{.. مـــلــتــقى عـــرايــس شــهـــر 4 - 2009 \\ .. حياكم

[هنـــــد]

شفيه الملتقى ناايم صار له يوميين وين البنااات

عروس 2009 وينهاا فاقدينهاا


شلونج عين ابوهاا وسارحه شخباركم

وين ما وين وين رحتوا اليووم

انا اليوم رحت الدزه اشوف البدل لان بدلتي اللي كنت حاجزتها

اختي الكبيره تقول حيييييييل بسيطه غيريها

ومريت عالدزه كل موديلاتها قدم ماكو شي جديد وكل ما مرينا اتليه مسكر


انتوا شسويتوا ومن وين ما خذين البدله البيضا بلييييز اللي شايفه شي حلو تقولي

هلابج انا غير .. شلونج ؟
مممممممممم شوفي روحي لاتيليه زياد انطونيو توه جديد في مجمع غاليريا2000 اللي بالسالميه
اكو عنده مجموعه روعه وجديده انا حجزت بدلتي من هناك

 

[شوشه منفوشه]

اصراااحه زياد الي بمجمع عجيب غاليريا 2000وانا بعد حجزت بدلتي منه

 

[هنـــــد]

مسااااااااااااااااء الورد بنات

 

[هنـــــد]

شوشه بدلتج بيضا والا اوف وايت ؟

 

[شوشه منفوشه]

بدلتي اوف وايت

 

[هنـــــد]

عليييج بالعافيخ ياقلبي
ومن وين ناويه تاخذين مسكتج ؟

 

[شوشه منفوشه]

الله يعااافيج
مسكتي سويتهااا عند نيوكولاس الي بحولي

 

[عادي من قلبي أشيلك]

هآآآآآآآآآآآآآآآآآآآى يااحلى عرايس .,.,

شلون التجهيز معاكـــــــم

المووووووووهم شنو ناوين لون المسكه..؟؟

 

[منتــهــى الــرقــه]

قوه بنات


صاجين والله زياد شفت شغله بلاعلانات حلوو حيل وبعدين توه طالع اكيد شغله جديد انصحكم فيه مع اني مارحت شفت شغله بالمحل يمكن يطلع غير...؟؟؟


ورحت امس لمعرض الكادي بالفروانيه والله احلى مافيه لمكياج ومحل دراريع واحد ذرب والباقي عادي

بس عجبتني اظافر العارضه امسويه فرنسي مع ستراس شي شي صراحه ولما سألتها قالت هذي مو اظافري هذي تركيب لوووووووووووووووول

قلت ماشاء الله شكلهم طبيعي

وبس هذي ااخر جولاتي وصولاتي


اي نسيت بنات ساعة شيروتي الجديده الللي تتكلمون عنها حللللللللللللللللللوه بعد اللونين حلوين وملبوس العافيه للي شرتها

 

[منتــهــى الــرقــه]

مسكتي للحين ماقررت لونها بشوف بدلتي وشنو المكياج

وبعدين بقرر >>>>> مادري اش تنطر لووووووول


شرايكم بنات شنو احلى الالوان


انا مااحب المشمشي لانه مكياجه مااحبه احسه يبهت العروس


انتو شرايكم

 

[هنـــــد]

هم عليج بالعافيه يا شوووشتي


هلا بج قلبووو عادي من قلبي اشيلك
انا ناويه لونها وردي لان الميك آب مالي وردي شفاف


منتهى الرقه خخخخخخخخخخخخخخخخخخخخخخخخخخخخ
تركتي المعرض وسألتي عن الاظافر وربي نكته خخخخخخخخخخخخخخخ


حبيبتي كله تركيب واكو انواع احلى واروع

 

[هنـــــد]

منتهى بدلتج بيضا ؟

 

[منتــهــى الــرقــه]

عين ابوهاا اتحسين اني عروس داجه هههههههههههه

اسأل عن اظافرها عشان مره وحده اروح اسوي نفسها بدل لا اسوي ويطلع مو حلو

بخلص بس ههههههههههههههههههههههههههههه

ولون مكياجج حلوو حيل احلى البنت الوردي والفوشي والاحمر والاورنج احس صج عروس

بشرو بنات شنو خلصتو من التجهيز انا الاندر وير خلصته مع ملابس العملي والدراريع

 

[منتــهــى الــرقــه]

لا

بدلتي اوف وايت ان شاء الله

وانتي

 

[هنـــــد]

كلنا داجين وانا اخيتج بس عسى الله ييسرلنا بس
حياتووو الوردي رهييييب وانا من زمان اتمنى ميك آبي اذا تزوجت يكون وردي وكنت احاتي الموضه
وجات الموضه هالسنه على هواااي ^_^


انا خلصت البيجامات والاندروير والقمصان بس باجي لي جم طقم وانتهي كلش
الدراريع خلصت منهم كثير وفي بالي افصل ثنتين استقبال
وثلاث اقطان للبيت


الجناط والصنادل كلهم جبتهم من الخبر وافتكيت وعلى حظي تنزيلاتهم كبيره وانتفعت ^_^


باجي لي العطورات والميك آب والاكسسوارات

 

[هنـــــد]

مدام اوف وايت اجل ميك آبج ما يطلع عن المشمشي او البرتقالي او الترابي مع البيج

 

[هنـــــد]

ايه صج بنات لا يطوفكم عرض الفيصليه للعبايات منزلين مجموعه رهيييبه
صج صج عبايه عرووووس


واكو كوشك للملافع رخيص وشغله اذرب من الذرابه نفسها
بس ليما الحين محد اكتشفه او ان محد منتبه له
تلاقونه في مجمع النمران بالفروانيه بالسرداب عند ملابس مناسبات الاطفال

 

[عادي من قلبي أشيلك]

بدخل معاكم عالخط

انا بدلتي بيضاء عند انجلوس ومسكتي وودي بفوشي بفستقي بس كلهم يقولون اخذي شذري ماادري موداخل مزاجي

وبالنسبه للسعاه شريت شوبارد
واللي ماشرت شوفو روشاس وشرويتي حلويين

 

[منتــهــى الــرقــه]

عين ابوها لا مااتخيل نفسي بيج مع ترابي احس مو حلوو

بس الاورنج حلوو

صج الوردي موضة >>> تو دريت من زمااااااااااااااااااااان مو رايحه عروس

وبعد شنو غير الوردي

 

[عادي من قلبي أشيلك]

منتهى الرقه رفيجتي كانت مسكتها اوف وايت وكانت حاطه مكياج ازرق الفاتح فضيع ماشاء الله

بس مع عين ابوها البرتقالي احلى مع الاوف وايت