مـوضـوعـي غـريب شوي ‘‘‘‘ جـم مــ ع ــاإأإأاش خـدامـتـج ؟

[نور عيني الكويت]

وكل طلباتها علينا وحتى اذا مرضت نوديها للخاص
وتكلم اهلها يعني معاشها على طول تحولة لاهلها
هذي لازم ازيدها بعد

 

[وحدة كويتية]

خداماتي اثيوبيات القديمه معاشها 50 واليديده معاشها 40

 

[ركووزه]

اب اب اب

 

[زين ودلال]

خدامتي سيلانيه مشتغله من قبل معاشها 50

 

[زين ودلال]

بنات شنو يعني بعد السنة لازم ازيدها
عندي اندنوسية ومعاشها800

؟؟؟؟

 

[عنووشه]

انا خدامتي فيليبينيه 50 دينار

 

[العفاسيه]

يؤؤ مفروض معاشها 45 دام بس 6 اشهر مشتغله
خدامتي معاشها 50 ومشتغله لها 4 سنين
دام زدتي معاش خدامتج قوليلها الكروت واغراضها من فلوسها وقدمي على غيرها جديده معاشها 45

 

[اريج الجوري]

انا خدامتي سيلانيه ,,,

من 3 سنين كان معاشها 45 دينار لأنها اول مره ,,,

وراحت وردت وزدناها 50 دينار ,,,

واللحين تقول زيدني 60 دينار وقعد سنتين زياده ,,,

وصراحه زدتها لأنها زينه ونظيفه مع انها ملقوفه شويه ولسانها طويل

ههههههههههه

وعقب ماشفت شلون الخدم صايرين ماتحصلينهم الا بالتفق قلت اخليها

وزياده 10 دنانير اشتري فيها راحتي ,,,

واشتري لها كل شي من ملابس وادوات نظافه والطبيب ,,,

والكروت اهي تشتريهم ,,,

والخدامه صيري زينه معاها بدون دلع زايد عشان تصير زينه معاج ...

 

[دلوعه دجــه]

خدامتي سيلانيه
والي قبلها سيلانيه بعد
معاشهم اول ماوصلوا 40 بسسسس
وبعد سنه زياده خمسه
وبعد سنتين تبي تسافر
الي عندي زدتها 5 قبل السنه بجم شهر
والحين باقيلها تقريبا 10 شهووور
والله يعيني على فراره المكاتب
خاصة هاليومين مااااكو بالمره خدم

 

[bint_looda]

لو انا منج اطلب يديده وارد هذي قبل لا توصل عشان لايتلاقون وتخربها مثل ما اهي اختربت وتعلمها اشلون تنفس عليج
انتي عطيها معاشها بدون زياده وان شفتيها زينه بالاسبوع عطيها دينار ولا اييبيلها شي من الجمعيه تستانس فيه بس لاتحسبه من ظمن المعاش عشان لاتنطره كل شهر وتحسه من حقها مو معطيتها زياده !

 

[جوليانا الحلوه]

انا خدامتي سيلانيه معاشها 50 وكل شي علي

 

[seedo]

50 وملابسها وكل شي علي و اقط عليها فلوس بين فتره و فتره كلنا ما نقصر عنها .. والله يكسرون خاطري هالخدم

 

[PuPa^^SWeeT]

والله
انا نيباليتي توها يمكن هذا رابع شهر


معاشها 45 دينار

ثالث شهر زدتها 50 لأنها بس اهيي برووحها تطبخ و اتنظف و تكوي و وساعات بناتي عندهاا فا يعني اترس عينها

بس مافي غير هالزيادة انشالله ليين اتكمل سنة عندي بعدين بزيدها

خصووصا ماكو خدم حاليا

 

[HearT ChocolaTe]

فلبينيه ومعاشها 60 ومن تكمل السنه بزيدها 5
ووالله انها تستاهل ولدي مريض وانا موظفه ~ وولدي الصغير حركي من الدرجه الاولى
ورمضان ع الابواب وتبين الصج تستاهل ولو انها حدها ثلج بس تادي المفروض
وهي ما قالت بس بصراحه معاشاتهم في المكاتب زايده وانا ما ابيها
تطلب ف بزيدها قبل لا تفج حلجها علي


بس انتي غلطتي من طلبت وصار لها شهرين على طول عطيتيها هذي طماعه
وعينها فارغه ~ ابرك لج تطلبين غيرها

بس ديري بالج تضحين فيها قبل لاتوصل البديله ~ الله يعوضج يا رب

 

[نكهةالبرتقال]

الاثيوبية اول مرة 52 و نيبالية 45

و مادري عن الباجي


بس نصيحة كوني حازمة معها
لان طمعهم ما يخلص و مو من حلات شغلهم