^**"^**^ مــــــطــــبـــخ مــــــــغــتــربـــات ^**^**^

[chocolate cake]

سألت ريلي شنو تبي غدا

قالي مليت من اللحم يبي باستا خضار

حده ريحني لووووول

ما يبيلها شي و حدها سهله

عشان باجر اسكر جنطه صارلي دهر مطلعتها و لا حطيت الهدوم فيها لوووول

 

[dalal]

فديتكم شمسهركم ؟؟ ليلحين قاعدين ؟ لوووووووول

عاد تصدقون احيانا افكر بشي بس لما يصير اليوم الثاني ما اشتهيه فغالبا الصبح اقرر شنو اسوي..

انا يمكن اسوي بشمل.. يمكن لانه الحين مشتهيتها هههههههههه مايندرى عن باجر...

عاد احيانا من كثر ما فكر شنو اطبخ تلووع جبدي.. ودي عندي لسته مطبوعه وكل يوم اسوي هالطبخه ويكون

عندي مقاديرها.. لانه احتترررررر اذا بسوي شي والاقي مقدار ناقص...

الله يعز السايق بالديره ...

 

[BiiShOoO]

good one :*
thaaaaanx

 

[pretty eyes]

انا حاليا ما عنديلا لحم ولا ربيان امممممممم عندي دياي شكلي بسوي شيش طاووووق وعيش وسلطة .. واذا صورت بنزلهم

 

[dalal]

برتي شمقعدج لوووووووووول ؟؟؟؟؟؟

وصور الطبخه اجباري ترى خلاص

 

[chocolate cake]

امبي انا ليلحين قاعده

ما نمت

ولدي مو راضي يناااااام

احس خلاص قفلت

دلووول انتي شمقعدج لووووول

و بريتي يالله ناطرين الصور

و عليكم بالعافيه مقدما

 

[مغتربة 2006]

انا شكلي بسوي معكرونيه بالبشميل مثل دلووول
عاد ما يندرى دلوول تغير رايها ولا لا

 

[dalal]

هههههههههههههه أبيه قمت من النوم الساعه 2 غلطااااااااانه !! اهئ اهئ

معتربه سكتي انا قاعده من النوم متأخر والحين الساعه 4 عندي وتوني متريقه يعني مو مشتهيه شي.. ليلحين ما رسيت على معكرونة بشمل ..
بس من زمان مو ماكلتها.. فقلت تغيير

 

[مغتربة 2006]

ويييه من صجج انا اذا قمت متاخر ما اتريق عشان اتغدا مره وحده
سويت المعكرونيه والحمدلله بس نسيت اصور لووول
ما بقى منها شي اصوره
يالله ناطره صوركم انتوا

 

[مغتربة 2006]

وينكم بنات اليوم مالكم حس

 

[dalal]

عواااافي مغتربه: انا حته لو قاعده متأخر ماعرف ابدي يومي بدون ما اكل وجبة الريوق ههههههههه

انا رديت سويت كبسة ام فهودي والحمدالله هالمره خذيت 5 من 5 لووووووووول

وانا اعتذر هالفتره عن التصوير لانه مو لاقيه المحول مال الكاميرا.. لانه شاحن الكاميرا من الكويت فمايركب على بلاكهم.. والمحول الي عندي مفقود اهئ اهئ !! لا قادره اسشور شعري ولا اقدر اصور !!

 

[مغتربة 2006]

سلاام بنات ها شلونكم
شنو ناوين تسوون اليوم؟؟
امس مافي ولا صوره
انا ما ادري يمكن نطلع ويمكن لا
صج تعالوا شلونكم مع الانفلونزا احنا هني ميتين خرعه كل ما يقولي ريلي خل نطلع ايدي على قلبي
الله يستر بس وما ادري على ردتنا حق الكويت يقولون ممنوع السفر للدول هذي
احنا منها عاد يدخلونا

 

[شندوخه]

مغتربه
لارديتي يسونلج فحص بمطار الكويت
ومسكوا حاله بمطار البحرين الماني مادري امريكي راد من فرانكفورت
يارب تخلص هالسالفه على خيييييييييير

 

[مغتربة 2006]

زين احنا رح نقعد ترانزيت في لندن يوم كامل
يسير نطلع ولا مارح يخلونا
احنا حاجزين جذي على اساس نريح بلندن شوي

 

[pretty eyes]

هلا مغتربة وشندوخة شخباركم ؟ يارب اتحفظنا من هالوباء... انزين مغتربة ما تقدرون تاجلون ردتكم شوية لين اتخلص هالسالفة؟؟ لان هم انا عندي مشكلة الشحن ودي اشحن بس خايفة ما يدخلون الشحنة؟؟؟ اضيع ... ما دري مترددة اوديهم والا لا؟؟؟

 

[شندوخه]

برتي احسن نطري شوي انا اتوقع السالفه تاخذ بو اسبوع ان شاءالله وتخف
خوفج ادزين الاغراض وتقعد هناك وتالي اتضيع . اهو بدون شي قاعدين يظيعون هالمره وباء وحجز

 

[مغتربة 2006]

الله يستر ويحفظنا يارب

 

[dalal]

هلا بناات شلووووونكم ؟؟

برتي انا اقول نطري الاوضاع تهدا شوي تالي دزي الي تبين ...

والله يحفظنا من هالامراض ..

 

[pretty eyes]

ياهلا لادلول شخبارج؟؟

 

[chocolate cake]

واااي بنات خرعتوني

وانا مادري شفيني قمت اوسوس

شنو اعراض هالمرض ؟؟

و انا ان شالله 11-5 برجع الكويت

صج يفحصوننا بالمطار !!

امبي صج خايفه

بس ربي الحافظ ان شالله