*مـــوالــيـ (( أكتـــ 10/2013 ـــوبر )) ـــد احلي مواليد

[jaaanooo]

هﻻ ريمبة شخبترج

حبيبة انا قررت وحتي زوجي خﻻص اتفقنا الحين بعد ما سمع كﻻم الدكتورة .. يقول خليها علي الله وربج كريم ... يا اختي الرياييل ﻻ اهم بيحملون وﻻ بيربوون احنا الي ناكل هوا عدل ... بعدين اللهم لك الحمد 2 كافي اهم شئ تربيتهم وتعليمهم ... وهم بشوف روحي بصراحة .. ياهل ورا ياهل والعمر يركض ...

بمراجعتي اليايه بقولها ابي مانع بصراحة ... خليها تكتبلي حبوب او تركب لولب ...

بنات للحين بطني ما شدت عدل مع اني رابطتها بس احس بس اشرب سوائل ردت انتفخت ... والحسو بطلته بس صار يغثني عدل ... ان شاء الله بس اخلص نفاسي بروح الصالووون بحوورف بروحي حمام مغربي وبقص شعري وبصبغه ...

 

[حبيبة اهلهاا]

اهلين ريميه لا عواره بسيط و سبحان الله ترا ع ايد الدكتوره اهم شي ما تكون دفشه و تكون خفيفه

و اللولب اامن مانع حمل باذن الله

الدكتوره خيرتني شنو ابي لزقان و لا حبوب و لا لولب

و نصحتني بلولب خصوصا انا بطول ع ما احمل باذن الله يعني بعد ٣ سنين

قالتلي مو معقول تاكلين حبوب ٣ سنين و تييبلج الاعصاب و مراات تكون فاتح للشهيه

و قالت اللزقات بظبط مثل الحبوب و يمكن مرات يخونج من العرق مثل تتبطل اللزقه

و رشحتني للولب انا كرهته اول يومين كان ينزل مني دم مادري دم دوره ولا و طلع منه و عادي اصلي وبس

 

[jaaanooo]

هﻻ حبيبه ... اول مره اسمع عن سالغه اللزقه ؟ ﻻ عيل خﻻص بقولها ابي لولب ابرك مشكووره حبيبتي

 

[حبيبة اهلهاا]

هلا فيج العفو مابينا شكر جانو

اللزقات قديمه بس انا ما احبها بصراحه لان مايصير تشيلينها كلش حتا و انتي تتسبحين طول الشهر جذي عليج ما تشيلينها الا اسبوع واحد بس

ماحبيتها لان وقت الاغتسال لازم يمر الماي بجسمي كله

و اللزقه تمنع الماي بس في مشايخه قالو لا بآس والله اعلم

 

[حبيبة اهلهاا]

بصراحه انا رفع ضغطي الميزان مو راضي يتحرك كلش

اسوي رجيم قاسي ولا راضي يتحرك كلش والله انقهرت

كل هالرجيم و اسبوعين و لا ضعفت و اهلي يقولون مبين


اقولهم شلون مبين و انا مو نازله ولا حتا كيلو انقهرت :rgewrg:

 

[jaaanooo]

حبيبه ما نزل وزنج من بعد الوﻻدة ؟؟؟ انتي للحين نفاس وﻻ خلصتي

 

[ريميـــه]

هلا و غلا جانو بخير ي قلبي ،،،


حبيبه انتي عند منو ركبتي اللولب انا استغربت كلمت دكتورتي قالت بعد ٣شهور من بعد الولاده يتركب اللولب ؟؟ لانه مو زين يتركب الحين ،،،

حابه اعرف عند منو سويتي لاني بروح لها ،،،

 

[بسمه غلا]

صباح الخير
شلونكم ياحلوين

طبعن سهرانه للحين مع بنتي ومع هالغازات اللي موراضيه تفج عنها
حرام مسكينه لها اسبوعين وهي حالتها حاله بطنها دايم منتفخه وغازات ومغص وصياحها طول الليل
مو قادره تنام بعد عمري اعطيها يانسون واعطيها ماي غريب وقطاره قاز ولا نفع معاها شي
مدري شنو الحل الطبيب غير لها الحليب عطاها بيبيلايك وموراضيه تشربه الحين ارضعها طبيعي واعطيها اس 26
ماادري شنو اسوي للغازات
تعرفون علاج لها احد منكم مر بهالحاله اسمله عليكم
وشنو علاجها
فيدوني

