مــــَذكـــرات حـــــــــامــــــًل

[meen_ana]

الله يزرقج بالذريه الصالحه ان شاء الله يكونوون بنتين

 

[+ Gloom +]

رد : مــــَذكـــرات حـــــــــامــــــًل

الله يرزقج الذرية الصالحه والتوم المعافى ويتمم عليج ياااااااااااااااااااا رب

 

[توكلت على الله 22]

ونااسه .......كملي

بصراااحه ماتوقعت جذية من العنواان عل بااالي حمل ولوووعه

بس كلامج يونسسس......الله يرزقج بتوووم بنات زي القمر تلعبين معااااااااهم

 

[داريني]

الله يرزقج بتوام بنات يا حلاتهم البنات ينورون عليج البيت وهم الصبيان فيهم الخير وبركة لاحد يزعل

 

[عسلاتي]

يسلمو حبيباتي فديتكم ومشكورين على الدعوات الحلوة...


اليوم من كثر مو اني مستعيلة وكل يوم افكر...قلت لازم اروح العيادة وتاكد وبالمره اسمع النبض..

انا الحين بالاسبوع السابع الحمدالله..

طبعا انا وريلي كنا طالعين لسينما ..وصلنا على باب السينما وريلي يقولي يلا نزلي الفلم بدا ونحن متاخرين..
تعايزت والله اني انزل قلت له خل السنما وقت ثاني...قالي باجر رمضان ماشي سينما هعع..قلت له ما يخالف خل نروح العيادة,,

طبعا ريلي يستانس لما اقوله طاري العيادة مو عشان شي بس لاني مو كلش مع العيادات..يعني بالعافيه اروح بس هالمره غير لاني بعدني ما تاكدت ولا تطمنت على الجنين.

وصلنا العيادة وكان قبلي مراجعه وحده وبس وانا وريلي نطرنا شوي..

فايف منت ودخلنا..

طبعا فحصتني الدكتوره وقالت بتسمع نبض الجنين ..

وحطت لي الجهاز والحمدالله طلع اكو نبض.
طول هالوقت وانا انطر تقولي اكو نبض ثاني..بس ما قالت..

قعدت تفحصني وبعدها قالت انا قلت لج قبل اكو كيسين وللحين موجودين ..(( عاد انا هنيه تشققت)) هع.. بس عاد صدمتني تقول ماكو غير نبض واحد..بس قالت لازم تتاكد..
قالت لي ماكو غير ادخل الجهاز داخل واتاكد..

امبيه عاد انا هنيه خفت..المهم قلت اتوكل على الله ودخلت الجهاز..

ويمين ويسار

ويسار ويمين ..

وهي تحرك الجهاز فيني وقاعده توريني الكيسين ومبين اكو اثننين وشوي يطلع النبض الثاني الحمدالله
طبعا ريلي قاعد ينطر يسمع نبض الجنين الثاني والحمدالله ارتاح لما سمع الصوت,,

انا من فرحتي انا تطمنت عليهم اهم الاثنين قلت لها دكتوره دخليج تاكدي هذا صوت قلبهم مره ثانيه ولا واحد وانتي غلطتي..ويحيلها تاكدت لي وورتني نبض كل واحد منهم مره ثانيه..

الحمدالله نبضهم سليم ونموهم بعد (( الف الحمد الله لك ياااااااااااااااااااااااااارب)

اول وحده دقيت لها رفيجي ميمي وبشرتها..قالت لي بشاره حلوه مع رمضان الله يبشرج فيهم يا رب

طبعا انا ناويه ما اقول لاحد من اهلي عن التوأم ...اولا ابيها مفاجئة ان شاء الله وثانيا ما افكر اقول لامي فديت روحها لانها بتحاتيني وايد وانا صج صج ما ابيها تحاتيتي ...

ان شاء الله الله يسهلها علي وعلي جميع الحمل يا رب ويرزقنا يميع الذرية الصالحة والمعافاه والله يرزق كل محرمه من هالنعمه اجلا غير اجل يا رب العالمين

 

[miss_q8ya]

ماشالله ماشالله ماشالله والحمدالله
الله يتمم عليج يااارب ويسهل حملهم او ولادتهم ياارب

واحن بنتضارحج

 

[جبنة بيضة]

ما شاء الله الله يتمم لج بخير و يسهلج

 

[عسلاتي]

اللهم امين........فديتكم والله لا خلا ولا عدم من دعائكم

والله يسهل علينا يميع

 

[Australia girl]

الله يتمم عليج يارب وتفرحين بالتوام