^**"^**^ مــــــطــــبـــخ مــــــــغــتــربـــات ^**^**^

[pretty eyes]

اليوم قاعدة وصاكة فيني الدنيا ( ابي امي ابي ابوي ابي ريلي لالالا اقصد برد الكويت ) لوووووووول قلت ماكو الا اني اقوم واسوي شي مفيد وافكر شسوي ياربي ...... :ada:






بيتزا قيصر وفطاير جبن .....

 

[مشرومه]

صباح الخير ...
يعطيكم العافيه

pretty eyes :: عليج بالعافيه .. خوش بيتزا شوقتينا من الصبح :0bee2e8d89:

موضوعكم حلوووووو وسوالفكم حلوه .. سامحوني داشه عرض عليكم :dddds:

 

[dalal]

كيوتي: عليييييييكم بالعافيه .. وصج صج اورلاندو اتينن ماودج تطلعين منها بس لو يصير تنحجز بس حقنا بروحنا اونس لانه الزحمه مو طبيعيه لووول ...

برتي: بعد قلبي الله يحييييج .. وماكو مامن غنايم سكتي صايره كسلانه لاقصى درجه ما اطبخ ...
بس الحين عقب هالفطاير شوقتيني بشد حيلي.. وعلييييكم بألف عافيه مشالله شكلها لذيييذ


مشرومه: حياج الله وبالعكس نستانس لما نشوف البنات يطلون علينا .... عشان لانحس انه بروحنا ومحد يدري عنه

 

[مشرومه]

مساء الورد

dalal :: مشكوووره حبيبتي .. وانا على طول اقرا مواضيعكم وبصراحه صورج تبارك الرحمن عجيييييبه
والله يعينكم عالغربه ..
وانشاءالله ياربي تردون بالسلامه ... هذي أكله طبقوها وايد حلوه _03BA:

أسياخ الدجاج

المقادير :

4 صدور دجاج (مقطعة أصابع رفيعة )

خليط التتبيل :

كوب بصل مفروم
ملعقة متوسطة ثوم مهروس
1/4 كوب خل
1/4 كوب زيت زيتون
1/4 كوب صويا صوص
1/4 كوب عصير ليمون
ملعقة متوسطة من ( بهار الدجاج ، كمون ، كزبرة بودرة ، ملح ن فلفل أسود )
صلصة chicken wing sauce

للتغطية :

( 2كوب طحين ، 2 بيض ، كوب بقسماط )
كوب كريمة حامضة
أصياخ خشبية

الطريقة :

* تنقع الأسياخ بمقدار من الماء البارد لمدة 1/2 ساعة
* تخلط مقادير التتبيلة مع بعض بالخلاط الكهربائي
* تشك أصابع الدجاج بالأسياخ بشكل تبادلي وتنقع بالخليط وتوضع بالثلاجة لمدة 4 ساعات أو ليلة كاملة
* تصفي أسياخ الدجاج من الصلصة وتغمس بالطحين ثم البيض ثم البقسماط وتوضع في صينية وتترك لمدة 1/2 ساعة بالفريزر
* تحمر بالزيت الساخن والغزير ثم تغمس مباشرة بالصلصة chicken wing sace
* تقدم أسياخ الدجاج و بجانبه الكريما الحامضة..







وبالعاااااااااااااااااااااااافيه ​

 

[pretty eyes]

مشرومة حياج الله معانا حبيبتي وااااو الدياي لونة يشوق وامبين طعمه حلووووووو عليج بالعافية ولاتحرمينا من هالشغلات ....

بسكوتة الله يعافيج ياقلبي شخبارج ؟ لالالا موقبول نبي طبخات وحركات وبركات خخخخخخخ

 

[مشرومه]

pretty eyes :: يحييج حبيبتي .. اي الدياي حتى طعمه عجيييب ..
انتي وين بأي دوله ؟؟

 

[CuTiE PiE]

بالعااااااافيه بريتى ومشرومه ماشاء الله تبارك الله الصور تشوووووووووق
لا لا مايصير خلاص لازم ابتدى اطبخ :0bee2e8d89:

دلال حبيبتى ترى ديزنى ماكانت زحمه وايد انا كنت اروح للحدايق على الساعه خمسه تكون الناس اطفشت وبدت تطلع والجو برد :eh_s(6):

 

[pretty eyes]

مشرومة حبيبتي انا بامريكا شيكا بيكا خخخخخ

كتكوتة يالله خنشوف ابداعاتج ياحلوة ... اووووله تروحين الساعة خمس متى يمديج تلعبين وتمشين انا كنت اروح من الصبح ومع هذا ما

الحق بس نطرتج بالطابور شوفي جم تاخذ اذا ماعندج فاست باس... لالالالا روحي امبجر وحللي التذكرة هههههههه

 

[مشرومه]

pretty eyes :: يا انتي يا ام شيكا بيكا ... ماراح تيين الكويت حق رمضان والعيد ؟؟
عاد امريكا روووووووووووعه انا زرتها وبالتحديد ولاية كاليفورنيا ونااااااااااااااااااسه واستانست وايد بدزني ..
الله يرجعكم بالسلامه ويصبركم عالغربه .. اهم شي اني داشه عرض عليكم بالموضوع .. انشاءالله تتقبلوني صديقه بالمنتدى..