 

[jaaanooo]

صباح الخير غﻻ الله يكون بالعون ...انا اول ما طلعت ولدي من المستشفي شرالي زوجي سيميﻻك للغازات واﻻنتفاخ بصراحه يلوع الجبد سببله غازات الدنيا ... الحين قاعده اعطيه نوفوﻻك لﻻمساك الحمد لله امريحه ... ومع الكمون اخلط حبه حلوه وهيل ونعناع واحليهم بسكر نبات هم يخفف الغازات ... وفي بالصيدلية شراب منن ماركة همﻻيا اسمه بونستان اعشاب وايد زين ... جربي بعد تسوين لها مساج لبطنها بزيت زيتون دافي ودهني بطنها ... ميخالف هالغازات وايد مؤذيه الله يكون بعونهم ... فترة وتعدي ان شاء الله ... طولي بالج

صباح الخيرات علي كل خواتي شخباركم عساكم بخير ... شخباركم مع النفاس

 

[أشبـاهـ المطـر]

اهلين بنات شلونكم

انا طلعت من الاربعين الحمدالله
بس مانظفت لالحين ينزل معاي دم
وهالدم مايوقف الا بالمانع انا كنت ابي اقعد
بدون مانع اعتمد على الرضاعه بس للاسف
ماكو عطتني سيرازيت وقالتلي اللولب عقب شهرين
وانا ودي بااللولب بس خايفه منه انا بالعزر خليتها تفحص خياطي
اليوم بروح اصبغ شعري ان شاء الله

 

[jaaanooo]

الحمد لله علي سﻻمتج اشباه صج الوحده لما تطلع من النفاس ودها تسوي كل شئ .. بس عجيبه ليش للحين ما نظفتي ما اصرفولج تحاميل بيتادين ؟؟؟ وايد زينين تنظيف للرحم وينشفونه ... انا اتفقت مع زوجي ﻷن بصراحة ما اقدر علي الحبوب ﻷني عصبيه وسالفه لولب وانا كل فترة تصير عندي التهابات مو بالعتها ... اهو راح يلبس واقي وراح نتبع نظام العد ااﻻيام الي فيها تبويض ماراح يصير فيها شئ ... وكل شئ علي الله ... انا سويت جذيه مع بنتي و3 سنين ماصار شئ

بنات يبتو رداده ؟؟؟؟

 

[أشبـاهـ المطـر]

هلا جانو انا ارضع عشان جذي ما اطهر بسرعه
لما يطول الحليب بصدري ينزل دم وانا اخر الايام
افتر بالسوقه طبيعي بينزل

جانو انا هم راعيه التهابات بس اللولب اريح وايد
انا زوجي مايحب الواقي ولايرضى بالعزل

 

[حبيبة اهلهاا]

اللولب في دكاتره يخافون يركبونه بعد الولاده بشهر لان توه الرحم مارد مكانه

و الصح ان مو بعد 3 اشهر بعد 6 اشهر يالله يرد الرحم مكانه الاصلي الصح

بس اهم ما يركبونه الحبن لان في وايد ما يضبطون معاهم و دكتورتي قالت لي شرايج اول شهرين حبوب قلت لااا انا مو ناقصه متن صايره شقولكم والله حيل حيل حيل متنانه حوضي ووووايد عريض الحمدلله

و ركبتلي والي ركبتلي دكتوره ايمان اتيينن مساعده دكتوره ندا ايدها وايد خفيفه

و انا باجر بطلع من نفاس ان شاء الله

 

[حبيبة اهلهاا]

بنااات انقذوني انا امس نزلت نمي افرازات بنيه وكل يوم بس شويه يعني باليوم مرا


شنو هذا و شسوي

 

[jaaanooo]

هﻻ والله باشباه .. يمكن حبيبتي عشان جذيه انا بصراحة ما ارضع بس اسحب الحليب ﻷني فيني عين خلقي بالحلمة فما يمسكها الياهل .. وبالنسبة للولب انتي راح تركبينه ؟؟؟

هﻻ والله بحبوبتنا حبيبه اشلونج ... اخاف من اللولب نزل عليج ؟؟؟ دقي علي دكتورتج تطمني والف الحمد لله علي طلعتج من النفاس بالسﻻمة

 

[ريميـــه]

مساء الخير و يسعد لي مساكم خواتي الغاليات ..

