينات عالاقل