 

[dalal]

مشروومه : تبااارك الرحمن اللللللصور والتطبيق خطييييييير تسلم ايييدج ... ويزاج الله خير على المقادير ظرووري اجربها لانه صج اشتهيتا....
وخلج ويانا على طووول لا تقاطعين ... على فكره نكج حلووو انا غرامي المشرووووم



برتي: خلاص ان شالله بطبخ واحتمال هاليومين اسوي طبق صدقيتنا اليديده مشرومه


كيوتي : من صجججج تروحين الساعه 5؟؟؟ احنا انروح من الصبححححح وااااااه على الزحمه ..
بس هم وناسه (بس بكل طابور اصف اتخيل اصكر عيوني وابطلها الا انا اول وحده بالدور):dddds:

 

[مشرومه]

دلول :: اسمج حلو بعد .. انا احب اسم دلال ومرت اخوي وايد احبها اسمها دلال ... ومشكوره وايد حبوبه وبأذن الله ماراح اقاطعكم .. وانا نفسج من كثر ما احب المشروم حطيت نكي مشرومه ..

المهم .. هذي طريقة كيكة ice_cream اخذتها من وحده بالمنتدى نكها pink طريقتها وايد سهله وحلوه ..

وهذا تطبيق اختي الصغيره .. جربتها واطلعت وايد حلوه ..








وهذا رابط الموضوع ..

http://www.q8yat.net/showthread.php?t=352118


​

 

[pretty eyes]

يا حياالله مشرومة صديقتنا اليديدة ... لاااااااا شخباري رمضان وعيد بالكويت يالله الله كريم ...تسلم ايدينج شهالشغل السنع ابيييييييية شكل الكيكة ماشاء الله عجييييييييبة ومظبوطة و على قولة دلول اسمج حلو وانا اموت على شي اسمة مشروم خخخخخ لايوقف مشرومة

بسكوتة ياهلا فيج ياقلبي عسى ماشر احس دخلاتج المنتدى مو مثل اول > طاااع من يتحجى خخخخخ

 

[dalal]

مشرومه : اخاف انا مرت اخووج وانتي ماتدرين !!!!!!! هههههههههههه (أتغشمر)

وتباااارك الرحمن تطبيقج اينن حدددده يشهي.. هالكيكه من نزلتها بنك وانا اقول بسويها لانه كل مره اشوف تطبيقات البنات وصورهم واتشوق.. بس ان شالله اول ما اشتري قالب السليكون بسويها ...

برتي : ما شر يا البي ... بس اخوي زايرني وشوي انشغلت وياه ... ومع الصيفي مالي خلق طباخ مخففه على روحي من كيفي.. بس بعود للمطبخ قريبا انشالله...

صج ميمي من زمان عنها فقدتها وااايد ... ان شالله تكون بخير وتطمنا عليها ...

 

[chocolate cake]

هاي بناااات

شلوووونكم ؟

شخباااركم

شفيكم طاخييييين وين طبخاتكم السنعه ؟؟

حبيت اسلم عليكم و اقولكم اني ولهت عليكم وااااايد

و ولهت على امريكا لووووول

p;

 

[مشرومه]

دلووووول ... شخبارج حبوبه .. لازم اطبقينها لانه طعمها حلوووو ... تبين قالب السيليكون الي عندي هههههههههههه ادزه حقج بالـdhl

 

[كلي مشاعر هايمه]

هــــاااي بنـــات ..,

آنا يديده بينكم ..,,

آنا في فرنسا ومدينتي مافيها شي إسلامي ..,,
:<

فكل يوم بيض .. وإذا بغير سويت لي زهره مع بيض ..,,

او خضروات وحطيت فوقهم كريمه ..,,

مليت من جذي
مليت مو بس من الاكل .. إلا من كل شي
ومــاعرف اطبخ .. P;

 

[ABEER FLOWER]

السلااااام عليكم
شخباركم بنات
دلال و شندوخة و بريتي و ماريمار و الكلللللللل
دلوله وينج ما تبينين من زمااااااان عنج وحشتيني
و حياج الله في ديوانية ماركية لهواة الطبخ في قسم مطبخ كويتيات

الله يسهّل أموركم يارب و يردكم لديرتكم سالمين غانمين ياااااااارب

مشرومه أنااااا أقووول وينهااا شرمرم أتاريج غاطة هني لوووووول
بناااات و الله إن مشرومه عسسسسسسسسل و خفيفة دم بعد

 

[Japanese]

وحشتوووووووني وايد وحده وحده

هالآيام ماطبخ مسويه دايت

بس والله جد جد مستانسه لوول قمت ابتكر طبخات وحمدلله تطلع فله احس اني شييييييييف

وطبعا اكلاتكم تعور قلبي خخخخخخخ يممممممممممممممممم مال اكل
=)

 

[ماما فطوم]

خوش موضوع

 

[مشرومه]

هاااااي .. شلونكم بنات .. دلوووول شلونج شخبارج وشلون الطبخ معاج ؟؟؟

Japanese :: دخلي قسم الطبخ .. وراح تستفيدين واااااااااااايد والله البنات مايقصرون بالمنتدى ..

كلي مشاعر هايمه :: حياج الله .. نورتي..

ABEER FLOWER

مشرومه أنااااا أقووول وينهااا شرمرم أتاريج غاطة هني لوووووول
بناااات و الله إن مشرومه عسسسسسسسسل و خفيفة دم بعد

حبيبتي والله مشكووووره وايد وايد .. وانتي بعد عسل وهذا اهداء حقج يا الشيخه ::

​