بنات أنا خلصت الأربعين أمس طبعا أمس رحت سويت حمام مغربي ملكي و الله للحين سواد حول البطن موجود لاعت جبدي منه بسوي بعد ثاني و ثالث و رابع لين يروح شكلي يبي لي أسبوعين بعد الأربعين الأسبوعين بقضيهم بالصالون أفكر اصبغ شعري أنا شعري أسود بحياتي ما صبغته و أخاف لي صبغته زوجي ما يتقبل الشكل الجديد يعني أفكر أدور لون غامج ...

الحين أنا مستغربه للحين ما نزلت الدوره علي !!!
مو مفروض تنزل أخت النفاس وراء دم النفاس ؟؟

 

[jaaanooo]

وعليكم السﻻم والرحمه

هﻻ ريميه مبروووك علي طلعتج من النفاس بخير وسﻻمه ... ﻻﻻ حبوبتي السواد ما يروح يبيله حوالي شهرين لين ثﻻث يالله يرجع لون الجسم مثل ما كان ... انت ساله دكتورتي فيها ... ياخذ وقت ﻻتحاتين ... صبغي شعرج بني اذا ما تبين تغامرين باللون ....

واخت النفاس ﻻ تستعجلين عليها يايتج اهيا تختلف اذا الوحده ترضع ..

شخباركم مع السهر اظن تعوتو عدل....

 

[حنوشتي]

هلالالالا بنات شخباركم واخباركم عيالكم عساكم بخير بنات السواد حالته حاله شنو نسوي ياريت كل وحدة تستفاد من الثانيه

 

[ريميـــه]

هلا جانو السهر تعب ودي أنام نفس الأوادم بس ما فيه استغفر الله حتي الأكل بسبب السهر ما تشتهينه ...


المهم أمس طهرت روح أمه عند الدكتوره سعاد أبل رويال حياة ... بنات أول ما دخلت عليهأ كنت خايفه حدي و كل إشوي أفكر أهون ما أطهره من الخرعه المهم الدكتوره حدها حبوبه تهبل كلمة عسل شوي عليها محترمه و قمه بالأخلاق ....

دخلت عليها و قلت لها بطهر ولدي قالت لي و شرحت لي عن الشاش و الحلقه عاد قلت لها أنا ما أعرف شيء أول بيبي لي و أبي انتي شنو إلي تنصحيني فيه بكل صراحه ....

قالت أنصحج بالشاش ووخري عن الحلقه قلت ليش قالت الحلقه عباله تنطرين لين تطيح أسبوع الشاش لا عوار بس يوم و ثاني يوم طايح الشاش ارتحت من كلامها و قلت توكلي علي الله ...


الله وكيلكم يوم خذت الممرضه ولدي من حظني إشوي و ببجي و قالت الدكتوره نطروا بره أنا و زوجي من حرتي علي ولدي حطيت الحره بزوجي هههههههه
قلت انت قاعد وولدك داخل يقصصونه ههههههه
قلت قوم لولدك روح شوف شيسون فيه ههههههه ؤالدكتوره مانع أي أحد يدخل أخذ نص ساعه و طلع و الحمد الله الشاش طاح اليوم ؤ الحين علي الغسول و المراهم ،...


كلفتني طهارته 108 و الأدويه 13

 

[jaaanooo]

الله يبلغج فيه معرس يااارب ريميه وتعيشين وتطهرين اخوانه ياااارب .. الحمد لله علي سﻻمته

حنوشتي اشلونج يا قلبي شخبارج ... والله الكﻻم هذا من دكتورتي ثقه تقول كل شئ بيرجع لونه الطبيعي قبل الوﻻدة ﻻ تحاتين ... اذا رحتي الجلدية بيصكونح فوق 100 علي ادوريه ما تسوي شئ نطري انا صار معاي جذيه بوﻻدتي اﻻوله فعﻻ نطرت ... ﻻ تحاتين