هذا ثاني رد لي بالموضوع بعد تجربه لي بمنتجات طبيه ممتازه انصح الكل فيها :eh_s(7):
شامبو فيتشي للقشره هالشامبو علاجي لمدة شهر استخدمته للقشره حلووو بس مشكلته تركيبة الشامبو ثقيله مثل البلسم وثاني يوم يبدا يدهن شعري ويلبد استغربت لان معروف شامبوهات القشره تجفف الشعر وهاذا الي انا ابيه
لمن قريت عالعلبه طلع للقشره الشعر الجاف وانا شعري دهني فقلت بكمل عليه لين تروح القشره واستخدم شامبو ثاني للشعر الدهني لان الدهون هي الي تسبب قشره وتساقط
للعلم في شامبو فيتشي للقشره الدهنيه يجي جمب اكلام عالعلبه من فوق مربع احمر بس مالقيته تعبت وانا ادوووره لاحظو مجموعة فيتشي بهالصوره
ثاني واحد من اليسار الي كنت ابيه ان شالله بدوره بصيدليات الرياض لان اغلب الاشيا متوفره عندهم والقشره دايم ترجع لي فلازم يكون عندي هالشامبو :eh_s(11):
فغيرت لهالنوع لونه تركوازي وخاص للشعر الدهني ماله علاقه بالقشره وتركيبته هلامي شفاف وهاذا الي يناسب الشعر الدهني رووووووووووووووووعه ينشف شعري من الدهون من غير جفاف ومايكون نافش بالعكس يهبببل يخلي الشعر نظييف وفيه فوليوم يومين واكثررر ادمنت عليه ولا راح اغيره لانه مو علاجي بالعكس للاستخدام الدائم انصح أي وحده شعرها دهني تاخذه وهي مغمضه وسعره 85 ريال كل شامبوهات فيتشي بهالسعر
بالنسبه لفيتامينات الشعر حاليا استخدم حبوب أزنك
مكوناتها فيتامينات ومعادن وفيتامين دال اكل حبتين باليوم كل حبه بوقت وبعد وجبه ثقيله ومالها علاقه بزيادة الوزن ومدة استخدامها حسب كلام الدكتور لاختي 4 شهور متواصله وتوقفين فقط وسعرها 50 ريال والعلبه فيها 60 حبه وقريت التعليمات عالعلبه ان علبة الحبوب تحفظ بمكان مافيه اضائه يعني تحطينها بدرج او داخل دولاب
بالنسبه لعلاج التساقط الي مالها اسباب داخليه لي فتره استخدم شامبو لعلاج التساقط روووعه بس مابين معاي مفعوله بشكل قوووي لان القشره براسي ماراحت وهي سبب ابتساقط بينما اختي استخدمته ونفع معها مررررره وكملت عليه بالانبولات
اسمه واضح بالصوره من شركة دوكري الفرنسيه الشامبو قوامه حليبي مرطب للشعر وريحته حلللوه يستخدم مره او مرتين بالاسبوع وسعره 100 ريال معزز ومقوي للشعر
وهاذي امبولات الشعر ممتازه احسن من فيتشي فيها 8 حبات لمدةه 8 اسابيع يعني كورس شهرين فقط
والعلبه نفسها محددين كمية الاستخدم فاليوم 2.5 مل لمده 3 ايام بالاسبوع بس مو ورا بعض يعني مثلا كل اثنين -اربعا-جمعه
ومعها الراس حقها تركبينه عشان توزعينه بالفروه بالتساوي ولاتكثرين بمكان معين لان الفايده وحده حاولي توزعينها زين والاهم من كل هذا خلال فترة العلاج واستخدام الامبولات لازم الشعر مايتعرض لحرارة استشوار وفير وستريت نهااااائي والا بيخرب المفعول
وتستخدم علي شعر نااااشف ونظيفف وقبل النوم وماتغسل بمويه نامي عليها احسن
سعرها 285 وكل الي ذكرته اخذتهم من صيدلية الدوا ماعدا شامبو الشعر الدهني اخذته من النهدي
ودعواتكم لي بكثافة شعري ترجع مثل اوول:eh_s(11): انا لو افتك من القشره كان شعري بخييير لان هي الي دمرت شعري واستخدمت حنا وسدر مافي فايده يبيلها علاج طبي وان شالله احصل الشامبو الي ابيه لان قشرتي دهنيه لاااصقه بالفروه سادة المسام وتطيح الشعر:eh_s(16):
