هذولا لازم نحط لهم مسمى ( أمهات Made iN taiwan )
بالكويتي = يبي وحطي وانسي ,,
وبعد ما يروح عنها بموته أو حادث من حوادث الخدم _ لا سمح الله _ تقعد تنوح عليه وآخرتها الخدامة تسفير !! يا مسكينة ,,
( من الحـرّه اصابعي قامت تكتب بروحها )
ما أشـره على هالفئـة ,,
وآنا جم مرة بمجمع وإشارة وإلا ممشى أنبه على خدمهم من عيالهم أشوا ألقى تجاوب واهما يقولون لي احنا جنا ما ندري وزفيها وبنشوف شترد عليج ,,
خوفج ما يصدقوني ويقولون هذي تتبلى عشان جذي لازم اخليهم يشوفون بعينهم اللي انا شفته بغيابهم ..
هههه عاد ما تصدق ام عبدالرزاق عطوها الاشارة الخضرا ورررررر زف وتلعن بس ناقصني مطاعة ,, ( مطاعة شرطة )
والحمدلله ولا مرة صادفت وحدة قالتلي اللي قالوه بعض البنات ان شنسوي ماعندنا غيرها ومالنا خلق ننطر وحدة يديدة ومنو يمسك عيالنا !! شهالمنطق ؟؟
حسسوني انهم بغابة ؟ لا خالة لا ام لا اخت تمسكهم بغيابج للمشاوير المهمة !! مستحيل ماعندج أحد بهالدنيا ,,
واذا انتي أصلا من الأصل مافيج تربين ولا تجابلين يايبتهم ليييش؟ تعذبينهم والا عشان مسماج الحياتي يتغير من سيدة إلى ( ماما ) !! وتكبرين بعين زوجج والبقية !!
خارج النص ( من بعد إذن صاحبة الموضوع )
انا رايحة فرعنا وشفت خدامة تشتري عصير وبطاط وكرت بو10دك حقها !!
قلنا طاف وانا وراها أحاسب ,,
بس سالفة انج تطلعين قذلة وتعلجين واتقصعين وهالدراعة الضيجة والشيسموناااااات أكثر من واضح أصلا مادري ليش لابسة دراعة!
والبقالة كلها شباب ورياييل وجم هندي يتبوسهم اهني عصبت عالهندي جان يقول هادا كدامة موجين (احلف )
جان اقولها ( امشي عدل لا امشيج لي طيارتج شكله وراج بلاوي ع هالقذلة - أثيوبية - )
جان تطالعني من فوق لي تحت وتعلج ولا اهي خايفة
وأكلم الكاشر هذي وين بيتهم ؟
يقولي المصري _ واللهي دي جايبتلنا المصايب كل ما تخش الفرع جايبة وراها حتت معفنة زي زلفها واللهي معرفشي بيتها _
قلتلها افا عليك خل اغراضي عندك بجيس وأيي احاسبك بعد شوي ,,
طرت السيارة والا اشوفها تتمشى رادة البيت عمى تمشي مشي الـ ...
الله ياخذها اهي بس شافتني ورررررررر دشت الفريج عبالها بضيع لا دشت بين الشير وحياتج مشي وراج ههههههه لين تدش من باب الكراج ( بيت المعزب )
رديت السيارة ورحت للمعزب طلبته بالاسم ما بغيت المعزبة (اللي طلعتلي خدامة ثانية هندية)
وقلتله السالفة كيت وكيت جان يقولي الخدامة كانت تبي كرت وطرشناها مع ولدي بو3 سنين قلتله يا عمي والله كانت بروحها وروح شوف شلابسة بيتكم صار شبهة الله يستر اذا ماعندها بلاوي ,,
ويروح اييبها والا مغيرة الدراعة ولابسة يونيفورم الكحلي الذرب
الجلبة اقهرتني جان يقول وين ( ,,, ) ولدي مو رايح معاج الفرع ؟
قالت امبلا .. هذا ورا الباب - جان يطلعها لي - وهذي البنت شايفتج بدون ولدي وييييييينه ( والله تلها من شعرها )
جان تقر وتقول بابا انا يخلي بالهديكة ما يبي يجي يبي يلعب انا خليته ( وبجو البرد الحين مخليته بروحه بهالليل بالحديقة ولا أحد داخل البيت يدري عنه حي ميت اخطفوه طلع للشارع الخ الخ !! )
قالي مشكورة يبا وانا قايل للحرمة خدم ماااابي فبيتي وأقسمت بعد هذي مالها اي خدامة ,,
قلتله لحظة قبل لا توديها المخفر وتشتكي وماعندك شي وحرام تردها المكتب وتعطيها لناس تبتلش فيهم قال لا ع حسابي بسفرها وتحرم دخلة الكويت
قلتله صل ع النبي
( وروح الفرع واخذ اقوالهم وشوف جم واحد تعرفه واهناك الهنادوه يفتنون ع نفسهم عادي ههههه عالاقل عندك عذر لا سفرتها ما تروح سفارتها وتسويلك انته سالفة وفتشو أغراضها عدل مدل حتى هدومها )
الحمدلله ان الولد مافيه أي شي بس طقه البرد وساكت مسكين لين ردت ردته داخل وياها الودرة .. يوم فتشو بفونها طلعت تعرف نص السواق+الغسالين وتعترف انها كانت وقت الفير تنزل الدوانية تسوي روحها بتروح المطبخ تسوي جاي تتأكد الكل نايم بعدها تدخلهم @@ - يعني ما اتدخل واحد باليوم !! يبوووووي الله يلعنها
وآسفة طولت عليكم .. 
بس حبيت أقولها بالتفصيل الممل
